ਪੰਜਾਬ ਬਾਰਡਰ ਦੇ ਅੰਮ੍ਰਿਤਸਰ ਸੈਕਟਰ ‘ਚ ਪਾਕਿਸਤਾਨ ਤੋਂ ਦਾਖਲ ਹੋ ਰਹੇ ਡਰੋਨ ਦੀ ਘੁਸਪੈਠ ਨੂੰ ਬੀਐਸਐਫ ਦੇ ਜਵਾਨਾਂ ਨੇ ਨਾਕਾਮ ਕਰ ਦਿੱਤਾ।ਪਾਕਿਸਤਾਨ ‘ਚ ਬੈਠੇ ਤਸਕਰ ਲਗਾਤਾਰ ਭਾਰਤ ‘ਚ ਆਪਣੀਆਂ ਗਲਤ ਯੋਜਨਾਵਾਂ ਨੂੰ ਅੰਜਾਮ ਦੇਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਸ਼ੁਕਰਵਾਰ ਨੂੰ ਪਾਕਿਸਤਾਨ ਵੱਲ ਦੀ 2 ਡਰੋਨ ਸੀਮਾ ਪਾਰ ਕਰ ਭਾਰਤ ਦੀ ਸੀਮਾ ‘ਚ ਦਾਖ਼ਲ ਹੋਣ ਦੀ ਕੋਸ਼ਿਸ ਕਰ ਰਹੇ ਸੀ, ਜਿਹਨਾਂ ਨੂੰ ਬੀਐਸਐਫ ਦੇ ਜਵਾਨਾਂ ਨੇ ਮਾਰ ਸੁੱਟਿਆ। ਇਕ ਡਰੋਨ ਨੂੰ ਜਵਾਨਾਂ ਨੇ ਗੋਲੀ ਮਾਰ ਕੇ ਖਤਮ ਕਰ ਦਿੱਤਾ। ਜਦਕਿ ਦੂਜਾ ਡਰੋਨ ਵਾਪਸ ਪਾਕਿਸਤਾਨ ਦੀ ਹੱਦ ਵਿਚ ਚਲਾ ਗਿਆ। ਦੂਜੇ ਪਾਸੇ ਜਵਾਨਾਂ ਨੇ ਪਠਾਨਕੋਟ ਤੋਂ ਘੁਸਪੈਠ ਕਰ ਰਹੇ 2 ਤਸਕਰਾਂ ਨੂੰ ਵੀ ਖਦੇੜ੍ਹ ਦਿੱਤਾ।

ਬੀਐਸਐਫ ਤੋਂ ਮਿਲੀ ਜਾਣਕਾਰੀ ਮੁਤਾਬਿਕ ਅੰਮ੍ਰਿਤਸਰ ਦੀ ਦਾਓਕੇ ਚੌਂਕੀ ਨੇੜੇ ਰਾਤ 10 ਵਜੇ ਡਰੋਨ ਦੀ ਹਲਚਲ ਹੋਈ। ਡਰੋਨ ਦੀ ਅਵਾਜ ਸੁਨਣ ਤੋਂ ਬਾਅਦ ਗਸ਼ਤ ਕਰ ਰਹੇ ਜਵਾਨਾਂ ਨੇ ਫਾਇਰਿੰਗ ਸ਼ੁਰੂ ਕਰ ਦਿੱਤੀ। ਕੁਛ ਕੁ ਮਿੰਟਾਂ ਬਾਅਦ ਡਰੋਨ ਦੀ ਅਵਾਜ ਬੰਦ ਹੋ ਗਈ। ਮੌਕੇ ‘ਤੇ ਸਰਚ ਅਪਰੇਸ਼ਨ ਤੋਂ ਬਾਅਦ ਡਰੋਨ ਖੇਤਾਂ ਚ ਡਿੱਗਿਆ ਮਿਲਿਆ। ਡਰੋਨ ਦੀ ਪਛਾਣ 8 ਪ੍ਰੋਪੇਲਰ ਓਕਟਾ ਕੋਪਟਰ ਡੀਜੇਆਈ ਮੈਟ੍ਰਿਸ ਦੇ ਤੌਰ ‘ਤੇ ਹੋਈ। ਇਸਦਾ ਇਸਤੇਮਾਲ ਪਾਕਿਸਤਾਨ ਤਸਕਰ ਵੱਡੀ ਖੇਪ ਨੂੰ ਸਰਹੱਦ ਪਾਰ ਪਹੁੰਚਾਣ ਵਿਚ ਕਰਦੇ ਹਨ।

ਉਥੇ ਹੀ ਦੂਜੀ ਘੁਸਪੈਠ ਰਾਤ ਦੇ 9.45 ਤੋਂ 10:30 ਵਜੇ ਪੰਜਗਰਾਈ ਚੌਕੀ ਦੇ ਨੇੜੇ ਹੋਈ। ਇਥੇ ਡਰੋਨ ਮੂਵਮੈਂਟ ਦੀ ਅਵਾਜ ਸੁਨਣ ਤੋਂ ਬਾਦ ਬੀਐਸਐਫ ਜਵਾਨਾਂ ਨੇ ਫਾਈਰਿੰਗ ਸ਼ੁਰੂ ਕਰ ਦਿੱਤੀ। ਜਿਸ ਤੋਂ ਬਾਅਦ ਡਰੋਨ ਵਾਪਸ ਪਰਤ ਗਿਆ। ਇਸ ਘਟਨਾ ਬਾਰੇ ਅਧਿਕਾਰੀਆਂ ਨੂੰ ਜਾਣਕਾਰੀ ਦੇਣ ਤੋਂ ਬਾਅਦ ਇਲਾਕੇ ਚ ਸਰਚ ਆਪਰੇਸ਼ਨ ਚਲਾਇਆ ਗਿਆ।

ਦੂਜੇ ਪਾਸੇ ਪਠਾਨਕੋਟ ਸੈਕਟਰ ਚ ਕਰਈਪੁਰ ਚੋਂਕੀ ਦੇ ਨੇੜੇ ਗਸ਼ਤ ਕਰ ਰਹੇ ਜਵਾਨਾਂ ਨੇ ਥਰਮਲ ਕੈਮਰੇ ਦੀ ਮਦਦ ਨਾਲ ਦੋ ਘੁਸਪੈਠੀਏ ਦੇਖੇ। ਇਹ ਪਾਕਿਸਤਾਨ ਰੇਂਜਰਸ ਵੱਲ ਨੂੰ ਪੈਂਦੀ ਫਰਈਪੁਰ ਚੋਂਕੀ ਦੇ ਨੇੜੇ ਸੀ। ਸੀਮਾ ਤੇ 121 ਜਵਾਨ ਗਸ਼ਤ ਕਰ ਰਹੇ ਸੀ।ਜਵਾਨਾਂ ਨੇ ਚੌਕਸੀ ਲਈ ਫਾਇਰਿੰਗ ਸ਼ੁਰੂ ਕਰ ਦਿੱਤੀ। ਜਿਸ ਤੋਂ ਬਾਅਦ ਘੁਸਪੈਠੀਆਂ ਨੂੰ ਵਾਪਸ ਭੱਜਣਾ ਪਿਆ।