Home Blog Page 19

ਬਸ ਦੀ ਰੇਹੜੀ ਨੂੰ ਟੱਕਰ ਵੱਜਣ ਕਾਰਨ ਮਾਂ ਧੀ ਦੀ ਮੌਤ ਤੇ ਇਕ ਜਖਮੀ

June 15, 2026

ਜਲੰਧਰ, 15 ਜੂਨ 2026 : ਪੰਜਾਬ ਦੇ ਸ਼ਹਿਰ ਜਲੰਧਰ ਦੇ ਜਲੰਧਰ ਪਠਾਨਕੋਟ ਕੌਮੀ ਰਾਜਮਾਰਗ (Jalandhar Pathankot National Highway) ‘ਤੇ ਭੋਗਪੁਰ ਨੇੜੇ ਬਸ ਦੇ ਜੁਗਾੜੂ ਰੇਹੜੀ ਨੂੰ ਟੱਕਰ ਮਾਰਨ ਕਾਰਨ ਮਾਂ-ਧੀ ਦੀ ਮੌਤ ਤੇ ਇਕ ਜਖਮੀ ਹੋ ਗਈ ਹੈ ।

ਕੌਣ ਹਨ ਇਹ ਦੋਵੇਂ ਜਣੀਆਂ ਜੋ ਉਤਰ ਗਈਆਂ ਮੌਤ ਦੇ ਘਾਟ

ਮਿਲੀ ਜਾਣਕਾਰੀ ਅਨੁਸਾਰ ਜਲੰਧਰ-ਪਠਾਨਕੋਟ ਰਾਸ਼ਟਰੀ ਰਾਜਮਾਰਗ ‘ਤੇ ਭੋਗਪੁਰ ਨੇੜੇ ਇਕ ਦਰਦਨਾਕ ਸੜਕ ਹਾਦਸੇ (Road accidents) ਵਿਚ ਜੋ ਇੱਕ ਮਾਂ ਅਤੇ ਧੀ ਦੀ ਮੌਤ ਹੋ ਗਈ ਅਤੇ ਇੱਕ ਲੜਕੀ ਜ਼ਖ਼ਮੀ ਹੋ ਗਈ ਵਿਚ ਮ੍ਰਿਤਕਾਂ ਦੀ ਪਛਾਣ ਪਿੰਕੀ ਅਤੇ ਉਸ ਦੀ ਧੀ ਯੋਇਦਾ ਵਜੋਂ ਹੋਈ ਹੈ । ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਇਕ ਤੇਜ਼ ਰਫ਼ਤਾਰ (Fast pace) ਅਣਪਛਾਤੀ ਬੱਸ ਨੇ ਸੜਕ ਪਾਰ ਕਰ ਰਹੀ ਜੁਗਾੜੂ ਰੇਹੜੀ ਨੂੰ ਟੱਕਰ ਮਾਰ ਦਿੱਤੀ ।

ਕੀ ਦੱਸਿਆ ਰੋਡ ਸੇਫਟੀ ਫੋਰਸ ਦੇ ਇੰਚਾਰਜ ਨੇ

ਰੋਡ ਸੇਫਟੀ ਫੋਰਸ (Road Safety Force) ਦੇ ਇੰਚਾਰਜ ਏ. ਐਸ. ਆਈ. ਰਣਜੀਤ ਸਿੰਘ ਨੇ ਦੱਸਿਆ ਕਿ ਟੀਮ ਸਵੇਰੇ 4:30 ਵਜੇ ਦੇ ਕਰੀਬ ਸੂਚਨਾ ਮਿਲਣ ਤੋਂ ਬਾਅਦ ਮੌਕੇ `ਤੇ ਪਹੁੰਚੀ । ਮੌਕੇ ਤੇ ਪਹੁੰਚ ਕੇ ਸ਼ੁਰੂ ਕੀਤੀ ਗਈ ਜਾਂਚ ਵਿੱਚ ਪਤਾ ਲੱਗਿਆ ਕਿ ਜਲੰਧਰ ਤੋਂ ਪਠਾਨਕੋਟ ਜਾ ਰਹੀ ਇੱਕ ਅਣਪਛਾਤੀ ਬੱਸ ਜਗਾੜੀ ਰੇਹੜੀ ਨਾਲ ਟਕਰਾ ਗਈ ।

ਇਸ ਦੌਰਾਨ ਜ਼ਖ਼ਮੀ ਆਬਿਦਾ ਨੂੰ ਐਂਬੂਲੈਂਸ ਰਾਹੀਂ ਕਾਲਾ ਬਕਰਾ ਦੇ ਸਿਵਲ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ । ਹਾਦਸੇ ਤੋਂ ਬਾਅਦ, ਬੱਸ ਡਰਾਈਵਰ ਗੱਡੀ ਸਮੇਤ ਮੌਕੇ ਤੋਂ ਭੱਜ ਗਿਆ । ਪੁਲਸ ਨੇ ਮ੍ਰਿਤਕਾਂ ਦੀਆਂ ਲਾਸ਼ਾਂ ਨੂੰ ਪੋਸਟਮਾਰਟਮ (Postmortem) ਲਈ ਜਲੰਧਰ ਦੇ ਸਿਵਲ ਹਸਪਤਾਲ ਭੇਜ ਦਿੱਤਾ ਹੈ । ਅਣਪਛਾਤੇ ਬੱਸ ਡਰਾਈਵਰ ਵਿਰੁੱਧ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ ਅਤੇ ਉਸਦੀ ਭਾਲ ਜਾਰੀ ਹੈ ।

ਸੰਗਰੂਰ ਵਿੱਚ ਕਾਰ ਦੇ ਖੜ੍ਹੇ ਟਰੱਕ ਨਾਲ ਟਕਰਾਉਣ ਕਾਰਨ ਦੋ ਦੀ ਮੌਤ ਇਕ ਜਖਮੀ

Rajesh Aggarwal

June 15, 2026

ਸੰਗਰੂਰ, 15 ਜੂਨ 2026 : ਪੰਜਾਬ ਦੇ ਜਿਲਾ ਸੰਗਰੂਰ (Sangrur) ਵਿਖੇ ਦਿੱਲੀ-ਕਟੜਾ ਐਕਸਪ੍ਰੈਸਵੇਅ ‘ਤੇ ਬੀਤੀ ਰਾਤ ਕਾਰ ਦੇ ਟਰੱਕ ਨਾਲ ਟਕਰਾ ਜਾਣ ਕਾਰਨ ਦੋ ਦੀ ਮੌਤ ਤੇ ਇਕ ਜਖਮੀ ਹੋਇਆ ਹੈ ।

ਕੌਣ ਕੌਣ ਹੈ ਮ੍ਰਿਤਕਾਂ ਵਿਚ ਸ਼ਾਮਲ

ਮਿਲੀ ਜਾਣਕਾਰੀ ਅਨੁਸਾਰ ਉਕਤ ਸੜਕ ਹਾਦਸਾ (Road accident) ਜੋ ਦਿੱਲੀ-ਕਟੜਾ ਐਕਸਪ੍ਰੈਸਵੇਅ ‘ਤੇ ਦੇਰ ਰਾਤ ਕਾਰ ਦੇ ਖੜ੍ਹੇ ਟਰੱਕ ਨਾਲ ਤੇਜ ਰਫ਼ਤਾਰ (Fast pace) ਹੋਣ ਕਾਰਨ ਵਾਪਰਿਆ ਵਿਚ ਕਾਰ ਦੇ ਡਰਾਈਵਰ ਪ੍ਰਿੰਸ ਕੁਮਾਰ (27) ਜੋ ਕਿ ਗੌਤਮ ਬੁੱਧ ਨਗਰ ਜਿ਼ਲ੍ਹਾ (ਉੱਤਰ ਪ੍ਰਦੇਸ਼) ਦੇ ਬੁੱਧ ਨਗਰ ਦਾ ਰਹਿਣ ਵਾਲਾ ਸੀ ਦੀ ਅਤੇ ਇਕ ਲੜਕੀ ਦੀ ਵੀ ਮੌਕੇ ‘ਤੇ ਹੀ ਮੌਤ ਹੋ ਗਈ ਜਦੋਂ ਕਿ ਐਸ. ਐਸ. ਐਫ. ਦੀ ਟੀਮ ਵਲੋਂ ਸਾਨੀਆ ਨਾਮ ਦੀ ਲੜਕੀ ਨੂੰ ਸੁਰੱਖਿਅਤ ਬਚਾ ਕੇ ਭਵਾਨੀਗੜ੍ਹ ਦੇ ਸੀ. ਐਚ. ਸੀ. ਵਿਖੇ ਦਾਖਲ ਕਰਵਾਇਆ ਗਿਆ ।

ਪੁਲਸ ਕਰ ਰਹੀ ਹੈ ਹਾਦਸੇ ਦੇ ਕਾਰਨਾਂ ਦੀ ਜਾਂਚ

ਐਸ. ਐਸ. ਐਫ. ਟੀਮ (S. S. F. Team) ਨੇ ਜ਼ਖ਼ਮੀਆਂ ਨੂੰ ਕਾਰ ਵਿੱਚੋਂ ਬਾਹਰ ਕੱਢਿਆ । ਹਾਦਸੇ ਤੋਂ ਬਾਅਦ, ਟ੍ਰੈਫਿਕ ਨੂੰ ਬਹਾਲ ਕਰਨ ਲਈ ਹਾਈਡ੍ਰਾ ਮਸ਼ੀਨ ਦੀ ਵਰਤੋਂ ਕਰਕੇ ਨੁਕਸਾਨੇ ਗਏ ਵਾਹਨਾਂ ਨੂੰ ਸੜਕ ਕਿਨਾਰੇ ਕੀਤਾ ਗਿਆ। ਭਵਾਨੀਗੜ੍ਹ ਪੁਲਸ ਨੂੰ ਘਟਨਾ ਦੀ ਸੂਚਨਾ ਦਿੱਤੀ ਗਈ । ਡਿਊਟੀ ਅਫਸਰ ਏ. ਐਸ. ਆਈ. ਗੁਰਦੀਪ ਸਿੰਘ ਮੌਕੇ ‘ਤੇ ਪਹੁੰਚੇ ਅਤੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ । ਪੁਲਸ ਦਾ ਕਹਿਣਾ ਹੈ ਕਿ ਹਾਦਸੇ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਜਾਂਚ ਪੂਰੀ ਹੋਣ ਤੋਂ ਬਾਅਦ ਢੁਕਵੀਂ ਕਾਨੂੰਨੀ ਕਾਰਵਾਈ (Legal action) ਕੀਤੀ ਜਾਵੇਗੀ ।

ਬਰਫੀਲੀ ਝੀਲ ਵਿਚ ਡਿੱਗੀ ਬੱਚੀ ਨੂੰ ਭਾਰਤੀ ਵਿਅਕਤੀ ਨੇ ਬਚਾਇਆ

Rajesh Aggarwal

June 15, 2026

ਕ੍ਰਾਯੋਵਾ, 15 ਜੂਨ 2026 : ਰੋਮਾਨੀਆ (Romania) ’ਚ ਕੰਮ ਕਰ ਰਹੇ ਭਾਰਤੀ ਮੂਲ ਦੇ ਇਕ ਮਜ਼ਦੂਰ ਨੇ ਅਪਣੀ ਜਾਨ ਜੋਖ਼ਮ ਵਿਚ ਪਾ ਕੇ 5 ਸਾਲਾ ਬੱਚੀ ਨੂੰ ਬਰਫ਼ੀਲੀ ਝੀਲ (Snowy lake) ਵਿਚ ਡੁੱਬਣ ਤੋਂ ਬਚਾਇਆ ।

ਕੌਣ ਹੈ ਇਹ ਭਾਰਤੀ ਵਿਅਕਤੀ

ਮਿਲੀ ਜਾਣਕਾਰੀ ਅਨੁਸਾਰ ਉਪਰੋਕਤ ਦੇਸ਼ ਦੇ ਸ਼ਹਿਰ ਵਿਚ ਭਾਰਤੀ ਵਿਅਕਤੀ (Indian person) ਵਲੋਂ ਕੀਤੀ ਗਈ ਇਸ ਬਹਾਦਰੀ ਭਰੇ ਕੰਮ ਲਈ ਉਸ ਨੂੰ ਰੋਮਾਨੀਆ ਦੇ ਕ੍ਰਾਯੋਵਾ ਸ਼ਹਿਰ ਦੀ ਆਨਰੇਰੀ ਸਿਟੀਜ਼ਨਸ਼ਿਪ ਦੇਣ ਦਾ ਫ਼ੈਸਲਾ ਕੀਤਾ ਗਿਆ ਹੈ । ਵਿਪਨ ਕੁਮਾਰ (Vipan Kumar) ਦੀ ਬਹਾਦਰੀ ਦੀ ਕਹਾਣੀ ਹੁਣ ਪੂਰੇ ਦੇਸ਼ ਵਿਚ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ । ਵਿਪਨ ਕੁਮਾਰ ਨੇ ਸਥਾਨਕ ਟੀ. ਵੀ. ਚੈਨਲ ਡਿਜ਼ੀ-24 ਨੂੰ ਦਸਿਆ ਕਿ ਉਹ ਅਪਣੇ ਇਕ ਦੋਸਤ ਨਾਲ ਟਹਿਲ ਰਹੇ ਸਨ, ਉਦੋਂ ਹੀ ਉਨ੍ਹਾਂ ਨੇ ਝੀਲ ਦੇ ਬਰਫ਼ੀਲੇ ਪਾਣੀ ਵਿਚ ਡੁੱਬ ਰਹੀ ਇਕ ਛੋਟੀ ਬੱਚੀ ਨੂੰ ਦੇਖਿਆ। ਸਥਿਤੀ ਦੀ ਗੰਭੀਰਤਾ ਨੂੰ ਸਮਝਦਿਆਂ ਹੀ ਉਨ੍ਹਾਂ ਨੇ ਬਿਨਾਂ ਦੇਰੀ ਕੀਤੇ ਝੀਲ ਵਿਚ ਛਾਲ ਮਾਰ ਦਿਤੀ ।

ਕੀ ਆਖਿਆ ਭਾਰਤੀ ਵਿਅਕਤੀ ਵਿਪਨ ਨੇ

ਵਿਪਨ ਨੇ ਕਿਹਾ ਕਿ ਪਾਣੀ ਬੇਹੱਦ ਠੰਢਾ ਸੀ ਅਤੇ ਸੱਭ ਕੁਝ ਬਹੁਤ ਤੇਜ਼ੀ ਨਾਲ ਹੋਇਆ । ਉਸ ਸਮੇਂ ਮੇਰੇ ਮਨ ਵਿਚ ਸਿਰਫ਼ ਬੱਚੀ ਨੂੰ ਸੁਰੱਖਿਅਤ ਬਾਹਰ ਕੱਢਣ ਦਾ ਹੀ ਖ਼ਿਆਲ ਸੀ । ਪ੍ਰਤੱਖਦਰਸ਼ੀਆਂ ਅਨੁਸਾਰ ਬੱਚੀ ਝੀਲ ਦੀ ਜੰਮੀ ਹੋਈ ਸਤ੍ਹਾ ’ਤੇ ਪਹੁੰਚ ਗਈ ਸੀ, ਉਦੋਂ ਹੀ ਉਸ ਦੇ ਹੇਠਾਂ ਦੀ ਬਰਫ਼ ਟੁੱਟ ਗਈ ਅਤੇ ਉਹ ਪਾਣੀ ਵਿਚ ਡਿੱਗ ਗਈ । ਵਿਪਨ ਇਕ ਸਲੇਜ ਦੀ ਮਦਦ ਨਾਲ ਉਸ ਵਲ ਵਧੇ ਪਰ ਰਸਤੇ ਵਿਚ ਉਨ੍ਹਾਂ ਦੇ ਹੇਠਾਂ ਦੀ ਬਰਫ਼ ਵੀ ਟੁੱਟ ਗਈ । ਇਸ ਦੇ ਬਾਵਜੂਦ ਉਨ੍ਹਾਂ ਨੇ ਬੱਚੀ ਦਾ ਹੱਥ ਫੜ ਲਿਆ ਅਤੇ ਉਸ ਨੂੰ ਬਰਫ਼ੀਲੇ ਪਾਣੀ ’ਚ ਡੁੱਬਣ ਨਹੀਂ ਦਿਤਾ, ਜਦੋਂ ਤਕ ਕਿ ਬਚਾਅ ਟੀਮ ਮੌਕੇ ’ਤੇ ਨਹੀਂ ਪਹੁੰਚ ਗਈ ।

ਕਦੋਂ ਤੇ ਕਿਵੇਂ ਵਾਪਰੀ ਸੀ ਘਟਨਾ

ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਬੱਚੀ ਅਪਣੇ ਮਾਤਾ-ਪਿਤਾ ਨਾਲ ਸ਼ਹਿਰ ਦੇ ਇਕ ਪਾਰਕ ਵਿਚ ਘੁੰਮਣ ਆਈ ਸੀ । ਬੱਚੀ ਸਲੇਜ ਤੋਂ ਉੱਤਰ ਕੇ ਝੀਲ ਵਲ ਦੌੜ ਗਈ ਅਤੇ ਹਾਦਸੇ ਦਾ ਸ਼ਿਕਾਰ ਹੋ ਗਈ । ਉਸ ਨੂੰ ਬਚਾਉਣ ਲਈ ਉਸ ਦੇ ਪਿਤਾ ਵੀ ਝੀਲ ਵਿਚ ਉੱਤਰੇ ਪਰ ਉਹ ਵੀ ਟੁੱਟੀ ਹੋਈ ਬਰਫ਼ ਦੇ ਵਿਚਕਾਰ ਫਸ ਗਏ । ਇਸ ਤੋਂ ਬਾਅਦ ਲੋਕਾਂ ਨੇ ਤੁਰਤ ਐਮਰਜੈਂਸੀ ਸੇਵਾਵਾਂ ਨੂੰ ਸੂਚਨਾ ਦਿਤੀ । ਬਚਾਅ ਮੁਹਿੰਮ ਤੋਂ ਬਾਅਦ ਵਿਪਨ ਕੁਮਾਰ ਅਤੇ ਬੱਚੀ ਦੋਵਾਂ ਨੂੰ ਹਸਪਤਾਲ (Hospital) ਲਿਜਾਇਆ ਗਿਆ । ਡਾਕਟਰਾਂ ਨੇ ਦਸਿਆ ਕਿ ਦੋਵਾਂ ਨੂੰ ਹਾਈਪੋਥਰਮਿਕ ਸ਼ਾਕ (ਜ਼ਿਆਦਾ ਠੰਢ ਕਾਰਨ ਸਰੀਰ ਦਾ ਤਾਪਮਾਨ ਡਿੱਗਣਾ) ਹੋਇਆ ਸੀ ਪਰ ਉਨ੍ਹਾਂ ਦੀ ਹਾਲਤ ਸਥਿਰ ਸੀ ਅਤੇ ਸਮਾਂ ਰਹਿੰਦੇ ਇਲਾਜ ਮਿਲਣ ਕਰ ਕੇ ਵੱਡਾ ਖ਼ਤਰਾ ਟਲ ਗਿਆ ।

ਕੰਪਨੀ ਮਾਲਕ ਨੇ ਕੀਤਾ ਵਿਪਨ ਨੂੰ ਭਾਰਤ ਯਾਤਰਾ ਕਰਵਾਉਣ ਦਾ ਐਲਾਨ

ਵਿਪਨ ਕੁਮਾਰ ਦੀ ਬਹਾਦਰੀ ਤੋਂ ਪ੍ਰਭਾਵਿਤ ਹੋ ਕੇ ਉਨ੍ਹਾਂ ਦੀ ਕੰਪਨੀ ਦੇ ਮਾਲਕ ਨੇ ਉਨ੍ਹਾਂ ਨੂੰ ਇਨਾਮ ਵਜੋਂ ਭਾਰਤ ਯਾਤਰਾ ਕਰਵਾਉਣ ਬਾਰੇ ਵਿਚਾਰ ਸ਼ੁਰੂ ਕੀਤਾ ਹੈ, ਤਾਂ ਜੋ ਉਹ ਅਪਣੇ ਪਰਿਵਾਰ ਨੂੰ ਮਿਲ ਸਕਣ । ਉਨ੍ਹਾਂ ਦੀ 8 ਸਾਲਾ ਧੀ ਭਾਰਤ ’ਚ ਰਹਿੰਦੀ ਹੈ ਅਤੇ ਪਰਿਵਾਰ ਲੰਬੇ ਸਮੇਂ ਤੋਂ ਉਨ੍ਹਾਂ ਤੋਂ ਦੂਰ ਹੈ । ਕੁੱਝ ਹੀ ਮਹੀਨੇ ਪਹਿਲਾਂ ਰੁਜ਼ਗਾਰ ਦੀ ਭਾਲ ਵਿਚ ਰੋਮਾਨੀਆ ਪਹੁੰਚੇ ਵਿਪਨ ਕੁਮਾਰ ਅੱਜ ਕ੍ਰਾਯੋਵਾ ਦੇ ਸਭ ਤੋਂ ਸਤਿਕਾਰਤ ਲੋਕਾਂ ਵਿਚ ਸ਼ਾਮਲ ਹੋ ਗਏ ਹਨ । ਉਨ੍ਹਾਂ ਦੇ ਹੌਸਲੇ ਅਤੇ ਤੁਰਤ ਫ਼ੈਸਲੇ ਨੇ ਨਾ ਸਿਰਫ਼ ਇਕ ਮਾਸੂਮ ਦੀ ਜਾਨ ਬਚਾਈ, ਸਗੋਂ ਇਹ ਵੀ ਦਿਖਾਇਆ ਕਿ ਇਨਸਾਨੀਅਤ ਅਤੇ ਬਹਾਦਰੀ ਦੀ ਕੋਈ ਹੱਦ ਨਹੀਂ ਹੁੰਦੀ ।

ਮੇਅਰ ਲਿਆ ਓਲਗੁਟਾ ਵਾਸਿਲੇਸਕੂ ਨੇ ਕੀਤੀ ਵਿਪਨ ਕੁਮਾਰ ਦੇ ਹੌਸਲੇ ਦੀ ਸ਼ਲਾਘਾ

ਕ੍ਰਾਯੋਵਾ ਦੀ ਮੇਅਰ ਲਿਆ ਓਲਗੁਟਾ ਵਾਸਿਲੇਸਕੂ ਨੇ ਵਿਪਨ ਕੁਮਾਰ ਦੇ ਹੌਸਲੇ ਦੀ ਸ਼ਲਾਘਾ ਕਰਦਿਆਂ ਉਨ੍ਹਾਂ ਨੂੰ ਸ਼ਹਿਰ ਦੀ ਆਨਰੇਰੀ ਸਿਟੀਜ਼ਨਸ਼ਿਪ ਦੇਣ ਦਾ ਪ੍ਰਸਤਾਵ ਰਖਿਆ । ਉਨ੍ਹਾਂ ਕਿਹਾ ਕਿ ਵਿਪਨ ਦਾ ਨਿਰਸਵਾਰਥ ਅਤੇ ਮਨੁੱਖੀ ਕਾਰਜ ਸਮਾਜ ਲਈ ਇਕ ਪ੍ਰੇਰਣਾ ਹੈ ਅਤੇ ਬਾਕੀ ਲੋਕਾਂ ਨੂੰ ਵੀ ਅਜਿਹੀਆਂ ਉਦਾਹਰਨਾਂ ਤੋਂ ਸਬਕ ਲੈਣਾ ਚਾਹੀਦਾ ਹੈ । ਮੇਅਰ ਅਨੁਸਾਰ ਵਿਪਨ ਕੁਮਾਰ ਜੂਨ 2025 ਵਿਚ ਭਾਰਤ ਤੋਂ ਰੋਮਾਨੀਆ ਪਹੁੰਚੇ ਸਨ । ਹਾਲ ਹੀ ਵਿਚ ਉਨ੍ਹਾਂ ਨੇ ਡੋਲਜ ਕਾਊਂਟੀ ਦੇ ਮਾਲੂ ਮਾਰੇ ਖੇਤਰ ਵਿਚ ਇਕ ਨਿਰਮਾਣ ਕੰਪਨੀ ਵਿਚ ਮਜ਼ਦੂਰ ਵਜੋਂ ਕੰਮ ਸ਼ੁਰੂ ਕੀਤਾ ਸੀ । ਉਹ ਬਿਹਤਰ ਰੁਜ਼ਗਾਰ ਅਤੇ ਪਰਵਾਰ ਦੇ ਭਵਿੱਖ ਲਈ ਵਿਦੇਸ਼ ਆਏ ਸਨ ।

ਕੈਨੇਡਾ ਪੜ੍ਹਨ ਗਈ ਪੰਜਾਬੀ ਵਿਦਿਆਰਥਣ ਦੀ ਹੋਈ ਮੌਤ

Rajesh Aggarwal

June 15, 2026

ਟੋਰਾਂਟੋ, 15 ਜੂਨ 2026 : ਭਾਰਤ ਦੇਸ਼ ਦੇ ਸੂਬੇ ਪੰਜਾਬ ਦੀ ਵਸਨੀਕ ਪੰਜਾਬੀ ਮੂਲ ਦੀ ਇਕ ਪੰਜਾਬਣ ਵਿਦਿਆਰਥਣ ਦੀ ਕੈਨੇਡਾ (Canada) ਵਿਖੇ ਮੌਤ ਹੋ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ ।

ਕੌਣ ਹੈ ਇਹ ਵਿਦਿਆਰਥਣ

ਮਿਲੀ ਜਾਣਕਾਰੀ ਅਨੁਸਾਰ ਕੈਨੇਡਾ ਵਿਚ ਵਾਪਰੀ ਦਿਲ ਕੰਬਾਊ ਵਾਰਦਾਤ ਦੌਰਾਨ ਪੰਜਾਬਣ ਮੁਟਿਆਰ ਜਿਊਂਦੀ ਸੜ (Living rot) ਗਈ, ਜਿਸ ਦੀ ਸ਼ਨਾਖ਼ਤ 24 ਸਾਲਾ ਅਮਿਤੋਜ ਕੌਰ ਵਜੋਂ ਕੀਤੀ ਗਈ ਹੈ । ਨੋਵਾ ਸਕੋਸ਼ੀਆ ਦੇ ਬ੍ਰਿਜਵਾਟਰ ਵਿਖੇ ਇਕ ਅਪਾਰਟਮੈਂਟ ਵਿਚ ਲੱਗੀ ਅੱਗ ਇੰਨੀ ਤੇਜ਼ੀ ਨਾਲ ਫੈਲੀ ਕਿ ਬੇਸਮੈਂਟ ਵਿਚ ਮੌਜੂਦ ਅਮਿਤੋਜ ਕੌਰ ਨੂੰ ਬਾਹਰ ਨਿਕਲਣ ਦਾ ਮੌਕਾ ਹੀ ਨਾ ਮਿਲ ਸਕਿਆ ।

ਕਦੋਂ ਗਈ ਸੀ ਵਿਦਿਆਰਥਣ ਕੈਨੇਡਾ

ਪ੍ਰਾਪਤ ਜਾਣਕਾਰੀ ਮੁਤਾਬਕ ਅਮਿਤੋਜ ਕੌਰ (Amitoj Kaur) 2020 ਵਿਚ ਸਟੱਡੀ ਵੀਜ਼ਾ ’ਤੇ ਕੈਨੇਡਾ ਪੁੱਜੀ ਅਤੇ ਲੰਮੇ ਸਮੇਂ ਬਾਅਦ ਪਿੰਡ ਗੇੜਾ ਮਾਰਨ ਬਾਰੇ ਵਿਚਾਰ ਕਰ ਰਹੀ ਸੀ । ਦੂਜੇ ਪਾਸੇ ਪੁਲਸ ਨੇ ਦਸਿਆ ਕਿ ਕਿੰਗ ਸਟਰੀਟ ਵਿਖੇ ਦੋ ਰਿਹਾਇਸ਼ੀ ਇਮਾਰਤਾਂ ਅੱਗ ਦੀ ਲਪੇਟ (Fire engulfed) ਵਿਚ ਆ ਗਈਆਂ ਅਤੇ ਫ਼ਾਇਰ ਫ਼ਾਈਟਰਜ਼ ਨੇ ਅੱਗ ਬੁਝਾਉਣ ਮਗਰੋਂ ਇਕ ਲਾਸ਼ (Corpse) ਬਰਾਮਦ ਕੀਤੀ । ਬ੍ਰਿਜਵਾਟਰ ਪੁਲਸ ਦੇ ਉਪ-ਮੁਖੀ ਡੈਨੀ ਮੈਕਫ਼ੀ ਨੇ ਦਸਿਆ ਕਿ ਬਿਜਲੀ ਦੀਆਂ ਤਾਰਾਂ ਵਿਚ ਸਪਾਰਕਿੰਗ ਮਗਰੋਂ ਅੱਗ ਸ਼ੁਰੂ ਹੋਈ ਅਤੇ ਤੇਜ਼ੀ ਨਾਲ ਫੈਲਣ ਲੱਗੀ ।

ਤੇਜ਼ਧਾਰ ਹਥਿਆਰ ਨਾਲ ਚੰਡੀਗੜ੍ਹ ਵਿਚ ਹੋਇਆ ਨੌਜਵਾਨ ਦਾ ਕਤਲ

Rajesh Aggarwal

June 15, 2026

ਚੰਡੀਗੜ੍ਹ, 15 ਜੂਨ 2026 : ਪੰਜਾਬ ਦੀ ਰਾਜਧਾਨੀ ਚੰਡੀਗੜ੍ਹ (Chandigarh) ਦੇ ਮੌਲੀਜਾਗਰਾਂ ਖੇੇਤਰ ਵਿਖੇ ਕੁੱਝ ਨੌਜਵਾਨਾਂ ਵਲੋਂ ਇਕ ਨੌਜਵਾਨ ਦਾ ਤੇਜਧਾਰ ਹਥਿਆਰਾਂ ਨਾਲ ਕਤਲ (Murder) ਕਰ ਦਿੱਤਾ ਗਿਆ ਹੈ ।

ਕੀ ਹੋਇਆ ਘਟਨਾਕ੍ਰਮ ਵਿਚ

ਮਿਲੀ ਜਾਣਕਾਰੀ ਅਨੁਸਾਰ ਚੰਡੀਗੜ੍ਹ ਦੇ ਮੌਲੀਜਾਗਰਾਂ ਇਲਾਕੇ ਵਿਚ 10-12 ਬਦਮਾਸ਼ਾਂ ਦੇ ਇਕ ਗਰੁੱਪ ਨੇ ਦੋ ਨੌਜਵਾਨਾਂ ‘ਤੇ ਹਮਲਾ ਕਰ ਦਿੱਤਾ । ਇਸ ਹਮਲੇ ਵਿੱਚ ਇੱਕ ਨੌਜਵਾਨ ਦੀ ਮੌਤ ਹੋ ਗਈ, ਜਦੋਂ ਕਿ ਉਸ ਦਾ ਦੋਸਤ ਜ਼ਖ਼ਮੀ ਹੋ ਗਿਆ । ਘਟਨਾ ਦੀ ਜਾਣਕਾਰੀ ਮਿਲਦੇ ਹੀ ਮੌਲੀਜਾਗਰਾਂ ਪੁਲਸ ਮੌਕੇ ‘ਤੇ ਪਹੁੰਚੀ ਅਤੇ ਦੋਵਾਂ ਨੂੰ ਤੁਰੰਤ ਹਸਪਤਾਲ ਪਹੁੰਚਾਇਆ ।

ਕੌਣ ਹੈ ਇਹ ਮ੍ਰਿਤਕ ਤੇ ਜਖਮੀ ਨੌਜਵਾਨ

ਹਸਪਤਾਲ ਪਹੁੰਚ ਕੇ ਡਾਕਟਰਾਂ ਨੇ ਤੋਤਾ ਨਾਮ ਦੇ ਇੱਕ ਨੌਜਵਾਨ ਨੂੰ ਮ੍ਰਿਤਕ ਐਲਾਨ ਦਿੱਤਾ, ਜਦੋਂ ਕਿ ਉਸ ਦੇ ਦੋਸਤ ਆਕਾਸ਼ ਦੀ ਹਾਲਤ ਗੰਭੀਰ ਹੈ । ਉਕਤ ਘਟਨਾਕ੍ਰਮ ਦੀ ਇੱਕ ਵੀਡੀਓ ਵੀ ਸਾਹਮਣੇ ਆਈ ਹੈ, ਜਿਸ ਵਿੱਚ ਬਦਮਾਸ਼ ਇੱਕ ਨੌਜਵਾਨ ‘ਤੇ ਤੇਜ਼ਧਾਰ ਹਥਿਆਰਾਂ (Sharp weapons) ਨਾਲ ਹਮਲਾ ਕਰਦੇ ਦਿਖਾਈ ਦੇ ਰਹੇ ਹਨ । ਉਸ ਨੇ ਆਪਣੇ ਆਪ ਨੂੰ ਬਚਾਉਣ ਲਈ ਭੱਜਣ ਦੀ ਕੋਸ਼ਿਸ਼ ਕੀਤੀ, ਪਰ ਹਮਲਾਵਰਾਂ ਨੇ ਉਸ ਨੂੰ ਫੜ ਲਿਆ, ਉਸ ਨੂੰ ਜ਼ਮੀਨ ‘ਤੇ ਸੁੱਟ ਦਿੱਤਾ ਅਤੇ ਹਥਿਆਰ ਨਾਲ ਵਾਰ ਕੀਤਾ ।

ਬਾਜ਼ਾਰ ਜਾਂਦੇ ਵੇਲੇ ਬਦਮਾਸ਼ਾਂ ਨੇ ਘੇਰ ਲਿਆ ਸੀ ਦੋਹਾਂ ਨੂੰ

ਪੁਲਸ ਅਨੁਸਾਰ ਮੌਲੀ ਜਾਗਰਣ ਦੇ ਵਿਕਾਸ ਨਗਰ ਦਾ ਰਹਿਣ ਵਾਲਾ ਤੋਤਾ (25) ਐਤਵਾਰ ਰਾਤ 10:30 ਵਜੇ ਆਪਣੇ ਦੋਸਤ ਆਕਾਸ਼ (22) ਨਾਲ ਬਾਜ਼ਾਰ ਵੱਲ ਜਾ ਰਿਹਾ ਸੀ । ਉਸ ਸਮੇਂ ਹਥਿਆਰਾਂ ਨਾਲ ਲੈਸ 10 ਤੋਂ 12 ਬਦਮਾਸ਼ ਆਏ ਅਤੇ ਉਨ੍ਹਾਂ ਨੂੰ ਘੇਰ ਲਿਆ । ਬਦਮਾਸ਼ਾਂ ਨੇ ਪਹਿਲਾਂ ਦੋਵਾਂ ‘ਤੇ ਹਮਲਾ ਕੀਤਾ । ਜਦੋਂ ਉਨ੍ਹਾਂ ਨੇ ਵਿਰੋਧ ਕੀਤਾ ਤਾਂ ਹਮਲਾਵਰਾਂ ਨੇ ਉਨ੍ਹਾਂ ‘ਤੇ ਤੇਜ਼ਧਾਰ ਹਥਿਆਰਾਂ ਨਾਲ ਵਾਰ ਕਰ ਦਿੱਤੇ ।

ਹਮਲੇ ਵਿਚ ਦੋਵੇਂ ਨੌਜਵਾਨ ਗੰਭੀਰ ਰੂਪ ਵਿੱਚ ਜ਼ਖ਼ਮੀ (Injured) ਹੋ ਗਏ ਅਤੇ ਸੜਕ ‘ਤੇ ਡਿੱਗ ਪਏ । ਹੰਗਾਮੇ ਤੋਂ ਸੁਚੇਤ ਹੋ ਕੇ ਸਥਾਨਕ ਲੋਕ ਮੌਕੇ `ਤੇ ਪਹੁੰਚੇ ਅਤੇ ਪੁਲਸ ਕੰਟਰੋਲ ਰੂਮ ਨੂੰ ਸੂਚਿਤ ਕੀਤਾ । ਸੂਚਨਾ ਮਿਲਣ ‘ਤੇ ਮੌਲੀ ਜਾਗਰਣ ਪੁਲਿਸ ਮੌਕੇ ‘ਤੇ ਪਹੁੰਚੀ । ਤੋਤਾ ਨੂੰ ਸੈਕਟਰ 32 ਦੇ ਹਸਪਤਾਲ ਲਿਜਾਇਆ ਗਿਆ, ਜਦੋਂ ਕਿ ਆਕਾਸ਼ ਨੂੰ ਪੰਚਕੂਲਾ ਦੇ ਸੈਕਟਰ 6 ਦੇ ਹਸਪਤਾਲ ਲਿਜਾਇਆ ਗਿਆ ।

ਖਰੜ `ਚ ਪ੍ਰਵਾਸੀ ਨੌਜਵਾਨ ਦਾ ਦਿਨ ਦਿਹਾੜੇ ਚਾਕੂ ਮਾਰ ਕੇ ਕਤਲ

Rajesh Aggarwal

June 15, 2026

ਖਰੜ, 15 ਜੂਨ 2026 : ਪੰਜਾਬ ਦੇ ਸ਼ਹਿਰ ਖਰੜ (Kharar) ਵਿਖੇ ਬੀਤੇ ਦਿਨੀਂ ਇਕ ਪ੍ਰਵਾਸੀ ਨੌਜਵਾਨ ਦਾ ਦਿਨ ਦਿਹਾੜੇ ਚਾਕੂ ਮਾਰ ਕੇ ਕਤਲ (Murder) ਕਰ ਦਿੱਤੇ ਜਾਣ ਦਾ ਘਟਨਾਕ੍ਰਮ ਵਾਪਰਨ ਦਾ ਸਮਾਚਾਰ ਮਿਲਿਆ ਹੈ ।

ਕੌਣ ਹੈ ਇਹ ਨੌਜਵਾਨ

ਖਰੜ ਦੇ ਵਾਰਡ ਨੰਬਰ-27 ਅਧੀਨ ਪੈਂਦੇ ਪਿੰਡ ਬਡਾਲੀ ‘ਚ ਦਿਨ-ਦਿਹਾੜੇ ਇਕ ਪ੍ਰਵਾਸੀ ਨੌਜਵਾਨ (Immigrant youth) ਦਾ ਚਾਕੂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ । ਮ੍ਰਿਤਕ ਦੀ ਪਛਾਣ ਸਨੀ ਨਵਾਂ ‘ਤੇ ਪੁੱਤਰ ਸ਼ੀਸ਼ਪਾਲ ਵਜੋਂ ਹੋਈ ਹੈ, ਜੋ ਸ਼ਹਿਰ ਬਡਾਲਾ ‘ਚ ਕਿਰਾਏ ਕਿਰਾਏ ਦੇ ਦੇ ਮਕਾਨ ਮਕਾਨ ‘ਚ ਰਹਿੰਦਾ ਸੀ ਅਤੇ ਕਰਿਆਨੇ ਦੀ ਦੁਕਾਨ ਕੰਮ ਕਰਦਾ ਸੀ । ਪੁਲਸ ਨੇ ਮਾਮਲਾ ਦਰਜ ਕਰ ਕੇ ਇਕ ਮੁਲਜ਼ਮ ਨੂੰ ਗ੍ਰਿਫ਼ਤਾਰ (Arrested) ਕਰ ਲਿਆ ਹੈ ਅਤੇ ਉਸ ਤੋਂ ਪੁੱਛਗਿੱਛ ਜਾਰੀ ਹੈ ।

ਪੁਲਸ ਨੇ ਵਾਰਦਾਤ ਵਿਚ ਵਰਤਿਆ ਚਾਕੂ ਕਰ ਲਿਆ ਹੈ ਬਰਾਮਦ

ਜਾਣਕਾਰੀ ਅਨੁਸਾਰ ਸਨੀ ਮੋਟਰਸਾਈਕਲ ‘ਤੇ ਜਾ ਰਿਹਾ ਸੀ ਕਿ ਕੁਝ ਲੋਕਾਂ ਨੇ ਉਸ ‘ਤੇ ਚਾਕੂ ਨਾਲ ਹਮਲਾ ਕਰ ਦਿੱਤਾ । ਸਨੀ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ । ਸੂਚਨਾ ਮਿਲਦਿਆਂ ਹੀ ਪੁਲਸ ਨੇ ਮੌਕੇ ‘ਤੇ ਪਹੁੰਚ ਕੇ ਲਾਸ਼ ਨੂੰ ਕਬਜ਼ੇ ‘ਚ ਲੈ ਲਿਆ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ । ਇਸ ਦੇ ਨਾਲ ਹੀ ਫੋਰੈਂਸਿਕ ਟੀਮ ਵੱਲੋਂ ਵੀ ਘਟਨਾ ਸਥਾਨ ਦੀ ਜਾਂਚ ਕੀਤੀ ਜਾ ਰਹੀ ਹੈ । ਪੁਲਸ ਨੇ ਵਾਰਦਾਤ ‘ਚ ਵਰਤਿਆ ਗਿਆ ਚਾਕੂ ਵੀ ਬਰਾਮਦ ਕਰ ਲਿਆ ਹੈ ।

ਕੀ ਦੱਸਿਆ ਮ੍ਰਿਤਕ ਦੇ ਪਿਤਾ ਨੇ

ਮਿਤਕ ਦੇ ਪਿਤਾ ਸ਼ੀਸ਼ਪਾਲ ਨੇ ਦੱਸਿਆ ਕਿ ਉਹ ਮਜ਼ਦੂਰੀ ਕਰਦੇ ਕਰਦੇ ਹਨ ਜਦਕਿ ਉਨ੍ਹਾਂ ਦਾ ਪੁੱਤਰ ਕਰਿਆਨੇ ਦੀ ਦੁਕਾਨ ‘ਤੇ ਕੰਮ ਕਰਦਾ ਸੀ । ਕਤਲ ਦੇ ਕਾਰਨਾਂ ਬਾਰੇ ਅਜੇ ਤੱਕ ਉਨ੍ਹਾਂ ਨੂੰ ਕੋਈ ਜਾਣਕਾਰੀ ਨਹੀਂ ਹੈ । ਇਸ ਸਬੰਧੀ ਖਰੜ ਸਦਰ ਥਾਣੇ ਦੇ ਐੱਸ. ਐੱਚ. ਓ. ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਮ੍ਰਿਤਕ ਦੇ ਪਰਿਵਾਰਕ ਮੈਂਬਰਾਂ ਦੇ ਬਿਆਨ ਦਰਜ ਕੀਤੇ ਜਾ ਰਹੇ ਹਨ ਅਤੇ ਮਾਮਲੇ ਦੀ ਹਰ ਪੱਖ ਤੋਂ ਜਾਂਚ ਕੀਤੀ ਜਾ ਰਹੀ ਹੈ । ਪੁਲਸ ਨੇ ਇਕ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ ਅਤੇ ਉਸ ਤੋਂ ਪੁੱਛਗਿੱਛ ਜਾਰੀ ਹੈ ।

ਭਾਰਤ ਪ੍ਰੋ ਹਾਕੀ ਲੀਗ `ਚ ਨੀਦਰਲੈਂਡ ਤੋਂ 2-3 ਨਾਲ ਹਾਰਿਆ

Rajesh Aggarwal

June 15, 2026

ਰੋਟਰਡਮ, 15 ਜੂਨ 2026 : ਭਾਰਤ ਅਤੇ ਨੀਦਰਲੈਂਡ (India and the Netherlands) ਵਿਚਾਲੇ ਜੋ ਐਫ. ਆਈ. ਐਚ. ਪੁਰਸ਼ ਪ੍ਰੋ਼ ਹਾਕੀ ਦਾ ਮੈਚ (Pro hockey match) ਬੀਤੇ ਦਿਨੀਂ ਰੋਟਰਡਮ ਵਿਖੇ ਹੋਇਆ ਵਿਚ ਭਾਰਤ ਨੀਦਰਲੈਂਡ ਤੋਂ ਹਾਰਿਆ ।

ਭਾਰਤ ਨਹੀਂ ਰੋਕ ਸਕਿਆ ਗੋਲ ਕਰਨ ਦੇ ਬਾਵਜੂਦ ਨੀਦਰਲੈਂਡ ਨੂੰ ਜਿੱਤਣ ਤੋਂ

ਤਜ਼ਰੇਬਕਾਰ ਮਿਡਫੀਲਡਰ ਮਨਪ੍ਰੀਤ ਸਿੰਘ (Experienced midfielder Manpreet Singh) ਨੇ ਭਾਰਤ ਲਈ 412 ਕੌਮਾਂਤਰੀ ਮੈਚ ਖੇਡਣ ਦੇ ਸਾਬਕਾ ਕਪਤਾਨ ਦਿਲੀਪ ਟਿਰਕੀ ਦੇ ਰਿਕਾਰਡ ਦੀ ਬਰਾਬਰੀ ਕੀਤੀ ਪਰ ਟੀਮ ਐਤਵਾਰ ਨੂੰ ਇੱਥੇ ਐੱਫ. ਆਈ. ਐੱਚ. ਪੁਰਸ਼ ਪ੍ਰੋ ਲੀਗ ਮੈਚ ‘ਚ ਨੀਦਰਲੈਂਡ ਤੋਂ 2-3 ਨਾਲ ਹਾਰ ਗਈ । ਨੀਦਰਲੈਂਡ ਵੱਲੋਂ ਮਾਈਲਸ ਬੁਕੇਨਸ (ਤੀਜੇ), ਕੋਏਨ ਬਿਜੇਨ (23ਵੇਂ) ਤੇ ਟਿਮਜੇਨ ਰੇਯੇਂਗਾ (40ਵੇਂ ਮਿੰਟ) ਨੇ ਗੋਲ ਕੀਤੇ । ਭਾਰਤ ਵੱਲੋਂ ਦਿਲਪ੍ਰੀਤ ਸਿੰਘ (9ਵੇਂ) ਤੇ ਸੁਖਜੀਤ ਸਿੰਘ (33ਵੇਂ ਮਿੰਟ) ਨੇ ਗੋਲ ਕੀਤੇ । ਭਾਰਤ ਨੇ ਦੋ ਵਾਰ ਬਰਾਬਰੀ ਕੀਤੀ ਪਰ ਨੀਦਰਲੈਂਡ ਨੂੰ ਜੇਤੂ ਗੋਲ ਕਰਨ ਤੋਂ ਨਹੀਂ ਰੋਕ ਸਕਿਆ, ਜਿਸ ਨਾਲ ਮਨਪ੍ਰੀਤ ਲਈ ਇਕ ਯਾਦਗਾਰੀ ਦਿਨ ਫਿੱਕਾ ਪੈ ਗਿਆ ।

ਹਾਕੀ ਇੰਡੀਆ ਦੇ ਪ੍ਰਧਾਨ ਦਿਲੀਪ ਟਿਰਕੀ ਨੇ ਦਿੱਤੀ ਮਨਪ੍ਰੀਤ ਨੂੰ ਵਧਾਈ

ਮਨਪ੍ਰੀਤ ਅਜੇ ਉਨ੍ਹਾਂ ਖਿਡਾਰੀਆਂ ਦੇ ਕਲੱਬ ‘ਚ ਸ਼ਾਮਲ ਇਕਲੌਤਾ ਸਰਗਰਮ ਖਿਡਾਰੀ ਹੈ ਜਿਸ ਨੇ 400 ਤੋਂ ਜਿ਼ਆਦਾ ਸੀਨੀਅਰ ਕੌਮਾਂਤਰੀ ਮੈਚ ਖੇਡੇ ਹਨ । ਇਸ ਇਤਿਹਾਸਕ ਪਲ ‘ਤੇ ਹਾਕੀ ਇੰਡੀਆ (Hockey India) ਦੇ ਪ੍ਰਧਾਨ ਦਿਲੀਪ ਟਿਰਕੀ ਨੇ ਕਿਹਾ ਕਿ ਮੈਂ ਮਨਪ੍ਰੀਤ ਨੂੰ ਇਸ ਅਹਿਮ ਮੁਕਾਮ ਤੱਕ ਪਹੁੰਚਣ ‘ਤੇ ਵਧਾਈ ਦਿੰਦਾ ਹਾਂ । ਇਹ ਇਕ ਸ਼ਾਨਦਾਰ ਪ੍ਰਾਪਤੀ ਹੈ ਤੇ ਇੰਨੇ ਸਾਲਾਂ ‘ਚ ਉਸ ਦੇ ਸਮਰਪਣ, ਵਚਨਬੱਧਤਾ ਤੇ ਨਿਰੰਤਰਤਾ ਨੂੰ ਦਿਖਾਉਂਦੀ ਹੈ ।

ਪੰਜਾਬ ਦੇ 8 ਜਿਲਿਆਂ `ਚ ਅੱਜ ਹਨੇਰੀ-ਤੂਫਾਨ ਸਬੰਧੀ `ਯੈਲੋ ਅਲਰਟ` ਜਾਰੀ

Rajesh Aggarwal

June 15, 2026

ਚੰਡੀਗੜ੍ਹ, 15 ਜੂਨ 2026 : ਚੰਡੀਗੜ੍ਹ ਵਿਖੇ ਸਥਾਪਤ ਕੀਤੇ ਗਏ ਮੌਸਮ ਵਿਭਾਗ (Meteorological Department) ਵਲੋਂ ਪੰਜਾਬ ਦੇ 8 ਜਿਲਿਆਂ ਵਿਚ ਅੱਜ ਹਨੇਰੀ-ਤੂਫਾਨ ਸਬੰਧੀ ਇਕ ਯੈਲੋ ਐਲਰਟ (Yellow Alert) ਜਾਰੀ ਕੀਤੇ ਜਾਣ ਦਾ ਸਮਾਚਾਰ ਹੈ ।

ਕਿਹੜੇ ਕਿਹੜੇ ਹਨ 8 ਜਿਲੇ

ਪੰਜਾਬ `ਚ ਪਿਛਲੇ ਕੁਝ ਦਿਨਾਂ ਤੋਂ ਜਾਰੀ ਹਨੇਰੀ, ਮੀਂਹ ਅਤੇ ਤੇਜ਼ ਹਵਾਵਾਂ (Storm, rain and strong winds) ਦੇ ਦੌਰ ਦਰਮਿਆਨ ਮੌਸਮ ਵਿਭਾਗ ਨੇ 15 ਜੂਨ ਨੂੰ ਫਿਰੋਜ਼ਪੁਰ, ਮੋਗਾ, ਫਰੀਦਕੋਟ, ਫਾਜ਼ਿਲਕਾ, ਸ੍ਰੀ ਮੁਕਤਸਰ ਸਾਹਿਬ, ਬਠਿੰਡਾ, ਮਾਨਸਾ ਸਮੇਤ 8 ਜ਼ਿਲਿਆਂ ਲਈ `ਯੈਲੋ ਅਲਰਟ` ਜਾਰੀ ਕੀਤਾ ਹੈ। ਇਨ੍ਹਾਂ ਜ਼ਿਲਿਆਂ ‘ਚ ਹਨੇਰੀ, ਬੱਦਲ ਗੱਜਣ-ਬਿਜਲੀ ਲਿਸ਼ਕਣ ਅਤੇ ਹਲਕੇ ਤੋਂ ਦਰਮਿਆਨੇ ਮੀਂਹ ਦੀ ਸੰਭਾਵਨਾ ਪ੍ਰਗਟਾਈ ਗਈ ਹੈ ।

ਕਿਹੜੀਆਂ ਸਰਗਰਮੀਆਂ ਮਿਲ ਰਹੀਆਂ ਹਨ ਦੇਖਣ ਨੂੰ

ਮੌਸਮ ਵਿਭਾਗ ਅਨੁਸਾਰ ਪੱਛਮੀ ਗੜਬੜ (Western disturbance) ਦੇ ਪ੍ਰਭਾਵ ਨਾਲ ਬਣੇ ਮੌਸਮ ਤੰਤਰ ਕਾਰਨ ਇਹ ਸਰਗਰਮੀਆਂ ਦੇਖਣ ਨੂੰ ਮਿਲ ਰਹੀਆਂ ਹਨ, ਹਾਲਾਂਕਿ ਮੰਗਲਵਾਰ ਤੋਂ ਮੌਸਮ ‘ਚ ਸੁਧਾਰ ਦੀ ਉਮੀਦ ਹੈ ਅਤੇ ਜਿ਼ਆਦਾਤਰ ਖੇਤਰਾਂ ‘ਚ ਸਥਿਤੀ ਆਮ ਹੋਣ ਲੱਗੇਗੀ। ਮੌਸਮ ਵਿਭਾਗ ਦੇ ਅੰਕੜਿਆਂ ਅਨੁਸਾਰ ਸ਼ਨੀਵਾਰ ਦੇ ਮੁਕਾਬਲੇ ਐਤਵਾਰ ਨੂੰ ਪੰਜਾਬ ਦੇ ਔਸਤ ਵੱਧ ਤੋਂ ਵੱਧ ਤਾਪਮਾਨ ‘ਚ 5.4 ਡਿਗਰੀ ਸੈਲਸੀਅਸ ਦਾ ਵਾਧਾ ਦਰਜ ਕੀਤਾ ਗਿਆ। ਇਸ ਦੇ ਬਾਵਜੂਦ ਸੂਬੇ `ਚ ਤਾਪਮਾਨ ਆਮ ਨਾਲੋਂ 2.2 ਡਿਗਰੀ ਸੈਲਸੀਅਸ ਘੱਟ ਬਣਿਆ ਹੋਇਆ ਹੈ । ਸੂਬੇ ‘ਚ ਸਭ ਤੋਂ ਵੱਧ ਤਾਪਮਾਨ 38.1 ਡਿਗਰੀ ਸੈਲਸੀਅਸ ਪਟਿਆਲਾ ‘ਚ ਰਿਕਾਰਡ ਕੀਤਾ ਗਿਆ।

ਕੀ ਆਖਣਾ ਹੈ ਮੌਸਮ ਮਾਹਿਰਾਂ ਦਾ

ਪ੍ਰਮੁੱਖ ਸ਼ਹਿਰਾਂ ‘ਚ ਅੰਮ੍ਰਿਤਸਰ ਦਾ ਵੱਧ ਤੋਂ ਵੱਧ ਤਾਪਮਾਨ (Temperature) 36.1 ਡਿਗਰੀ, ਲੁਧਿਆਣਾ ਦਾ 36.2 ਡਿਗਰੀ, ਪਠਾਨਕੋਟ ਦਾ 35.7 ਡਿਗਰੀ ਅਤੇ ਰੂਪਨਗਰ ਦਾ 34.2 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ । ਮੌਸਮ ਮਾਹਿਰਾਂ ਦਾ ਕਹਿਣਾ ਹੈ ਕਿ ਹਾਲੀਆ ਮੀਂਹ ਅਤੇ ਤੇਜ਼ ਹਵਾਵਾਂ ਦੇ ਕਾਰਨ ਲੋਕਾਂ ਨੂੰ ਭਿਆਨਕ ਗਰਮੀ ਤੋਂ ਰਾਹਤ ਮਿਲੀ ਹੈ । ਅਗਲੇ 24 ਘੰਟਿਆਂ ਦੌਰਾਨ ਕੁਝ ਸਥਾਨਾਂ ‘ਤੇ ਬੱਦਲ ਗੱਜਣ ਤੇ ਬਿਜਲੀ ਲਿਸ਼ਕਣ ਦੇ ਨਾਲ ਤੇਜ਼ ਹਵਾਵਾਂ ਚੱਲ ਸਕਦੀਆਂ ਹਨ, ਜਦੋਂ ਕਿ 15 ਜੂਨ ਤੋਂ ਬਾਅਦ ਮੌਸਮ ਮੁਕਾਬਲਤਨ ਸਥਿਰ ਰਹਿਣ ਦੀ ਸੰਭਾਵਨਾ ਹੈ ।

ਆਮ ਆਦਮੀ ਦਾ ਭਲਾ ਤੇ ਪੰਜਾਬ ਦੀ ਤਰੱਕੀ ਸਰਕਾਰ ਦੀ ਤਰਜੀਹ : ਮਾਨ

Rajesh Aggarwal

June 15, 2026

ਚੰਡੀਗੜ੍ਹ, 15 ਜੂਨ 2026 : ਪੰਜਾਬ ਦੇ ਮੁੱਖ ਮੰਤਰੀ (Chief Minister) ਭਗਵੰਤ ਸਿੰਘ ਮਾਨ ਨੇ ਮੋਹਾਲੀ ਵਿਖੇ ਰੋਡ ਸ਼ੋਅ ਦੌਰਾਨ ਆਖਿਆ ਹੈ ਕਿ ਆਮ ਆਦਮੀ ਦਾ ਭਲਾ ਤੇ ਪੰਜਾਬ ਦੀ ਤਰੱਕੀ ਸਰਕਾਰ ਦੀ ਤਰਜੀਹ ਹੈ ।

ਹੋਰ ਕੀ ਕੀ ਆਖਿਆ ਮੁੱਖ ਮੰਤਰੀ ਪੰਜਾਬ ਨੇ ਰੋਡ ਸ਼ੋਅ ਦੌਰਾਨ

ਮੋਹਾਲੀ `ਚ ਰੋਡ ਸ਼ੋਅ ਦੌਰਾਨ ਮੁੱਖ ਮੰਤਰੀ ਭਗਵੰਤ ਮਾਨ (Bhagwant Mann) ਨੇ ਕਿਹਾ ਕਿ ਪੰਜਾਬ ਦੇ ਲੋਕਾਂ ਵੱਲੋਂ ਦਿੱਤਾ ਜਾ ਰਿਹਾ ਪਿਆਰ ਦੁਨੀਆ ਦੀ ਕਿਸੇ ਵੀ ਕਰੰਸੀ ਨਾਲ ਨਹੀਂ ਮਾਪਿਆ ਜਾ ਸਕਦਾ। ਪੰਜਾਬ ਦੇ ਹਰ ਕੋਨੇ ਵਿਚ ਸਾਨੂੰ ਲੋਕਾਂ ਦਾ ਅਥਾਹ ਪਿਆਰ ਅਤੇ ਸਮਰਥਨ ਮਿਲ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਰਵਾਇਤੀ ਸਿਆਸੀ ਪਾਰਟੀਆਂ ਨੇ ਦਹਾਕਿਆਂ ਤੱਕ ਪੰਜਾਬ `ਤੇ ਰਾਜ ਕੀਤਾ ਅਤੇ ਇਕ-ਦੂਜੇ ਦੇ ਹਿੱਤਾਂ ਦੀ ਰਾਖੀ ਕੀਤੀ ।

ਵਿਰੋਧੀ ਧਿਰ ਪੰਜਾਬ ਵਿਚ ਹੋ ਰਹੇ ਵਿਕਾਸ ਨੂੰ ਪਚਾ ਨਹੀਂ ਪਾ ਰਹੀ : ਮੁੱਖ ਮੰਤਰੀ

ਉਨ੍ਹਾਂ ਨੇ ਲੋਕਾਂ ਦੀਆਂ ਭਾਵਨਾਵਾਂ ਦਾ ਸ਼ੋਸ਼ਣ ਕੀਤਾ । ਅੱਜ ਪੰਜਾਬ ਦੇ ਲੋਕਾਂ ਨੇ ਉਨ੍ਹਾਂ ਨੂੰ ਨਕਾਰ ਦਿੱਤਾ ਹੈ । ਮੁੱਖ ਮੰਤਰੀ ਨੇ ਕਿਹਾ ਕਿ ਵਿਰੋਧੀ ਧਿਰ ਪੰਜਾਬ ਵਿਚ ਹੋ ਰਹੇ ਵਿਕਾਸ ਨੂੰ ਪਚਾ ਨਹੀਂ ਪਾ ਰਹੀ। ਅਸੀਂ ਪੰਜਾਬ ਦੇ ਸਰਵ-ਪੱਖੀ ਵਿਕਾਸ ਲਈ ਲਗਾਤਾਰ ਕੰਮ ਕਰ ਰਹੇ ਹਾਂ ਅਤੇ ਇਹੀ ਗੱਲ ਵਿਰੋਧੀ ਧਿਰ ਨੂੰ ਪ੍ਰੇਸ਼ਾਨ ਕਰ ਰਹੀ ਹੈ । ਉਹ ਇਹ ਸਵੀਕਾਰ ਨਹੀਂ ਕਰ ਪਾ ਰਹੇ ਕਿ ਹੁਣ ਆਮ ਆਦਮੀ ਦਾ ਕਲਿਆਣ ਅਤੇ ਪੰਜਾਬ ਦੀ ਤਰੱਕੀ ਪੰਜਾਬ ਸਰਕਾਰ (Punjab Government) ਦੀ ਸਰਵਉੱਚ ਤਰਜੀਹ ਹੈ ।

ਪੰਜਾਬ ਸਰਕਾਰ ਨੇ 27 ਤਹਿਸੀਲਦਾਰਾਂ ਤੇ 71 ਨਾਇਬ ਤਹਿਸੀਲਦਾਰਾਂ ਦੇ ਕੀਤੇ ਤਬਾਦਲੇ

Rajesh Aggarwal

June 15, 2026

ਚੰਡੀਗੜ੍ਹ, 15 ਜੂਨ 2026 : ਪੰਜਾਬ ਸਰਕਾਰ (Punjab Government) ਨੇ ਇਕ ਹੁਕਮ ਜਾਰੀ ਕਰਕੇ 27 ਤਹਿਸੀਲਦਾਰਾਂ (Tehsildars) ਦੇ ਨਾਲ-ਨਾਲ 71 ਨਾਇਬ ਤਹਿਸੀਲਦਾਰਾਂ (Deputy Tehsildars) ਦੇ ਤਬਾਦਲੇ ਕਰ ਦਿੱਤੇ ਹਨ। ਜਿਨ੍ਹਾਂ ਦੇ ਤਬਾਦਲੇ (Transfers) ਕਰ ਦਿੱਤੇ ਹਨ ਵਿਚ :

ਸਰਕਾਰ ਵਲੋਂ ਤਹਿਸੀਲਦਾਰਾਂ ਦੇ ਜਾਰੀ ਕੀਤੇ ਹੁਕਮਾਂ ਅਨੁਸਾਰ ਜਗਤਾਰ ਸਿੰਘ ਨੂੰ ਤਲਵੰਡੀ ਸਾਬੋ ਤੋਂ ਫਗਵਾੜਾ, ਸਰਵੇਸ਼ ਰਾਜਨ ਨੂੰ ਫਤਿਹਗੜ੍ਹ ਚੂੜੀਆਂ ਤੋਂ ਬੰਗਾ, ਮਨਿੰਦਰ ਸਿੰਘ ਅਬੋਹਰ ਨੂੰ ਮੋਗਾ, ਵਿਕਾਸਦੀਪ ਨੂੰ ਪਾਇਲ ਤੋਂ ਬਸੀ ਪਠਾਣਾਂ, ਪੁਨੀਤ ਬਾਂਸਲ ਨੂੰ ਖਮਾਣੋਂ ਤੋਂ ਮੋਰਿੰਡਾ, ਸੀਮਾ ਸ਼ਰਮਾ ਨੂੰ ਰੂਪਨਗਰ ਤੋਂ ਪਾਇਲ, ਅਮਿਤ ਕੁਮਾਰ ਨੂੰ ਸੁਨਾਮ ਤੋਂ ਧੂਰੀ, ਸੰਜੀਵ ਪਠਾਨੀਆ ਨੂੰ ਬਲਾਚੌਰ ਤੋਂ ਧਾਰ ਕਲਾ, ਸੁਖਚਰਨ ਸਿੰਘ ਜਲਾਲਾਬਾਦ ਨੂੰ ਸ੍ਰੀ ਮੁਕਤਸਰ ਸਾਹਿਬ, ਸੁਰਿੰਦਰ ਸਿੰਘ ਪੰਨੂ ਨੂੰ ਮੋਰਿੰਡਾ ਤੋਂ ਫਤਿਹਗੜ੍ਹ ਸਾਹਿਬ, ਚਰਨਜੀਤ ਕੌਰ ਮੁਕਤਸਰ ਸਾਹਿਬ ਨੂੰ ਗਿੱਦੜਬਾਹਾ, ਗੁਰਪ੍ਰੀਤ ਨੂੰ ਨਕੋਦਰ ਤੋਂ ਸਬ ਰਜਿਸਟਰਾਰ ਅੰਮ੍ਰਿਤਸਰ-3, ਅੰਮ੍ਰਿਤਬੀਰ ਸਿੰਘ ਫ਼ਿਲੌਰ ਨੂੰ ਸੁਨਾਮ ਲਗਾਇਆ ਗਿਆ ਹੈ ।

ਇਸੇ ਤਰ੍ਹਾਂ ਜਤਿੰਦਰਪਾਲ ਸਿੰਘ ਗਿੱਦੜਬਾਹਾ ਨੂੰ ਅਬੋਹਰ, ਮੁਨੀਸ਼ ਕੁਮਾਰ ਟਾਂਡਾ ਨੂੰ ਤਰਨ ਤਾਰਨ, ਸੁਮੀਤ ਸਿੰਘ ਢਿੱਲੋਂ ਨੂੰ ਨੰਗਲ ਤੋਂ ਰੂਪਨਗਰ, ਹਰਮਿੰਦਰ ਸਿੰਘ ਘੋਲੀਆ ਨੂੰ ਤਹਿਸੀਲਦਾਰ ਬਾਊਡਰੀ ਸੈੱਲ ਤੋਂ ਤਹਿਸੀਲਦਾਰ ਬਾਊਰੀ ਸੈੱਲ ਵਾਧੂ ਚਾਰਜ ਤਹਿਸੀਲਦਾਰ ਖਰੜ, ਵਿਸ਼ਾਲ ਵਰਮਾ ਫਤਿਹਗੜ੍ਹ ਸਾਹਿਬ ਨੂੰ ਧਰਮਕੋਟ, ਲਵਦੀਰ ਸਿੰਘ ਧੂਤ ਗੜ੍ਹਸ਼ੰਕਰ, ਜਸਵਿੰਦਰ ਸਿੰਘ ਨੂੰ ਫਤਿਹਗੜ੍ਹ ਚੂੜੀਆਂ, ਅਨੁਦੀਪ ਸ਼ਰਮਾ ਨੂੰ ਫ਼ਿਲੌਰ, ਨਵਜੋਤ ਤਿਵਾੜੀ ਨੂੰ ਕਪੂਰਥਲਾ, ਕੁਲਵਿੰਦਰ ਸਿੰਘ ਨੂੰ ਜਲਾਲਾਬਾਦ, ਗੁਰਦੀਪ ਸਿੰਘ ਨੂੰ ਅਹਿਮਦਗੜ੍ਹ, ਭੀਮ ਸੈਨ ਨੂੰ ਜਲੰਧਰ-2, ਹਰਿੰਦਰਪਾਲ ਸਿੰਘ ਬੇਦੀ ਨੂੰ ਫਿਰੋਜਪੁਰ, ਲਖਵਿੰਦਰ ਸਿੰਘ ਨੂੰ ਬਾਬਾ ਬਕਾਲਾ ਤਾਇਨਾਤ ਕੀਤਾ ਗਿਆ ਹੈ।

71 ਨਾਇਬ ਤਹਿਸੀਲਦਾਰਾਂ ਵਿਚ ਕੌਣ ਕਿਥੇ ਬਦਲਿਆ

ਇਸੇ ਤਰ੍ਹਾਂ ਸਰਕਾਰ ਵਲੋਂ 71 ਨਾਇਬ ਤਹਿਸੀਲਦਾਰਾਂ ਦੇ ਤਬਾਦਲੇ ਕੀਤੇ ਗਏ ਹਨ ਜਿਸ ’ਚ ਹਮੀਸ਼ ਕਮਾਰ ਨੂੰ ਸ਼ੇਰਪੂਰ ਸੰਗਰੂਰ, ਚੇਤਿੰਦਰ ਕੁਮਾਰ ਨੂੰ ਮਾਨਸਾ, ਕਮਲਪ੍ਰੀਤ ਸਿੰਘ ਦੋਦਾ ਸ੍ਰੀ ਮੁਕਤਸਰ ਸਾਹਿਬ, ਰਣਵੀਰ ਸਿੰਘ ਨੂੰ ਫ਼ਿਰੋਜ਼ਪੁਰ, ਨਿਤਿਨ ਸਾਹੋਤਾ ਨੂੰ ਬੱਧਨੀ ਕਲਾਂ ਮੋਗਾ, ਰਾਜੀਵ ਕੁਮਾਰ ਨੂੰ ਕਪੂਰਥਲਾ, ਉਕਾਰ ਸਿੰਘ ਨੂੰ ਗੁਰਾਇਆ, ਮਨਜੋਤ ਸਿੰਘ ਨੂੰ ਬੱਸੀ ਪਠਾਣਾਂ, ਨਵਜੀਵਨ ਛਾਹੜਾ ਖੂਆ ਸਰਵਰ ਫਾਜ਼ਿਲਕਾ, ਅੰਕੁਸ਼ ਕੁਮਾਰ ਨੂੰ ਜਲੰਧਰ-1, ਤੀਸ਼ਮ ਪਾਂਡੇ ਨੂੰ ਸੁਲਤਾਨਪੁਰ ਲੋਧੀ, ਦਮਨਵੀਰ ਸਿੰਘ ਨੂੰ ਫਗਵਾੜਾ, ਕਾਰਜ ਸਿੰਘ ਨੂੰ ਖਡੂਰ ਸਾਹਿਬ, ਗੁਰਦੀਪ ਸਿੰਘ ਭਗਤਾ ਭਾਈ ਕਾ ਬਠਿੰਡਾ ਲਗਾਇਆ ਗਿਆ ਹੈ।

ਇਸੇ ਤਰ੍ਹਾਂ ਮਨਦੀਪ ਸਿੰਘ ਨੂੰ ਲੌਂਗੋਵਾਲ, ਗੁਰਪ੍ਰੀਤ ਕੁਮਾਰ ਨੂੰ ਆਨੰਦਪੁਰ ਸਾਹਿਬ, ਅਮਰਜੀਤ ਸਿੰਘ ਧਾਰ ਕਲਾਂ, ਅਭਿਸ਼ੇਕ ਵਰਮਾ ਨੂੰ ਤਲਵਾੜਾ, ਮਨਜੋਤ ਕੌਰ ਨੂੰ ਲਹਿਰਾਗਾਗਾ, ਹਰੀਸ਼ ਕੁਮਾਰ ਨੂੰ ਘਨੌਰ ਪਟਿਆਲਾ, ਰਾਜੇਸ਼ ਕੁਮਾਰ ਨੂੰ ਜੁਆਇੰਟ ਸਬ ਰਜਿਸਟਰਾਰ-2 ਅੰਮ੍ਰਿਤਸਰ-2, ਤਰਲੋਚਨ ਸਿੰਘ ਜੁਆਇੰਟ ਸਬ ਰਜਿਸਟਰਾਰ-1 ਅੰਮ੍ਰਿਤਸਰ-1, ਹਰਪ੍ਰੀਤ ਸਿੰਘ ਨੂੰ ਫ਼ਾਜ਼ਿਲਕਾ, ਗੁਰਪ੍ਰੀਤ ਸਿੰਘ ਨੂੰ ਗੜ੍ਹਦੀਵਾਲਾ, ਗੁਰਪ੍ਰੀਤ ਕੌਰ ਨੂੰ ਬਠਿੰਡਾ, ਸੁਖਮਨਿੰਦਰ ਸਿੰਘ ਨੂੰ ਮਾਹਿਲਪੁਰ ਹੁਸ਼ਿਆਰਪੁਰ, ਰਜਿੰਦਰ ਸਿੰਘ ਨੂੰ ਮੁੱਲਾਂਪੁਰ ਦਾਖਾ ਲੁਧਿਆਣਾ ਤੇ ਵਾਧੂ ਚਾਰਜ ਕੂਮ ਕਲਾਂ ਲੁਧਿਆਣਾ, ਅਰਮਾਨਦੀਪ ਸਿੰਘ ਨੂੰ ਬੰਗਾ, ਰਣਦੀਪ ਸਿੰਘ ਨੂੰ ਬਮਿਆਲ ਪਠਾਨਕੋਟ, ਅਸ਼ੋਕ ਕੁਮਾਰ ਨੂੰ ਨਰੋਟ ਜੈਮਲ ਸਿੰਘ ਪਠਾਨਕੋਟ, ਅਸ਼ਵਨੀ ਨੂੰ ਦੁਧਨ ਸਾਧਾਂ ਪਟਿਆਲਾ, ਰਮਿੰਦਰਪਾਲ ਸਿੰਘ ਭਾਦਸੋਂ ਪਟਿਆਲਾ, ਪ੍ਰਿਆ ਰਾਣੀ ਨੂੰ ਅਰਨੀਵਾਲਾ ਸ਼ੇਕ ਸੁਤਾਨ, ਅੰਕੁਸ਼ ਨੂੰ ਲੁਧਿਆਣਾ, ਬੇਅੰਤ ਸਿੰਘ ਨੂੰ ਤਪਾ, ਅੰਕਿਤ ਮਹਾਜਨ ਨੂੰ ਡੇਰਾ ਬਾਬਾ ਨਾਨਕ ਗੁਰਦਾਸਪੁਰ, ਅੰਕੁਸ਼ ਨੂੰ ਲੁਧਿਆਣਾ (ਈਸਟ), ਬਲਜੀਤ ਸਿੰਘ ਨਿਹਾਲ ਸਿੰਘ ਵਾਲਾ ਮੋਗਾ, ਮਨੀ ਮਹਾਜਨ ਨੂੰ ਅਮਰਗੜ੍ਹ, ਬਲਵੰਤ ਸਿੰਘ ਨੂੰ ਟਾਂਡਾ ਹੁਸ਼ਿਆਰਪੁਰ, ਸੁਨੀਲ ਪ੍ਰਭਾਕਰ ਨੂੰ ਤਲਵੰਡੀ ਚੌਧਰੀਆਂ, ਰਣਜੀਤ ਸਿੰਘ ਖੈਰਾ ਨੂੰ ਰਾਮਪੁਰਾ ਫ਼ੂਲ, ਜੈ ਅਮਨਦੀਪ ਗੋਇਲ ਨੂੰ ਜੈਤੋ ਫ਼ਰੀਦਕੋਟ ਲਗਾਇਆ ਗਿਆ ਹੈ ।

ਇਸੇ ਤਰ੍ਹਾਂ ਮਨਮੋਹਨ ਸਿੰਘ ਨੂੰ ਤੀਮਾ, ਜਸਪ੍ਰੀਤ ਸਿੰਘ ਨੂੰ ਪਟਿਆਲਾ, ਸਤਵੰਤ ਸਿੰਘ ਨੂੰ ਸਿੱਧਵਾ ਬੇਂਟ, ਰੁਪਿੰਦਰ ਕੌਰ ਨੂੰ ਕਾਦੀਆ, ਗੌਰਵ ਬਾਂਸਲ ਨੂੰ ਫਤਿਹਗੜ੍ਹ ਸਾਹਿਬ, ਰਣਦੀਪ ਸਿੰਘ ਨੂੰ ਅਹਿਮਦਗੜ੍ਹ ਮਾਲੇਰਕੋਟਲਾ, ਬਲਜੋਤ ਸਿੰਘ ਨੂੰ ਨਕੋਦਰ, ਮਲਕੀਤ ਸਿੰਘ ਨੂੰ ਤਿੱਖੀ ਮਾਨਸਾ, ਧਰਮਿੰਦਰ ਸਿੰਘ ਮੂਨਕ ਸੰਗਰੂਰ, ਜਗਜੀਤ ਸਿੰਘ ਨੂੰ ਨਾਭਾ ਪਟਿਆਲਾ, ਤੀਸ਼ਮ ਬਾਂਸਲ ਨੂੰ ਨਥਾਣਾ ਬਠਿੰਡਾ, ਗਿ ਲਾਲ ਨੂੰ ਬੁਢਲਾਡਾ ਮਾਨਸਾ, ਰੁਸਤਮ ਕੁਮਾਰ ਨੂੰ ਬਿਆਸ (ਅੰਮ੍ਰਿਤਸਰ), ਕੁਲਵੰਤ ਸਿੰਘ ਨੂੰ ਪਠਾਨਕੋਟ, ਬਲਜੀਤ ਸਿੰਘ ਗੁਰਾਇਆ ਨੂੰ ਬਾਬਾ ਬਕਾਲਾ ਅੰਮ੍ਰਿਤਸਰ, ਗੁਰਸੇਵਕ ਸਿੰਘ ਨੂੰ ਮੋਗਾ, ਲਖਵਿੰਦਰ ਸਿੰਘ ਲੋਪੋਕੇ ਅੰਮ੍ਰਿਤਸਰ, ਰਣਜੀਤ ਸਿੰਘ ਨੂੰ ਬਟਾਲਾ ਗੁਰਦਾਸਪੁਰ, ਸੁਖਚੈਨ ਸਿੰਘ ਨੂੰ ਝਬਾਲ ਤਰਨ ਤਾਰਨ, ਗੁਰਿੰਦਰ ਸਿੰਘ ਨੂੰ ਬਲਾਚੌਰ, ਮਨਮੋਹਨ ਸਿੰਘ ਕਲਾਨੌਰ, ਕੁਲਵਿੰਦਰ ਸਿੰਘ ਨੂੰ ਹੁਸ਼ਿਆਰਪੁਰ, ਰਵਿੰਦਰਜੀਤ ਸਿੰਘ ਨੂੰ ਪਾਇਲ, ਵਿਜੈ ਕੁਮਾਰ ਨੂੰ ਗੜ੍ਹਸ਼ੰਕਰ, ਬਲਵਿੰਦਰ ਕੁਮਾਰ ਨੂੰ ਪੱਟੀ, ਵਰਿੰਦਰ ਕੁਮਾਰ ਨੂੰ ਦਸੂਹਾ ਹੁਸ਼ਿਆਰਪੁਰ, ਕੁਲਦੀਪ ਕੌਰ ਨੂੰ ਬਰੇਟਾ ਮਾਨਸਾ ਤੇ ਜਤਿੰਦਰ ਕੁਮਾਰ ਨੂੰ ਸ਼੍ਰੀ ਹਰਗੋਬਿੰਦਪੁਰ ਗੁਰਦਾਸਪੁਰ ਨਿਯੁਕਤ ਕੀਤਾ ਹੈ ।

1...181920...2,758 Page 19 of 2,758

ਕੌਣ ਹਨ ਇਹ ਦੋਵੇਂ ਜਣੀਆਂ ਜੋ ਉਤਰ ਗਈਆਂ ਮੌਤ ਦੇ ਘਾਟ

ਕੀ ਦੱਸਿਆ ਰੋਡ ਸੇਫਟੀ ਫੋਰਸ ਦੇ ਇੰਚਾਰਜ ਨੇ

ਕੌਣ ਕੌਣ ਹੈ ਮ੍ਰਿਤਕਾਂ ਵਿਚ ਸ਼ਾਮਲ

ਪੁਲਸ ਕਰ ਰਹੀ ਹੈ ਹਾਦਸੇ ਦੇ ਕਾਰਨਾਂ ਦੀ ਜਾਂਚ

ਕੌਣ ਹੈ ਇਹ ਭਾਰਤੀ ਵਿਅਕਤੀ

ਕੀ ਆਖਿਆ ਭਾਰਤੀ ਵਿਅਕਤੀ ਵਿਪਨ ਨੇ

ਕਦੋਂ ਤੇ ਕਿਵੇਂ ਵਾਪਰੀ ਸੀ ਘਟਨਾ

ਕੰਪਨੀ ਮਾਲਕ ਨੇ ਕੀਤਾ ਵਿਪਨ ਨੂੰ ਭਾਰਤ ਯਾਤਰਾ ਕਰਵਾਉਣ ਦਾ ਐਲਾਨ

ਮੇਅਰ ਲਿਆ ਓਲਗੁਟਾ ਵਾਸਿਲੇਸਕੂ ਨੇ ਕੀਤੀ ਵਿਪਨ ਕੁਮਾਰ ਦੇ ਹੌਸਲੇ ਦੀ ਸ਼ਲਾਘਾ

ਕੌਣ ਹੈ ਇਹ ਵਿਦਿਆਰਥਣ

ਕਦੋਂ ਗਈ ਸੀ ਵਿਦਿਆਰਥਣ ਕੈਨੇਡਾ

ਕੀ ਹੋਇਆ ਘਟਨਾਕ੍ਰਮ ਵਿਚ

ਕੌਣ ਹੈ ਇਹ ਮ੍ਰਿਤਕ ਤੇ ਜਖਮੀ ਨੌਜਵਾਨ

ਬਾਜ਼ਾਰ ਜਾਂਦੇ ਵੇਲੇ ਬਦਮਾਸ਼ਾਂ ਨੇ ਘੇਰ ਲਿਆ ਸੀ ਦੋਹਾਂ ਨੂੰ

ਕੌਣ ਹੈ ਇਹ ਨੌਜਵਾਨ

ਪੁਲਸ ਨੇ ਵਾਰਦਾਤ ਵਿਚ ਵਰਤਿਆ ਚਾਕੂ ਕਰ ਲਿਆ ਹੈ ਬਰਾਮਦ

ਕੀ ਦੱਸਿਆ ਮ੍ਰਿਤਕ ਦੇ ਪਿਤਾ ਨੇ

ਭਾਰਤ ਨਹੀਂ ਰੋਕ ਸਕਿਆ ਗੋਲ ਕਰਨ ਦੇ ਬਾਵਜੂਦ ਨੀਦਰਲੈਂਡ ਨੂੰ ਜਿੱਤਣ ਤੋਂ

ਹਾਕੀ ਇੰਡੀਆ ਦੇ ਪ੍ਰਧਾਨ ਦਿਲੀਪ ਟਿਰਕੀ ਨੇ ਦਿੱਤੀ ਮਨਪ੍ਰੀਤ ਨੂੰ ਵਧਾਈ

ਕਿਹੜੇ ਕਿਹੜੇ ਹਨ 8 ਜਿਲੇ

ਕਿਹੜੀਆਂ ਸਰਗਰਮੀਆਂ ਮਿਲ ਰਹੀਆਂ ਹਨ ਦੇਖਣ ਨੂੰ

ਕੀ ਆਖਣਾ ਹੈ ਮੌਸਮ ਮਾਹਿਰਾਂ ਦਾ

ਹੋਰ ਕੀ ਕੀ ਆਖਿਆ ਮੁੱਖ ਮੰਤਰੀ ਪੰਜਾਬ ਨੇ ਰੋਡ ਸ਼ੋਅ ਦੌਰਾਨ

ਵਿਰੋਧੀ ਧਿਰ ਪੰਜਾਬ ਵਿਚ ਹੋ ਰਹੇ ਵਿਕਾਸ ਨੂੰ ਪਚਾ ਨਹੀਂ ਪਾ ਰਹੀ : ਮੁੱਖ ਮੰਤਰੀ

71 ਨਾਇਬ ਤਹਿਸੀਲਦਾਰਾਂ ਵਿਚ ਕੌਣ ਕਿਥੇ ਬਦਲਿਆ

EDITOR PICKS

POPULAR POSTS

POPULAR CATEGORY