ਇਹ ਹਨ ਭਾਰਤ ਦੇ 5 ਮਸ਼ਹੂਰ ਸ਼ਹਿਰ, ਜਿੱਥੇ ਦਾ ਸ਼ਾਕਾਹਾਰੀ ਭੋਜਨ ਤੁਹਾਡੀ ਯਾਤਰਾ ਦਾ ਮਜ਼ਾ ਕਰ ਦੇਵੇਗਾ ਦੁੱਗਣਾ
ਭੋਜਨ ਨੂੰ ਲੈ ਕੇ ਹਰ ਵਿਅਕਤੀ ਦੀ ਆਪਣੀ ਪਸੰਦ ਹੁੰਦੀ ਹੈ ਅਤੇ ਭਾਰਤ ਇੱਕ ਅਜਿਹਾ ਦੇਸ਼ ਹੈ ਜਿੱਥੇ ਵੱਖ-ਵੱਖ ਸੱਭਿਆਚਾਰ- ਸੰਸਕ੍ਰਿਤੀ ਦੇ ਲੋਕ ਰਹਿੰਦੇ ਹਨ। ਹਰ ਸੱਭਿਆਚਾਰ ਦਾ ਆਪਣਾ ਖਾਸ ਪਕਵਾਨ ਅਤੇ ਵੱਖਰਾ ਭੋਜਨ ਹੁੰਦਾ ਹੈ। ਭਾਰਤ ਵਿੱਚ ਬਹੁਤ ਸਾਰੀਆਂ ਅਜਿਹੀਆਂ ਥਾਵਾਂ ਹਨ ਜੋ ਸ਼ਾਕਾਹਾਰੀ ਭੋਜਨ ਲਈ ਮਸ਼ਹੂਰ ਹਨ। ਜੇਕਰ ਤੁਸੀਂ ਵੀ ਸ਼ਾਕਾਹਾਰੀ ਭੋਜਨ ਦੇ ਸ਼ੌਕੀਨ ਹੋ, ਤਾਂ ਭਾਰਤ ਦੀਆਂ ਇਨ੍ਹਾਂ ਥਾਵਾਂ ‘ਤੇ ਮਿਲਣ ਵਾਲਾ ਸੁਆਦੀ ਭੋਜਨ ਤੁਹਾਡੀ ਯਾਤਰਾ ਦਾ ਮਜ਼ਾ ਦੁੱਗਣਾ ਕਰ ਦੇਵੇਗਾ। ਆਓ ਜਾਣਦੇ ਹਾਂ ਭਾਰਤ ਦੀਆਂ ਉਨ੍ਹਾਂ ਥਾਵਾਂ ਬਾਰੇ।
ਜੈਪੁਰ (ਰਾਜਸਥਾਨ)
ਰਾਜਸਥਾਨ ਦੇ ਜੈਪੁਰ ਦਾ ਸ਼ਾਹੀ ਸ਼ਾਕਾਹਾਰੀ ਭੋਜਨ ਪੂਰੀ ਦੁਨੀਆ ਵਿੱਚ ਮਸ਼ਹੂਰ ਹੈ। ਇੱਥੇ ਬਾਜਰੇ ਦੀ ਰੋਟੀ, ਦਾਲ ਬਾਟੀ ਚੂਰਮਾ ਅਤੇ ਗੱਟੇ ਦੀ ਸਬਜ਼ੀ ਵਿੱਚ ਸ਼ਾਹੀਪਨ ਨਜ਼ਰ ਆਉਂਦਾ ਹੈ। ਇਸ ਤੋਂ ਇਲਾਵਾ ਮਿਰਚੀ ਬੜਾ, ਘੇਵਰ ਅਤੇ ਮਾਲਪੂਆ ਜੈਪੁਰ ਦੇ ਰਵਾਇਤੀ ਭੋਜਨ ਹਨ। ਜੈਪੁਰ ਵਿੱਚ ਉਪਲਬਧ ਰਾਜਸਥਾਨੀ ਥਾਲੀ ਦਾ ਸਵਾਦ ਬਿਲਕੁਲ ਅਦਭੁਤ ਹੈ।
ਅੰਮ੍ਰਿਤਸਰ (ਪੰਜਾਬ)
ਅੰਮ੍ਰਿਤਸਰ ਸ਼ੁੱਧ ਸ਼ਾਕਾਹਾਰੀ ਭੋਜਨ ਲਈ ਪ੍ਰਚਲਿਤ ਹੈ ਅਤੇ ਭੋਜਨ ਖਾਸ ਤੌਰ ‘ਤੇ ਸਥਾਨਕ ਪਰੰਪਰਾ ਦੇ ਅਨੁਸਾਰ ਤਿਆਰ ਕੀਤਾ ਜਾਂਦਾ ਹੈ। ਅੰਮ੍ਰਿਤਸਰ ਵਿੱਚ ਕਈ ਮਸ਼ਹੂਰ ਰੈਸਟੋਰੈਂਟ ਅਤੇ ਢਾਬੇ ਹਨ ਜਿਥੋਂ ਕਿ ਲਾਜਵਾਬ ਪਕਵਾਨ ਦਾ ਮਜ਼ਾ ਲਿਆ ਜਾ ਸਕਦਾ ਹੈ। ਇੱਥੇ ਦੇ ਮਸ਼ਹੂਰ ਸ਼ਾਕਾਹਾਰੀ ਪਕਵਾਨਾਂ ‘ਚ ਅੰਮ੍ਰਿਤਸਰੀ ਕੁਲਚਾ, ਸਰ੍ਹੋਂ ਦਾ ਸਾਗ ਅਤੇ ਮੱਕੀ ਦੀ ਰੋਟੀ, ਚਾਟੀ ਦੀ ਲੱਸੀ, ਖੀਰ ਸ਼ਾਮਿਲ ਹਨ।
ਅਹਿਮਦਾਬਾਦ (ਗੁਜਰਾਤ)
ਗੁਜਰਾਤ ਦਾ ਭੋਜਨ ਹਲਕੇ ਮਸਾਲੇ ਅਤੇ ਮਿਠਾਸ ਨਾਲ ਭਰਪੂਰ ਹੁੰਦਾ ਹੈ। ਇਹ ਸਥਾਨ ਸ਼ਾਕਾਹਾਰੀ ਲੋਕਾਂ ਲਈ ਬਹੁਤ ਖਾਸ ਹੈ ਗੁਜਰਾਤੀ ਥਾਲੀ ਜਿਸ ਵਿੱਚ ਖਾਂਡਵੀ, ਫਾਫੜਾ, ਢੋਕਲਾ, ਥੇਪਲਾ ਅਤੇ ਦਾਲ-ਖਿਚੜੀ ਹੁੰਦੀ ਹੈ, ਇਹ ਗੁਜਰਾਤ ਦੀ ਖਾਸ ਪਛਾਣ ਹੈ।
ਉਡੁਪੀ (ਕਰਨਾਟਕ)
ਜਦੋਂ ਦੱਖਣੀ ਭਾਰਤੀ ਭੋਜਨ ਦੀ ਗੱਲ ਆਉਂਦੀ ਹੈ, ਉਡੁਪੀ ਦਾ ਜ਼ਿਕਰ ਪਹਿਲਾਂ ਕੀਤਾ ਜਾਂਦਾ ਹੈ। ਜੇਕਰ ਤੁਸੀਂ ਦੱਖਣ ਵਿੱਚ ਸ਼ਾਕਾਹਾਰੀ ਭੋਜਨ ਦੀ ਤਲਾਸ਼ ਕਰ ਰਹੇ ਹੋ, ਤਾਂ ਉਡੁਪੀ ਤੁਹਾਡੇ ਲਈ ਇੱਕ ਸੰਪੂਰਣ ਮੰਜ਼ਿਲ ਹੈ। ਇਹ ਸਥਾਨ ਪੂਰੇ ਦੱਖਣ ਵਿੱਚ ਸ਼ਾਕਾਹਾਰੀ ਭੋਜਨ ਲਈ ਬਹੁਤ ਮਸ਼ਹੂਰ ਹੈ। ਇੱਥੋਂ ਦੀ ਇਡਲੀ, ਡੋਸਾ, ਸਾਂਬਰ, ਵੜਾ ਅਤੇ ਨਾਰੀਅਲ ਦੀ ਚਟਨੀ ਦਾ ਸਵਾਦ ਅਜਿਹਾ ਹੈ ਕਿ ਇੱਕ ਵਾਰ ਤੁਸੀਂ ਇਸ ਨੂੰ ਚੱਖਣ ਤੋਂ ਬਾਅਦ ਭੁੱਲ ਨਹੀਂ ਸਕੋਗੇ।
ਮੁੰਬਈ (ਮਹਾਰਾਸ਼ਟਰ)
ਮੁੰਬਈ ਵਿੱਚ ਵੀ ਲਾਜਵਾਬ ਸ਼ਾਕਾਹਾਰੀ ਭੋਜਨ ਮਿਲਦਾ ਹੈ। ਇੱਥੇ ਦਾ ‘ਵਡਾ ਪਾਵ’, ‘ਪਾਵ ਭਾਜੀ’, ‘ਪਾਣੀ ਪੁਰੀ’ ਅਤੇ ਵਰਗੇ ਸ਼ਾਕਾਹਾਰੀ ਪਕਵਾਨ ਹਰ ਕੋਈ ਪਸੰਦ ਕਰਦਾ ਹੈ। ਮੁੰਬਈ ਦੇ ਸਥਾਨਕ ਸਟ੍ਰੀਟ ਫੂਡ ਵਿੱਚ ਸ਼ਾਕਾਹਾਰੀ ਵਿਕਲਪਾਂ ਦੀ ਕੋਈ ਕਮੀ ਨਹੀਂ
ਡਿਪੋਰਟੇਸ਼ਨ ਦੇ ਮੁੱਦੇ ‘ਤੇ DGP ਗੌਰਵ ਯਾਦਵ ਦਾ ਵੱਡਾ ਐਕਸ਼ਨ, ਚਾਰ ਮੈਂਬਰੀ ਕਮੇਟੀ ਦਾ ਕੀਤਾ ਗਠਨ