ਡੇਵਿਡ ਮਲਾਨ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲਿਆ

ਇੰਗਲੈਂਡ ਕ੍ਰਿਕਟ ਟੀਮ ਦੇ ਸਟਾਰ ਬੱਲੇਬਾਜ਼ ਡੇਵਿਡ ਮਲਾਨ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ ਹੈ। 37 ਸਾਲਾ ਮਲਾਨ ਜੋਸ ਬਟਲਰ ਤੋਂ ਇਲਾਵਾ ਇੰਗਲੈਂਡ ਦਾ ਇਕਲੌਤਾ ਖਿਡਾਰੀ ਹੈ, ਜਿਸ ਨੇ ਤਿੰਨੋਂ ਫਾਰਮੈਟਾਂ ਵਿਚ ਸੈਂਕੜਾ ਲਗਾਇਆ ਹੈ।

ਇਹ ਵੀ ਪੜ੍ਹੋ – Breaking News: ਬੀਤੇ ਕੱਲ੍ਹ ਦੀਆਂ ਚੋਣਵੀਆਂ ਖ਼ਬਰਾਂ 29-8-2024

ਮਲਾਨ ਟੀ-20 ਰੈਂਕਿੰਗ ‘ਚ ਨੰਬਰ-1 ਰਹੇ ਹਨ। ਮਲਾਨ 2023 ਵਿੱਚ ਹੋਏ ਵਨਡੇ ਵਿਸ਼ਵ ਕੱਪ ਤੋਂ ਬਾਅਦ ਇੰਗਲੈਂਡ ਟੀਮ ਤੋਂ ਬਾਹਰ ਹੋ ਗਿਆ ਸੀ। ਆਸਟ੍ਰੇਲੀਆ ਦੇ ਖਿਲਾਫ ਸੀਰੀਜ਼ ‘ਚ ਵੀ ਉਹ ਟੀਮ ਦਾ ਹਿੱਸਾ ਨਹੀਂ ਬਣੇ ਸਨ। ਇਸ ਕਾਰਨ ਉਨ੍ਹਾਂ ਨੇ ਸੰਨਿਆਸ ਲੈਣ ਦਾ ਫੈਸਲਾ ਕੀਤਾ ਹੈ।

ਮਲਾਨ ਦਾ ਅੰਤਰਰਾਸ਼ਟਰੀ ਕਰੀਅਰ

ਮਲਾਨ ਨੇ ਇੰਗਲੈਂਡ ਲਈ 22 ਟੈਸਟ, 30 ਵਨਡੇ ਅਤੇ 62 ਟੀ-20 ਅੰਤਰਰਾਸ਼ਟਰੀ ਮੈਚ ਖੇਡੇ। ਉਹ ਟੀ-20 ਕ੍ਰਿਕਟ ‘ਚ ਨੰਬਰ-1 ਬੱਲੇਬਾਜ਼ ਵੀ ਬਣ ਗਿਆ। ਟੈਸਟ ‘ਚ ਇੰਗਲੈਂਡ ਦੇ ਇਸ ਖਿਡਾਰੀ ਨੇ 27.53 ਦੀ ਔਸਤ ਨਾਲ 1,074 ਦੌੜਾਂ ਬਣਾਈਆਂ ਸਨ। ਵਨਡੇ ‘ਚ ਉਸ ਨੇ 55.76 ਦੀ ਔਸਤ ਨਾਲ 1,450 ਦੌੜਾਂ ਬਣਾਈਆਂ। ਟੀ-20 ‘ਚ ਉਸ ਨੇ 36.38 ਦੀ ਔਸਤ ਨਾਲ 1,892 ਦੌੜਾਂ ਬਣਾਈਆਂ। ਮਲਾਨ ਨੇ ਟੈਸਟ ਅਤੇ ਟੀ-20 ਵਿੱਚ 1-1 ਸੈਂਕੜਾ ਅਤੇ ਵਨਡੇ ਵਿੱਚ 6 ਸੈਂਕੜੇ ਲਗਾਏ ਹਨ।

2017 ਵਿੱਚ ਆਪਣਾ ਡੈਬਿਊ ਕੀਤਾ

2017 ਵਿੱਚ ਦੱਖਣੀ ਅਫਰੀਕਾ ਵਿਰੁੱਧ ਆਪਣੇ ਟੀ-20 ਅੰਤਰਰਾਸ਼ਟਰੀ ਡੈਬਿਊ ਵਿੱਚ 44 ਗੇਂਦਾਂ ਵਿੱਚ 78 ਦੌੜਾਂ ਬਣਾਈਆਂ ਸਨ। ਇਸ ਤੋਂ ਬਾਅਦ ਐਸ਼ੇਜ਼ ‘ਚ ਉਸ ਨੇ ਪਰਥ ‘ਚ ਜੌਨੀ ਬੇਅਰਸਟੋ ਨਾਲ ਸਾਂਝੇਦਾਰੀ ਕਰਦੇ ਹੋਏ 227 ਗੇਂਦਾਂ ‘ਚ 140 ਦੌੜਾਂ ਦਾ ਆਪਣਾ ਇਕਲੌਤਾ ਟੈਸਟ ਸੈਂਕੜਾ ਲਗਾਇਆ।

ਮਲਾਨ ਨੇ ਆਈਪੀਐਲ ਵੀ ਖੇਡਿਆ

ਮਲਾਨ ਨੂੰ ਆਈਪੀਐਲ ਵਿੱਚ ਵੀ ਦੇਖਿਆ ਗਿਆ ਹੈ। ਮਾਲਨ ਨੂੰ ਪੰਜਾਬ ਕਿੰਗਜ਼ ਨੇ ਸਾਲ 2021 ਵਿੱਚ ਡੇਢ ਕਰੋੜ ਰੁਪਏ ਵਿੱਚ ਟੀਮ ਦਾ ਹਿੱਸਾ ਬਣਾਇਆ ਸੀ। ਹਾਲਾਂਕਿ ਉਨ੍ਹਾਂ ਨੂੰ ਸਿਰਫ ਇਕ ਮੈਚ ‘ਚ ਖੇਡਣ ਦਾ ਮੌਕਾ ਮਿਲਿਆ। ਆਈਪੀਐਲ ਵਿੱਚ ਉਸ ਦੇ ਨਾਂ 26 ਦੌੜਾਂ ਹਨ।