Alan Musk threatened Apple, 'iPhone will be banned in my company'!

ਐਲਨ ਮਸਕ ਨੇ Apple ਨੂੰ ਦਿੱਤੀ ਧਮਕੀ , ‘ਮੇਰੀ ਕੰਪਨੀ ‘ਚ iPhone ਹੋਣਗੇ ਬੈਨ’ !

ਐਲਨ ਮਸਕ ਨੇ ਅਮਰੀਕੀ ਸਮਾਰਟਫੋਨ ਨਿਰਮਾਤਾ ਕੰਪਨੀ ਐਪਲ ਅਤੇ ਓਪਨਏਆਈ ਵਿਚਕਾਰ ਸਾਂਝੇਦਾਰੀ ਦਾ ਸਖ਼ਤ ਵਿਰੋਧ ਕੀਤਾ ਹੈ। ਐਲਨ ਮਸਕ ਨੇ ਧਮਕੀ ਦਿੱਤੀ ਹੈ ਕਿ ਜੇ ਐਪਲ ਅਜਿਹਾ ਕਰਦਾ ਹੈ ਤਾਂ ਉਸ ਦੀਆਂ ਕੰਪਨੀਆਂ ‘ਚ ਐਪਲ ਦੇ ਸਮਾਰਟਫੋਨ ‘ਤੇ ਪਾਬੰਦੀ ਲਗਾ ਦਿੱਤੀ ਜਾਵੇਗੀ। ਟੇਸਲਾ ਅਤੇ ਸਪੇਸਐਕਸ ਦੇ ਸੀਈਓ ਐਲਨ ਮਸਕ ਨੇ ਐਪਲ ਨਾਲ ਇਸ ਸਾਂਝੇਦਾਰੀ ਨੂੰ ‘ਅਸਵੀਕਾਰਨਯੋਗ ਸੁਰੱਖਿਆ ਉਲੰਘਣਾ’ ਕਰਾਰ ਦਿੱਤਾ ਹੈ । ਉਨ੍ਹਾਂ ਕਿਹਾ ਕਿ ਜੇ ਐਪਲ ਅਤੇ ਓਪਨ ਏਆਈ ਵਿਚਕਾਰ ਇਹ ਸਮਝੌਤਾ ਜਾਰੀ ਰਹਿੰਦਾ ਹੈ ਤਾਂ ਉਹ ਆਪਣੀਆਂ ਕੰਪਨੀਆਂ ਦੇ ਸਾਰੇ ਐਪਲ ਡਿਵਾਈਸਾਂ ‘ਤੇ ਪਾਬੰਦੀ ਲਗਾਉਣ ਲਈ ਮਜਬੂਰ ਹੋਣਗੇ।

ਦਰਅਸਲ ਮਸਕ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X ‘ਤੇ ਕਈ ਪੋਸਟਾਂ ਵਿੱਚ ਯੂਜ਼ਰ ਦੀ ਜਾਣਕਾਰੀ ਦੀ ਸੁਰੱਖਿਆ ਨੂੰ ਲੈ ਕੇ ਚਿੰਤਾ ਪ੍ਰਗਟ ਕੀਤੀ ਹੈ। ਦੋਵਾਂ ਕੰਪਨੀਆਂ ਵਿਚਾਲੇ ਹੋਏ ਸਮਝੌਤੇ ਨੂੰ ‘ਅਸਵੀਕਾਰਨਯੋਗ ਸੁਰੱਖਿਆ ਉਲੰਘਣਾ’ ਦੱਸਦਿਆਂ ਉਨ੍ਹਾਂ ਕਿਹਾ ਕਿ ਮੈਂ ਨਹੀਂ ਚਾਹੁੰਦਾ ਕਿ ਇਹ ਡੀਲ ਹੋਵੇ।

10 ਜੂਨ ਨੂੰ OpenAI ਨਾਲ ਇੱਕ ਸਹਿਯੋਗ ਦਾ ਕੀਤਾ ਐਲਾਨ

10 ਜੂਨ ਨੂੰ ਐਪਲ ਨੇ ਆਪਣੇ ਸਲਾਨਾ ਡਿਵੈਲਪਰ ਇਵੈਂਟ (WWDC 2024) ਦੇ ਮੁੱਖ ਭਾਸ਼ਣ ਵਿੱਚ ChatGPT ਚੈਟਬੋਟ ਨੂੰ ਆਪਣੇ ਡਿਵਾਈਸਾਂ ਵਿੱਚ ਲਿਆਉਣ ਲਈ OpenAI ਨਾਲ ਇੱਕ ਸਹਿਯੋਗ ਦਾ ਐਲਾਨ ਕੀਤਾ। ਐਪਲ ਦੇ ਸੀਈਓ ਟਿਮ ਕੁੱਕ ਨੇ ਐਲਾਨ ਕੀਤਾ ਕਿ ਓਪਨਏਆਈ ਨੂੰ ਐਪਲ ਆਈਓਐਸ 18 ਵਿੱਚ ਜੋੜਿਆ ਜਾਵੇਗਾ। ਅਪਡੇਟ ਦੇ ਹਿੱਸੇ ਵਜੋਂ ਸਿਰੀ ਓਪਨਏਆਈ ਦੇ ਪ੍ਰਸਿੱਧ ਚੈਟਜੀਪੀਟੀ ਚੈਟਬੋਟ ਦੀ ਵਰਤੋਂ ਕਰ ਸਕਦੀ ਹੈ। ਐਪਲ ਨੇ ਕਿਹਾ ਕਿ ਯੂਜ਼ਰ ਨੂੰ ਚੈਟਜੀਪੀਟੀ ਨਾਲ ਆਪਣੇ ਸਵਾਲ ਸਾਂਝੇ ਕਰਨ ਦੀ ਇਜਾਜ਼ਤ ਮੰਗੀ ਜਾਵੇਗੀ, ਪਰ ਉਨ੍ਹਾਂ ਦੀਆਂ ਬੇਨਤੀਆਂ ਅਤੇ ਜਾਣਕਾਰੀ ਨੂੰ ਲੌਗ ਨਹੀਂ ਕੀਤਾ ਜਾਵੇਗਾ। ਜਿਸਦੇ ਚੱਲਦਿਆਂ ਐਲਨ ਮਸਕ ਨੇ ਐਪਲ ਅਤੇ ਓਪਨਏਆਈ ਵਿਚਾਲੇ ਇਸ ਡੀਲ ਨੂੰ ਲੈ ਕੇ ਕੰਪਨੀ ‘ਤੇ ਯੂਜ਼ਰਸ ਦੀ ਜਾਣਕਾਰੀ ਸਾਂਝੀ ਕਰਨ ਦਾ ਦੋਸ਼ ਲਗਾਇਆ ਹੈ।

ਆਈਫੋਨ, ਆਈਪੈਡ ਅਤੇ ਮੈਕ ਲਈ ਐਪਲ ਇੰਟੈਲੀਜੈਂਸ ਨੂੰ ਪੇਸ਼ ਕਰਦੇ ਹੋਏ, ਕੁੱਕ ਨੇ ਇੱਕ ਪੋਸਟ ਵਿੱਚ ਲਿਖਿਆ ਇਸ ਟਵੀਟ ਦੇ ਜਵਾਬ ਵਿੱਚ ਐਲਨ ਮਸਕ ਨੇ ਕਿਹਾ, “ਮੈਂ ਇਹ ਨਹੀਂ ਚਾਹੁੰਦਾ। “ਜਾਂ ਤਾਂ ਇਸ ਭਿਆਨਕ ਸਪਾਈਵੇਅਰ ਨੂੰ ਬੰਦ ਕਰੋ ਜਾਂ ਮੇਰੀਆਂ ਕੰਪਨੀਆਂ ਦੇ ਕੰਪਲੈਕਸ ਤੋਂ ਸਾਰੇ ਐਪਲ ਡਿਵਾਈਸਾਂ ‘ਤੇ ਪਾਬੰਦੀ ਲਗਾ ਦਿੱਤੀ ਜਾਵੇਗੀ।”

ਇਹ ਵੀ ਪੜ੍ਹੋ : ਮੂਸੇਵਾਲਾ ਦੇ ਜਨਮਦਿਨ ਮੌਕੇ ਹਵੇਲੀ ਪਹੁੰਚ ਪਾਲ ਸਿੰਘ ਸਮਾਓ ਨੇ ਨਿੱਕੇ ਸਿੱਧੂ ਤੇ ਪਰਿਵਾਰ ਨਾਲ ਕੱਟਿਆ ਕੇਕ

ਐਪਲ ਇੰਨਾ ਸਮਾਰਟ ਨਹੀਂ ਕਿ ਉਹ ਆਪਣਾ AI ਬਣਾ ਸਕੇ

ਮਸਕ ਨੇ ਕਿਹਾ, “ਇਹ ਸਪੱਸ਼ਟ ਤੌਰ ‘ਤੇ ਬੇਤੁਕਾ ਹੈ ਕਿ ਐਪਲ ਇੰਨਾ ਸਮਾਰਟ ਨਹੀਂ ਹੈ ਕਿ ਉਹ ਆਪਣਾ AI ਬਣਾ ਸਕੇ, ਫਿਰ ਵੀ ਕਿਸੇ ਤਰ੍ਹਾਂ ਇਹ ਯਕੀਨੀ ਕਰਨ ਵਿਚ ਸਮਰੱਥ ਹੈ ਕਿ OpenAI ਤੁਹਾਡੀ ਸੁਰੱਖਿਆ ਅਤੇ ਸੀਕ੍ਰੇਸੀ ਦੀ ਰੱਖਿਆ ਕਰੇਗਾ!

ਆਪਣੇ ਟਵੀਟ ਵਿਚ ਉਨ੍ਹਾਂ ਨੇ ਫਾਲੋਅਰਸ ਨੂੰ ਕਿਹਾ, ”ਐਪਲ ਨੂੰ ਇਸ ਗੱਲ ਦਾ ਕੋਈ ਅੰਦਾਜ਼ਾ ਨਹੀਂ ਹੈ ਕਿ OpenAI ਨੂੰ ਤੁਹਾਡਾ ਡਾਟਾ ਸੌਂਪਣ ਤੋਂ ਬਾਅਦ ਅਸਲ ਵਿਚ ਕੀ ਹੋ ਰਿਹਾ ਹੈ, ਉਹ ਤੁਹਾਨੂੰ ਧੋਖਾ ਦੇ ਰਹੇ ਹੈ।”

 

 

 

 

LEAVE A REPLY

Please enter your comment!
Please enter your name here