ਮੁਜ਼ੱਫਰਨਗਰ, 24 ਜੂਨ 2026 : ਪੰਜਾਬ ਦੀ ਲੁਧਿਆਣਾ ਜੇਲ ‘ਚੋਂ ਫਰਾਰ ਖਤਰਨਾਕ ਅਪਰਾਧੀ ਸਤਪਾਲ ਉਰਫ਼ ਸੱਤੂ (Satpal alias Sattu) ਸੋਮਵਾਰ ਰਾਤ ਮੁਜ਼ੱਫਰਨਗਰ ‘ਚ ਪੁਲਸ ਮੁਕਾਬਲੇ ‘ਚ ਢੇਰ (Deadly encounter with police) ਹੋ ਗਿਆ ।
ਲੁਧਿਆਣਾ ਜੇਲ `ਚੋਂ ਫਰਾਰ ਹੋ ਕੇ ਯੂ. ਪੀ. `ਚ ਲੁਕਿਆ ਹੋਇਆ ਸੀ
ਸੱਤੂ ‘ਤੇ ਕਤਲ, ਲੁੱਟ, ਅਗਵਾ ਅਤੇ ਜਬਰ-ਜ਼ਨਾਹ (Rape) ਸਮੇਤ 24 ਸੰਗੀਨ ਮਾਮਲੇ ਦਰਜ ਸਨ । ਉਹ 6 ਮੁਟਿਆਰਾਂ ਦੇ ਅਗਵਾ ਅਤੇ ਜਬਰ-ਜਨਾਹ ਦੇ ਮਾਮਲਿਆਂ ‘ਚ ਵੀ ਮੁਲਜ਼ਮ ਸੀ । ਪੁਲਸ ਅਨੁਸਾਰ ਸਿਵਲ ਲਾਈਨਜ਼ ਥਾਣਾ ਖੇਤਰ ‘ਚ ਵਾਹਨ ਚੈਕਿੰਗ ਦੌਰਾਨ ਪੁਲਸ ਨੇ ਸ਼ੱਕੀ ਕਾਰ ਨੂੰ ਰੋਕਣ ਦਾ ਯਤਨ ਕੀਤਾ । ਇਸ ‘ਤੇ ਸੱਤੂ ਨੇ ਪੁਲਸ ਟੀਮ ‘ਤੇ ਫਾਇਰਿੰਗ (Firing) ਸ਼ੁਰੂ ਕਰ ਦਿੱਤੀ । ਜਵਾਬੀ ਕਾਰਵਾਈ ‘ਚ ਪੁਲਸ ਨੇ ਉਸ ਨੂੰ ਜ਼ਖਮੀ ਕਰ ਕੇ ਫੜ ਲਿਆ । ਗੰਭੀਰ ਰੂਪ ‘ਚ ਜ਼ਖਮੀ ਸੱਤੂ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਇਲਾਜ ਦੌਰਾਨ ਉਸ ਦੀ ਮੌਤ ਹੋ ਗਈ । ਮੁਕਾਬਲੇ ‘ਚ ਸਿਪਾਹੀ ਅਜੇ ਗੌੜ ਅਤੇ ਅੰਕਿਤ ਵੀ ਗੋਲੀ ਲੱਗਣ ਨਾਲ ਜ਼ਖਮੀ ਹੋਏ ਹਨ । ਦੋਵਾਂ ਦਾ ਇਲਾਜ ਚੱਲ ਰਿਹਾ ਹੈ ।
ਕੀ ਦੱਸਿਆ ਪੁਲਸ ਸੁਪਰਡੈਂਟ ਨੇ
ਪੁਲਸ ਸੁਪਰਡੈਂਟ (Police Superintendent) (ਨਗਰ) ਅੰਮ੍ਰਿਤ ਜੈਨ ਨੇ ਦੱਸਿਆ ਕਿ ਸਤਪਾਲ ਉਰਫ਼ ਸੱਤੂ ਪੰਜਾਬ, ਹਰਿਆਣਾ ਅਤੇ ਉੱਤਰ ਪ੍ਰਦੇਸ਼ ‘Police Superintendentਚ ਕਈ ਸੰਗੀਨ ਅਪਰਾਧਾਂ ‘ਚ ਲੋੜੀਂਦਾ ਸੀ । ਉਹ 6 ਫਰਵਰੀ-2026 ਨੂੰ ਲੁਧਿਆਣਾ ਜੇਲ ‘ਚੋਂ ਫਰਾਰ ਹੋ ਗਿਆ ਸੀ ਅਤੇ ਉਦੋਂ ਤੋਂ ਪੱਛਮੀ ਉੱਤਰ ਪ੍ਰਦੇਸ਼ ਦੇ ਵੱਖ-ਵੱਖ ਜ਼ਿਲਿਆਂ ‘ਚ ਲੁਕ ਕੇ ਰਹਿ ਰਿਹਾ ਸੀ । ਮੌਕੇ ਤੋਂ ਪੁਲਸ ਨੇ . 32 ਬੋਰ ਦਾ ਪਿਸਤੌਲ, ਕਾਰਤੂਸ, ਫਰਜ਼ੀ ਆਧਾਰ ਕਾਰਡ, ਮੋਬਾਈਲ ਫੋਨ, ਵਾਰਦਾਤ ‘ਚ ਵਰਤੀ ਕਾਰ ਅਤੇ ਅਗਵਾ ਕੀਤੀ ਗਈ ਮੁਟਿਆਰ ਦੀਆਂ ਸੋਨੇ ਦੀਆਂ ਵਾਲੀਆਂ ਬਰਾਮਦ ਕੀਤੀਆਂ ।
