ਤਪਾ ਮੰਡੀ, 11 ਅਪ੍ਰੈਲ 2026 : ਪੰਜਾਬ ਸੂਬੇ ਦੇ ਜਿਲਾ ਬਰਨਾਲਾ (Barnala District) ਅਧੀਨ ਆਉਂਦੀ ਤਪਾ ਮੰਡੀ ਵਿਖੇ ਇਕ ਨੌਜਵਾਨ ਵਲੋਂ ਇਕ ਨਾਬਾਲਗ (Minor) ਮਾਸੂਮ ਬੱਚੇ ਨਾਲ ਬਦਫੈਲੀ (Mischief) ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ ।
ਕੀ ਜਾਣਕਾਰੀ ਦਿੱਤੀ ਪੀੜ੍ਹਤ ਬੱਚੇ ਦੀ ਮਾਂ ਨੇ
ਸਥਾਨਕ ਤਪਾ ਮੰਡੀ (Tapa Mandi) ‘ਚ ਇਕ ਨੌਜਵਾਨ ਵੱਲੋਂ 8 ਸਾਲਾ ਬੱਚੇ ਨਾਲ ਬਦਫੈਲੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ । ਪੀੜਤ ਬੱਚੇ ਦੀ ਮਾਂ ਨੇ ਪੁਲਸ ਨੂੰ ਦਿੱਤੇ ਆਪਣੇ ਬਿਆਨਾਂ ‘ਚ ਦੱਸਿਆ ਕਿ 29 ਮਾਰਚ 2026 ਨੂੰ ਉਹ ਕਿਸੇ ਕੰਮ ਸਬੰਧੀ ਬਠਿੰਡਾ ਗਈ ਹੋਈ ਸੀ । ਇਸ ਦੌਰਾਨ ਉਸ ਦਾ ਬੱਚਾ ਘਰ ਦੇ ਨੇੜੇ ਸਾਈਕਲ ‘ਤੇ ਖੇਡ ਰਿਹਾ ਸੀ । ਇਸ ਸਮੇਂ ਗੁਆਂਢ ‘ਚ ਰਹਿੰਦੇ ਇਕ ਨੌਜਵਾਨ ਨੇ ਉਸ ਨੂੰ ਆਪਣੇ ਘਰ ਬੁਲਾ ਲਿਆ । ਉੱਥੇ ਉਸ ਨੇ ਪਹਿਲਾਂ ਲੈਪਟੋਪ ‘ਤੇ ਕਾਰਟੂਨ ਦਿਖਾਏ ਅਤੇ ਫਿਰ ਅਸ਼ਲੀਲ ਵੀਡੀਓ ਵੀ ਦਿਖਾਉਣ ਲੱਗ ਪਿਆ ।
ਮਾਂ ਦੇ ਸਮਝਾਉਣ ਦੇ ਬੱਚੇ ਨੇ ਕੀਤੀ ਸਾਰੀ ਘਟਨਾ ਬਿਆਨ
ਬਿਆਨ ਮੁਤਾਬਕ ਦੋਸ਼ੀ ਨੇ ਬੱਚੇ ਨੂੰ ਵਰਗਲਾਉਂਦੇ ਹੋਏ ਕਿਹਾ ਕਿ ਅਸੀਂ ਵੀ ਇਸ ਤਰ੍ਹਾਂ ਦੇ ਕੰਮ ਕਰਦੇ ਹਾਂ ਅਤੇ ਉਸ ਨੂੰ ਵੀ ਅਜਿਹਾ ਕਰਨ ਲਈ ਮਜਬੂਰ ਕੀਤਾ । ਜਦ ਬੱਚੇ ਨੇ ਵਿਰੋਧ ਕੀਤਾ ਤਾਂ ਉਸ ਨਾਲ ਜ਼ਬਰਦਸਤੀ ਬਦਫੈਲੀ ਕੀਤੀ ਗਈ । ਘਟਨਾ ਬਾਰੇ ਬੱਚੇ ਨੇ ਪਹਿਲਾਂ ਤਾਂ ਡਰ ਕਾਰਨ ਕਿਸੇ ਨੂੰ ਕੁਝ ਨਹੀਂ ਦੱਸਿਆ ਪਰ 5 ਅਪ੍ਰੈਲ 2026 ਨੂੰ ਜਦ ਮਾਂ ਨੇ ਉਸ ਨੂੰ ਸਮਝਾਇਆ ਅਤੇ ਭਰੋਸਾ ਦਿੱਤਾ ਤਾਂ ਉਸ ਨੇ ਸਾਰੀ ਘਟਨਾ ਬਿਆਨ ਕੀਤੀ । ਇਸ ਤੋਂ ਬਾਅਦ ਮਾਂ ਵੱਲੋਂ ਤੁਰੰਤ ਪੁਲਸ ਨੂੰ ਸੂਚਿਤ ਕੀਤਾ ਗਿਆ ।
