ਪੰਜਾਬੀ ਫਿਲਮ ‘ਕੁਲਚੇ ਛੋਲੇ’ ਉਸ ਸਮੇਂ ਤੋਂ ਹੀ ਸੁਰਖੀਆਂ ‘ਚ ਹੈ, ਜਦੋਂ ਤੋਂ ਇਸ ਫਿਲਮ ਦੀ ਪ੍ਰੋਮੋਸ਼ਨ ਜ਼ੋਰਾਂ-ਸ਼ੋਰਾਂ ਨਾਲ ਸ਼ੁਰੂ ਹੋ ਗਈ ਹੈ।ਫਿਲਮ ਦੇ ਨਿਰਮਾਤਾ ਪੂਰੀ ਮਿਹਨਤ ਕਰ ਰਹੇ ਹਨ। ਉਹ ਭਾਰਤ ਦੇ ਨਾਲ-ਨਾਲ ਵਿਦੇਸ਼ੀ ਮਾਰਕਿਟ ਵਿੱਚ ਫਿਲਮ ਨੂੰ ਪ੍ਰਮੋਟ ਕਰ ਰਹੇ ਹਨ। ਇਸਦੇ ਨਾਲ ਹੀ ਫਿਲਮ ਦੀ ਮਾਰਕਿਟਿੰਗ ਕਰਨ ‘ਚ ਕੋਈ ਕਸਰ ਨਹੀਂ ਛੱਡ ਰਹੇ।
ਮਸ਼ਹੂਰ ਅੰਤਰਰਾਸ਼ਟਰੀ ਸਿਰਜਣਹਾਰਾਂ ਦੇ ਇੱਕ ਸਮੂਹ ਦੇ ਨਾਲ ਦੁਬਾਈ ‘ਚ ਇੱਕ ਸ਼ਾਨਦਾਰ ਸਮਾਗਮ ‘ਚ ਸਭ ਤੋਂ ਵਧੀਆ ਭੰਗੜਾ ਟਰੈਕ ‘ਪੰਜਾਬੀ ਜੱਚਦੇ’ ਲਾਂਚ ਕੀਤੇ ਜਾਣ ਤੋਂ ਲੈ ਕੇ, ਮੁੰਬਈ ਵਿੱਚ ਫੇਸਬੁੱਕ ਦਫਤਰ ਵਿੱਚ ਵਿਸ਼ੇਸ਼ ਤੌਰ ‘ਤੇ ਆਪਣੇ ਟ੍ਰੇਲਰ ਨੂੰ ਲਾਂਚ ਕਰਨ ਤੱਕ, ਅੱਜ ਫਿਲਮ ਦੇ ਨਿਰਮਾਤਾਵਾਂ ਨੇ ਮੋਹਾਲੀ ਵਿਖੇ ਕੀਤੇ ਜਾ ਰਹੇ ਆਪਣੇ ਤੀਜੇ ਸਲਾਨਾ ਸਮਾਗਮ ਸਾਗਾ ਨਾਈਟਸ ਵਿੱਚ ਆਪਣੀ ਪੂਰੀ ਸੰਗੀਤ ਐਲਬਮ ਲਾਂਚ ਕੀਤੀ ਹੈ। ਇਵੈਂਟ ਵਿੱਚ ਇੰਡਸਟਰੀ ਦੇ ਕੁੱਝ ਵੱਡੇ ਨਾਵਾਂ ਦੀ ਮੌਜੂਦਗੀ ਦੇਖੀ ਗਈ ਜੋ ਫਿਲਮ ਅਤੇ ਨਵੀਂ ਸਟਾਰ ਕਾਸਟ ਨੂੰ ਲ਼ਾਂਚ ਕਰਨ ਅਤੇ ਸਮਰਥਨ ਕਰਨ ਆਏ ਸਨ।ਉਨ੍ਹਾਂ ਦੇ ਨਾਲ ਫਿਲਮ ਦੀ ਕਾਸਟ ਤੇ ਕਰਿਊ ਵੀ ਇਸ ਮੌਕੇ ਮੌਜੂਦ ਸੀ।
ਜ਼ੰਨਤ ਜ਼ੁਬੈਰ ਤੇ ਦਿਲਰਾਜ ਗਰੇਵਾਲ, ਜੋ ਫਿਲਮ ‘ਕੁਲਚੇ ਛੋਲੇ’ ਨਾਲ ਆਪਣੀ ਅਦਾਕਾਰੀ ਦੀ ਸ਼ੁਰੂਆਤ ਕਰਨ ਲਈ ਤਿਆਰ ਹਨ, ਉਨ੍ਹਾਂ ਲਈ ਇਸ ਤੋਂ ਬਿਹਤਰ ਮਾਰਕਿਟਿੰਗ ਤੇ ਪ੍ਰੋਮੋਸ਼ਨ ਹੋਰ ਨਹੀਂ ਹੋ ਸਕਦੀ ਸੀ।
‘ਕੁਲਚੇ ਛੋਲੇ’ ਫਿਲਮ ਦੇ ਸੰਗੀਤ ਦੀ ਗੱਲ ਕਰੀਏ ਤਾਂ ਟੀਮ ਨੇ ਪਹਿਲਾਂ ਹੀ ਫਿਲਮ ਦੇ 3 ਗੀਤਾਂ ਦੇ ਵੀਡੀਓ ਰਿਲੀਜ਼ ਕੀਤੇ ਹਨ ਅਤੇ ਇੱਥੇ ਇਹ ਕਹਿਣਾ ਵੀ ਜ਼ਰੂਰੀ ਹੋ ਜਾਂਦਾ ਹੈ ਕਿ ਫਿਲਮ ਦਾ ਹਰ ਗੀਤ ਆਪਣੇ ਤਰੀਕੇ ਨਾਲ ਵੱਖ ਤੇ ਸੁਰੀਲਾ ਹੈ। ਜਿੱਥੇ ਰੂਹ ਵਰਗੇ ਗੀਤ ਨੇ ਦਰਸ਼ਕਾਂ ਨੂੰ ਪਿਆਰ ‘ਚ ਪਾ ਦਿੱਤਾ ਹੈ, ਉੱਥੇ ਹੀ ‘ਪੰਜਾਬੀ ਜੱਚਦੇ’ ਨੇ ਦਰਸ਼ਕਾਂ ਨੂੰ ਇਸਦੀ ਧੁਨ ‘ਤੇ ਨੱਚਣ ਲਈ ਮਜ਼ਬੂਰ ਕਰ ਦਿੱਤਾ ਹੈ।
ਹਿੰਮਤ ਸੰਧੂ ਅਤੇ ਸਿਪਰਾ ਗੋਇਲ ਦਾ ਨਵੀਨਤਮ ਵਿਆਹ-ਗੀਤ ਤੇ ‘ਨਾਮ ਬੋਲਦਾ’ ਇੱਕ ਹੋਰ ਵਧੀਆ ਗੀਤ ਹੈ। ਅੱਜ ਈਵੈਂਟ ‘ਚ ਲਾਂਚ ਕੀਤੇ ਗਏ ਸਾਰੇ ਗੀਤਾਂ ਨੂੰ ਜ਼ਰੂਰ ਸੁਣਨਾ ਚਾਹੀਦਾ ਹੈ। ਇਸਦੇ ਨਾਲ ਹੀ ਤੁਹਾਨੂੰ ਇਹ ਸਾਰੇ ਗਾਣੇ ਆਪਣੀ ਪਲੇਅ ਲਿਸਟ ‘ਚ ਜ਼ਰੁਰ ਸ਼ਾਮਿਲ ਕਰਨੇ ਚਾਹੀਦੇ ਹਨ।
ਸਾਗਾ ਸਟੂਡੀਓਜ਼ ਦੇ ਬੈਨਰ ਹੇਠ ਬਣੀ ਇਸ ਫਿਲਮ ਦਾ ਨਿਰਮਾਣ ਪ੍ਰੋਡਕਸ਼ਨ ਹਾਊਸ ਦੇ ਮਾਲਕ ਸੁਮੀਤ ਸਿੰਗ ਨੇ ਕੀਤਾ ਹੈ। ਇਸਦੇ ਨਾਲ ਹੀ ਇਸ ਫਿਲਮ ਦਾ ਨਿਰਦੇਸ਼ਨ ਸਿਮਰਨਜੀਤ ਸਿੰਘ ਹੁੰਦਲ ਨੇ ਕੀਤਾ ਹੈ। ਡਾਇਲਾਗ ਟਾਟਾ ਬੈਨੀਪਾਲ ਨੇ ਲਿਖੇ ਹਨ।ਇਨ੍ਹਾਂ ਖੂਬਸੂਰਤ ਗੀਤਾਂ ਨੂੰ ਰਿਚੀ ਨੇ ਡਾਇਰੈਕਟ ਤੇ ਫਿਰੋਜ਼ ਖਾਨ ਨੇ ਕੋਰੀਓਗ੍ਰਾਫ ਕੀਤਾ ਹੈ। ਫਿਲਮ ‘ਚ ਕਾਮੇਡੀਅਨ ਜਸਵੰਤ ਸਿੰਘ ਰਾਠੌਰ ਵੀ ਅਹਿਮ ਭੂਮਿਕਾ ‘ਚ ਦਿਖਾਈ ਦੇਣਗੇ।
ਫਿਲਮ ‘ਕੁਲਚੇ ਛੋਲੇ’ 11 ਨਵੰਬਰ 2022 ਨੂੰ ਦੁਨੀਆ ਭਰ ਦੇ ਸਿਨੇਮਾ ਘਰਾਂ ‘ਚ ਰਿਲੀਜ਼ ਹੋਣ ਜਾ ਰਹੀ ਹੈ। ਫਿਲਮ ਦਾ ਸੰਗੀਤ ਸਾਗਾ ਮਿਊਜ਼ਿਕ, ਸਾਗਾ ਸਟੂਡੀਓਜ਼ ਦੇ ਇਨ- ਹਾਊਸ ਮਿਊਜ਼ਿਕ ਲੇਬਲ ਦੇ ਤਹਿਤ ਰਿਲੀਜ਼ ਕੀਤਾ ਜਾਵੇਗਾ।
