ਨਵੀਂ ਮਾਰੂਤੀ ਸੁਜ਼ੂਕੀ ਸਵਿਫਟ ਦਾ ਲੋਕਾਂ ‘ਚ ਵਧੀਆ ਕ੍ਰੇਜ਼ , ਪਹਿਲੇ ਹੀ ਮਹੀਨੇ ਹੋਈ ਇੰਨੀ ਜ਼ਿਆਦਾ ਬੁਕਿੰਗ

ਮਾਰੂਤੀ ਸੁਜ਼ੂਕੀ ਸਵਿਫਟ ਅਜੇ ਪਿਛਲੇ ਮਹੀਨੇ ਮਈ ‘ਚ ਹੀ ਲਾਂਚ ਕੀਤੀ ਗਈ ਹੈ ਪਰੰਤੂ ਲਾਂਚ ਹੁੰਦੇ ਹੀ ਇਸ ਕਾਰ ਨੇ ਵਿਕਰੀ ਦੇ ਮਾਮਲੇ ‘ਚ ਆਪਣੇ ਬ੍ਰਾਂਡ ਦੇ ਵਾਹਨਾਂ ਨੂੰ ਵੀ ਪਿੱਛੇ ਛੱਡ ਦਿੱਤਾ ਹੈ। ਇਸ ਕਾਰ ਨੂੰ ਲਾਂਚ ਹੋਏ ਇਕ ਮਹੀਨਾ ਵੀ ਨਹੀਂ ਹੋਇਆ ਹੈ ਪਰ ਲੋਕਾਂ ‘ਚ ਇਸਨੂੰ ਲੈ ਕੇ ਕਾਫੀ ਕ੍ਰੇਜ਼ ਦੇਖਣ ਨੂੰ ਮਿਲ ਰਿਹਾ ਹੈ | 2024 ਮਾਰੂਤੀ ਸੁਜ਼ੂਕੀ ਸਵਿਫਟ ਨੇ 9 ਮਈ ਨੂੰ ਭਾਰਤੀ ਬਾਜ਼ਾਰ ‘ਚ ਐਂਟਰੀ ਕੀਤੀ ਸੀ ਅਤੇ ਇਸ ਇਕ ਮਹੀਨੇ ‘ਚ ਕਾਰ ਲਈ 40 ਹਜ਼ਾਰ ਬੁਕਿੰਗ ਹੋ ਚੁੱਕੀ ਹੈ।

ਇਸ ਸਬੰਧੀ ਮਾਰੂਤੀ ਸੁਜ਼ੂਕੀ ਇੰਡੀਆ ਦੇ ਮਾਰਕੀਟਿੰਗ ਅਤੇ ਸੇਲਜ਼ ਦੇ ਸੀਨੀਅਰ ਕਾਰਜਕਾਰੀ ਸੰਪਾਦਕ ਪਾਰਥੋ ਬੈਨਰਜੀ ਨੇ ਇਸ ਨਵੇਂ ਮਾਡਲ ਨੂੰ ਲਾਂਚ ਕਰਨ ਤੋਂ ਬਾਅਦ ਹੋਏ ਵਿਕਾਸ ਬਾਰੇ ਦੱਸਿਆ। ਮਾਰੂਤੀ ਸੁਜ਼ੂਕੀ ਨੇ ਮਈ ਮਹੀਨੇ ‘ਚ ਸਵਿਫਟ ਦੀਆਂ 19,393 ਇਕਾਈਆਂ ਦੀ ਥੋਕ ਵਿਕਰੀ ਕੀਤੀ ਹੈ। ਇਸ ਦੇ ਨਾਲ, ਸਵਿਫਟ ਮਈ ਮਹੀਨੇ ਲਈ ਮਾਰੂਤੀ ਸੁਜ਼ੂਕੀ ਦੇ ਸਭ ਤੋਂ ਵੱਧ ਵਿਕਣ ਵਾਲੇ ਮਾਡਲ ਵਜੋਂ ਉੱਭਰੀ ਹੈ, ਇਸ ਕਾਰ ਨੇ ਡੀਜ਼ਾਇਰ ਅਤੇ ਵੈਗਨਆਰ ਨੂੰ ਪਿੱਛੇ ਛੱਡ ਦਿੱਤਾ ਹੈ। ਸਵਿਫਟ 2024 ਦੀ ਸਫਲਤਾ ਬਾਰੇ ਪਾਰਥੋ ਬੈਨਰਜੀ ਨੇ ਕਿਹਾ ਕਿ ਨਵੀਂ ਪੀੜ੍ਹੀ ਦੀ ਸਵਿਫਟ ਦੇ ਪੈਟਰੋਲ ਸੰਸਕਰਣ ਤੋਂ 40 ਹਜ਼ਾਰ ਬੁਕਿੰਗ ਪ੍ਰਾਪਤ ਕਰਨਾ ਇਸ ਮਾਡਲ ਲਈ ਵਧੀਆ ਪ੍ਰਤੀਕਿਰਿਆ ਹੈ। ਮਾਰੂਤੀ ਸੁਜ਼ੂਕੀ ਦੀਆਂ ਗੱਡੀਆਂ ਦੀ ਵਿਕਰੀ ਉਦੋਂ ਹੋਰ ਵਧੇਗੀ ਜਦੋਂ ਕੁਝ ਮਹੀਨਿਆਂ ‘ਚ CNG ਵੇਰੀਐਂਟ ਬਾਜ਼ਾਰ ‘ਚ ਲਾਂਚ ਹੋ ਜਾਵੇਗਾ।

ਇਹ ਵੀ ਪੜ੍ਹੋ :ਮਸ਼ਹੂਰ ਭਜਨ ਗਾਇਕ ਘਨ੍ਹਈਆ ਮਿੱਤਲ ਨੇ ਜਾਗਰਣ ਦੌਰਾਨ ਕਰ ‘ਤੀ ਇਹ ਗਲਤੀ , ਹੋਇਆ ਪਰਚਾ ਦਰਜ!

83 ਫੀਸਦੀ ਤੋਂ ਜ਼ਿਆਦਾ ਕੀਤੀ ਗਈ ਬੁਕਿੰਗ

ਮਾਰੂਤੀ ਸੁਜ਼ੂਕੀ ਇੰਡੀਆ ਨੇ ਕਿਹਾ ਕਿ ਨਵੀਂ ਸਵਿਫਟ ਦਾ ਮੈਨੂਅਲ ਵੇਰੀਐਂਟ ਕਾਫੀ ਮਸ਼ਹੂਰ ਹੋ ਰਿਹਾ ਹੈ। ਸਿਰਫ ਮੈਨੂਅਲ ਵੇਰੀਐਂਟ ਲਈ 83 ਫੀਸਦੀ ਤੋਂ ਜ਼ਿਆਦਾ ਬੁਕਿੰਗ ਕੀਤੀ ਗਈ ਹੈ। ਜਦੋਂ ਕਿ ਇਸ ਦੇ AMT ਵੇਰੀਐਂਟ ਲਈ 17 ਫੀਸਦੀ ਬੁਕਿੰਗ ਹੋ ਚੁੱਕੀ ਹੈ। ਕੰਪਨੀ ਨੇ ਇਹ ਵੀ ਕਿਹਾ ਕਿ ਨਵੀਂ ਸਵਿਫਟ ਦੇ ਮਿਡ-ਸਪੈਕ VXI ਵੇਰੀਐਂਟ ਲਈ ਲਗਭਗ 50 ਫੀਸਦੀ ਬੁਕਿੰਗ ਹੋ ਚੁੱਕੀ ਹੈ। ਨਵੀਂ ਮਾਰੂਤੀ ਸੁਜ਼ੂਕੀ ਸਵਿਫਟ ਦੀ ਕੀਮਤ 6.49 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਇਸ ਕਾਰ ਦੀ ਐਕਸ-ਸ਼ੋਰੂਮ ਕੀਮਤ 9.64 ਲੱਖ ਰੁਪਏ ਹੈ। ਵੱਖ-ਵੱਖ ਖੇਤਰਾਂ ਦੇ ਹਿਸਾਬ ਨਾਲ ਇਸ ਕੀਮਤ ‘ਚ ਬਦਲਾਅ ਦੇਖਿਆ ਜਾ ਸਕਦਾ ਹੈ। ਆਪਣੀਆਂ ਸਾਰੀਆਂ ਕਾਰਾਂ ਦੇ AMT ਵੇਰੀਐਂਟ ਮਾਡਲਾਂ ਦੀ ਵਿਕਰੀ ਨੂੰ ਵਧਾਉਣ ਲਈ, ਮਾਰੂਤੀ ਸੁਜ਼ੂਕੀ ਨੇ ਹਾਲ ਹੀ ਵਿੱਚ ਇਨ੍ਹਾਂ ਮਾਡਲਾਂ ਦੀਆਂ ਕੀਮਤਾਂ ਵਿੱਚ 5,000 ਰੁਪਏ ਦੀ ਕਟੌਤੀ ਕੀਤੀ ਹੈ।