ਨਵੀਂ ਦਿੱਲੀ : ਜੇ ਤੁਸੀਂ ਹਵਾਈ ਯਾਤਰਾ ਬਾਰੇ ਪਲਾਨ ਬਣਾ ਰਹੇ ਹੋ, ਤਾਂ ਤੁਹਾਡੇ ਲਈ ਰਾਹਤ ਭਰੀ ਖ਼ਬਰ ਹੈ। ਏਅਰ ਲਾਈਨ ਕੰਪਨੀ ਸਪਾਈਸਜੈੱਟ ਆਪਣੇ ਘਰੇਲੂ ਅਤੇ ਅੰਤਰਰਾਸ਼ਟਰੀ ਨੈਟਵਰਕ ‘ਤੇ 42 ਨਵੀਂ ਉਡਾਣਾਂ ਦੀ ਸ਼ੁਰੂਆਤ ਕਰਨ ਦਾ ਐਲਾਨ ਕੀਤਾ ਹੈ। ਏਅਰ ਲਾਈਨ ਅੱਜ 10 ਜੁਲਾਈ 2021 ਤੋਂ ਆਪਣੀਆਂ ਇਹ ਫਲਾਈਟ ਸ਼ੁਰੂ ਕਰਨ ਜਾ ਰਹੀ ਹੈ। ਬਜਟ ਏਅਰ ਲਾਈਨ ਕੰਪਨੀ ਨੇ ਕਈ ਰੂਟਾਂ ਲਈ ਸਿੱਧੀਆਂ ਉਡਾਣਾਂ ਸ਼ੁਰੂ ਕੀਤੀਆਂ ਹਨ। ਨਵੀਂ ਉਡਾਣਾਂ ਮੈਟਰੋ ਅਤੇ ਗੈਰ-ਮੈਟਰੋ ਸ਼ਹਿਰਾਂ ਦਰਮਿਆਨ ਸੰਪਰਕ ਵਧਾਉਣ ਲਈ ਸ਼ੁਰੂ ਕੀਤੀਆਂ ਗਈਆਂ ਹਨ।

ਬਜਟ ਏਅਰ ਲਾਈਨ ਕੰਪਨੀ ਨੇ ਕਈ ਰੂਟਾਂ ਲਈ ਸਿੱਧੀਆਂ ਉਡਾਣਾਂ ਦਾ ਐਲਾਨ ਕੀਤਾ ਹੈ। ਹੁਣ ਤੁਸੀਂ ਸਪਾਈਸ ਜੇਟ ਵਲੋਂ ਸੂਰਤ ਤੋਂ ਜੈਪੁਰ, ਹੈਦਰਾਬਾਦ, ਬੈਂਗਲੁਰੂ, ਜਬਲਪੁਰ, ਪੁਣੇ ਲਈ ਸਿੱਧੀ ਫਲਾਈਟ ਦਾ ਲਾਭ ਲੈ ਸਕਦੇ ਹੋ। ਇਸ ਤੋਂ ਇਲਾਵਾ ਏਅਰ ਬੱਬਲ ਸਮਝੌਤੇ ਤਹਿਤ, ਸਪਾਈਸ ਜੇਟ ਕੋਚੀ-ਮਾਲੇ-ਕੋਚੀ ਅਤੇ ਮੁੰਬਈ-ਮਾਲੇ-ਮੁੰਬਈ ਮਾਰਗਾਂ ‘ਤੇ ਅੰਤਰ ਰਾਸ਼ਟਰੀ ਉਡਾਣਾਂ ਸ਼ੁਰੂ ਕਰੇਗੀ।