ਨਵੀਂ ਦਿੱਲੀ: ਕੋਰੋਨਾ ਮਹਾਂਮਾਰੀ ਕਾਰਨ, 12ਵੀਂ ਦੀ ਪ੍ਰੀਖਿਆ ਨੂੰ ਸੀਬੀਐਸਈ (CBSE) ਤੇ ਆਈਸੀਐਸਈ (ICSE) ਸਮੇਤ ਸਾਰੇ ਰਾਜਾਂ ਦੇ ਬੋਰਡਾਂ ਵਲੋਂ ਰੱਦ ਕਰ ਦਿੱਤਾ ਗਿਆ ਸੀ। ਇਸ ਦੇ ਨਾਲ ਹੀ, ਅੱਜ ਸੀਬੀਐਸਈ ਬੋਰਡ ਦੀਆਂ 12ਵੀਂ ਦੀ ਮਾਰਕਸ਼ੀਟ ਤਿਆਰ ਕਰਨ ਨੂੰ ਲੈ ਕੇ ਬਣੀ 13 ਮੈਂਬਰੀ ਕਮੇਟੀ ਨੇ ਵੀਰਵਾਰ ਨੂੰ ਸੁਪਰੀਮ ਕੋਰਟ ‘ਚ ਆਪਣੀ ਰਿਪੋਰਟ ਸੌਂਪ ਦਿੱਤੀ ਹੈ। ਸੀਬੀਐਸਈ ਨੇ ਦੱਸਿਆ ਕਿ 10ਵੀਂ,11ਵੀਂ ਅਤੇ 12ਵੀਂ ਦੇ ਪ੍ਰੀ-ਬੋਰਡ ਦੇ ਰਿਜ਼ਲਟ ਨੂੰ 12ਵੀਂ ਦੇ ਫਾਇਨਲ ਰਿਜ਼ਲਟਦਾ ਆਧਾਰ ਬਣਾਇਆ ਜਾਵੇਗਾ। ਅਟਾਰਨੀ ਜਨਰਲ ਨੇ ਕਿਹਾ ਕਿ ਸੀਬੀਐਸਈ ਦੇ ਨਤੀਜੇ 31 ਜੁਲਾਈ ਨੂੰ ਘੋਸ਼ਿਤ ਕੀਤੇ ਜਾਣਗੇ।
ਨਤੀਜਾ ਫਾਰਮੂਲਾ ਕੀ ਹੈ:
10 ਵੀਂ ਤੋਂ 30% (ਟੌਪ ਦੇ ਤਿੰਨ ਵਿਸ਼ੇ ਸਭ ਤੋਂ ਵੱਧ ਅੰਕ)
11ਵੀਂ ਤੋਂ 30% (ਟੌਪਦੇ ਤਿੰਨ ਵਿਸ਼ੇ ਸਭ ਤੋਂ ਵੱਧ ਅੰਕ)
ਅਤੇ 12ਵੀਂ ਪ੍ਰੀ ਬੋਰਡ ਤੋਂ 40% ਅੰਕ ਪ੍ਰਾਪਤ ਕਰੇਗਾ। (ਅੰਕ ਯੂਨਿਟ ਟੈਸਟ ਅਤੇ ਪ੍ਰੈਕਟੀਕਲ ਆਦਿ ਦੇ ਅਧਾਰ ‘ਤੇ ਦਿੱਤੇ ਜਾਣਗੇ)
