ਵਿਧਾਨ ਸਭਾ ਚੋਣਾਂ ਲਈ ਵੋਟਾਂ ਦੀ ਗਿਣਤੀ ਵਾਲੇ ਦਿਨ ਗੜਬੜੀ ਦੀ ਸੰਭਾਵਨਾ ਨੂੰ ਦੇਖਦੇ ਹੋਏ ਭਾਰਤੀ ਕਿਸਾਨ ਯੂਨੀਅਨ (ਬੀਕੇਯੂ) ਦੇ ਬੁਲਾਰੇ ਰਾਕੇਸ਼ ਟਿਕੈਤ ਨੇ ਲੋਕਾਂ ਨੂੰ ਚੌਕਸ ਰਹਿਣ ਲਈ ਗਿਣਤੀ ਕੇਂਦਰਾਂ ‘ਤੇ ਇੱਕ ਦਿਨ ਪਹਿਲਾਂ ਪਹੁੰਚਣ ਦਾ ਸੱਦਾ ਦਿੱਤਾ ਹੈ।
ਉਨ੍ਹਾਂ ਕਿਹਾ ਕਿ ਦੇਸ਼ ਨੂੰ ਇੱਕ ਵੱਡੇ ਅੰਦੋਲਨ ਦੀ ਲੋੜ ਹੈ, ਜੋ ਯਕੀਨੀ ਤੌਰ ‘ਤੇ ਬਦਲਾਅ ਲਿਆਵੇਗੀ। ਬਾਗਪਤ ਦੇ ਬੜੌਤ ਪਹੁੰਚੇ ਟਿਕੈਤ ਨੇ ਪੱਤਰਕਾਰਾਂ ਨੂੰ ਕਿਹਾ, “ਜ਼ਿਲ੍ਹਾ ਪੰਚਾਇਤ (ਚੋਣਾਂ) ਵਿੱਚ ਜੋ ਕੀਤਾ ਗਿਆ, ਉਸ ਨੂੰ ਨਜ਼ਰਅੰਦਾਜ਼ ਨਹੀਂ ਕੀਤਾ ਜਾ ਸਕਦਾ। ਵੋਟਾਂ ਦੀ ਗਿਣਤੀ ਸ਼ੁਰੂ ਹੋਣ ਤੋਂ ਇਕ ਦਿਨ ਪਹਿਲਾਂ ਗਿਣਤੀ ਕੇਂਦਰਾਂ ‘ਤੇ ਪਹੁੰਚੋ ਅਤੇ ਗਿਣਤੀ ਵਾਲੀਆਂ ਥਾਵਾਂ ‘ਤੇ ਡੇਰਾ ਲਗਾਓ। ਉਨ੍ਹਾਂ ਲੋਕਾਂ ਨੂੰ 9 ਮਾਰਚ ਨੂੰ ਆਪਣੇ ਕੱਪੜੇ ਅਤੇ ਬਿਸਤਰੇ ਲੈ ਕੇ ਪਹੁੰਚਣ ਲਈ ਕਿਹਾ ਅਤੇ ਦਾਅਵਾ ਕੀਤਾ ਕਿ 10 ਮਾਰਚ (ਗਿਣਤੀ ਵਾਲੇ ਦਿਨ) ਨੂੰ ਜਨਤਾ ਨੂੰ ਉੱਥੇ ਜਾਣ ਦੀ ਵੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ।
ਯੂਕਰੇਨ ਤੇ ਰੂਸ ਯੁੱਧ ‘ਤੇ ਬੋਲਦੇ ਹੋਏ ਟਿਕੈਤ ਨੇ ਕਿਹਾ ਕਿ ਸਰਕਾਰ ਯੁੱਧ ‘ਚ ਵੀ ਵੋਟ ਤਲਾਸ਼ ਕਰ ਰਹੀ ਹੈ।ਆਪ੍ਰੇਸ਼ਨ ਗੰਗਾ ਦਾ ਨਾਂ ਦੇ ਕੇ ਸਰਕਾਰ ਯੁੱਧ ਵਿਚ ਵੀ ਵੋਟ ਦੀ ਭਾਲ ਕਰ ਰਹੀ ਹੈ।