ਸੰਗਰੂਰ : ਪੰਜਾਬ ‘ਚ ਇਨੀਂ ਦਿਨੀਂ ਗਰਮੀ ਪੂਰੇ ਜੋਰਾਂ ‘ਤੇ ਹੈ। ਪਿੰਡਾਂ ‘ਚ ਤਾਂ ਹੋਰ ਵੀ ਬੁਰਾ ਹਾਲ ਹੈ, ਉਥੇ ਹੀ ਅਜਿਹੇ ‘ਚ ਜੇਕਰ ਬਿਜਲੀ ਨਾ ਆਵੇ ਤਾਂ ਫਿਰ ਲੋਕਾਂ ਦੀ ਹਾਲਤ ਕੀ ਹੋਵੇਗੀ, ਇਹ ਤਾਂ ਉਹੀ ਜਾਣ ਸਕਦੇ ਹਨ ਜੋ ਇਸ ਸਮੱਸਿਆ ਨੂੰ ਝੱਲਦੇ ਹਨ। ਅਜਿਹਾ ਹੀ ਮਾਮਲਾ ਸੰਗਰੂਰ ਦੇ ਪਿੰਡ ਛਾਜਲੀ ‘ਚ ਸਾਹਮਣੇ ਆਇਆ, ਜਿੱਥੇ ਲੋਕਾਂ ਨੂੰ ਪਿਛਲੇ 1 ਹਫ਼ਤੇ ਤੋਂ ਬਿਜਲੀ ਦੀ ਸਮੱਸਿਆ ਨਾਲ ਜੂਝਣਾ ਪੈ ਰਿਹਾ ਹੈ।
1 ਹਫ਼ਤੇ ਤੋਂ ਪਿੰਡ ‘ਚ ਟਰਾਂਸਫਾਰਮਰ ਸੜ੍ਹ ਜਾਣ ਦੇ ਕਾਰਨ ਪਿੰਡ ‘ਚ ਬਿਜਲੀ ਨਹੀਂ ਆਈ, ਜਿਸ ਦੇ ਨਾਲ ਪਿੰਡ ਦੇ ਲੋਕਾਂ ਦੀ ਹਾਲਤ ਬਹੁਤ ਖ਼ਰਾਬ ਹੈ ਅਤੇ ਉਨ੍ਹਾਂ ਨੇ ਗ਼ੁੱਸੇ ‘ਚ ਆ ਕੇ ਸੁਨਾਮ – ਲਹਿਰਾਗਾਗਾ ਹਾਈਵੇਅ ਜਾਮ ਕਰ ਦਿੱਤਾ। ਪਿੰਡ ਵਾਲਿਆਂ ਦੀ ਮੰਗ ਹੈ ਕਿ ਜਦੋਂ ਤੱਕ ਉਨ੍ਹਾਂ ਦੇ ਪਿੰਡ ‘ਚ ਬਿਜਲੀ ਨਹੀਂ ਆਉਂਦੀ ਉਦੋਂ ਤੱਕ ਉਹ ਉੱਥੇ ਤੋਂ ਹੱਟਣ ਵਾਲੇ ਨਹੀਂ ਹਨ।
ਉਥੇ ਹੀ ਦੂਜੇ ਪਾਸੇ ਬਿਜਲੀ ਵਿਭਾਗ ਦਾ ਕਹਿਣਾ ਹੈ ਕਿ ਪਿੰਡ ‘ਚ ਦੂਜਾ ਟਰਾਂਸਫਾਰਮਰ ਲਗਾਉਣ ਦੀ ਪੂਰੀ ਵਿਵਸਥਾ ਕਰ ਲਈ ਗਈ ਹੈ ਪਰ ਜਿਸ ਜਗ੍ਹਾ ‘ਤੇ ਟਰਾਂਸਫਾਰਮਰ ਲਗਾਇਆ ਜਾਣਾ ਹੈ, ਉੱਥੇ ਦੇ ਲੋਕ ਇਹ ਲਗਾਉਣ ਨਹੀਂ ਦੇ ਰਹੇ, ਜਿਸ ਕਾਰਨ ਇਹ ਦਿੱਕਤ ਆ ਰਹੀ ਹੈ।
