ਨਵੀਂ ਦਿੱਲੀ : ਪੰਜਾਬ ਦੇ ਮੁੱਖਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਅਤੇ ਕਾਂਗਰਸ ਆਗੂ ਨਵਜੋਤ ਸਿੰਘ ਸਿੱਧੂ ਦੇ ਵਿੱਚ ਲਗਾਤਾਰ ਤਕਰਾਰ ਜਾਰੀ ਹੈ। ਸੋਮਵਾਰ ਨੂੰ ਵੀ ਨਵਜੋਤ ਸਿੰਘ ਸਿੱਧੂ ਨੇ ਇੱਕ ਵਾਰ ਫਿਰ ਕੈਪਟਨ ਅਮਰਿੰਦਰ ਸਿੰਘ ‘ਤੇ ਗੱਲਾਂ – ਗੱਲਾਂ ‘ਚ ਤਿੱਖਾ ਵਾਰ ਕੀਤਾ ਅਤੇ ਆਪਣੇ ਸਖ਼ਤ ਤੇਵਰ ਦਿਖਾਏ। ਨਵਜੋਤ ਸਿੰਘ ਸਿੱਧੂ ਨੇ ਕਿਹਾ ਕਿ ਜਦੋਂ ਸਿਸਟਮ ਨੇ ਆਪਣੇ ਆਪ ਨੂੰ ਬਦਲਨ ਤੋਂ ਇਨਕਾਰ ਕਰ ਦਿੱਤਾ, ਤਾਂ ਮੈਂ ਸਿਸਟਮ ਹੀ ਠੁਕਰਾ ਦਿੱਤਾ।
ਨਵਜੋਤ ਸਿੰਘ ਸਿੱਧੂ ਨੇ ਆਪਣੇ ਇੱਕ ਟਵੀਟ ਵਿੱਚ ਲਿਖਿਆ ਕਿ 17 ਸਾਲ ਮੈਂ ਲੋਕਸਭਾ, ਰਾਜ ਸਭਾ, ਵਿਧਾਇਕ, ਮੰਤਰੀ ਦੇ ਅਹੁਦੇ ‘ਤੇ ਰਿਹਾ, ਪਰ ਇੱਕ ਹੀ ਮਕਸਦ ਰਿਹਾ। ਪੰਜਾਬ ਦਾ ਜੋ ਸਿਸਟਮ ਹੈ, ਉਹ ਬਦਲੋ ਅਤੇ ਲੋਕਾਂ ਦੇ ਹੱਥ ਵਿੱਚ ਤਾਕਤ ਵਾਪਸ ਦਵੋ। ਸਿੱਧੂ ਨੇ ਅੱਗੇ ਕਿਹਾ ਕਿ ਜਦੋਂ ਸਿਸਟਮ ਨੇ ਹਰ ਰਿਫਾਰਮ ਦੀ ਕੋਸ਼ਿਸ਼ ਨੂੰ ਹੀ ਨਕਾਰ ਦਿੱਤਾ, ਤਾਂ ਮੈਂ ਸਿਸਟਮ ਨੂੰ ਹੀ ਠੁਕਰਾ ਦਿੱਤਾ। ਚਾਹੇ ਮੈਨੂੰ ਕੈਬੀਨਟ ਲਈ ਆਫ਼ਰ ਹੀ ਕਿਉਂ ਨਾ ਆਉਂਦੇ ਰਹੇ।
17 Years- Lok Sabha, Rajya Sabha, MLA, Minister… Just one Motive, to change the system that runs Punjab & Give back the Power of the People to the People. But when the system said No to every attempt for reform, I rejected the system, though it kept offering me Cabinet Berths ! pic.twitter.com/V2LBAjoAXA
— Navjot Singh Sidhu (@sherryontopp) June 21, 2021
ਦੱਸ ਦਈਏ ਕਿ ਪਿਛਲੇ ਦਿਨ ਵੀ ਨਵਜੋਤ ਸਿੰਘ ਸਿੱਧੂ ਨੇ ਕਿਹਾ ਸੀ ਕਿ, “ਮੇਰਾ ਏਜੰਡਾ ਵਿਕਾਸ ਅਤੇ ਪੰਜਾਬ ਦੀ ਜਨਤਾ ਦਾ ਭਲਾ ਕਰਨਾ ਹੈ। ਮੈਂ ਕੋਈ ਸ਼ੋਅਪੀਸ ਨਹੀਂ ਹਾਂ, ਜਿਸ ਨੂੰ ਤੁਸੀ ਚੋਣ ਦੇ ਸਮੇਂ ਨਿਕਾਲੇਂਗੇ ਅਤੇ ਚੋਣ ਜਿੱਤਣ ਤੋਂ ਬਾਅਦ ਵਾਪਸ ਅਲਮਾਰੀ ਵਿੱਚ ਰੱਖ ਦੇਵਾਂਗੇ। ਮੈਂ ਇਸ ਨੂੰ ਸਹਿ ਨਹੀਂ ਕਰ ਸਕਦਾ।”
