ਨਵੀ ਦਿੱਲੀ: ‘ਕੇਸਰੀ ਚੈਪਟਰ 2’ 18 ਅਪ੍ਰੈਲ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਫਿਲਮ ਦੀ ਰਿਲੀਜ਼ ਤੋਂ ਪਹਿਲਾਂ, ਅੱਜ ਮੰਗਲਵਾਰ ਨੂੰ ਨਵੀਂ ਦਿੱਲੀ ਵਿੱਚ ਇਸਦੀ ਵਿਸ਼ੇਸ਼ ਸਕ੍ਰੀਨਿੰਗ ਰੱਖੀ ਗਈ, ਜਿੱਥੇ ਅਕਸ਼ੈ ਕੁਮਾਰ ਅਤੇ ਆਰ ਮਾਧਵਨ ਸਮੇਤ ਕਈ ਕਰੂ ਮੈਂਬਰ ਪਹੁੰਚੇ। ਇਸ ਸਕ੍ਰੀਨਿੰਗ ਵਿੱਚ ਦਿੱਲੀ ਦੀ ਮੁੱਖ ਮੰਤਰੀ ਰੇਖਾ ਗੁਪਤਾ ਨੇ ਵੀ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ।
ਦਿੱਲੀ ਦੀ ਮੁੱਖ ਮੰਤਰੀ ਰੇਖਾ ਗੁਪਤਾ ਨੇ ਜਲ੍ਹਿਆਂਵਾਲਾ ਬਾਗ ਕਤਲੇਆਮ ‘ਤੇ ਆਧਾਰਿਤ ਫਿਲਮ ‘ਕੇਸਰੀ ਚੈਪਟਰ 2’ ਦੇਖੀ ਅਤੇ ਕਿਹਾ, “ਇਹ ਇੱਕ ਸ਼ਾਨਦਾਰ ਫਿਲਮ ਹੈ… ਮੈਂ ਹਮੇਸ਼ਾ ਕਹਿੰਦੀ ਹਾਂ ਕਿ ਸਾਨੂੰ ਆਪਣੇ ਦੇਸ਼ ਲਈ ਮਰਨ ਦਾ ਮੌਕਾ ਕਦੇ ਨਹੀਂ ਮਿਲੇਗਾ, ਪਰ ਅਸੀਂ ਆਪਣੇ ਦੇਸ਼ ਲਈ ਜੀ ਜ਼ਰੂਰ ਸਕਦੇ ਹਾਂ। ਆਓ ਆਪਾਂ ਆਪਣੀ ਮਾਤ ਭੂਮੀ ਲਈ ਜੀਈਏ…”
ਦੱਸ ਦਈਏ ਕਿ ਅਕਸ਼ੈ ਕੁਮਾਰ, ਆਰ ਮਾਧਵਨ ਅਤੇ ਅਨੰਨਿਆ ਪਾਂਡੇ ਅਭਿਨੀਤ ਫਿਲਮ ਕੇਸਰੀ-2 ਰਿਲੀਜ਼ ਲਈ ਤਿਆਰ ਹੈ। ਇਹ ਅਗਲੇ ਸ਼ੁੱਕਰਵਾਰ ਯਾਨੀ 18 ਅਪ੍ਰੈਲ ਨੂੰ ਸਾਰੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।