ਸਿਰਸਾ, 30 ਜੂਨ 2026 : ਹਰਿਆਣਾ (Haryana) ਦੇ ਸ਼ਹਿਰ ਸਿਰਸਾ ਦੀ ਸੀ. ਆਈ. ਏ. ਟੀਮ ਵਲੋਂ ਪੰਜਾਬ ਵਿਚ ਲੋੜੀਂਦੇ ਇਕ ਗੈਂਗਸਟਰ ਨੂੰ ਗ੍ਰਿਫ਼ਤਾਰ (Gangster arrested) ਕੀਤੇ ਜਾਣ ਦਾ ਸਮਾਚਾਰ ਹੈ ।
ਕੌਣ ਹੈ ਇਹ ਗੈਂਗਸਟਰ
ਮਿਲੀ ਜਾਣਕਾਰੀ ਮੁਤਾਬਕ ਸਿਰਸਾ ਜਿ਼ਲ੍ਹਾ ਪੁਲਸ ਦੀ ਸੀ. ਆਈ. ਏ. ਟੀਮ (C. I. A. Team) ਨੇ ਪੰਜਾਬ ਦੇ ਜੋ ਇੱਕ ਸਥਾਨਕ ਗੈਂਗਸਟਰ ਨੂੰ ਗ੍ਰਿਫ਼ਤਾਰ ਕੀਤਾ ਹੈ ਅਤੇ ਉਸ ਤੋਂ ਹਥਿਆਰ ਬਰਾਮਦ ਕੀਤੇ ਹਨ ਦੀ ਪਛਾਣ ਗੌਰਵ ਉਰਫ ਗੋਰੂ ਬਚੀ ਦੇ ਤੌਰ ‘ਤੇ ਹੋਈ ਹੈ । ਸਿਰਸਾ ਪੁਲਸ ਵਲੋਂ ਉਕਤ ਗੈਂਗਸਟਰ ਦੀ ਫੜੋ-ਫੜੀ ਸਬੰਧੀ ਪੰਜਾਬ ਪੁਲਿਸ ਨੂੰ ਵੀ ਗ੍ਰਿਫ਼ਤਾਰੀ ਬਾਰੇ ਸੂਚਿਤ ਕਰ ਦਿੱਤਾ ਗਿਆ ਹੈ ।
ਕੀ ਕਰਨ ਆਇਆ ਸੀ ਗੈਂਗਸਟਰ ਸਿਰਸਾ
ਜਿਸ ਪੰਜਾਬ ਵਿਚ ਲੋੜੀਂਦੇ ਗੈਂਗਸਟਰ ਨੂੰ ਹਰਿਆਣਾ ਦੀ ਸਿਰਸਾ ਸੀ. ਆਈ. ਏ. ਟੀਮ ਵਲੋਂ ਕਾਬੂ ਕੀਤਾ ਗਿਆ ਹੈ ਦੇ ਸਿਰਸਾ ਵਿਚ ਕਿਸ ਕਾਰਨ ਆਉਣ ਬਾਰੇ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਪੁਲਸ ਦਾ ਮੰਨਣਾ ਹੈ ਕਿ ਉਸ ਵਲੋਂ ਗੈਂਗਸਟਰ ਦੇ ਕਿਸੇ ਅਪਰਾਧਕ ਘਟਨਾ ਨੂੰ ਅੰਜਾਮ ਦੇਣ ਤੋਂ ਪਹਿਲਾਂ ਹੀ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ।
ਕੀ ਸਾਹਮਣੇ ਆਇਆ ਪੁਲਸ ਦੀ ਸ਼ੁਰੂਆਤੀ ਜਾਂਚ ਵਿਚ
ਪੁਲਸ ਦੇ ਅਨੁਸਾਰ ਮੁਲਜ਼ਮ ਦੀ ਪਛਾਣ ਜਿਥੇ ਗੌਰਵ ਉਰਫ਼ ਗੋਰੂ ਬਚੀ (Gaurav alias Goru Bachhi) ਵਜੋਂ ਹੋਈ ਹੈ ਬਾਰੇ ਇਹ ਵੀ ਪਤਾ ਚੱਲਿਆ ਹੈ ਕਿ ਇਹ ਲੁਧਿਆਣਾ ਦਾ ਰਹਿਣ ਵਾਲਾ ਹੈ ਅਤੇ ਪੁਲਸ ਤੋਂ ਬਚਣ ਲਈ ਲੰਬੇ ਸਮੇਂ ਤੋਂ ਇੱਕ ਥਾਂ ਤੋਂ ਦੂਜੀ ਥਾਂ ਘੁੰਮ ਰਿਹਾ ਸੀ । ਪੁਲਸ ਨੂੰ ਉਸ ਦੀ ਮੌਜੂਦਗੀ ਦੀ ਜਾਣਕਾਰੀ ਉਦੋਂ ਮਿਲੀ ਜਦੋਂ ਉਹ ਸਿਰਸਾ ਪਹੁੰਚਿਆ । ਇਸ ਦੌਰਾਨ ਪੁਲਸ ਨੇ ਕਾਰਵਾਈ ਕਰਦਿਆਂ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ।
ਜਾਂਚ ਦੌਰਾਨ ਗੌਰਵ ਦੇ ਆਪਣਾ ਹੀ ਗੈਂਗ ਚਲਾਉਣ ਦਾ ਲੱਗਿਆ ਪਤਾ
ਸੂਤਰਾਂ ਅਨੁਸਾਰ ਮੁਲਜ਼ਮ ਗੌਰਵ ਨੂੰ ਸੀ. ਆਈ. ਏ. ਨੇ ਸਿਰਸਾ ਦੀ ਮੰਡੀ ਦੇ ਰਿਲਾਇੰਸ ਪੈਟਰੋਲ ਪੰਪ ਦੇ ਨੇੜੇ ਫੜਿਆ ਸੀ । ਪੁਲਸ ਨੇ ਇਹ ਕਾਰਵਾਈ ਸੋਮਵਾਰ ਰਾਤ ਨੂੰ ਕੀਤੀ । ਜਦੋਂ ਇਸ ਮਾਮਲੇ ਸਬੰਧੀ ਸੀ. ਆਈ. ਏ. ਨਾਲ ਸੰਪਰਕ ਕੀਤਾ ਗਿਆ ਤਾਂ ਇਹ ਖੁਲਾਸਾ ਹੋਇਆ ਕਿ ਮੁਲਜ਼ਮ ਗੈਂਗਸਟਰ ਗੌਰਵ ਆਪਣਾ ਗੈਂਗ ਚਲਾਉਂਦਾ ਹੈ । ਮੁੱਢਲੀ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਮੁਲਜ਼ਮ ਦਾ ਕਿਸੇ ਹੋਰ ਗਿਰੋਹ ਨਾਲ ਕੋਈ ਸਬੰਧ ਨਹੀਂ ਹੈ। ਪੁਲਸ ਮੁਲਜ਼ਮ ਦੇ ਸਿਰਸਾ ਦੀ ਯਾਤਰਾ ਦੇ ਇਤਿਹਾਸ ਅਤੇ ਉਸ ਦੇ ਸਥਾਨਕ ਸਬੰਧਾਂ ਦੀ ਜਾਂਚ ਕਰ ਰਹੀ ਹੈ ।
