ਸੈਨ ਡਿਏਗੋ, 19 ਮਈ 2026 : ਅਮਰੀਕਾ (America) ਦੇ ਸੈਨ ਡਿਏਗੋ ਵਿਖੇ ਇਕ ਮਸਜਿਦ ਵਿਚ ਦੋ ਨਾਬਾਲਗ ਨੇ ਗੋਲੀਆਂ ਚਲਾ (Shoot) ਕੇ ਜਿਥੇ ਤਿੰਨ ਨੂੰ ਮਾਰ ਦਿੱਤਾ, ਉਥੇੇ ਆਪਣੇ ਆਪ ਨੂੰ ਗੋਲੀ ਮਾਰ ਲਈ ਹੈ ।
ਕੀ ਹੈ ਪੂਰਾ ਮਾਮਲਾ
ਮਿਲੀ ਜਾਣਕਾਰੀ ਅਨੁਸਾਰ ਅਮਰੀਕਾ ਦੇ ਸੈਨ ਡਿਏਗੋ (San Diego) ਵਿਖੇ ਜੋ ਲੰਘੇ ਦਿਨੀਂ ਸੋਮਵਾਰ ਨੂੰ ਸੈਨ ਡਿਏਗੋ ਵਿੱਚ ਇੱਕ ਮਸਜਿਦ ਵਿੱਚ ਦੋ ਨਾਬਾਲਗਾਂ ਨੇ ਗੋਲੀਬਾਰੀ ਕੀਤੀ, ਜਿਸ ਵਿੱਚ ਤਿੰਨ ਲੋਕ ਮਾਰੇ ਗਏ । ਪੁਲਸ ਨੇ ਕਿਹਾ ਕਿ ਹਮਲਾਵਰਾਂ ਨੇ ਫਿਰ ਥੋੜ੍ਹੀ ਦੂਰੀ ‘ਤੇ ਆਪਣੇ ਆਪ ਨੂੰ ਗੋਲੀ ਮਾਰ ਲਈ ।
ਕੀ ਆਖਿਆ ਪੁਲਸ ਮੁਖੀ ਨੇ
ਸੈਨ ਡਿਏਗੋ ਪੁਲਸ ਮੁਖੀ ਸਕਾਟ ਵਾਲ (Police Chief Scott Wall) ਨੇ ਮਸਜਿਦ ਦੇ ਨੇੜੇ ਇੱਕ ਪਾਰਕ ਵਿੱਚ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਕਿਹਾ ਕਿ ਸੈਨ ਡਿਏਗੋ ਇਸਲਾਮਿਕ ਸੈਂਟਰ ‘ਤੇ ਹੋਏ ਹਮਲੇ ਦੀ ਜਾਂਚ ਨਫ਼ਰਤ ਅਪਰਾਧ ਵਜੋਂ ਕੀਤੀ ਜਾ ਰਹੀ ਹੈ । ਪੁਲਸ ਮੁਖੀ ਵਾਲ ਨੇ ਬਾਅਦ ਵਿੱਚ ਕਿਹਾ ਕਿ ਅਧਿਕਾਰੀਆਂ ਨੇ ਦਿਨ ਦੇ ਸ਼ੁਰੂ ਵਿੱਚ ਦੋ ਕਿਸ਼ੋਰਾਂ ਵਿੱਚੋਂ ਇੱਕ ਦੀ ਮਾਂ ਨਾਲ ਗੱਲ ਕੀਤੀ, ਜਿਸਨੇ ਸਵੇਰੇ 9:40 ਵਜੇ ਦੇ ਕਰੀਬ ਪੁਲਿਸ ਨਾਲ ਸੰਪਰਕ ਕੀਤਾ ਅਤੇ ਦੱਸਿਆ ਕਿ ਉਸਦਾ ਪੁੱਤਰ ਆਪਣੀ ਗੱਡੀ ਸਮੇਤ ਲਾਪਤਾ ਹੈ ਅਤੇ ਉਸ ਕੋਲ ਕਈ ਹਥਿਆਰ ਸਨ ।
ਮਾਮਲੇ ਦੇ ਹੱਲ ਲਈ ਕੀਤੀ ਜਾ ਰਹੀ ਹੈ ਜਾਣਕਾਰੀ ਇਕੱਠੀ
ਅਮਰੀਕੀ ਪੁਲਸ ਮੁਖੀ ਨੇ ਆਖਿਆ ਹੈ ਕਿ ਉਨ੍ਹਾਂ ਵਲੋਂ ਹਮਲਾਵਰ ਦੀ ਮਾਂ ਤੋਂ ਪ੍ਰਾਪਤ ਜਾਣਕਾਰੀ ਨਾਲ ਕੰਮ ਕੀਤਾ ਜਾ ਰਿਹਾ ਹੈ ਤਾਂ ਜੋ ਘਟਨਾ ਦੇ ਵੇਰਵਿਆਂ ਨੂੰ ਇਕੱਠਾ ਕੀਤਾ ਜਾ ਸਕੇ ਅਤੇ ਇਸਨੂੰ ਜਲਦੀ ਤੋਂ ਜਲਦੀ ਹੱਲ ਕੀਤਾ ਜਾ ਸਕੇ। ਉਨ੍ਹਾਂ ਕਿਹਾ ਕਿ ਇਹ ਯਕੀਨੀ ਤੌਰ ‘ਤੇ ਇੱਕ ਨਫ਼ਰਤ ਅਪਰਾਧ ਹੈ ਅਤੇ ਇਸ ਦ੍ਰਿਸ਼ਟੀਕੋਣ ਤੋਂ ਜਾਂਚ ਕੀਤੀ ਜਾਵੇਗੀ ।
ਮਾਰੇ ਗਏ ਵਿਅਕਤੀਆਂ ਵਿਚ ਮਸਜਿਕ ਦਾ ਸੁਰੱਖਿਆ ਗਾਰਡ ਵੀ ਹੈ ਸ਼ਾਮਲ
ਪੁਲਸ ਅਧਿਕਾਰੀ ਵਾਲ ਨੇ ਕਿਹਾ ਕਿ ਜਿਸ ਕਿਸ਼ੋਰ ਦੀ ਮਾਂ ਨੇ ਉਨ੍ਹਾਂ ਨਾਲ ਸੰਪਰਕ ਕੀਤਾ ਸੀ ਉਹ ਇਸਲਾਮਿਕ ਸੈਂਟਰ ਤੋਂ ਲਗਭਗ ਇੱਕ ਮੀਲ ਦੂਰ ਮੈਡੀਸਨ ਹਾਈ ਸਕੂਲ ਵਿੱਚ ਪੜ੍ਹਦਾ ਸੀ । ਪੁਲਸ ਨੇ ਕਿਸ਼ੋਰਾਂ ਦੇ ਨਾਮ ਜਾਰੀ ਨਹੀਂ ਕੀਤੇ ਹਨ । ਵਾਲ ਨੇ ਕਿਹਾ ਕਿ ਮਾਰੇ ਗਏ ਲੋਕਾਂ ਵਿੱਚ ਮਸਜਿਦ ਦਾ ਸੁਰੱਖਿਆ ਗਾਰਡ ਵੀ ਸ਼ਾਮਲ ਸੀ । ਪੁਲਸ ਦਾ ਮੰਨਣਾ ਹੈ ਕਿ ਉਸਨੇ ਸਥਿਤੀ ਨੂੰ ਵਧਣ ਤੋਂ ਰੋਕਣ ਵਿੱਚ “ਮਹੱਤਵਪੂਰਨ ਭੂਮਿਕਾ” ਨਿਭਾਈ ।
ਪੁਲਸ ਨੇ ਗਾਰਡ ਦੀ ਅਹਿਮ ਭੂਮਿਕਾ ਨੂੰ ਮੰਨਿਆਂ
ਵਾਲ ਨੇ ਕਿਹਾ ਕਿ ਇਹ ਕਹਿਣਾ ਉਚਿਤ ਹੈ ਕਿ ਸੁਰੱਖਿਆ ਗਾਰਡ ਨੇ ਇੱਕ ਨਾਇਕ ਵਾਂਗ ਕੰਮ ਕੀਤਾ । ਉਸਨੇ ਬਿਨਾਂ ਸ਼ੱਕ ਅੱਜ ਬਹੁਤ ਸਾਰੀਆਂ ਜਾਨਾਂ ਬਚਾਈਆਂ। ਸੈਨ ਡਿਏਗੋ ਇਸਲਾਮਿਕ ਸੈਂਟਰ ਦੀ ਵੈੱਬਸਾਈਟ ਦੇ ਅਨੁਸਾਰ, ਇਹ ਸੈਨ ਡਿਏਗੋ ਕਾਉਂਟੀ ਦੀ ਸਭ ਤੋਂ ਵੱਡੀ ਮਸਜਿਦ ਹੈ ਅਤੇ ਇਸ ਵਿੱਚ ਅਲ ਰਾਸ਼ਿਦ ਸਕੂਲ ਵੀ ਹੈ, ਜੋ ਪੰਜ ਸਾਲ ਅਤੇ ਇਸ ਤੋਂ ਵੱਧ ਉਮਰ ਦੇ ਵਿਦਿਆਰਥੀਆਂ ਨੂੰ ਅਰਬੀ ਸਿਖਾਉਂਦਾ ਹੈ।
