ਜਲੰਧਰ, 31 ਮਾਰਚ 2026 : ਪੰਜਾਬ ਦੇ ਸ਼ਹਿਰ ਜਲੰਧਰ ਵਿਖੇ ਪੁੱਤਰ ਦਾ ਕਤਲ ਕਰਨ ਵਾਲੀ ਮਾਂ ਨੂੰ ਅੱਜ ਮਾਨਯੋਗ ਅਦਾਲਤ (Court) ਵਲੋਂ ਉਮਰ ਕੈਦ ਦੀ ਸਜ਼ਾ ਸੁਣਾਏ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ ।
ਕੌਣ ਹੈ ਉਹ ਪੁੱਤਰ ਜਿਸਨੂੰ ਮਾਂ ਨੇ ਹੀ ਉਤਾਰ ਦਿੱਤਾ ਸੀ ਮੌਤ ਦੇ ਘਾਟ
ਮਿਲੀ ਜਾਣਕਾਰੀ ਅਨੁਸਾਰ ਮਾਨਯੋਗ ਅਦਾਲਤ ਵਲੋਂ ਜਿਸ ਮਹਿਲਾ ਨੂੰ ਅੱਜ ਉਮਰ ਕੈਦ ਦੀ ਸਜ਼਼ਾ (Life imprisonment) ਸੁਣਾਈ ਗਈ ਹੈ ਦਾ ਨਾਮ ਕੁਲਵਿੰਦਰ ਕੌਰ ਹੈ ਤੇ ਜਿਸ ਪੁੱਤਰ ਦਾ ਇਸ ਮਾਂ ਨੇ ਚਾਕੂ ਮਾਰ ਕੇ ਕਤਲ (Murder) ਕਰ ਦਿੱਤਾ ਸੀ ਉਹ 6 ਸਾਲਾ ਅਰਸ਼ਪ੍ਰੀਤ ਸਿੰਘ ਹੈ । ਦੱਸਣਯੋਗ ਹੈ ਕਿ ਅਦਾਲਤ ਨੇ ਮਹਿਲਾ ਕੁਲਵਿੰਦਰ ਕੌਰ ਨੂੰ ਸਿਰਫ਼ ਉਮਰ ਕੈਦ ਦੀ ਸਜ਼ਾ ਹੀ ਨਹੀਂ ਸੁਣਾਈ ਬਲਕਿ ਉਸਨੂੰ 50 ਹਜ਼ਾਰ ਰੁਪਏ ਦਾ ਜੁਰਮਾਨਾ ਵੀ ਲਗਾਇਆ ਹੈ ।
ਕਦੋਂ ਦੀ ਹੈ ਇਹ ਘਟਨਾ
ਬੱਚੇ ਦੇ ਦਾਦਾ ਅਵਤਾਰ ਸਿੰਘ ਨੇ ਦੱਸਿਆ ਕਿ ਉਕਤ ਘਟਨਾਕ੍ਰਮ 8 ਜੂਨ 2020 ਦਾ ਹੈ । ਅਵਤਾਰ ਸਿੰਘ ਨੇ ਦੱਸਿਆ ਕਿ 6 ਸਾਲਾ ਅਰਸ਼ਪ੍ਰੀਤ ਸਿੰਘ ਦਾ ਆਪਣੀ ਦਾਦੀ ਨਾਲ ਬਹੁਤ ਹੀ ਜਿ਼ਆਦਾ ਪਿਆ ਸੀ ਤੇ ਉਹ ਹਮੇਸ਼ਾਂ ਦਾਦੀ ਦੇ ਨਾਲ ਸੌਣ ਦੀ ਹੀ ਜਿੱਦ ਕਰਦਾ ਰਹਿੰਦਾ ਸੀ ਪਰ ਕੁਲਵਿੰਦਰ ਕੌਰ (Kulwinder Kaur) ਨੂੰ ਅਰਸ਼ਪ੍ਰੀਤ ਸਿੰਘ ਦਾ ਦਾਦੀ ਨਾਲ ਇੰਨਾਂ ਪਿਆਰ ਬਿਲਕੁੱਲ ਵੀ ਪਸੰਦ ਨਹੀਂ ਸੀ, ਜਿਸਦੇ ਚਲਦਿਆਂ ਕੁਲਵਿੰਦਰ ਕੌਰ ਨੇ ਇਕ ਰਾਤ ਅਰਸ਼ਪ੍ਰੀਤ ਸਿੰਘ (Arshpreet Singh) ਦਾ ਸਬਜੀ ਕੱਟਣ ਵਾਲੇ ਚਾਕੂ ਨਾਲ ਹੀ ਕਤਲ ਕਰ ਦਿੱਤਾ ਸੀ ।
Read more : ਸਕੀਆਂ ਭੈਣਾਂ ਦੇ ਕਤਲ ਮਾਮਲੇ ’ਚ ਅਦਾਲਤ ਨੇ ਸੁਣਾਈ ਉਮਰ ਕੈਦ ਦੀ ਸਜ਼ਾ
