Home Blog Page 425

10ਵੀਂ ਬੋਰਡ ਦਾ ਪੇਪਰ ਵਟਸਐਪ ਸਟੇਟਸ ਤੇ ਪਾਉਣ ਤੇ ਅਧਿਆਪਕ ਤੇ ਕੇਸ ਦਰਜ

February 19, 2026

ਇੰਦੌਰ, 19 ਫਰਵਰੀ 2026 : ਮੱਧ ਪ੍ਰਦੇਸ਼ (Madhya Pradesh) ਦੇ ਬੁਰਹਾਨਪੁਰ ਜਿ਼ਲੇ ਵਿਖੇ ਇਕ ਅਧਿਆਪਕ ਵਲੋਂ 10ਵੀਂ ਬੋਰਡ ਦਾ ਪੇਪਰ (10th board paper) ਵਟਸਐਪ ਸਟੇਟਸ ਤੇ ਪਾਏ ਜਾਣ ਤੇ ਉਸ ਵਿਰੁੱਧ ਕੇਸ ਦਰਜ (Case registered) ਕੀਤਾ ਗਿਆ ਹੈ ।

ਕੌਣ ਹੈ ਇਹ ਅਧਿਆਪਕ

ਮੱਧ ਪ੍ਰਦੇਸ਼ ਦੇ ਬੁਰਹਾਨਪੁਰ ਜਿ਼ਲੇ ਵਿਚ ਪ੍ਰੀਖਿਆਰਥੀਆਂ ਨੂੰ ਕਥਿਤ ਤੌਰ ‘ਤੇ ਨਕਲ ਕਰਵਾਉਣ ਲਈ 10ਵੀਂ ਜਮਾਤ ਦੀ ਬੋਰਡ ਪ੍ਰੀਖਿਆ ਦੌਰਾਨ ਅੰਗਰੇਜ਼ੀ ਵਿਸ਼ੇ ਦੇ ਪੇਪਰ ਨੂੰ ਸੋਸ਼ਲ ਮੀਡੀਆ ‘ਤੇ ਸਾਂਝਾ ਕਰਨ ਦੇ ਦੋਸ਼ ਵਿਚ ਜਿਸ ਅਧਿਆਪਕਾ ਖਿ਼ਲਾਫ਼ ਕਾਰਵਾਈ ਕਰਨ ਦੇ ਉਦੇਸ਼ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ ਦਾ ਨਾਮ ਸੋਨੀ ਹੈ । ਅਧਿਕਾਰੀਆਂ ਨੇ ਬੁੱਧਵਾਰ ਨੂੰ ਇਹ ਜਾਣਕਾਰੀ ਦਿੱਤੀ ।

ਕੀ ਦੱਸਿਆ ਅਧਿਕਾਰੀਆਂ ਨੇ

ਅਧਿਕਾਰੀਆਂ ਨੇ ਦੱਸਿਆ ਕਿ ਇਸ ਘਟਨਾ ਨੂੰ ਲੈ ਕੇ ਹੰਗਾਮਾ ਹੋਣ ਤੋਂ ਬਾਅਦ ਅਧਿਆਪਕਾ ਦੇ ਨਾਲ-ਨਾਲ ਪ੍ਰੀਖਿਆ ਕੇਂਦਰ ਸੁਪਰਡੈਂਟ ਅਤੇ ਸਹਾਇਕ ਕੇਂਦਰ ਸੁਪਰਡੈਂਟ ਨੂੰ ਵੀ ਮੁਅੱਤਲ ਕਰ ਦਿੱਤਾ ਗਿਆ ਹੈ । ਅਧਿਕਾਰੀਆਂ ਅਨੁਸਾਰ, ਤੁਕਈਥੜ ਦੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਵਿਚ ਮੰਗਲਵਾਰ ਨੂੰ 10ਵੀਂ ਜਮਾਤ ਦੀ ਅੰਗਰੇਜ਼ੀ ਦੀ ਪ੍ਰੀਖਿਆ ਦੌਰਾਨ ਨਿਗਰਾਨ ਰਾਜਕੁਮਾਰ ਸੋਨੀ (Rajkumar Soni) ਨੇ ਪ੍ਰਸ਼ਨ-ਪੱਤਰ ਦੀ ਫੋਟੋ ਆਪਣੇ ਵਟਸਐਪ ਸਟੇਟਸ (WhatsApp status) ‘ਤੇ ਪਾ ਦਿੱਤੀ ਸੀ ।

ਦੋਸ਼ ਹੈ ਕਿ ਪ੍ਰਾਇਮਰੀ ਅਧਿਆਪਕਾ ਸੋਨੀ ਨੇ ਪ੍ਰੀਖਿਆ ਵਿਚ ਗੈਰ-ਹਾਜ਼ਰ ਇਕ ਵਿਦਿਆਰਥੀ ਦੇ ਮੇਜ਼ ‘ਤੇ ਰੱਖੇ ਪ੍ਰਸ਼ਨ-ਪੱਤਰ (Question paper) ਦੀ ਫੋਟੋ ਖਿੱਚ ਕੇ ਇਕ ਵਿਅਕਤੀ ਨੂੰ ਵੀ ਭੇਜੀ ਸੀ ਤਾਂ ਜੋ ਇਸ ਨੂੰ ਹੱਲ ਕਰ ਕੇ ਪ੍ਰੀਖਿਆਰਥੀਆਂ ਨੂੰ ਨਕਲ ਕਰਵਾਈ ਜਾ ਸਕੇ ।

ਕਾਰ ਦੇ ਮੋਟਰਸਾਈਕਲ ਨੂੰ ਟੱਕਰ ਮਾਰਨ ਕਾਰਨ ਮਹਿਲਾ ਦੀ ਮੌਤ ਪਤੀ ਜ਼ਖ਼ਮੀ

Rajesh Aggarwal

February 19, 2026

ਲੁਧਿਆਣਾ, 19 ਫਰਵਰੀ 2026 : ਪੰਜਾਬ ਦੇ ਸਮਰਾਲਾ (Samrala) ਵਿਚ ਖੰਨਾ ਰੋਡ ਵਿਖੇ ਇਕ ਕਾਰ ਚਾਲਕ ਵਲੋਂ ਮੋਟਰਸਾਈਕਲ ਨੂੰ ਟੱਕਰ (Collision) ਮਾਰ ਦੇਣ ਨਾਲ ਮਹਿਲਾ ਦੀ ਮੌਤ (Woman’s death) ਤੇ ਉਸਦਾ ਪਤੀ ਗੰਭੀਰ ਜ਼ਖ਼ਮੀ ਹੋ ਗਿਆ ਹੈ । ਦੱਸਣਯੋਗ ਹੈ ਕਿ ਹਾਦਸਾ ਪਿੰਡ ਕੁੱਲੇਵਾਲ ਦੇ ਨੇੜੇ ਵਾਪਰਿਆ ਹੈ ।

ਪੁਲਸ ਨੂੰ ਕਾਰ ਚਾਲਕ ਕੋਲੋਂ ਕੀ ਮਿਲਿਆ

ਮਿਲੀ ਜਾਣਕਾਰੀ ਅਨੁਸਾਰ ਕਾਰ ਚਾਲਕ (Car driver) ਜੋ ਕਿ ਨਸ਼ੇ ਵਿਚ ਧੁੱਤ ਦੱਸਿਆ ਜਾ ਰਿਹਾ ਹੈ ਦੇ ਕੋਲੋਂ ਸੜਕ ਹਾਦਸੇ ਤੋਂ ਬਾਅਦ ਪੰਜਾਬ ਪੁਲਸ ਨੇ ਕਾਰਵਾਈ ਕਰਦਿਆਂ 5. 15 ਗ੍ਰਾਮ ਹੈਰੋਇਨ (Heroin) ਬਰਾਮਦ ਕੀਤੀ ਹੈ ।

ਕੀ ਆਖਿਆ ਐਸ. ਐਚ. ਓ. ਨੇ

ਇਸ ਸਬੰਧ ਵਿੱਚ ਸਥਾਨਕ ਐਸ. ਐਚ. ਓ ਇੰਸਪੈਕਟਰ ਹਰਵਿੰਦਰ ਸਿੰਘ ਨੇ ਦੱਸਿਆ ਕਿ ਕਾਰ ਚਾਲਕ ਦੀ ਪਛਾਣ ਪ੍ਰਮੋਦ ਕੁਮਾਰ ਵਾਸੀ ਸਮਰਾਲਾ ਵਜੋਂ ਹੋਈ ਹੈ । ਉਨ੍ਹਾਂ ਦੱਸਿਆ ਕਿ ਉਕਤ ਨੌਜਵਾਨ ਦੇ ਕੋਲੋਂ 5.15 ਗ੍ਰਾਮ ਹੈਰੋਇਨ ਵੀ ਬਰਾਮਦ ਹੋਣ ‘ਤੇ ਉਸਦੇ ਖਿਲਾਫ ਮੁਕੱਦਮਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ ।

ਕਿਵੇਂ ਵਾਪਰਿਆ ਹਾਦਸਾ

ਮਿਲੀ ਜਾਣਕਾਰੀ ਮੁਤਾਬਕ ਮੋਟਰਸਾਈਕਲ ਸਵਾਰ ਪਤੀ-ਪਤਨੀ ਜੋ ਕਿ ਖੰਨਾ ਹਸਪਤਾਲ ਤੋਂ ਦਵਾਈ ਲੈ ਕੇ ਆਪਣੇ ਪਿੰਡ ਗਹਿਲੇਵਾਲ ਵਾਪਸ ਪਰਤ ਰਹੇ ਸਨ ਨੂੰ ਉਕਤ ਕਾਰ ਚਾਲਕ ਨੇ ਉਲਟ ਪਾਸੇ ਵੱਲ ਜਾ ਕੇ ਟੱਕਰ ਮਾਰ ਦਿੱਤੀ । ਜਿਸ ਵਿਚ ਬਲਵਿੰਦਰ ਕੌਰ (Balwinder Kaur) ਜੋ ਕਿ 55 ਸਾਲਾਂ ਦੀ ਦੱਸੀ ਜਾ ਰਹੀ ਹੈ ਦੀ ਮੌਕੇ ਤੇ ਹੀ ਮੌਤ ਹੋ ਗਈ ਜਦੋਂ ਕਿ ਮੋਟਰਸਾਈਕਲ ਚਲਾ ਰਿਹਾ ਨਿਰਮਲ ਸਿੰਘ (Nirmal Singh) ਗੰਭੀਰ ਹਾਲਤ ਵਿਚ ਇਲਾਜ ਲਈ ਹਸਪਤਾਲ ਲਿਆਂਦਾ ਗਿਆ ਹੈ । ਜਿੱਥੇ ਉਸਨੂੰ ਮੁੱਢਲੀ ਸਹਾਇਤਾ ਦੇਣ ਉਪਰੰਤ ਹਾਲਤ ਨਾਜ਼ੁਕ ਹੋਣ ਕਾਰਨ ਚੰਡੀਗੜ੍ਹ ਲਈ ਰੈਫਰ ਕਰ ਦਿੱਤਾ ਗਿਆ ।

ਤੇਜ਼ ਰਫ਼ਤਾਰ ਕਾਰ ਦੇ ਨਹਿਰ ਵਿਚ ਡਿੱਗਣ ਨਾਲ ਚਾਰ ਨੌਜਵਾਨਾਂ ਦੀ ਹੋਈ ਮੌਤ

Rajesh Aggarwal

February 19, 2026

ਉਤਰ ਪ੍ਰਦੇਸ਼, 19 ਫਰਵਰੀ 2026 : ਭਾਰਤ ਦੇਸ਼ ਦੇ ਸੂਬੇ ਉਤਰ ਪ੍ਰਦੇਸ਼ (Uttar Pradesh) ਦੇ ਸ਼ਹਿਰ ਮਥੁਰਾ ਵਿਖੇ ਬੀਤੀ ਰਾਤ ਤੇਜ ਰਫ਼ਤਾਰ ਕਾਰ (Speeding car) ਦੇ ਨਹਿਰ ਵਿਚ ਡੁੱਬਣ ਕਾਰਨ ਚਾਰ ਨੌਜਵਾਨਾਂ ਦੀ ਮੌਤ (Death) ਹੋ ਗਈ ਹੈ ।

ਕੌਣ ਕੌਣ ਸਨ ਇਹ ਚਾਰੇ ਨੌਜਵਾਨ

ਮਿਲੀ ਜਾਣਕਾਰੀ ਅਨੁਸਾਰ ਤੇਜ ਰਫ਼ਤਾਰ ਜੋ ਕਿ ਬੀਤੀ ਰਾਤ ਨਹਿਰ ਵਿਚ ਡਿੱਗ (Fell into the canal) ਗਈ ਅਤੇ ਉਸ ਵਿਚ ਸਵਾਰ ਚਾਰੋਂ ਨੌਜਵਾਨ ਵੀ ਮੌਤ ਦੇ ਘਾਟ ਉਤਰ ਗਏ ਵਿਚ ਰਾਹੁਲ, ਅਮਿਤ, ਮੋਹਿਤ ਅਤ ਇਕ ਹੋਰ ਨੌਜਵਾਨ ਸ਼ਾਮਲ ਹੈ । ਜਾਣਕਾਰੀ ਮੁਤਾਬਕ ਮ੍ਰਿਤਕਾਂ ਵਿੱਚੋਂ ਦੋ ਲਾਅ ਦੇ ਵਿਦਿਆਰਥੀ ਸਨ ਤੇ ਚਾਰੇ ਦੋਸਤ ਇੱਕ ਵਿਆਹ ਵਿੱਚ ਸ਼ਾਮਲ ਹੋਣ ਲਈ ਰਾਜਸਥਾਨ ਜਾ ਰਹੇ ਸਨ ।

ਹਾਦਸੇ ਬਾਰੇ ਕੀ ਦੱਸਿਆ ਸਥਾਨਕ ਲੋਕਾਂ ਨੇ

ਜਿਸ ਨਹਿਰ ਵਿਚ ਕਾਰ ਡਿੱਗੀ ਨੂੰ ਦੇਖਣ ਵਾਲੇ ਸਥਾਨਕ ਲੋਕਾਂ ਨੇ ਦੱਸਿਆ ਕਿ ਕਾਰ ਦੀ ਰਫ਼ਤਾਰ ਬਹੁਤ ਤੇਜ਼ ਸੀ ਅਤੇ ਡਰਾਈਵਰ ਮੋੜ ਨਹੀਂ ਦੇਖ ਸਕਿਆ । ਜਿਸ ਕਾਰਨ ਕਾਰ 6 ਮੀਟਰ ਡੂੰਘੀ ਨਹਿਰ ਵਿੱਚ ਡਿੱਗ ਗਈ । ਲੋਕਾਂ ਨੇ ਕਾਰ ਦਾ ਦਰਵਾਜ਼ਾ ਤੋੜ ਕੇ ਦੋ ਨੌਜਵਾਨਾਂ ਨੂੰ ਬਾਹਰ ਕੱਢਿਆ । ਦੋਵਾਂ ਮੁੰਡਿਆਂ ਦੀਆਂ ਲਾਸ਼ਾਂ ਕਾਰ ਦੇ ਅੰਦਰ ਹੀ ਫਸੀਆਂ ਰਹੀਆਂ । ਬਾਅਦ ਵਿੱਚ ਕਾਰ ਨੂੰ ਕਰੇਨ ਨਾਲ ਬਾਹਰ ਕੱਢਿਆ ਗਿਆ ।

ਪੁਲਸ ਅਤੇ ਫਾਇਰ ਫਾਈਟਰਜ਼ (Police and firefighters) ਮੌਕੇ ‘ਤੇ ਪਹੁੰਚੇ ਅਤੇ ਕਰੇਨ ਦੀ ਮਦਦ ਨਾਲ ਕਾਰ ਨੂੰ ਬਾਹਰ ਕੱਢਿਆ ਪਰ ਨੌਜਵਾਨਾਂ ਨੂੰ ਬਚਾਇਆ ਨਹੀਂ ਜਾ ਸਕਿਆ । ਹਾਦਸੇ ਵਿੱਚ ਮਾਰੇ ਗਏ ਚੌਥੇ ਨੌਜਵਾਨ ਦੀ ਪਛਾਣ ਕੀਤੀ ਜਾ ਰਹੀ ਹੈ । ਪੇਂਡੂ ਪੁਲਸ ਸੁਪਰਡੈਂਟ (ਐਸ. ਪੀ.) ਨੇ ਕਿਹਾ ਕਿ ਸਾਰੇ ਸਬੂਤ ਇਕੱਠੇ ਕਰਨ ਤੋਂ ਬਾਅਦ ਕਾਰਵਾਈ ਕੀਤੀ ਜਾਵੇਗੀ ।

ਆਸਟ੍ਰੇਲੀਆ ਦੇ ਜੀਲੌਂਗ ਵਿਖੇ ਭਾਰਤੀ ਮੂਲ ਦੇ ਵਿਅਕਤੀ ਤੇ ਹੋਇਆ ਨਸਲੀ ਹਮਲਾ

Rajesh Aggarwal

February 19, 2026

ਆਸਟ੍ਰੇਲੀਆ, 19 ਫਰਵਰੀ 2026 : ਭਾਰਤੀ ਮੂਲ ਦੇ ਇਕ ਵਿਅਕਤੀ ਨਾਲ ਆਸਟ੍ਰੇਲੀਆ (Australia) ਦੇਸ਼ ਦੇ ਸ਼ਹਿਰ ਜੀਲੌਂਗ ਦੇ ਖੇਤਰ ਕੋਰਿਓ ਵਿਖੇ ਇਕ ਵਿਅਕਤੀ ਵਲੋਂ ਨਸਲੀ ਹਮਲਾ (Racial attack) ਕੀਤੇ ਜਾਣ ਦਾ ਪਤਾ ਚੱਲਿਆ ਹੈ ।

ਕੌਣ ਹੈ ਇਹ ਭਾਰਤੀ ਮੂਲ ਦਾ ਵਿਅਕਤੀ

ਮਿਲੀ ਜਾਣਕਾਰੀ ਅਨੁਸਾਰ ਆਸਟ੍ਰੇਲੀਆ ਦੇ ਜੀਲੌਂਗ ਸ਼ਹਿਰ (Geelong City) ਦੇ ਕੋਰਿਓ ਇਲਾਕੇ ਵਿਚ ਜਿਸ 22 ਸਾਲ ਦੇ ਭਾਰਤੀ ਮੂਲ ਦੇ ਇਕ ਵਿਅਕਤੀ ਨਾਲ ਨਸਲੀ ਭੇਦਭਾਵ ਤਹਿਤ ਹਮਲਾ ਕੀਤਾ ਗਿਆ ਹੈ ਦਾ ਨਾਮ ਹਰਪ੍ਰੀਤ ਸਿੰਘ ਹੈ ਤੇ ਇਹ ਇਹ ਸਿੱਖ ਨਰਸ ਹੈ। ਜਾਣਕਾਰੀ ਮੁਤਾਬਕ ਜਿਸ ਸਮੇਂ ਹਰਮਨਪ੍ਰੀਤ ਸਿੰਘ ਜਿੰਮ ਤੋਂ ਬਾਹਰ ਨਿਕਲ ਰਿਹਾ ਸੀ ਤਾਂ ਤਿੰਨ ਲੋਕਾਂ ਨੇ ਉਸਨੂੰ ਘੇਰ ਲਿਆ ਅਤੇ ਗਾਲੀ ਗਲੋਚ (Slang) ਕਰਦਿਆਂ ਇੰਡੀਅਨ ਡੌਗ ਤੱਕ ਕਹਿ ਦਿੱਤਾ । ਇਥੇ ਹੀ ਬਸ ਨਹੀਂ ਇਸ ਨਸਲੀ ਹਮਲੇ ਮੌਕੇ ਇਕ ਵਿਅਕਤੀ ਨੇ ਉਸ ਦੇ ਚੇਹਰੇ ਦੇ ਬਹੁਤ ਨੇੜੇ ਆ ਕੇ ਉਸ ਦੀ ਨੱਕ ’ਤੇ ਸਿਰ ਮਾਰਿਆ, ਜਿਸ ਨਾਲ ਉਹ ਜ਼ਖਮੀ (Injured) ਹੋ ਗਿਆ ਅਤੇ ਖੂਨ ਵਗਣ ਲੱਗ ਪਿਆ ।

ਕੀ ਆਖਿਆ ਹਰਮਨਪ੍ਰੀਤ ਸਿੰਘ ਨੇ

ਸਿੱਖ ਨਰਸ ਹਰਮਨਪ੍ਰੀਤ ਸਿੰਘ (Harmanpreet Singh) ਨੇ ਕਿਹਾ ਕਿ ਮੈਂ ਅਪਣਾ ਕੰਮ ਕਰ ਰਿਹਾ ਸੀ ਪਰ ਉਹ ਮੇਰੇ ਪਿੱਛੇ ਪੈ ਗਏ । ਹਮਲੇ ਤੋਂ ਬਾਅਦ ਮੈਨੂੰ ਹਸਪਤਾਲ ਵਿਚ ਰਾਤ ਬਿਤਾਉਣੀ ਪਈ । ਹੁਣ ਮੈਨੂੰ ਵੱਡੇ ਡਾਕਟਰ ਕੋਲ ਜਾਣਾ ਪਵੇਗਾ ਅਤੇ ਸ਼ਾਇਦ ਸਰਜਰੀ ਵੀ ਕਰਵਾਉਣੀ ਪਵੇ । ਉਸ ਨੇ ਅੱਗੇ ਕਿਹਾ ਕਿ ਮੈਂ ਕੋਸ਼ਿਸ਼ ਕਰਦਾ ਹਾਂ ਕਿ ਮਜ਼ਬੂਤ ਰਹਾਂ ਅਤੇ ਇਨ੍ਹਾਂ ਗੱਲਾਂ ਦੀ ਪਰਵਾਹ ਨਾ ਕਰਾਂ, ਪਰ ਇਹ ਚੋਟ ਅੰਦਰੋਂ ਬਹੁਤ ਦੁੱਖ ਦਿੰਦੀ ਹੈ । ਹੁਣ ਮੈਨੂੰ ਨਹੀਂ ਪਤਾ ਕਿ ਮੈਂ ਮੁੜ ਜਿਮ ਜਾਵਾਂਗਾ ਜਾਂ ਅਪਣੇ ਘੰਟੇ ਬਦਲਾਂਗਾ ਕਿਉਂਕਿ ਸੁਰੱਖਿਅਤ ਮਹਿਸੂਸ ਨਹੀਂ ਕਰਦਾ ।

ਕੀ ਆਖਿਆ ਹਰਮਨਪ੍ਰੀਤ ਦੀ ਭੈਣ ਨੇ

ਆਸਟ੍ਰੇਲੀਆ ਵਿਖੇ ਰਹਿ ਰਹੇ ਹਰਮਨਪ੍ਰੀਤ ਸਿੰਘ ਦੀ ਭੈਣ ਖੁਸ਼ੀ ਕੌਰ ਨੇ ਕਿਹਾ ਕਿ ਪਰਿਵਾਰ ਇਸ ਘਟਨਾ ਨਾਲ ਬਹੁਤ ਹਿਲ ਗਿਆ ਹੈ । ਭਾਰਤੀ ਭਾਈਚਾਰਾ ਜੋ ਆਸਟ੍ਰੇਲੀਆ ਵਿਚ ਦੂਜਾ ਸੱਭ ਤੋਂ ਵੱਡਾ ਪ੍ਰਵਾਸੀ ਸਮੂਹ ਹੈ ਇਸ ਤਰ੍ਹਾਂ ਦੇ ਹਮਲਿਆਂ ਨਾਲ ਚਿੰਤਿਤ ਹੈ । ਇਹ ਘਟਨਾ ਸਿਰਫ਼ ਨਸਲੀ ਪੱਖਪਾਤ ਦੀ ਨਿਸ਼ਾਨੀ ਨਹੀਂ ਸਗੋਂ ਪ੍ਰਵਾਸੀਆਂ ਦੀ ਸੁਰੱਖਿਆ ’ਤੇ ਵੀ ਵੱਡਾ ਸਵਾਲ ਖੜਾ ਕਰਦੀ ਹੈ ।

ਚੰਡੀਗੜ੍ਹ ਤੇ ਮੋਹਾਲੀ ਵਿਚ ਮੀਂਹ ਪੈਣ ਨਾਲ ਮੌਸਮ ਹੋਇਆ ਠੰਢਾ ਠਾਰ

Rajesh Aggarwal

February 19, 2026

ਮੋਹਾਲੀ, 19 ਫਰਵਰੀ 2026 : ਪੰਜਾਬ ਦੇ ਚੰਡੀਗੜ੍ਹ ਤੇ ਮੋਹਾਲੀ ਵਿਖੇ ਬੂੰਦਾਬਾਂਦੀ ਹੋਣ ਨਾਲ ਇਕ ਵਾਰ ਤਾਂ ਮੌਸਮ (Weather) ਠੰਢਾ ਠਾਰ ਜਿਹਾ ਹੋਣ ਨਾਲ ਦਿਨ ਵੇਲੇ ਵਧ ਰਹੇ ਤਾਪਮਾਨ ਤੋਂ ਕੁੱਝ ਰਾਹਤ ਮਿਲੀ ਹੈ ।

ਕਦੋਂ ਤੱਕ ਰਹੇਗਾ ਮੌਸਮ ਖੁਸ਼ਕ

ਮੌਸਮ ਵਿਭਾਗ (Meteorological Department) ਵਲੋਂ ਦਿੱਤੀ ਗਈ ਜਾਣਕਾਰੀ ਮੁਤਾਬਕ ਮੌਸਮ 2 ਫਰਵਰੀ ਤੱਕ ਖੁ਼ਸ਼ਕ ਰਹਿਣ ਦੀਆਂ ਸੰਭਾਵਨਾਵਾਂ ਹਨ ਦੇ ਚਲਦਿਆਂ ਪੰਜਾਬ ਅਤੇ ਚੰਡੀਗੜ੍ਹ ਵਿੱਚ ਮੀਂਹ ਨਾਲ ਮੌਸਮ ਠੰਢਾ ਹੋ ਗਿਆ ਹੈ । ਅੱਜ ਮੁਹਾਲੀ ਸਮੇਤ ਕਈ ਥਾਈਂ ਬੂੰਦਾਬਾਂਦੀ ਹੋਈ ਹੈ । ਇਸ ਖੁਸ਼ਕ ਮੌਸਮ (Dry weather) ਦੇ ਚਲਦਿਆਂ ਬੇਸ਼ਕ ਮੀਂਹ ਜਾਂ ਧੁੰਦ ਦੀ ਕੋਈ ਸੰਭਾਵਨਾ ਨਹੀਂ ਹੈ ਪਰ ਇਸ ਦੌਰਾਨ ਉੱਤਰੀ ਹਵਾਵਾਂ ਚੱਲਣੀਆਂ ਸ਼ੁਰੂ ਹੋ ਜਾਣਗੀਆਂ, ਦਿਨ ਵੇਲੇ ਸੂਰਜ ਚਮਕੇਗਾ ਪਰ ਠੰਢਕ ਦਾ ਅਹਿਸਾਸ ਹੋਵੇਗਾ ।

ਕੀ ਦੱਸਿਆ ਮੌਸਮ ਵਿਭਾਗ ਦੇ ਡਾਇਰੈਕਟਰ ਨੇ

ਮੌਸਮ ਵਿਭਾਗ ਦੇ ਡਾਇਰੈਕਟਰ ਸੁਰੇਂਦਰ ਪਾਲ ਸਿੰਘ ਨੇ ਕਿਹਾ ਕਿ ਅਗਲੇ ਦੋ ਦਿਨਾਂ ਵਿੱਚ ਘੱਟੋ-ਘੱਟ ਤਾਪਮਾਨ (Temperature) ਵਿੱਚ ਲਗਭਗ 2 ਤੋਂ 4 ਡਿਗਰੀ ਸੈਲਸੀਅਸ ਦੀ ਗਿਰਾਵਟ ਆਉਣ ਦੀ ਉਮੀਦ ਹੈ । ਇਸ ਤੋਂ ਬਾਅਦ ਤਾਪਮਾਨ ਵਿੱਚ ਕੋਈ ਖਾਸ ਬਦਲਾਅ ਆਉਣ ਦੀ ਉਮੀਦ ਨਹੀਂ ਹੈ। ਇਸ ਦੇ ਨਾਲ ਹੀ, ਅਗਲੇ 24 ਘੰਟਿਆਂ ਦੌਰਾਨ ਵੱਧ ਤੋਂ ਵੱਧ ਤਾਪਮਾਨ 2 ਤੋਂ 3 ਡਿਗਰੀ ਘੱਟ ਸਕਦਾ ਹੈ । ਇਸ ਤੋਂ ਬਾਅਦ, ਅਗਲੇ 3 ਦਿਨਾਂ ਵਿੱਚ 2 ਤੋਂ 4 ਡਿਗਰੀ ਦਾ ਵਾਧਾ ਹੋ ਸਕਦਾ ਹੈ । ਇਸ ਤੋਂ ਬਾਅਦ ਤਾਪਮਾਨ ਵਿੱਚ ਕੋਈ ਵੱਡਾ ਬਦਲਾਅ ਨਹੀਂ ਹੋਵੇਗਾ ।

ਰਿਸ਼ਵਤ ਮੰਗਣ ਦੋ ਦੋਸ਼ ਹੇਠ ਬੀ. ਪੀ. ਈ. ਓ. ਕੀਤਾ ਮੁਅੱਤਲ

Rajesh Aggarwal

February 19, 2026

ਚੰਡੀਗੜ੍ਹ, 19 ਫਰਵਰੀ 2026 : ਪੰਜਾਬ ਸਰਕਾਰ ਦੇ ਸਕੂਲ ਸਿਖਿਆ ਵਿਭਾਗ ਨੇ ਬਲਾਕ ਨੌਸ਼ਹਿਰਾ ਪੰਨੂਆ ਦੇ ਬੀ. ਪੀ. ਈ. ਓ. (B. P. E. O.) ਨੂੰ ਗੰਭੀਰ ਦੋਸ਼ਾਂ ਕਾਰਨ ਤੁਰਤ ਪ੍ਰਭਾਵ ਨਾਲ ਮੁਅੱਤਲ ਕਰ ਦਿਤਾ ਹੈ ।

ਕੌਣ ਹੈ ਇਹ ਬੀ. ਪੀ. ਈ. ਓ.

ਮਿਲੀ ਜਾਣਕਾਰੀ ਅਨੁਸਾਰ ਜਿ਼ਲਾ ਤਰਨਤਾਰਨ ਦੇ ਬਲਾਕ ਨੌਸ਼ਹਿਰਾ ਪਨੂੰ ਦੇ ਜਿਸ ਬਲਾਕ ਪ੍ਰਾਇਮਰੀ ਸਿੱਖਿਆ ਅਧਿਕਾਰੀ ਨੂੰ ਰਿਸ਼ਵਤ ਮੰਗਣ ਦੇ ਦੋਸ਼ ਹੇਠ ਮੁਅੱਤਲ (Suspension) ਕੀਤਾ ਗਿਆ ਹੈ ਦਾ ਨਾਮ ਅਸ਼ਵਨੀ ਮਰਵਾਹਾ (Ashwini Marwah) ਹੈ । ਉਕਤ ਕਾਰਵਾਈ ਵਿਭਾਗ ਦੇ ਸਕੱਤਰ ਸਿਖਿਆ (Secretary Education) ਸੋਨਾਲੀ ਗਿਰੀ ਨੇ ਪੰਜਾਬ ਸਿਵਲ ਸੇਵਾਵਾਂ (ਸਜ਼ਾ ਅਤੇ ਅਪੀਲ) ਨਿਯਮ-1970 ਦੇ ਨਿਯਮ 4 (1) (ਏ) ਤਹਿਤ ਕੀਤੀ ਹੈ । ਵਿਭਾਗੀ ਆਦੇਸ਼ ਅਨੁਸਾਰ ਬਲਾਕ ਨੌਸ਼ਹਿਰਾ ਪੰਨੂਆ ਦੇ ਲਗਭਗ 40 ਅਧਿਆਪਕਾਂ ਨੇ ਅਸ਼ਵਨੀ ਮਰਵਾਹਾ ਵਿਰੁਧ ਸ਼ਿਕਾਇਤ ਦਰਜ ਕਰਵਾਈ ਸੀ ਜਿਸ ਵਿਚ ਗੰਭੀਰ ਦੋਸ਼ ਲਗਾਏ ਗਏ ਸਨ ।

ਕੀ ਦੋਸ਼ ਲਗਾਇਆ ਗਿਆ ਸੀ ਦਿੱਤੀ ਗਈ ਸਿ਼ਕਾਇਤ ਵਿਚ

ਬੀ. ਪੀ. ਈ. ਓ. ਵਿਰੁੱਧ ਦਿੱਤੀ ਗਈ ਸ਼ਿਕਾਇਤ ਵਿਚ ਦੋਸ਼ ਲਗਾਇਆ ਗਿਆ ਸੀ ਕਿ ਅਧਿਆਪਕਾਂ ਦੇ ਇਨਕਰੀਮੈਂਟ ਅਤੇ ਸਕੂਲ ਦੇ ਕਮਰਿਆਂ ਨੂੰ ਪੇਂਟ ਕਰਨ ਲਈ ਰਿਸ਼ਵਤ (Bribe) ਜਾਂ ਕਮਿਸ਼ਨ ਦੀ ਮੰਗ ਕੀਤੀ ਗਈ ਸੀ । ਇਸ ਤੋਂ ਇਲਾਵਾ ਸੋਸ਼ਲ ਮੀਡੀਆ ’ਤੇ ਅਧਿਕਾਰੀ ਦੀਆਂ ਗਤੀਵਿਧੀਆਂ ਨੂੰ ਵੀ ਗੰਭੀਰ ਦੁਰਾਚਾਰ ਅਤੇ ਅਨੁਸ਼ਾਸਨਹੀਣਤਾ ਮੰਨਿਆ ਗਿਆ ਸੀ । ਸਰਕਾਰ ਨੇ ਦੋਸ਼ਾਂ ਨੂੰ ਗੰਭੀਰਤਾ ਨਾਲ ਲਿਆ ਹੈ ਅਤੇ ਤੁਰਤ ਪ੍ਰਭਾਵ ਨਾਲ ਮੁਅੱਤਲੀ ਦਾ ਹੁਕਮ ਜਾਰੀ ਕੀਤਾ ਹੈ ।

ਹਰਦੋਈ `ਚ ਜਵਾਈ ਨੇ ਸਹੁਰੇ ਦੀ ਹਾਕੀ ਨਾਲ ਕੁੱਟ-ਕੁੱਟ ਕੇ ਕੀਤੀ ਹੱਤਿਆ

Rajesh Aggarwal

February 18, 2026

ਹਰਦੋਈ, 18 ਫਰਵਰੀ 2026 : ਉੱਤਰ ਪ੍ਰਦੇਸ਼ (Uttar Pradesh) ਦੇ ਹਰਦੋਈ ਜਿ਼ਲੇ ‘ਚ ਇਕ ਜਵਾਈ ਨੇ ਆਪਣੇ ਸਹੁਰੇ ਦੀ ਮੰਗਲਵਾਰ ਸਵੇਰੇ ਹਾਕੀ ਨਾਲ ਕੁੱਟ-ਕੁੱਟ ਕੇ ਹੱਤਿਆ (Murder) ਕਰ ਦਿੱਤੀ ।

ਕੀ ਕਾਰਨ ਸੀ ਅਜਿਹਾ ਕਰਨ ਦਾ

ਦੱਸਿਆ ਜਾਂਦਾ ਹੈ ਕਿ ਸਹੁਰੇ ਪਰਿਵਾਰ ਦੀ ਜਾਇਦਾਦ ‘ਚ ਹਿੱਸੇਦਾਰੀ ਨੂੰ ਲੈ ਕੇ ਜਵਾਈ ਦਾ ਲੰਬੇ ਸਮੇਂ ਤੋਂ ਝਗੜਾ ਚੱਲ ਰਿਹਾ ਸੀ । ਸ਼ਾਹਜਹਾਂਪੁਰ ਜਿ਼ਲੇ ਦੇ ਅੱਲ੍ਹਾਗੰਜ ਥਾਣਾ ਖੇਤਰ ਦਾ ਰਹਿਣ ਵਾਲਾ ਅਸ਼ੋਕ ਬਾਬੂ ਉਰਫ਼ ਪਿੰਨੇ (52) ਆਪਣੀ ਭੈਣ ਅਲਕਾ ਨਾਲ ਹਨੂੰਮਾਨ ਧਾਮ ਰਾਮਤਾਲ ਮੰਦਰ ‘ਚ ਪੂਜਾ ਕਰਨ ਤੋਂ ਬਾਅਦ ਬਾਈਕ `ਤੇ ਵਾਪਸ ਆ ਰਿਹਾ ਸੀ । ਹਠੌਰਾ ਪਿੰਡ ਨੇੜੇ ਜਵਾਈ ਮਨਮੋਹਨ ਉਰਫ਼ ਮੰਨੂ ਨੇ ਉਸ ਨੂੰ ਰੋਕਿਆ ਤੇ ਹਾਕੀ ਨਾਲ ਕੁੱਟਣਾ (Beating) ਸ਼ੁਰੂ ਕਰ ਦਿੱਤਾ ।

ਪੁਲਸ ਕਰ ਰਹੀ ਹੈ ਮੁਲਜਮ ਜਵਾਈ ਦੀ ਭਾਲ

ਅਸ਼ੋਕ ਗੰਭੀਰ ਰੂਪ ‘ਚ ਜ਼ਖਮੀ ਹੋ ਗਿਆ । ਉਸ ਨੂੰ ਫਰੂਖਾਬਾਦ ਦੇ ਇਕ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ । ਸੂਚਨਾ ਮਿਲਦਿਆਂ ਹੀ ਪੁਲਸ ਮੌਕੇ ‘ਤੇ ਪਹੁੰਚੀ ਅਤੇ ਜਾਂਚ ਸ਼ੁਰੂ ਕੀਤੀ । ਮੁਲਜ਼ਮ ਜਵਾਈ ਨੂੰ ਗ੍ਰਿਫ਼ਤਾਰ (Arrested) ਕਰਨ ਲਈ ਪੁਲਸ ਟੀਮਾਂ ਬਣਾਈਆਂ ਗਈਆਂ ਹਨ ।

ਨਿਲਾਮੀ ਦੌਰਾਨ ਇਕ ਨਿੰਬੂ 13,000 ਰੁਪਏ `ਚ ਵਿਕਿਆ

Rajesh Aggarwal

February 18, 2026

ਇਰੋਡ (ਤਮਿਲਨਾਡੂ), 18 ਫਰਵਰੀ 2026 : ਇਰੋਡ ਜਿਲੇ (Erode District) ਦੇ ਪਝਮਥਿੰਨੀ ਕਰੁੱਪਾ ਈਸ਼ਵਰਨ ਮੰਦਰ ‘ਚ ਮਹਾਸ਼ਿਵਰਾਤਰੀ ‘ਤੇ ਆਯੋਜਿਤ ਇਕ ਨਿਲਾਮੀ (Auction) ‘ਚ ਇਕ ਨਿੰਬੂ 13,000 ਰੁਪਏ ‘ਚ ਵਿਕਿਆ ।

ਪੂਜਾ ਦੌਰਾਨ ਨਿਲਾਮੀ ਲਈ ਕੀ ਕੀ ਗਿਆ ਸੀ ਰੱਖਿਆ

ਵਿਲਾਕੇਥੀ ਪਿੰਡ ਦੇ ਕੋਲ ਪੁਡੂ ਅੰਨਾਮਲਾਈ ਪਲਾਯਮ ‘ਚ ਸਥਿਤ ਮੰਦਰ ‘ਚ ਸੋਮਵਾਰ ਨੂੰ ਸ਼ਾਮ 6 ਵਜੇ ਤੋਂ ਰਾਤ 8.30 ਵਜੇ ਵਿਚਾਲੇ ਵਿਸ਼ੇਸ਼ ਪੂਜਾ-ਅਰਚਨਾ (Worship) ਕੀਤੀ ਗਈ । ਰਸਮਾਂ ਦੇ ਬਾਅਦ ਦੇਵਤੇ ਨੂੰ ਸਜਾਉਣ ਵਾਲੀ ਚਾਂਦੀ ਦੀ ਇਕ ਮੁੰਦਰੀ, ਚਾਂਦੀ ਦਾ ਇਕ ਸਿੱਕਾ ਅਤੇ ਇਕ ਨਿੰਬੂ ਨੂੰ ਨਿਲਾਮੀ ਲਈ ਰੱਖਿਆ ਗਿਆ ।

ਕਿਹੜੀ ਚੀਜ਼਼ ਕਿੰਨੇ ਵਿਚ ਕੀਤੀ ਗਈ ਹਾਸਲ

ਵਡਗਾਪੱਤੀ ਪਿੰਡ (Vadgapatti Village) ਦੇ ਵਿਸ਼ਵਨਾਥਨ ਨੇ 13,000 ਰੁਪਏ ਦੀ ਬੋਲੀ ਲਗਾ ਕੇ ਨਿੰਬੂ ਹਾਸਲ ਕੀਤਾ । ਸਥਾਨਕ ਨਿਵਾਸੀ ਪਰਮਾਸਿਵਮ ਨੇ ਚਾਂਦੀ ਦੀ ਮੁੰਦਰੀ 33,000 ਰੁਪਏ ‘ਚ ਖਰੀਦੀ, ਜਦਕਿ ਚਾਂਦੀ ਦਾ ਸਿੱਕਾ ਅਥੱਪਮਪਲਯਮ ਪਿੰਡ ਦੇ ਦੁਰਈ ਨੂੰ 43,000 ਰੁਪਏ ‘ਚ ਨਿਲਾਮ ਕੀਤਾ ਗਿਆ । ਮੰਦਰ ਦੇ ਪ੍ਰਬੰਧਕਾਂ (Temple administrators) ਨੇ ਦੱਸਿਆ ਕਿ ਨਿਲਾਮੀ ਤੋਂ ਪ੍ਰਾਪਤ ਰਾਸ਼ੀ ਦੀ ਵਰਤੋਂ ਮੰਦਰ ਦੇ ਵਿਕਾਸ ਅਤੇ ਵਿਸ਼ੇਸ਼ ਪੂਜਾ-ਅਰਚਨਾ ਲਈ ਕੀਤੀ ਜਾਵੇਗੀ ।

ਈ. ਡੀ. ਦੇ ਦੂਜੇ ਸੰਮਨ `ਤੇ ਵੀ ਨਹੀਂ ਪੇਸ਼ ਹੋਈ ਟੀਨਾ ਅੰਬਾਨੀ

Rajesh Aggarwal

February 18, 2026

ਨਵੀਂ ਦਿੱਲੀ, 18 ਫਰਵਰੀ 2026 : ਰਿਲਾਇੰਸ ਗਰੁੱਪ (Reliance Group) ਦੇ ਚੇਅਰਮੈਨ ਅਨਿਲ ਅੰਬਾਨੀ ਦੀ ਪਤਨੀ ਟੀਨਾ ਅੰਬਾਨੀ (Tina Ambani) ਦੂਜੀ ਵਾਰ ਸੰਮਨ ਜਾਰੀ ਬਸ ਕੀਤੇ ਜਾਣ ਦੇ ਬਾਵਜੂਦ ਮੰਗਲਵਾਰ ਇਨਫੋਰਸਮੈਂਟ ਡਾਇਰੈਕਟੋਰੇਟ (Enforcement Directorate) (ਈ. ਡੀ.) ਦੇ ਸਾਹਮਣੇ ਪੇਸ਼ ਨਹੀਂ ਹੋਈ ।

ਪਹਿਲਾਂ ਵੀ ਕੀਤਾ ਗਿਆ ਸੀ ਸੰਮੰਨ ਜਾਰੀ

ਸਾ਼ਬਕਾ ਅਦਾਕਾਰਾ ਨੂੰ ਇਸ ਸਬੰਧੀ ਸੰਮਨ (Summons) ਭੇਜਿਆ ਗਿਆ ਸੀ । ਪਹਿਲਾ ਸੰਮਨ 10 ਫਰਵਰੀ ਨੂੰ ਜਾਰੀ ਕੀਤਾ ਗਿਆ ਸੀ ਪਰ ਉਹ ਪੇਸ਼ ਨਹੀਂ ਹੋਈ, ਜਿਸ ਕਾਰਨ ਨਵਾਂ ਸੰਮਨ ਜਾਰੀ ਕੀਤਾ ਗਿਆ । ਇਹ ਪਤਾ ਨਹੀਂ ਲੱਗ ਸਕਿਆ ਕਿ ਉਸ ਨੇ ਆਪਣੀ ਗੈਰ-ਹਾਜ਼ਰੀ ਲਈ ਜਾਂਚ ਅਧਿਕਾਰੀ ਨੂੰ ਕੋਈ ਕਾਰਨ ਦੱਸਿਆ ਹੈ ਜਾਂ ਨਹੀਂ। ਅਧਿਕਾਰੀਆਂ ਅਨੁਸਾਰ ਡਾਇਰੈਕਟੋਰੇਟ ਉਸ ਨੂੰ ਪੇਸ਼ ਹੋਣ ਲਈ ਇਕ ਨਵੀਂ ਮਿਤੀ ਜਾਰੀ ਕਰ ਸਕਦਾ ਹੈ ।

ਪਿੰਡ ਠੱਠੀਆਂ ਮਹੰਤਾਂ ਦੇ ਸਰਪੰਚ ਦਾ ਗੋਲੀਆਂ ਮਾਰ ਕੇ ਕੀਤਾ ਕਤਲ

Rajesh Aggarwal

February 18, 2026

ਤਰਨਤਾਰਨ, 18 ਫਰਵਰੀ 2026 : ਪੰਜਾਬ ਦੇ ਜਿ਼ਲਾ ਤਰਨਤਾਰਨ (Tarn Taran) ਦੇ ਪਿੰਡ ਠੱਠੀਆਂ ਮਹੰਤਾਂ ਦੇ ਮੌਜੂਦਾ ਸਰਪੰਚ (Sarpanch) ਦਾ ਗੋਲੀਆਂ ਮਾਰ ਕੇ ਕਤਲ (Murder) ਕੀਤੇ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ ।

ਕੌਣ ਹੈ ਸਰਪੰਚ ਜਿਸ ਦਾ ਕਤਲ ਕਰ ਦਿੱਤਾ ਗਿਆ

ਤਰਨਤਾਰਨ ਜਿ਼ਲੇ ਦੇ ਪਿੰਡ ਠੱਠੀਆਂ ਮਹੰਤਾਂ ਦੇ ਜਿਸ ਸਰਪੰਚ ਦਾ ਕਤਲ ਗੋਲੀਆਂ ਮਾਰ (Shoot) ਕੇ ਕਰ ਦਿੱਤਾ ਗਿਆ ਹੈ ਦਾ ਨਾਮ ਹਰਬਰਿੰਦਰ ਸਿੰਘ ਹੈ ਤੇ ਇਹ ਮੌਜੂਦਾ ਆਮ ਆਦਮੀ ਪਾਰਟੀ ਦੇ ਸਰਪੰਚ ਹਨ । ਜਾਣਕਾਰੀ ਮੁਤਾਬਕ ਸਰਪੰਚ ਹਰਬਰਿੰਦਰ ਸਿੰਘ ਨੂੰ ਇਕ ਵਿਆਹ ਸਮਾਗਮ ਦੌਰਾਨ ਅਣਪਛਾਤੇ ਹਮਲਾਵਰਾਂ ਵੱਲੋਂ ਗੋਲੀਆਂ ਮਾਰੀਆਂ ਗਈਆਂ ਹਨ ।

ਹਮਲਾਵਰਾਂ ਨੇ ਸਰਪੰਚ ਦੇ ਭਰਾ ਨੂੰ ਵੀ ਕੀਤਾ ਗੋਲੀਆਂ ਮਾਰ ਕੇ ਜ਼ਖ਼ਮੀ

ਪ੍ਰਾਪਤ ਹੋਈ ਜਾਣਕਾਰੀ ਅਨੁਸਾਰ ਸਿੱਧੂ ਫਾਰਮ ਸ਼ੇਰੋਂ ’ਚ ਵਿਆਹ ਸਮਾਗਮ ਦੌਰਾਨ ਮੌਜੂਦਾ ਸਰਪੰਚ ਹਰਬਰਿੰਦਰ ਸਿੰਘ ਨੂੰ ਗੋਲੀਆਂ ਮਾਰੀਆਂ ਗਈਆਂ । ਜਦੋਂ ਸਰਪੰਚ ਨੂੰ ਗੋਲੀਆਂ ਮਾਰੀਆਂ ਗਈਆਂ ਤਾਂ ਮੌਕੇ ’ਤੇ ਮੌਜੂਦ ਸਰਪੰਚ ਦਾ ਭਰਾ ਅਣਪਛਾਤੇ ਹਮਲਾਵਰਾਂ (Unknown attackers) ਦੇ ਪਿੱਛੇ ਭੱਜਿਆਂ ਤਾਂ ਹਮਲਾਵਰਾਂ ਵੱਲੋਂ ਸਰਪੰਚ ਦੇ ਭਰਾ ਨੂੰ ਵੀ ਗੋਲੀਆਂ ਮਾਰ ਕੇ ਗੰਭੀਰ ਰੂਪ ਵਿਚ ਜ਼ਖ਼ਮੀ ਕਰ ਦਿੱਤਾ । ਜਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਅੰਮ੍ਰਿਤਸਰ ਜਿ਼ਲੇ ਦੇ ਇਕ ਸਰਪੰਚ ਦਾ ਵੀ ਵਿਆਹ ਸਮਾਗਮ ਦੌਰਾਨ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ ।

1...424425426...2,972 Page 425 of 2,972

ਕੌਣ ਹੈ ਇਹ ਅਧਿਆਪਕ

ਕੀ ਦੱਸਿਆ ਅਧਿਕਾਰੀਆਂ ਨੇ

ਪੁਲਸ ਨੂੰ ਕਾਰ ਚਾਲਕ ਕੋਲੋਂ ਕੀ ਮਿਲਿਆ

ਕੀ ਆਖਿਆ ਐਸ. ਐਚ. ਓ. ਨੇ

ਕਿਵੇਂ ਵਾਪਰਿਆ ਹਾਦਸਾ

ਕੌਣ ਕੌਣ ਸਨ ਇਹ ਚਾਰੇ ਨੌਜਵਾਨ

ਹਾਦਸੇ ਬਾਰੇ ਕੀ ਦੱਸਿਆ ਸਥਾਨਕ ਲੋਕਾਂ ਨੇ

ਕੌਣ ਹੈ ਇਹ ਭਾਰਤੀ ਮੂਲ ਦਾ ਵਿਅਕਤੀ

ਕੀ ਆਖਿਆ ਹਰਮਨਪ੍ਰੀਤ ਸਿੰਘ ਨੇ

ਕੀ ਆਖਿਆ ਹਰਮਨਪ੍ਰੀਤ ਦੀ ਭੈਣ ਨੇ

ਕਦੋਂ ਤੱਕ ਰਹੇਗਾ ਮੌਸਮ ਖੁਸ਼ਕ

ਕੀ ਦੱਸਿਆ ਮੌਸਮ ਵਿਭਾਗ ਦੇ ਡਾਇਰੈਕਟਰ ਨੇ

ਕੌਣ ਹੈ ਇਹ ਬੀ. ਪੀ. ਈ. ਓ.

ਕੀ ਦੋਸ਼ ਲਗਾਇਆ ਗਿਆ ਸੀ ਦਿੱਤੀ ਗਈ ਸਿ਼ਕਾਇਤ ਵਿਚ

ਕੀ ਕਾਰਨ ਸੀ ਅਜਿਹਾ ਕਰਨ ਦਾ

ਪੁਲਸ ਕਰ ਰਹੀ ਹੈ ਮੁਲਜਮ ਜਵਾਈ ਦੀ ਭਾਲ

ਪੂਜਾ ਦੌਰਾਨ ਨਿਲਾਮੀ ਲਈ ਕੀ ਕੀ ਗਿਆ ਸੀ ਰੱਖਿਆ

ਕਿਹੜੀ ਚੀਜ਼਼ ਕਿੰਨੇ ਵਿਚ ਕੀਤੀ ਗਈ ਹਾਸਲ

ਪਹਿਲਾਂ ਵੀ ਕੀਤਾ ਗਿਆ ਸੀ ਸੰਮੰਨ ਜਾਰੀ

ਕੌਣ ਹੈ ਸਰਪੰਚ ਜਿਸ ਦਾ ਕਤਲ ਕਰ ਦਿੱਤਾ ਗਿਆ

ਹਮਲਾਵਰਾਂ ਨੇ ਸਰਪੰਚ ਦੇ ਭਰਾ ਨੂੰ ਵੀ ਕੀਤਾ ਗੋਲੀਆਂ ਮਾਰ ਕੇ ਜ਼ਖ਼ਮੀ

EDITOR PICKS

POPULAR POSTS

POPULAR CATEGORY