ਨਵੀਂ ਦਿੱਲੀ : ਐਪਲ (Apple) ਆਪਣੀ ਨਵੀਂ iPhone 13 ਸੀਰੀਜ਼ ਸਤੰਬਰ 2021 ਵਿਚ ਲਾਂਚ ਕਰ ਸਕਦੀ ਹੈ। ਕਪਰਟੀਨੋ ਅਧਾਰਤ ਕੰਪਨੀ ਨਵੀਂ ਆਈਫੋਨ 13 ਸੀਰੀਜ਼ ਦੇ ਤਹਿਤ ਮੌਜੂਦਾ ਆਈਫੋਨ 12 ਸੀਰੀਜ਼ ਦੇ ਅਪਗ੍ਰੇਡ ਕੀਤੇ ਸਮਾਰਟਫੋਨਸ ਨੂੰ ਲਾਂਚ ਕਰੇਗੀ। ਇਸ ਸੀਰੀਜ਼ ‘ਚ iPhone 13, 13 Mini, 13 Pro ਅਤੇ 13 Pro Max ਸਮਾਰਟਫੋਨ ਹੋਣਗੇ। 2021 ‘ਚ ਆਉਣ ਵਾਲੇ ਆਈਫੋਨਸ ਸਬੰਧੀ ਕਈ ਵਾਰ ਲੀਕ ਜਾਣਕਾਰੀ ਸਾਹਮਣੇ ਆਈ ਹੈ।
ਹੁਣ ਤਾਜ਼ਾ ਰਿਪੋਰਟ ਵਿੱਚ ਖੁਲਾਸਾ ਹੋਇਆ ਹੈ ਕਿ ਨਵੇਂ ਆਈਫੋਨ ਵਿੱਚ ਵਾਇਰਲੈੱਸ ਚਾਰਜਿੰਗ ਸਮਰੱਥਾ ਲਈ ਇੱਕ ਵੱਡਾ ਵਾਇਰਲੈੱਸ ਚਾਰਜਿੰਗ ਕੋਇਲ ਮਿਲੇਗਾ। Max Weinbach ਨਾਂ ਦੇ ਇੱਕ ਟਿਪਸਟਰ ਅਨੁਸਾਰ ਆਈਫੋਨ 13 ਲੰਬੇ ਵਾਇਰਲੈਸ ਚਾਰਜਿੰਗ ਕੋਇਲ ਦੇ ਨਾਲ ਆਵੇਗਾ ਜੋ ਵਾਇਰਲੈੱਸ ਚਾਰਜਿੰਗ ਨੂੰ ਸਮਰੱਥ ਕਰੇਗਾ।
ਟਿਪਸਟਰ ਅਨੁਸਾਰ ਇੱਕ ਵਿਸ਼ਾਲ ਕੋਇਲ ਦਾ ਅਰਥ ਹੈ ਕਿ ਵਾਇਰਲੈੱਸ ਚਾਰਜਿੰਗ ਲਈ ਵਰਤੇ ਜਾਣ ਵਾਲੇ ਸਤਹ ਖੇਤਰ ਵਿੱਚ ਵਾਧਾ। ਇਸ ਦੇ ਨਾਲ ਹੀ ਇਹ ਆਈਫੋਨ ਦੇ ਕੰਪੋਨੈਂਟਸ ਤੋਂ ਨਿਕਲ ਰਹੀ ਗਰਮੀ ਦੇ ਪ੍ਰਬੰਧਨ ਵਿੱਚ ਵੀ ਮਦਦ ਕਰੇਗਾ। ਜੇ ਵਾਇਰਲੈੱਸ ਚਾਰਜਿੰਗ ਆਉਂਦੀ ਹੈ, ਤਾਂ ਆਈਫੋਨ ਉਪਭੋਗਤਾਵਾਂ ਲਈ ਆਪਣੇ ਆਈਫੋਨ ਦੇ ਪਿਛਲੇ ਹਿੱਸੇ ਤੋਂ ਏਅਰਪੌਡ ਅਤੇ ਹੋਰ ਡਿਵਾਈਸਾਂ ਦਾ ਚਾਰਜ ਕਰਨਾ ਅਸਾਨ ਹੋਵੇਗਾ।
ਦੱਸ ਦਈਏ ਕਿ ਐਪਲ ਹਮੇਸ਼ਾ ਵਾਇਰਲੈੱਸ ਚਾਰਜਿੰਗ ਪ੍ਰਤੀ ਸੁਚੇਤ ਰਿਹਾ ਹੈ। 2017 ‘ਚ ਕੰਪਨੀ ਨੇ ਏਅਰ ਪਾਵਰ ਮੈਟ ਨੂੰ ਪ੍ਰਦਰਸ਼ਿਤ ਕੀਤਾ ਜੋ ਆਪਣੇ ਆਪ ਆਈਫੋਨ, ਐਪਲ ਵਾਚ ਅਤੇ ਏਅਰਪੌਡਾਂ ਨੂੰ ਚਾਰਜ ਕਰਨ ਦੇ ਸਮਰੱਥ ਸੀ। ਹਾਲਾਂਕਿ, ਦੋ ਸਾਲ ਬਾਅਦ ਕੰਪਨੀ ਨੇ ਅਧਿਕਾਰਤ ਤੌਰ ‘ਤੇ ਐਲਾਨ ਕੀਤਾ ਕਿ ਐਪਲ ਇਸ ‘ਤੇ ਕੰਮ ਨਹੀਂ ਕਰ ਰਿਹਾ। ਪਰ ਪਿਛਲੇ ਮਹੀਨੇ ਇੱਕ ਟਿਪਸਟਰ ਨੇ ਦੱਸਿਆ ਕਿ ਏਅਰ ਪਾਵਰ ਮੈਟ ਕੰਪਨੀ ਦੇ ਏਜੰਡੇ ਵਿਚ ਵਾਪਸ ਆ ਗਈ ਹੈ।
ਹਾਲਾਂਕਿ ਕੰਪਨੀ ਅਜੇ ਤੱਕ ਏਅਰ ਪਾਵਰ ਮੈਟ ਨੂੰ ਚਾਰਜ ਨਹੀਂ ਕਰਨ ਜਾ ਰਹੀ ਹੈ, ਅਗਲੇ ਫੋਨ ਵਿਚ ਰਿਵਰਸ ਵਾਇਰਲੈੱਸ ਚਾਰਜਿੰਗ ਮਿਲਣ ਦੀ ਪੂਰੀ ਉਮੀਦ ਹੈ। ਅਜਿਹੀ ਸਥਿਤੀ ਵਿੱਚ ਐਪਲ ਨੇ ਇਸ ਨੂੰ ਹੁਣ ਬਿਹਤਰ ਬਣਾ ਲਿਆ ਹੋਣਾ ਅਤੇ ਕੰਪਨੀ ਇਸ ਨੂੰ ਅਗਲੇ ਫੋਨ ਵਿੱਚ ਪੇਸ਼ ਕਰ ਸਕਦੀ ਹੈ।
