ਭਾਰਤ ਡਿਜੀਟਲ ਭੁਗਤਾਨ ਦੇ ਖੇਤਰ ਵਿੱਚ ਜ਼ਿਆਦਾਤਰ ਦੇਸ਼ਾਂ ਵਿੱਚ ਅੱਗੇ ਹੈ। UPI ਮਤਲਬ ਯੂਨੀਫਾਈਡ ਪੇਮੈਂਟਸ ਇੰਟਰਫੇਸ ਨੇ ਇਸ ਵਾਧੇ ਨੂੰ ਤੇਜ਼ ਕੀਤਾ ਹੈ। ਬਹੁਤ ਸਾਰੇ ਮਾਮਲਿਆਂ ਵਿੱਚ ਇਹ ਨਕਦ ਭੁਗਤਾਨ ਕਰਨ ਨਾਲੋਂ ਬਹੁਤ ਸੌਖਾ ਹੈ।

ਹਾਲਾਂਕਿ ਭੁਗਤਾਨ ਕਰਨ ਲਈ ਇਸਨੂੰ ਇੱਕ ਕਿਰਿਆਸ਼ੀਲ ਇੰਟਰਨੈੱਟ ਕਨੈਕਸ਼ਨ ਦੀ ਲੋੜ ਹੈ। ਕਲਪਨਾ ਕਰੋ ਕਿ ਤੁਸੀਂ ਅਜਿਹੀ ਥਾਂ ‘ਤੇ ਹੋ ਜਿੱਥੇ ਇੰਟਰਨੈੱਟ ਨਹੀਂ ਹੈ ਤੇ ਤੁਹਾਡੇ ਕੋਲ ਭੁਗਤਾਨ ਕਰਨ ਲਈ ਨਕਦੀ ਨਹੀਂ ਹੈ। ਇਸ ਤਰ੍ਹਾਂ ਤੁਸੀਂ ਅਜੇ ਵੀ ਬਹੁਤ ਘੱਟ ਨੈੱਟਵਰਕ ਕਵਰੇਜ ਦੇ ਨਾਲ ਬਿਨਾਂ ਕਿਸੇ ਸਮੱਸਿਆ ਦੇ ਭੁਗਤਾਨ ਕਰ ਸਕਦੇ ਹੋ।

ਇਸ ਲਈ ਤੁਸੀਂ ਆਪਣੇ ਫ਼ੋਨ ਰਾਹੀਂ USSD ਕੋਡ ਦੀ ਵਰਤੋਂ ਕਰਕੇ ਆਫਲਾਈਨ ਮੋਡ ਵਿੱਚ UPI ਦੀ ਵਰਤੋਂ ਕਰ ਸਕਦੇ ਹੋ। ਖਾਸ ਤੌਰ ‘ਤੇ *99# ਸੇਵਾ ਸਾਰੇ ਮੋਬਾਈਲ ਉਪਭੋਗਤਾਵਾਂ ਲਈ ਲਾਂਚ ਕੀਤੀ ਗਈ ਸੀ, ਮਾਡਲ ਦੀ ਪਰਵਾਹ ਕੀਤੇ ਬਿਨਾਂ ਤੇ ਇਹ ਸਮਾਰਟਫ਼ੋਨ ਅਤੇ ਫੀਚਰ ਫ਼ੋਨ ਦੋਵਾਂ ਦਾ ਸਮਰਥਨ ਕਰਦੀ ਹੈ। ਇਸ ਦੇ ਨਾਲ ਹੀ UPI ਭੁਗਤਾਨ ਕਰਨ ਲਈ ਫ਼ੋਨ ਨੰਬਰ ਤੁਹਾਡੇ ਬੈਂਕ ਖਾਤੇ ਨਾਲ ਲਿੰਕ ਹੋਣਾ ਚਾਹੀਦਾ ਹੈ।

ਸਮਾਰਟਫੋਨ ਉਪਭੋਗਤਾਵਾਂ ਲਈ ਆਫਲਾਈਨ UPI ਜ਼ਰੂਰੀ ਨਹੀਂ ਹੈ, ਜੋ PhonePe, Google Pay ਆਦਿ ਵਰਗੀਆਂ UPI ਐਪਸ ਦੀ ਵਰਤੋਂ ਕਰ ਸਕਦੇ ਹਨ। ਹਾਲਾਂਕਿ, ਫੀਚਰ ਫੋਨ ਉਪਭੋਗਤਾ UPI ਦੀ ਵਰਤੋਂ ਕਰਨ ਲਈ *99# USSD ਕੋਡ ਦਾ ਲਾਭ ਲੈ ਸਕਦੇ ਹਨ। । ਇਸ ਦੇ ਨਾਲ ਹੀ ਇਹ ਵਿਸ਼ੇਸ਼ਤਾ ਇੰਟਰਨੈਟ ਦੀ ਸਮੱਸਿਆ ਦਾ ਸਾਹਮਣਾ ਕਰ ਰਹੇ ਸਮਾਰਟਫੋਨ ਉਪਭੋਗਤਾਵਾਂ ਲਈ ਵਧੀਆ ਹੈ।

ਆਓ ਜਾਣਦੇ ਹਾਂ ਇੰਟਰਨੈੱਟ ਤੋਂ ਬਿਨਾਂ UPI ਭੁਗਤਾਨ ਕਿਵੇਂ ਕਰੀਏ

ਇਸ ਲਈ ਸਭ ਤੋਂ ਪਹਿਲਾਂ ਆਪਣੇ ਫ਼ੋਨ ਦੇ ਕੀਪੈਡ ਤੋਂ *99# ਟਾਈਪ ਕਰੋ ਤੇ ਫਿਰ ਕਾਲ ਕਰੋ।

ਹੁਣ ਤੁਹਾਡੇ ਸਾਹਮਣੇ ਕਈ ਵਿਕਲਪ ਆਉਣਗੇ। ਪਹਿਲਾ ਵਿਕਲਪ “Send Money” ਹੋਵੇਗਾ। ਫਿਰ 1 ਡਾਇਲ ਕਰੋ।

ਹੁਣ ਇਹ ਤੁਹਾਨੂੰ ਪੁੱਛੇਗਾ ਕਿ ਤੁਸੀਂ ਪੈਸੇ ਕਿੱਥੇ ਅਤੇ ਕਿਵੇਂ ਭੇਜਣਾ ਚਾਹੁੰਦੇ ਹੋ ਜਿਵੇਂ ਕਿ ਮੋਬਾਈਲ ਨੰਬਰ UPI ID, IFSC ਕੋਡ ਜਾਂ ਕਿਸੇ ਪਹਿਲਾਂ ਤੋਂ ਸੁਰੱਖਿਅਤ ਲਾਭਪਾਤਰੀ ਨੂੰ ਭੇਜਣੇ ਹਨ।

ਹੁਣ ਇਹਨਾਂ ਵਿੱਚੋਂ ਕਿਸੇ ਵੀ ਵਿਕਲਪ ਦੀ ਚੋਣ ਕਰਕੇ ਵੇਰਵੇ ਭਰੋ ਅਤੇ ਭੇਜੋ (Send) ‘ਤੇ ਟੈਪ ਕਰੋ।

ਹੁਣ ਰਕਮ (amout) ਦਰਜ ਕਰੋ ਅਤੇ ਭੇਜੋ।

ਹੁਣ ਇੱਕ ਟਿੱਪਣੀ ਦਰਜ ਕਰੋ।

ਹੁਣ ਤੁਹਾਨੂੰ UPI ਪਿੰਨ ਲਈ ਪੁੱਛਿਆ ਜਾਵੇਗਾ, ਇਸ ‘ਤੇ ਟੈਪ ਕਰੋ ਤੇ ਭੇਜੋ। ਹੁਣ ਭੁਗਤਾਨ ਹੋ ਗਿਆ ਹੈ।

ਖਾਸ ਤੌਰ ‘ਤੇ ਤੁਸੀਂ UPI USSD ਕੋਡ ਨੂੰ ਵੀ ਅਯੋਗ ਕਰ ਸਕਦੇ ਹੋ। ਅਜਿਹਾ ਕਰਨ ਲਈ ਤੁਹਾਨੂੰ *99# ‘ਤੇ ਕਾਲ ਕਰਨੀ ਪਵੇਗੀ। ਸੂਚੀ ਵਿੱਚੋਂ ਵਿਕਲਪ 4 “ਮਾਈ ਪ੍ਰੋਫਾਈਲ” ਦੀ ਚੋਣ ਕਰੋ ਅਤੇ ਫਿਰ ਨੰਬਰ 7 ਚੁਣੋ, ਜਿਸ ਨੂੰ UPI ਨਾਲ ਡੀ-ਰਜਿਸਟਰ ਕੀਤਾ ਜਾਣਾ ਹੈ। USSD ਕੋਡ UPI ਭੁਗਤਾਨ ਸੇਵਾ ਨੂੰ ਅਯੋਗ ਕਰਨ ਲਈ ਆਪਣੀ ਪਸੰਦ ਦੀ ਪੁਸ਼ਟੀ ਕਰੋ।