ਭਾਰਤ ਨੇ ਸ਼ਤਰੰਜ ਓਲੰਪੀਆਡ ਦੇ ਓਪਨ ਵਰਗ ਵਿੱਚ ਜਿੱਤਿਆ ਇਤਿਹਾਸਕ ਸੋਨ ਤਮਗਾ
ਭਾਰਤ ਨੇ ਸ਼ਤਰੰਜ ਓਲੰਪੀਆਡ ਦੇ ਓਪਨ ਵਰਗ ਵਿੱਚ ਇਤਿਹਾਸਕ ਸੋਨ ਤਮਗਾ ਜਿੱਤਿਆ ਹੈ। ਓਲੰਪੀਆਡ ਦੇ 97 ਸਾਲਾਂ ਦੇ ਇਤਿਹਾਸ ਵਿੱਚ ਪਹਿਲੀ ਵਾਰ ਭਾਰਤ ਨੇ ਟੀਮ ਈਵੈਂਟ ਦਾ ਸੋਨ ਤਮਗਾ ਜਿੱਤਿਆ ਹੈ। ਭਾਰਤ ਨੇ ਬੁਡਾਪੇਸਟ ਵਿੱਚ 10ਵੇਂ ਦੌਰ ਦੇ ਮੈਚ ਵਿੱਚ ਅਮਰੀਕਾ ਨੂੰ 2.5-1.5 ਨਾਲ ਹਰਾਇਆ। ਭਾਰਤ ਦੇ ਕੁੱਲ 19 ਅੰਕ ਹਨ। 10 ਗੇੜਾਂ ਵਿੱਚੋਂ ਭਾਰਤ ਨੇ 9 ਵਿੱਚ ਜਿੱਤ ਦਰਜ ਕੀਤੀ ਹੈ ਅਤੇ 1 ਰਾਊਂਡ ਡਰਾਅ ਰਿਹਾ ਹੈ।
ਇਹ ਵੀ ਪੜ੍ਹੋ – ਕੇਜਰੀਵਾਲ ਅੱਜ ਜੰਤਰ-ਮੰਤਰ ‘ਚ ਆਯੋਜਿਤ ਕਰਨਗੇ ਜਨਤਾ ਅਦਾਲਤ
ਆਖਰੀ ਦੌਰ ਦਾ ਮੈਚ ਐਤਵਾਰ ਨੂੰ ਹੋਣਾ ਹੈ। ਜੇਕਰ ਭਾਰਤੀ ਟੀਮ ਇਸ ਦੌਰ ‘ਚ ਹਾਰ ਵੀ ਜਾਂਦੀ ਹੈ ਤਾਂ ਵੀ ਟੀਮ ਦਾ ਪਹਿਲੇ ਸਥਾਨ ‘ਤੇ ਰਹਿਣਾ ਲਗਭਗ ਤੈਅ ਹੈ। ਓਪਨ ਵਰਗ ਵਿੱਚ ਭਾਰਤ ਦੇ ਸੋਨ ਤਮਗਾ ਜੇਤੂ ਬਣਨ ਦਾ ਅਧਿਕਾਰਤ ਐਲਾਨ 11ਵੇਂ ਦੌਰ ਦੇ ਖੇਡ ਤੋਂ ਬਾਅਦ ਕੀਤਾ ਜਾਵੇਗਾ।
ਮਹਿਲਾ ਵਰਗ ਵਿੱਚ ਸੋਨੇ ਦੀ ਦੌੜ
ਭਾਰਤ ਅਜੇ ਵੀ ਮਹਿਲਾ ਵਰਗ ਵਿੱਚ ਸੋਨੇ ਦੀ ਦੌੜ ਵਿੱਚ ਹੈ। ਭਾਰਤੀ ਕੁੜੀਆਂ ਨੇ 10ਵੇਂ ਦੌਰ ‘ਚ ਮੌਜੂਦਾ ਚੈਂਪੀਅਨ ਚੀਨ ਨੂੰ 2.5-1.5 ਦੇ ਫਰਕ ਨਾਲ ਹਰਾਇਆ। ਭਾਰਤ ਇਸ ਸਮੇਂ ਇਸ ਸ਼੍ਰੇਣੀ ‘ਚ ਪਹਿਲੇ ਨੰਬਰ ‘ਤੇ ਹੈ।
ਗੁਕੇਸ਼ ਨੇ ਓਪਨ ਵਰਗ ਦੇ 10ਵੇਂ ਗੇੜ ਵਿੱਚ ਵਿਸ਼ਵ ਦੇ ਦੂਜੇ ਨੰਬਰ ਦੇ ਖਿਡਾਰੀ ਨੂੰ ਹਰਾਇਆ । ਓਪਨ ਵਰਗ ਵਿੱਚ, ਇੱਕ ਟੀਮ ਵਿੱਚ ਪੁਰਸ਼ ਅਤੇ ਮਹਿਲਾ ਦੋਵੇਂ ਖਿਡਾਰੀ ਹੋ ਸਕਦੇ ਹਨ। ਹਾਲਾਂਕਿ, ਜ਼ਿਆਦਾਤਰ ਟੀਮਾਂ ਵਿੱਚ ਓਪਨ ਵਰਗ ਵਿੱਚ ਸਿਰਫ਼ ਪੁਰਸ਼ ਖਿਡਾਰੀ ਹਨ।
ਬੋਰਡ-2 ‘ਤੇ ਪ੍ਰਗਨਾਨੰਦ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ
ਅਮਰੀਕਾ ਦੇ ਖਿਲਾਫ ਮੈਚ ‘ਚ ਡੀ.ਗੁਕੇਸ਼ ਨੇ ਬੋਰਡ-1 ‘ਤੇ ਫੈਬੀਆਨੋ ਕਾਰੂਆਨਾ ਨੂੰ ਹਰਾਇਆ। ਕਾਰੂਆਨਾ ਵਿਸ਼ਵ ਰੈਂਕਿੰਗ ‘ਚ ਨੰਬਰ-2 ਖਿਡਾਰਨ ਹੈ। ਬੋਰਡ-2 ‘ਤੇ ਪ੍ਰਗਨਾਨੰਦ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਅਰਜੁਨ ਇਰੀਗਾਸੀ ਨੇ ਬੋਰਡ-3 ‘ਤੇ ਡੋਮਨੀਗਜ਼ ਪੇਰੇਜ਼ ਨੂੰ ਹਰਾਇਆ। ਬੋਰਡ-4 ‘ਤੇ ਵਿਦਿਤ ਗੁਜਰਾਤੀ ਨੇ ਲੇਵੋਨ ਅਰੋਨੀਅਨ ਨਾਲ ਡਰਾਅ ਖੇਡਿਆ।
