10000 ਰੁਪਏ ਤੋਂ ਵੀ ਘੱਟ ਕੀਮਤ ‘ਚ ਲਾਂਚ ਹੋਇਆ 5000mAh ਬੈਟਰੀ ਵਾਲਾ ਨਵਾਂ ਸਮਾਰਟਫੋਨ, ਜਾਣੋ ਹੋਰ ਕੀ ਕੁਝ ਮਿਲੇਗਾ ਖਾਸ

ਲਾਵਾ ਨੇ ਭਾਰਤ ਵਿੱਚ ਆਪਣੀ Yuva ਸੀਰੀਜ਼ ਦਾ ਨਵੀਨਤਮ ਸਮਾਰਟਫੋਨ ਲਾਂਚ ਕਰ ਦਿੱਤਾ ਹੈ । Lava Yuva 2 5G ਕੰਪਨੀ ਦਾ ਨਵਾਂ ਹੈਂਡਸੈੱਟ ਹੈ ਅਤੇ ਇਸ ਵਿੱਚ 50MP ਦਾ ਡਿਊਲ ਰਿਅਰ ਕੈਮਰਾ ਸੈੱਟਅਪ ਹੈ। ਆਓ ਜਾਣਦੇ ਹਾਂ ਇਸ ਫੋਨ ਦੇ ਡਿਜ਼ਾਈਨ, ਸਪੈਸੀਫਿਕੇਸ਼ਨ ਅਤੇ ਕੀਮਤ ਬਾਰੇ।

Lava Yuva 2 5G ਦੀ ਕੀਮਤ

Lava Yuva 2 5G ਦੀ ਕੀਮਤ 9,499 ਰੁਪਏ ਰੱਖੀ ਗਈ ਹੈ, ਜੋ ਕਿ ਸਿਰਫ 4GB ਰੈਮ ਅਤੇ 128GB ਸਟੋਰੇਜ ਵਾਲੇ ਮਾਡਲ ਦੀ ਕੀਮਤ ਹੈ। ਇਸ ਫੋਨ ਨੂੰ “ਪ੍ਰੀਮੀਅਮ ਮਾਰਬਲ ਫਿਨਿਸ਼” ਦਿੱਤਾ ਗਿਆ ਹੈ, ਜੋ ਇਸ ਨੂੰ ਇੱਕ ਵੱਖਰਾ ਰੂਪ ਦਿੰਦਾ ਹੈ। ਇਹ ਦੋ ਰੰਗਾਂ ਵਿੱਚ ਉਪਲਬਧ ਹੈ – ਕਾਲੇ ਅਤੇ ਚਿੱਟੇ। Yuva ਫੋਨ ‘ਚ ਪਹਿਲੀ ਵਾਰ ਮਾਰਬਲ ਫਿਨਿਸ਼ ਦੀ ਵਰਤੋਂ ਕੀਤੀ ਗਈ ਹੈ। ਫ਼ੋਨ ਦੇ ਕਿਨਾਰੇ ਵੀ ਗਲੋਸੀ ਹਨ, ਜੋ ਬਾਕੀ ਡਿਜ਼ਾਈਨ ਦੇ ਨਾਲ ਇੱਕ ਵਧੀਆ ਕੰਟਰਾਸਟ ਬਣਾਉਂਦੇ ਹਨ।

Lava Yuva 2 5G ਸਪੈਸੀਫਿਕੇਸ਼ਨਸ

Lava Yuva 2 5G ਸਮਾਰਟਫੋਨ ‘ਚ 6.67 ਇੰਚ ਦੀ HD+ ਸਕਰੀਨ ਹੈ ਜਿਸ ਦੀ ਰਿਫ੍ਰੈਸ਼ ਰੇਟ 90 Hz ਹੈ। ਸਕਰੀਨ ਦੀ ਪੀਕ ਬ੍ਰਾਈਟਨੇਸ 700 nits ਹੈ। ਇਸ ਲਾਵਾ ਹੈਂਡਸੈੱਟ ‘ਚ Unisoc T760 ਪ੍ਰੋਸੈਸਰ ਹੈ। ਫੋਨ ‘ਚ 4GB ਰੈਮ ਹੈ। ਭਾਰਤੀ ਕੰਪਨੀ ਦਾ ਇਹ ਸਮਾਰਟਫੋਨ 4GB ਤੱਕ ਵਰਚੁਅਲ ਰੈਮ ਆਪਸ਼ਨ ਨਾਲ ਆਉਂਦਾ ਹੈ। ਫੋਨ ‘ਚ 128 ਜੀਬੀ ਇਨਬਿਲਟ ਸਟੋਰੇਜ ਦਾ ਵਿਕਲਪ ਹੈ। ਹੈਂਡਸੈੱਟ ਐਂਡ੍ਰਾਇਡ 14 OS ਦੇ ਨਾਲ ਆਉਂਦਾ ਹੈ।

ਫੋਟੋਗ੍ਰਾਫੀ ਲਈ ਕੈਮਰਾ

ਫੋਟੋਗ੍ਰਾਫੀ ਲਈ Lava Yuva 2 5G ‘ਚ ਡਿਊਲ ਰੀਅਰ ਕੈਮਰਾ ਸੈੱਟਅਪ ਦਿੱਤਾ ਗਿਆ ਹੈ। ਡਿਵਾਈਸ ਵਿੱਚ 50MP AI ਪ੍ਰਾਇਮਰੀ ਰਿਅਰ ਕੈਮਰਾ ਅਤੇ 2 ਮੈਗਾਪਿਕਸਲ ਸੈਕੰਡਰੀ ਸੈਂਸਰ ਹੈ। ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ ਹੈਂਡਸੈੱਟ ‘ਚ 8 ਮੈਗਾਪਿਕਸਲ ਦਾ ਫਰੰਟ ਸੈਂਸਰ ਹੈ। Lava Yuva 2 5G ਨੂੰ ਪਾਵਰ ਦੇਣ ਲਈ 5000mAh ਬੈਟਰੀ ਦਿੱਤੀ ਗਈ ਹੈ ਜੋ USB ਟਾਈਪ-ਸੀ ਪੋਰਟ ਰਾਹੀਂ 18W ਵਾਇਰਡ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ।

ਜਲੰਧਰ ‘ਚ ਐਂਬੂਲੈਂਸ ਨੂੰ ਤੇਜ਼ ਰਫਤਾਰ ਟਰਾਲੇ ਨੇ ਮਾਰੀ ਟੱਕਰ; ਡਰਾਈਵਰ ਦੀ ਮੌਕੇ ‘ਤੇ ਹੀ ਮੌ/ਤ