ਲੁਧਿਆਣਾ, 27 ਜੂਨ 2026 : ਪੰਜਾਬ ਦੇ ਜਿਲਾ ਲੁਧਿਆਣਾ ਸ਼ਹਿਰ (Ludhiana City) ਦੇ ਵੱਖ-ਵੱਖ ਖੇਤਰਾਂ ਵਿਚ ਵਾਪਰੇ ਤਿੰਨ ਸੜਕ ਹਾਦਸਿਆਂ ਵਿਚ ਤਿੰਨ ਵਿਅਕਤੀਆਂ ਦੀਆਂ ਜਾਨਾਂ ਚਲੀਆਂ ਗਈਆਂ ਹਨ ।
ਕੌਣ ਕੌਣ ਹਨ ਤਿੰਨੋ ਜਣੇ
ਮਿਲੀ ਜਾਣਕਾਰੀ ਮੁਤਾਬਕ ਲੁਧਿਆਣਾ ਸ਼ਹਿਰ ਦੇ ਵੱਖ-ਵੱਖ ਇਲਾਕਿਆਂ ਜੋ ਤਿੰਨ ਵੱਖ-ਵੱਖ ਸੜਕ ਹਾਦਸਿਆਂ (Road accidents) ਵਿਚ ਤਿੰਨ ਵਿਅਕਤੀਆਂ ਦੀਆਂ ਜਾਨਾਂ ਚਲੀਆਂ ਗਈਆਂ ਹਨ ਦੇ ਵਿਚ 78 ਸਾਲਾ ਐਫ. ਸੀ. ਆਈ. ਦੇ ਰਿਟਾਇਰਡ ਇੰਸਪੈਕਟਰ ਅਮਰਜੀਤ ਸਿੰਘ, 49 ਸਾਲਾ ਮੋਟਰਸਾਈਕਲ ਚਾਲਕ ਹਰਮੀਤ ਸਿੰਘ ਅਤੇ ਇੱਕ 42 ਸਾਲਾ ਆਟੋ ਚਾਲਕ ਸਤਨਾਮ ਸਿੰਘ ਸ਼ਾਮਲ ਹੈ ।
ਪਰਿਵਾਰਕ ਮੈਂਬਰਾਂ ਦੇ ਬਿਆਨਾਂ ‘ਤੇ ਕੇਸ ਦਰਜ ਕਰਕੇ ਪੜ੍ਹਤਾਲ ਸ਼ੁਰੂ
ਉਕਤ ਤਿੰਨੋ ਸੜਕ ਹਾਦਸੇ ਡੇਹਲੋਂ, ਸਦਰ ਅਤੇ ਸਾਹਨੇਵਾਲ ਥਾਣਿਆਂ ਅਧੀਨ ਆਉਂਦੇ ਇਲਾਕਿਆਂ ਵਿਚ ਤੇਜ਼ ਰਫਤਾਰੀ ਅਤੇ ਲਾਪ੍ਰਵਾਹੀ ਦੇ ਚਲਦੇ ਵਾਪਰੇ ਹਨ । ਤਿੰਨਾਂ ਮਾਮਲਿਆਂ ਵਿੱਚ ਪੁਲਸ ਨੇ ਪਰਿਵਾਰਕ ਮੈਂਬਰਾਂ ਦੇ ਬਿਆਨਾਂ ਦੇ ਆਧਾਰ ‘ਤੇ ਵੱਖ-ਵੱਖ ਧਾਰਾਵਾਂ ਤਹਿਤ ਮੁਕਦਮੇ ਦਰਜ (Cases filed) ਕਰਕੇ ਪੜਤਾਲ ਸ਼ੁਰੂ ਕਰ ਦਿੱਤੀ ਹੈ ।
