Oppo ਜਲਦ ਹੀ ਆਪਣਾ ਨਵਾਂ ਸਮਾਰਟਫੋਨ Oppo F21s Pro ਲਾਂਚ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। Oppo F21s Pro ਸਮਾਰਟਫੋਨ ਨੂੰ ਭਾਰਤ ‘ਚ 15 ਸਤੰਬਰ ਨੂੰ ਲਾਂਚ ਕੀਤਾ ਜਾਵੇਗਾ। ਓਪੋ (Oppo) ਇਸ ਫੋਨ ‘ਚ ਆਪਣੇ ਸੈਗਮੈਂਟ ਦਾ ਪਹਿਲਾ ਮਾਈਕ੍ਰੋਲੇਂਸ ਕੈਮਰਾ ਪੇਸ਼ ਕਰੇਗਾ, ਜੋ 30x ਮੈਗਨਿਫਿਕੇਸ਼ਨ ਦੇ ਨਾਲ ਆਵੇਗਾ।
ਓਪੋ (Oppo) ਨੇ ਇਸ ਦੀ ਜਾਣਕਾਰੀ ਇੱਕ ਟਵੀਟ ਰਾਹੀਂ ਦਿੱਤੀ ਹੈ, ਨਾਲ ਹੀ ਆਪਣੀ ਮਾਈਕ੍ਰੋਸਾਈਟ ਨੂੰ ਵੀ ਲਾਈਵ ਕੀਤਾ ਹੈ। ਦੱਸ ਦੇਈਏ ਕਿ ਓਪੋ ਕੰਪਨੀ ਨੇ ਇਸ ਸੀਰੀਜ਼ੀ ਦੇ ਤਹਿਤ ਪਹਿਲਾਂ ਵੀ ਦੇ ਸਮਾਰਟ ਫੋਨ ਲਾਂਚ ਕੀਤੇ ਹਨ। ਆਓ ਜਾਣਦੇ ਹਾਂ ਕਿ Oppo ਦੇ ਲਾਂਚ ਹੋਣ ਜਾ ਰਹੇ ਨਵੇਂ ਸਮਾਰਟਫੋਨ Oppo F21s Pro ਦੇ ਫੀਚਰ ਕੀ ਹਨ-
ਮਾਈਕ੍ਰੋਸਾਈਟ ਤੋਂ ਦੱਸਿਆ ਗਿਆ ਹੈ ਕਿ Oppo F21s Pro ‘ਚ 64 ਮੈਗਾਪਿਕਸਲ ਦਾ ਟ੍ਰਿਪਲ ਰੀਅਰ AI ਕੈਮਰਾ ਦਿੱਤਾ ਜਾਵੇਗਾ। ਇਸਦੇ ਨਾਲ ਹੀ ਪਤਾ ਲੱਗਾ ਹੈ ਕਿ ਫੋਨ ਔਰਬਿਟ ਲਾਈਟ ਸਪੋਰਟ ਦੇ ਨਾਲ ਆਵੇਗਾ, ਜੋ ਸੈਕੰਡਰੀ ਕੈਮਰੇ ਦੇ ਲੈਂਸ ‘ਤੇ ਰਿੰਗ ਲਾਈਟ ਦੀ ਤਰ੍ਹਾਂ ਹੋਵੇਗਾ।
ਜ਼ਿਕਰਯੋਗ ਹੈ ਕਿ Oppo F21s Pro ਸਮਾਰਟ ਫੋਨ ਦੇ ਲਾਂਚ ਹੋਣ ਤੋਂ ਪਹਿਲਾਂ ਇਸਦੀ ਫੋਟੋ ਸ਼ੇਅਰ ਕੀਤੀ ਗਈ ਹੈ। ਇਸ ਫੋਟੋ ਨੂੰ ਦੇਖ ਕੇ ਪਤਾ ਲੱਗਦਾ ਹੈ ਕਿ ਇਸ ਸਮਾਰਟ ਫੋਨ ਦਾ ਰਿਅਰ ਪੈਨਲ ਗਲੋ ਡਿਜ਼ਾਈਨ ਦੇ ਨਾਲ ਆਵੇਗਾ।ਇਸ ਤੋਂ ਇਲਾਵਾ ਇਹ ਵੀ ਦੇਖਿਆ ਗਿਆ ਹੈ ਕਿ Oppo F21s Pro ਦੇ ਖੱਬੇ ਪਾਸੇ ਵਾਲਿਊਮ ਰੌਕਰ ਅਤੇ ਸਿਮ ਟ੍ਰੇ ਦਿੱਤੀ ਜਾਵੇਗੀ। ਇਸ ਸਮਾਰਟ ਫੋਨ ‘ਚ ਪਾਵਰ ਬਟਨ ਰਾਈਡ ਸਾਈਡ ‘ਤੇ ਦਿਖਾਈ ਦੇ ਰਿਹਾ ਹੈ। USB ਟਾਈਪ C ਪੋਰਟ, 3.5mm ਆਡੀਓ ਜੈਕ, ਮਾਈਕ੍ਰੋਫੋਨ ਅਤੇ ਸਪੀਕਰ ਗਰਿੱਲ ਫੋਨ ਦੇ ਹੇਠਲੇ ਪਾਸੇ ਉਪਲਬਧ ਹਨ।
ਦੱਸ ਦੇਈਏ ਕਿ Oppo ਦੀ ਇਸ ਸੀਰੀਜ਼ ‘ਚ F21 Pro, F21 Pro 5G ਪਹਿਲਾਂ ਤੋਂ ਮੌਜੂਦ ਹਨ। ਓਪੋ ਕੰਪਨੀ ਨੇ ਅਪ੍ਰੈਲ ‘ਚ Oppo F21 Pro, F21 Pro 5G ਲਾਂਚ ਕੀਤਾ ਸੀ। ਓਪੋ ਕੰਪਨੀ ਦੇ F21 Pro ‘ਚ 6.4-ਇੰਚ ਦੀ AMOLED ਡਿਸਪਲੇਅ ਹੈ, ਜੋ HD+ ਰੈਜ਼ੋਲਿਊਸ਼ਨ ਨਾਲ ਆਉਂਦਾ ਹੈ। ਇਸਦੇ ਨਾਲ ਹੀ ਇਸ ਸਮਾਰਟਫੋਨ ਵਿ4ਚ 90Hz ਰਿਫਰੈਸ਼ ਰੇਟ ਅਤੇ 180Hz ਟੱਚ ਸੈਂਪਲਿੰਗ ਮੌਜੂਦ ਹੈ।
