ਗਾਹਕਾਂ ਦੇ ਮਾਮਲੇ ਵਿੱਚ ਦੇਸ਼ ਦੀ ਸਭ ਤੋਂ ਵੱਡੀ ਦੂਰਸੰਚਾਰ ਕੰਪਨੀ ਰਿਲਾਇੰਸ ਜਿਓ (Reliance Ji) ਨੇ ਅਗਸਤ ਵਿੱਚ 6.49 ਨਵੇਂ ਲੱਖ ਮੋਬਾਈਲ ਗਾਹਕਾਂ ਨੂੰ ਜੋੜਿਆ। ਇਸ ਤੋਂ ਬਾਅਦ ਭਾਰਤੀ ਏਅਰਟੈੱਲ (Bharti Airtel) ਦਾ ਸਥਾਨ ਰਿਹਾ, ਜਿਨ੍ਹੇ 1.38 ਲੱਖ ਨਵੇਂ ਕੁਨੈਕਸ਼ਨ ਜੁੜੇ। ਟੈਲੀਕਾਮ ਰੈਗੂਲੇਟਰੀ ਅਥਾਰਟੀ ਆਫ ਇੰਡੀਆ (TRAI) ਦੇ ਬੁੱਧਵਾਰ ਨੂੰ ਜਾਰੀ ਅੰਕੜਿਆਂ ਤੋਂ ਇਹ ਜਾਣਕਾਰੀ ਮਿਲੀ ਹੈ। ਇਸ ਦੇ ਉਲਟ, ਵੋਡਾਫੋਨ ਆਈਡੀਆ ਨੇ ਅਗਸਤ ਵਿੱਚ 8.33 ਲੱਖ ਗਾਹਕਾਂ ਨੂੰ ਗੁਆ ਦਿੱਤਾ, ਹਾਲਾਂਕਿ ਉਸ ਦਾ ਨੁਕਸਾਨ ਜੁਲਾਈ ਦੀ ਤੁਲਣਾ ਵਿੱਚ ਘੱਟ ਰਿਹਾ।
ਜੀਓ ਨੇ ਨਵੇਂ ਗਾਹਕ ਜੋੜਨ ਦੀ ਦੌੜ ਵਿੱਚ ਆਪਣੇ ਵਿਰੋਧੀਆਂ ਨੂੰ ਹਰਾਉਣਾ ਜਾਰੀ ਰੱਖਦੇ ਹੋਏ ਅਗਸਤ ਵਿੱਚ 6.49 ਲੱਖ ਵਾਇਰਲੈਸ ਉਪਭੋਗਤਾਵਾਂ ਜੋੜਿਆ। ਇਸ ਦੇ ਨਾਲ ਹੀ ਉਸ ਦਾ ਮੋਬਾਈਲ ਗਾਹਕਾਂ ਦਾ ਆਧਾਰ ਵਧਕੇ 44.38 ਕਰੋੜ ਹੋ ਗਿਆ। ਸੁਨੀਲ ਮਿੱਤਲ ਦੀ ਅਗਵਾਈ ਵਾਲੀ ਭਾਰਤੀ ਏਅਰਟੈੱਲ ਨੇ ਮਹੀਨੇ ਦੇ ਦੌਰਾਨ 1.38 ਲੱਖ ਗਾਹਕ ਜੋੜੇ ਜਿਸ ਦੇ ਨਾਲ ਉਸ ਦੇ ਕੁੱਲ ਵਾਇਰਲੈਸ ਕੁਨੈਕਸ਼ਨ ਦੀ ਗਿਣਤੀ 35.41 ਕਰੋੜ ਹੋ ਗਈ। ਟਰਾਈ ਦੇ ਅੰਕੜਿਆਂ ਦੇ ਅਨੁਸਾਰ, ਵੋਡਾਫੋਨ ਆਈਡੀਆ ਨੇ ਅਗਸਤ ਵਿੱਚ 8.33 ਲੱਖ ਮੋਬਾਈਲ ਕਨੈਕਸ਼ਨ ਗੁਆ ਦਿੱਤੇ ਅਤੇ ਇਸ ਦੇ ਨਾਲ ਉਸ ਦੇ ਵਾਇਰਲੈਸ ਗਾਹਕਾਂ ਦੀ ਗਿਣਤੀ ਘੱਟ ਕੇ 27.1 ਕਰੋੜ ਰਹਿ ਗਈ। ਜੁਲਾਈ ਦੇ ਅੰਕੜਿਆਂ ਦੀ ਤੁਲਨਾ ‘ਚ ਪਰੇਸ਼ਾਨ ਕੰਪਨੀ ਨੇ ਆਪਣੇ ਗਾਹਕਾਂ ਦੇ ਨੁਕਸਾਨ ਨੂੰ ਕੁਝ ਹੱਦ ਤੱਕ ਘੱਟ ਕੀਤਾ ਹੈ। ਜੁਲਾਈ ਵਿੱਚ ਉਸ ਨੇ 14.3 ਲੱਖ ਗਾਹਕ ਗੰਆ ਦਿੱਤੇ।