ਕੋਲਕਾਤਾ ਨਾਈਟ ਰਾਈਡਰਜ਼ ਦੇ ਸਾਬਕਾ ਕਪਤਾਨ ਅਤੇ ਭਾਰਤ ਦੇ ਵਿਕਟਕੀਪਰ ਬੱਲੇਬਾਜ਼ ਦਿਨੇਸ਼ ਕਾਰਤਿਕ ਪਿਤਾ ਬਣ ਗਏ ਹਨ। ਉਨ੍ਹਾਂ ਦੀ ਪਤਨੀ ਦੀਪਿਕਾ ਪੱਲੀਕਲ ਨੇ ਜੁੜਵਾਂ ਬੱਚਿਆਂ ਨੂੰ ਜਨਮ ਦਿੱਤਾ ਹੈ। ਕਾਰਤਿਕ ਅਤੇ ਦੀਪਿਕਾ ਨੇ ਬੱਚਿਆਂ ਨਾਲ ਸੋਸ਼ਲ ਮੀਡੀਆ ‘ਤੇ ਤਸਵੀਰਾਂ ਸ਼ੇਅਰ ਕੀਤੀਆਂ।

ਦਿਨੇਸ਼ ਕਾਰਤਿਕ ਨੇ ਤਸਵੀਰ ਦੇ ਨਾਲ ਕੈਪਸ਼ਨ ‘ਚ  ਲਿਖਿਆ- ”…ਅਤੇ ਹੁਣ ਅਸੀਂ ਤਿੰਨ ਤੋਂ ਪੰਜ ਹੋ ਗਏ ਹਾਂ। ਅਸੀਂ ਇਸ ਤੋਂ ਜ਼ਿਆਦਾ ਖੁਸ਼ ਨਹੀਂ ਹੋ ਸਕਦੇ।” ਇਸ ਦੇ ਨਾਲ ਹੀ ਕਾਰਤਿਕ ਨੇ ਦੋਹਾਂ ਬੱਚਿਆਂ ਦੇ ਨਾਂ ਵੀ ਦੱਸੇ ਹਨ। ਇੱਕ ਦਾ ਨਾਮ ਕਬੀਰ ਪੱਲੀਕਲ ਕਾਰਤਿਕ ਅਤੇ ਦੂਜੇ ਦਾ ਨਾਮ ਜਿਆਨ ਪੱਲੀਕਲ ਕਾਰਤਿਕ ਹੈ। ਤਿੰਨ ਤੋਂ ਪੰਜ ਲਾਈਨਾਂ ਵਿੱਚ ਉਸਨੇ ਆਪਣਾ, ਦੀਪਿਕਾ, ਆਪਣੇ ਦੋ ਬੱਚਿਆਂ ਦਾ ਜ਼ਿਕਰ ਕੀਤਾ ਹੈ।

ਉੱਥੇ ਹੀ ਦੀਪਿਕਾ ਪੱਲੀਕਲ ਏਸ਼ੀਆਈ ਖੇਡਾਂ ਅਤੇ ਰਾਸ਼ਟਰਮੰਡਲ ਖੇਡਾਂ ਵਿੱਚ ਤਗਮੇ ਜਿੱਤ ਚੁੱਕੀ ਹੈ। 30 ਸਾਲਾ ਦੀਪਿਕਾ ਨੇ ਪਿਛਲੇ ਸਾਲ ਇਸ ਸਮੇਂ ਸਕੁਐਸ਼ ਦੇ ਪੈਰਿਸ ਓਲੰਪਿਕ 2024 ਦਾ ਹਿੱਸਾ ਨਾ ਬਣਨ ‘ਤੇ ਨਿਰਾਸ਼ਾ ਜ਼ਾਹਰ ਕੀਤੀ ਸੀ। ਕਾਰਤਿਕ ਅਤੇ ਦੀਪਿਕਾ ਦਾ ਵਿਆਹ 2015 ਵਿੱਚ ਹਿੰਦੂ ਅਤੇ ਈਸਾਈ ਦੋਹਾਂ ਧਰਮਾਂ ਦੇ ਰੀਤੀ-ਰਿਵਾਜਾਂ ਅਨੁਸਾਰ ਹੋਇਆ ਸੀ। ਕਾਰਤਿਕ ਦਾ ਇਹ ਦੂਜਾ ਵਿਆਹ ਹੈ। ਉਹ ਆਪਣੀ ਪਹਿਲੀ ਪਤਨੀ ਤੋਂ ਤਲਾਕਸ਼ੁਦਾ ਹੈ।

LEAVE A REPLY

Please enter your comment!
Please enter your name here