ਨਵੀਂ ਦਿੱਲੀ : ਕੇਂਦਰ ਸਰਕਾਰ ਨੇ ਕੋਰੋਨਾ ਸੰਕਰਮਣ ਦੀ ਰੋਕਥਾਮ ਲਈ 6 ਰਾਜਾਂ ‘ਚ ਆਪਣੀ ਟੀਮ ਭੇਜੀ ਹੈ। ਦੱਸ ਦਈਏ ਕਿ ਕੇਰਲ, ਅਰੁਣਾਚਲ, ਉੜੀਸਾ, ਮਣੀਪੁਰ , ਛੱਤੀਸਗੜ੍ਹ, ਤ੍ਰਿਪੁਰਾ ਜਿੱਥੇ ਸੰਕਰਮਣ ਦੇ ਮਾਮਲੇ ਵੱਧ ਰਹੇ ਹਨ, ਟੀਮ ਭੇਜੀ ਗਈ ਹੈ।

ਇਨ੍ਹਾਂ ਰਾਜਾਂ ‘ਚ 2 ਮੈਂਬਰੀ ਹਾਈ ਲੈਵਲ ਟੀਮ ਭੇਜੀ ਗਈ ਹੈ, ਜਿਸ ‘ਚ ਇੱਕ ਹੈਲਥ ਮਾਹਿਰ ਅਤੇ ਦੂਜਾ ਕਲੀਨਿਸ਼ਨ ਹੈ। ਇਹ ਟੀਮ ਤੁਰੰਤ ਰਵਾਨਾ ਕੀਤੀ ਗਈ ਹੈ ਜੋ ਇਨ੍ਹਾਂ ਰਾਜਾਂ ‘ਚ ਜਾ ਕੇ ਕੰਟੈਨਮੈਂਟ, ਟੈਸਟਿੰਗ ਨਿਗਰਾਨੀ ਰੱਖੇਗੀ। ਇਹ ਕੇਂਦਰੀ ਟੀਮ ਹਸਪਤਾਲ, ਬੈੱਡ, ਆਕਸੀਜਨ ਨੂੰ ਲੈ ਕੇ ਹਾਲਾਤਾਂ ‘ਤੇ ਆਪਣੇ ਸੁਝਾਅ ਦੇਵੇਗੀ ਅਤੇ ਰਿਪੋਰਟ ਹੈਲਥ ਮਿਨੀਸਟਰੀ ਨੂੰ ਭੇਜੇਗੀ।