ਪਟਨਾ-ਬਾਂਦਰਾ ਸੁਪਰਫਾਸਟ ਐਕਸਪ੍ਰੈਸ ਟਰੇਨ ਦੀ ਜਨਰਲ ਬੋਗੀ ‘ਚ ਲੱਗੀ ਅੱ.ਗ, ਮਚੀ ਹਫੜਾ-ਦਫੜੀ
ਬਿਹਾਰ, 19 ਦਸੰਬਰ: ਪਟਨਾ ਤੋਂ ਬਾਂਦਰਾ ਜਾ ਰਹੀ ਪਟਨਾ-ਬਾਂਦਰਾ ਸੁਪਰਫਾਸਟ ਐਕਸਪ੍ਰੈਸ ਟਰੇਨ ਦੀ ਜਨਰਲ ਬੋਗੀ ਦੇ ਹੇਠਲੇ ਹਿੱਸੇ ‘ਚ ਅੱਗ ਲੱਗ ਗਈ। ਘਟਨਾ ਤੋਂ ਬਾਅਦ ਯਾਤਰੀਆਂ ਵਿੱਚ ਦਹਿਸ਼ਤ ਦਾ ਮਾਹੌਲ ਬਣ ਗਿਆ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਫਾਇਰ ਬ੍ਰਿਗੇਡ ਨੇ ਮੌਕੇ ‘ਤੇ ਪਹੁੰਚ ਕੇ ਅੱਗ ‘ਤੇ ਕਾਬੂ ਪਾਉਣਾ ਸ਼ੁਰੂ ਕਰ ਦਿੱਤਾ। ਯਾਤਰੀਆਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ।
ਤਿੰਨ ਘੰਟੇ ਫਸੇ ਰਹੇ ਯਾਤਰੀ
ਦੱਸਿਆ ਜਾ ਰਿਹਾ ਹੈ ਕਿ ਬੁੱਧਵਾਰ ਦੇਰ ਰਾਤ ਕਰੀਬ 1:02 ਵਜੇ ਪਟਨਾ-ਬਾਂਦਰਾ ਸੁਪਰਫਾਸਟ ਐਕਸਪ੍ਰੈਸ ਦਾਨਾਪੁਰ ਡੀਡੀਯੂ ਰੇਲਵੇ ਸੈਕਸ਼ਨ ਦੇ ਟੁਡੀਗੰਜ ਰੇਲਵੇ ਸਟੇਸ਼ਨ ਤੋਂ ਲੰਘ ਰਹੀ ਸੀ, ਜਦੋਂ ਸਟੇਸ਼ਨ ‘ਤੇ ਮੌਜੂਦ ਰੇਲਵੇ ਕਰਮਚਾਰੀਆਂ ਨੇ ਦੇਖਿਆ ਕਿ ਜਨਰਲ ਬੋਗੀ ਦੇ ਹੇਠਲੇ ਹਿੱਸੇ ਤੋਂ ਅੱਗ ਦੀਆਂ ਲਪਟਾਂ ਨਿਕਲ ਰਹੀਆਂ ਸਨ। ਕਰੀਬ ਤਿੰਨ ਘੰਟੇ ਦੀ ਮਿਹਨਤ ਤੋਂ ਬਾਅਦ ਅੱਗ ‘ਤੇ ਕਾਬੂ ਪਾਇਆ ਜਾ ਸਕਿਆ। ਹਾਦਸੇ ਤੋਂ ਬਾਅਦ ਅਧਿਕਾਰੀਆਂ ਨੇ ਟਰੇਨ ਦੇ ਐਲਐੱਚਬੀ ਕੋਚ ਨੂੰ ਡੁਮਰਾਓਂ ਸਟੇਸ਼ਨ ‘ਤੇ ਛੱਡ ਕੇ ਟਰੇਨ ਨੂੰ ਬਾਂਦਰਾ ਲਈ ਰਵਾਨਾ ਕਰ ਦਿੱਤਾ। ਇਸ ਦੌਰਾਨ ਇਸ ਟਰੈਕ ‘ਤੇ ਆਵਾਜਾਈ ਪੂਰੀ ਤਰ੍ਹਾਂ ਪ੍ਰਭਾਵਿਤ ਰਹੀ।
ਕਿਸਾਨੀ ਅੰਦੋਲਨ ‘ਤੇ ਅੱਜ ਮੁੜ ਸੁਪਰੀਮ ਕੋਰਟ ‘ਚ ਹੋਵੇਗੀ ਸੁਣਵਾਈ
