ਸਕੋਡਾ ਨੇ ਭਾਰਤ ਵਿੱਚ ਆਪਣੀ ਦੂਜੀ ਪੀੜ੍ਹੀ ਦੀ ਕੋਡੀਆਕ SUV ਲਾਂਚ ਕਰ ਦਿੱਤੀ ਹੈ। ਵਾਹਨ ਨਿਰਮਾਤਾ ਨੇ ਇਸਦੀ ਕੀਮਤ ਲਗਭਗ 47 ਲੱਖ ਰੁਪਏ, ਐਕਸ-ਸ਼ੋਰੂਮ ਰੱਖੀ ਹੈ। ਇਸਨੂੰ ਪਹਿਲੀ ਵਾਰ ਦਿੱਲੀ ਵਿੱਚ ਇੰਡੀਆ ਮੋਬਿਲਿਟੀ ਗਲੋਬਲ ਐਕਸਪੋ 2025 ਵਿੱਚ ਪੇਸ਼ ਕੀਤਾ ਗਿਆ ਸੀ। ਨਵੀਂ ਕੋਡੀਆਕ ਦੋ ਵੇਰੀਐਂਟਾਂ ਵਿੱਚ ਆ ਰਹੀ ਹੈ – ਸਪੋਰਟਲਾਈਨ ਅਤੇ ਲੌਰਿਨ ਐਂਡ ਕਲੇਮੈਂਟ। ਲੌਰਿਨ ਐਂਡ ਕਲੇਮੈਂਟ ਵੇਰੀਐਂਟ ਦੀ ਕੀਮਤ ਲਗਭਗ 49 ਲੱਖ ਰੁਪਏ (ਐਕਸ-ਸ਼ੋਰੂਮ) ਹੈ।

ਨਕੋਦਰ ਮੱਥਾ ਟੇਕਣ ਜਾ ਰਹੇ ਪਤੀ ਪਤਨੀ ਦੀ ਮੌਤ; ਅਣਪਛਾਤੀ ਕਾਰ ਨੇ ਮਾਰੀ ਟੱਕਰ

ਜੇਕਰ ਅਸੀਂ ਇੰਜਣ ਦੀ ਗੱਲ ਕਰੀਏ ਤਾਂ ਨਵੀਂ ਕੋਡੀਆਕ 2.0-ਲੀਟਰ ਚਾਰ-ਸਿਲੰਡਰ, ਟਰਬੋਚਾਰਜਡ ਪੈਟਰੋਲ ਇੰਜਣ ਨਾਲ ਲੈਸ ਹੈ, ਜੋ 201 bhp ਪਾਵਰ ਅਤੇ 320 Nm ਟਾਰਕ ਪੈਦਾ ਕਰਦਾ ਹੈ। ਇਹ ਇੰਜਣ ਪੁਰਾਣੇ ਮਾਡਲ ਨਾਲੋਂ 14 bhp ਜ਼ਿਆਦਾ ਸ਼ਕਤੀਸ਼ਾਲੀ ਹੈ। ਇਹ SUV ਸਟੈਂਡਰਡ ਦੇ ਤੌਰ ‘ਤੇ ਆਲ-ਵ੍ਹੀਲ ਡਰਾਈਵ (4×4) ਸਿਸਟਮ ਦੇ ਨਾਲ ਆਉਂਦੀ ਹੈ।

ਨਵੀਂ ਕੋਡੀਆਕ ਹੁਣ ਸਕੋਡਾ ਦੀ ਨਵੀਨਤਮ ਆਧੁਨਿਕ ਡਿਜ਼ਾਈਨ ਦੇ ਨਾਲ ਆਉਂਦੀ ਹੈ। ਜੋ ਇਸਨੂੰ ਪਹਿਲਾਂ ਨਾਲੋਂ ਵਧੇਰੇ ਸ਼ਾਰਪ ਅਤੇ ਸ਼ਕਤੀਸ਼ਾਲੀ ਦਿੱਖ ਦਿੰਦਾ ਹੈ। ਬਾਹਰੋਂ, ਇਸ ਵਿੱਚ ਇੱਕ ਨਵੀਂ ਬੋਲਡ ਬਟਰਫਲਾਈ ਗ੍ਰਿਲ, ਫੋਗ ਲੈਂਪਾਂ ਦੇ ਨਾਲ ਸ਼ਾਰਪ ਅਤੇ ਸਲਿਮ ਹੈੱਡਲੈਂਪ ਅਤੇ ਪਿਛਲੇ ਪਾਸੇ ਸਟ੍ਰਾਈਪ ਲਾਈਟਾਂ ਦੇ ਨਾਲ ਦੁਬਾਰਾ ਡਿਜ਼ਾਈਨ ਕੀਤੀਆਂ ਟੇਲਲਾਈਟਾਂ ਹਨ। ਨਵੀਂ ਕੋਡੀਆਕ ਐਸਯੂਵੀ ਦੀਆਂ ਵਿਸ਼ੇਸ਼ਤਾਵਾਂ ਦੀ ਗੱਲ ਕਰੀਏ ਤਾਂ ਇਸ ਵਿੱਚ 13-ਇੰਚ ਦਾ ਵੱਡਾ ਟੱਚਸਕ੍ਰੀਨ ਇੰਫੋਟੇਨਮੈਂਟ ਸਿਸਟਮ, 10.25-ਇੰਚ ਡਿਜੀਟਲ ਡਰਾਈਵਰ ਡਿਸਪਲੇਅ ਅਤੇ ਹੈੱਡ-ਅੱਪ ਡਿਸਪਲੇਅ ਹੈ। ਇੱਕ ਨਵਾਂ ਸਮਾਰਟ ਡਾਇਲ ਸੈੱਟਅੱਪ ਵੀ ਪੇਸ਼ ਕੀਤਾ ਗਿਆ ਹੈ,ਜਿਸ ਵਿੱਚ ਇਨਫੋਟੇਨਮੈਂਟ ਸਕ੍ਰੀਨ ਦੇ ਹੇਠਾਂ ਤਿੰਨ ਰੋਟਰੀ ਨੌਬ ਹਨ ਜਿਨ੍ਹਾਂ ਨਾਲ ਤੁਸੀਂ ਕਈ ਫੰਕਸ਼ਨਾਂ ਨੂੰ ਕੰਟਰੋਲ ਕਰ ਸਕਦੇ ਹੋ।