ਲੁਧਿਆਣਾ, 26 ਜੂਨ 2026 : ਪੰਜਾਬ ਦੇ ਜਿਲਾ ਲੁਧਿਆਣਾ (Ludhiana) ਦੇ ਸਿਵਲ ਹਸਪਤਾਲ ਵਿਖੇ ਇਕ ਜਵਾਈ ਅਤੇ ਸੱਸ ਵਿਚਕਾਰ ਹੱਥੋਪਾਈ (Handcuffs) ਹੋਣ ਦਾ ਘਟਨਾਕ੍ਰਮ ਵਾਪਰਨ ਦਾ ਸਮਾਚਾਰ ਹੈ ।
ਕੀ ਹੈ ਪੂਰਾ ਮਾਮਲਾ
ਮਿਲੀ ਜਾਣਕਾਰੀ ਲੁਧਿਆਣਾ ਦੇ ਸਿਵਲ ਹਸਪਤਾਲ (Civil Hospital) ਵਿਖੇ ਜੋ ਆਪਣੀ ਧੀ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਲੈ ਕੇ ਆਈ ਮਾਂ ਦਾ ਹਸਪਤਾਲ ਵਿਚ ਆਪਣੇ ਜਵਾਈ ਨਾਲ ਝਗੜਾ ਹੋ ਗਿਆ । ਘਟਨਾ ਸਬੰਧੀ ਜਾਣਕਾਰੀ ਦਿੰਦਿਆਂ ਦਸਮੇਸ਼ ਨਗਰ (ਗਲ਼ੀ ਨੰਬਰ 8) ਦੀ ਰਹਿਣ ਵਾਲੀ ਮੀਰਾ ਨੇ ਦੱਸਿਆ ਕਿ ਉਸਦੀ ਧੀ ਦਾ ਵਿਆਹ ਲਗਭਗ ਦੋ ਸਾਲ ਪਹਿਲਾਂ ਰਣਜੀਤ ਨਾਮ ਦੇ ਵਿਅਕਤੀ ਨਾਲ ਹੋਇਆ ਸੀ । ਰਣਜੀਤ ਬਹੁਤ ਜਿ਼ਆਦਾ ਸ਼ਰਾਬ ਪੀਣ ਵਾਲਾ ਹੈ ਅਤੇ ਰੋਜ਼ਾਨਾ ਹੀ ਉਸਦੀ ਧੀ ਨੂੰ ਕੁੱਟਦਾ ਹੈ । ਉਨ੍ਹਾਂ ਦੱਸਿਆ ਕਿ ਵੀਰਵਾਰ ਰਾਤ ਨੂੰ ਵੀ ਰਣਜੀਤ ਨੇ ਆਪਣੀ ਗਰਭਵਤੀ ਪਤਨੀ ਨਾਲ ਝਗੜਾ ਕੀਤਾ ਅਤੇ ਉਸਨੂੰ ਜ਼ੋਰਦਾਰ ਧੱਕਾ ਦਿੱਤਾ ।
ਕੁੱਟਮਾਰ ਦੇ ਚਲਦਿਆਂ ਇਲਾਜ ਲਈ ਧੀ ਨਾਲ ਹਸਪਤਾਲ ਆਈ ਸੀ ਮੀਰਾ
ਆਪਣੀ ਧੀ ਦੀ ਹਾਲਤ ਦੇਖ ਕੇ ਉਸਦੀ ਮਾਂ ਮੀਰਾ ਉਸਨੂੰ ਤੁਰੰਤ ਚੈੱਕਅਪ ਅਤੇ ਡਿਲੀਵਰੀ ਲਈ ਸਿਵਲ ਹਸਪਤਾਲ ਲੈ ਆਈ । ਮੀਰਾ ਦੇ ਅਨੁਸਾਰ ਜਦੋਂ ਉਹ ਆਪਣੀ ਧੀ ਨਾਲ ਹਸਪਤਾਲ ਵਿੱਚ ਸੀ ਤਾਂ ਰਣਜੀਤ ਸ਼ਰਾਬੀ ਹਾਲਤ ਵਿੱਚ ਪਹੁੰਚਿਆ । ਮੀਰਾ ਨੇ ਉਸਨੂੰ ਸਮਝਾਉਣ ਦੀ ਕੋਸਿ਼ਸ਼ ਕੀਤੀ, ਉਸਨੂੰ ਕਿਹਾ ਕਿ ਉਸਦੀ ਧੀ ਡਿਲੀਵਰੀ ਕਰਨ ਵਾਲੀ ਹੈ ਅਤੇ ਉਹ ਸ਼ਰਾਬ ਪੀ ਰਿਹਾ ਹੈ, ਇਸ ਲਈ ਉਸਨੂੰ ਚਲੇ ਜਾਣਾ ਚਾਹੀਦਾ ਹੈ ।
ਰਣਜੀਤ ਨੇ ਚਲੇ ਜਾਣ ਦੇ ਨਾਮ ਤੇ ਗੁੱਸੇ ਵਿਚ ਆ ਕੇ ਕੀਤੀ ਮੋਬਾਇਲ ਖੋਹਣ ਦੀ ਕੋਸਿ਼ਸ਼
ਇਹ ਸੁਣ ਕੇ ਰਣਜੀਤ ਗੁੱਸੇ ਵਿੱਚ ਆ ਗਿਆ ਅਤੇ ਆਪਣੀ ਸੱਸ ਤੋਂ ਮੋਬਾਈਲ ਫੋਨ ਖੋਹਣ ਦੀ ਕੋਸ਼ਿਸ਼ ਕੀਤੀ । ਦੋਵਾਂ ਵਿਚਕਾਰ ਝਗੜਾ ਹੋ ਗਿਆ, ਅਤੇ ਰਣਜੀਤ ਨੇ ਆਪਣੀ ਸੱਸ ‘ਤੇ ਹਮਲਾ (Attack) ਕਰ ਦਿੱਤਾ । ਹਸਪਤਾਲ ਵਿੱਚ ਹੰਗਾਮਾ ਦੇਖ ਕੇ, ਰਾਹਗੀਰ ਤੁਰੰਤ ਦਖਲ ਦੇਣ ਲਈ ਦੌੜੇ । ਭੀੜ ਇਕੱਠੀ ਹੁੰਦੀ ਦੇਖ ਕੇ ਦੋਸ਼ੀ ਰਣਜੀਤ ਮੌਕੇ ਤੋਂ ਭੱਜ ਗਿਆ ।
