ਲੁਧਿਆਣਾ, 1 ਅਗਸਤ 2026 : ਪੰਜਾਬ ਦੇ ਜਿਲਾ ਲੁਧਿਆਣਾ (Ludhiana) ਵਿਖੇ ਇਕ 13 ਸਾਲਾ ਨਾਬਾਲਗ ਲੜਕੀ ਨਾਲ ਉਸਦੇ ਮੂੰਹ ਬੋਲੇ ਭਰਾ ਤੇ ਇਕ ਹੋਰ ਵਲੋਂ ਜਬਰ ਜਨਾਹ (Rape) ਕੀਤਾ ਗਿਆ ਹੈ ।
ਪੀੜ੍ਹਤਾ ਦੀ ਮਾਂ ਦੀ ਸਿ਼ਕਾਇਤ ‘ਤੇ ਦੋਹਾਂ ਵਿਰੁੱਧ ਕੇਸ ਦਰਜ
ਮਿਲੀ ਜਾਣਕਾਰੀ ਅਨੁਸਾਰ ਜਿਸ 13 ਸਾਲਾ ਨਾਬਾਲਗ ਲੜਕੀ (Minor girl) ਨਾਲ ਉਸਦੇ ਮੂੰਹ ਬੋਲੇ ਭਰਾ ਅਤੇ ਇਕ ਹੋਰ ਨੌਜਵਾਨ ਵਲੋਂ ਡਰਾ ਧਮਕਾ ਕੇ ਸਰੀਰਕ ਸਬੰਧ ਬਣਾਏ ਗਏ ਹਨ ਦੇ ਮਾਮਲੇ ਵਿਚ ਪੀੜ੍ਹਤਾ ਲੜਕੀ ਦੀ ਮਾਂ ਨੇ ਪੁਲਸ ਨੂੰ ਦਿੱਤੀ ਸਿਕਾਇਤ ਵਿਚ ਦੋਹਾਂ ਵਿਅਕਤੀ ਸਬੰਧੀ ਦੱਸਿਆ, ਜਿਸ ‘ਤੇ ਪੁਲਸ ਨੇ ਦੋਹਾਂ ਵਿਰੁੱਧ ਕੇਸ ਦਰਜ ਕਰਕੇ ਗ੍ਰਿਫ਼ਤਾਰ (Arrested) ਕਰ ਲਿਆ ਹੈ ।
ਮਾਂ ਨੂੰ ਕਦੋਂ ਲੱਗਿਆ ਲੜਕੀ ਦੇ ਗਰਭਵਤੀ ਹੋਣ ਦਾ
ਉਕਤ ਵਾਪਰੇ ਜਬਰ ਜਨਾਹ ਦੇ ਘਟਨਾਕ੍ਰਮ ਸਬੰਧੀ ਪੀੜ੍ਹਤ ਲੜਕੀ ਦੀ ਮਾਂ ਨੂੰ ਉਸ ਵੇਲੇ ਪਤਾ ਲੱਗਿਆ ਜਦੋਂ ਲੜਕੀ ਦੇ ਪੇਟ ਵਿਚ ਦਰਦ ਹੋਣ ਬਾਰੇ ਗੱਲ ਸਾਹਮਣੇ ਆਈ । ਲੜਕੀ ਦੇ ਮਾਂ ਨੂੰ ਜਦੋਂ ਪੇਟ ਵਿਚ ਦਰਦ ਹੋਣ ਸਬੰਧੀ ਦੱਸਿਆ ਗਿਆ ਤਾਂ ਡਾਕਟਰ ਵਲੋਂ ਕੀਤੀ ਗਈ ਜਾਂਚ ਦੌਰਾਨ ਪਤਾ ਲੱਗਿਆ ਕਿ ਲੜਕੀ ਗਰਭਵਤੀ ਹੈ । ਜਿਸ ‘ਤੇ ਲੜਕੀ ਨੇ ਸਾਰੀ ਗੱਲਬਾਤ ਦੱਸੀ ਅਤੇ ਹੁਣ ਪੁਲਸ ਨੇ ਦੋਹਾਂ ਨੌਜਵਾਨਾਂ ਵਿਰੁੱਧ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ ।
