ਲਾਹੌਰ, 29 ਜੁਲਾਈ 2026 : ਭਾਰਤ ਦੇਸ਼ ਦੇ ਗੁਆਂਢੀ ਦੇਸ ਪਾਕਿਸਤਾਨ (Pakistan) ਦੇ ਸ਼ਹਿਰ ਲਾਹੌਰ ਦੇ ਇਕ ਜਿਲੇ ਵਿਖੇ ਭਰਾਵਾਂ ਨੇ ਭੈਣ ਦੇ ਪ੍ਰੇਮੀ ਦਾ ਨੱਕ ਵੱਢ (Cut nose) ਦਿੱਤੇ ਜਾਣ ਦਾ ਘਟਨਾਕ੍ਰਮ ਵਾਪਰਿਆ ਹੈ ।
ਕੌਣ ਹੈ ਇਹ ਨੌਜਵਾਨ ਜਿਸ ਦਾ ਵੱਢ ਦਿੱਤਾ ਗਿਆ ਨੱਕ
ਲਾਹੌਰ ਤੋਂ ਲੱਗਭਗ 560 ਕਿਲੋਮੀਟਰ ਦੂਰ ਰਹੀਮ ਯਾਰ ਖਾਨ ਜਿਲੇ (Rahim Yar Khan District) ਵਿਚ ਇਕ 23 ਸਾਲਾ ਨੌਜਵਾਨ ਦਾ ਨੱਕ ਵੱਢ ਦਿੱਤਾ ਗਿਆ । ਪੁਲਸ ਨੇ ਦੱਸਿਆ ਕਿ ਇਕ ਕੁੜੀ ਇਕ ਨੌਜਵਾਨ ਨਾਲ ਰਿਸ਼ਤੇ ਵਿਚ ਸੀ । ਕੁੜੀ ਦੇ ਭਰਾਵਾਂ ਨੇ ਪੀੜਤ ਸਰਫਰਾਜ਼ ਨੂੰ ਆਪਣੀ ਭੈਣ ਤੋਂ ਦੂਰ ਰਹਿਣ ਦੀ ਚਿਤਾਵਨੀ ਦਿੱਤੀ ਸੀ ਪਰ ਕੁੜੀ ਅਤੇ ਮੁੰਡਾ ਮਿਲਦੇ ਰਹੇ ।
ਚਾਰ ਦੋਸਤਾਂ ਨਾਲ ਮਿਲ ਕੇ ਕੀਤਾ ਸੀ ਨੌਜਵਾਨ ਨੂੰ ਅਗਵਾ
ਕੁੜੀ ਦੇ ਭਰਾ ਰਹਿਮਾਨ ਅਲੀ ਨੇ ਆਪਣੇ 4 ਦੋਸਤਾਂ ਨਾਲ ਮਿਲ ਕੇ ਸਰਫਰਾਜ਼ ਨੂੰ ਅਗਵਾ (Kidnapping) ਕਰ ਲਿਆ, ਉਸ ਨੂੰ ਇਕ ਸੁੰਨਸਾਨ ਇਲਾਕੇ ‘ਚ ਲੈ ਗਏ । ਉੱਥੇ ਪਹਿਲਾਂ ਉਸ ਨੂੰ ਬੁਰੀ ਤਰ੍ਹਾਂ ਕੁੱਟਿਆ (Beaten) ਅਤੇ ਫਿਰ ਉਸ ਦਾ ਨੱਕ ਵੱਢ ਕੇ ਉਸ ਨੂੰ ਉੱਥੇ ਹੀ ਛੱਡ ਦਿੱਤਾ । ਕੁਝ ਰਾਹਗੀਰਾਂ ਨੇ ਉਸ ਨੂੰ ਹਸਪਤਾਲ ਪਹੁੰਚਾਇਆ, ਜਿੱਥੇ ਉਸ ਦੀ ਹਾਲਤ ਸਥਿਰ ਦੱਸੀ ਜਾ ਰਹੀ ਹੈ ।
