ਕਰਨਾਲ, 7 ਜੁਲਾਈ 2026 : ਹਰਿਆਣਾ (Haryana) ਦੇ ਸ਼ਹਿਰ ਕਰਨਾਲ ਦੇ ਕੁਚਪੁਰਾ ਪਿੰਡ ਵਿੱਚ ਜੀਜੇ ਨੇ ਆਪਣੇ ਸਾਲੇ ਦੀ ਗਰਦਨ `ਤੇ ਚਾਕੂ ਨਾਲ ਵਾਰ ਕਰਕੇ ਉਸ ਦੀ ਹੱਤਿਆ (Murder) ਕਰ ਦਿੱਤੀ ਗਈ ਹੈ ।
ਕੀ ਹੈ ਪੂਰਾ ਮਾਮਲਾ
ਮਿਲੀ ਜਾਣਕਾਰੀ ਅਨੁਸਾਰ ਰਾਇਸਨ ਵਾਸੀ ਜਸਵਿੰਦਰ (28) ਦੇ ਛੋਟੇ ਭਰਾ ਅੰਮ੍ਰਿਤ ਨੇ ਦੱਸਿਆ ਕਿ ਦੇਰ ਸ਼ਾਮ ਉਸ ਦੀ ਭੈਣ ਮੰਜੂ (30) ਦਾ ਫੋਨ ਆਇਆ ਕਿ “ਭਰਾ, ਮੈਨੂੰ ਇੱਥੋਂ ਲੈ ਜਾਓ । ਮੈਨੂੰ ਕੁੱਟਮਾਰ ਕਰਕੇ ਘਰੋਂ ਕੱਢ ਦਿੱਤਾ ਗਿਆ ਹੈ । ਜਦੋਂ ਅਸੀਂ ਜੀਜਾ ਮਨੀਸ਼ ਨੂੰ ਫੋਨ ਕੀਤਾ ਤਾਂ ਉਸ ਨੇ ਕਿਹਾ ਕਿ ਜਾਂ ਤਾਂ ਸਾਨੂੰ 20 ਲੱਖ ਰੁਪਏ ਦੇ ਦਿਓ, ਨਹੀਂ ਤਾਂ ਆਪਣੀ ਭੈਣ ਨੂੰ ਇੱਥੋਂ ਲੈ ਜਾਓ । ਇਸ ਤੋਂ ਬਾਅਦ ਪੀੜਤਾ ਨੇ ਗੁਆਂਢੀਆਂ ਦੇ ਘਰ ਜਾ ਕੇ ਉਨ੍ਹਾਂ ਦਾ ਫੋਨ ਲੈ ਕੇ ਆਪਣੇ ਭਰਾਵਾਂ ਨੂੰ ਕਾਲ ਕੀਤੀ । ਅੰਮ੍ਰਿਤ ਨੇ ਦੱਸਿਆ ਕਿ ਭੈਣ ਦੇ ਫੋਨ ਤੋਂ ਬਾਅਦ ਜਦੋਂ ਅਸੀਂ ਤਿੰਨੋਂ ਭਰਾ ਕੁਚਪੁਰਾ ਪਿੰਡ (Kuchpura Village) ਪਹੁੰਚੇ ਤਾਂ ਭੈਣ ਦੇ ਸਹੁਰਾ ਪਰਿਵਾਰ ਦੇ ਮੈਂਬਰਾਂ ਨੇ ਰਸਤੇ ਵਿੱਚ ਸਾਡੀ ਗੱਡੀ ਰੋਕ ਕੇ ਹਮਲਾ ਕਰ ਦਿੱਤਾ ।
ਕੀ ਦੱਸਿਆ ਥਾਣਾ ਨਿਸਿੰਗ ਦੇ ਜਾਂਚ ਅਧਿਕਾਰੀ ਨੇ
ਮੰਜੂ ਦਾ ਵਿਆਹ ਕਰੀਬ ਇੱਕ ਸਾਲ ਪਹਿਲਾਂ ਨਿਸਿੰਗ ਵਾਸੀ ਮਨੀਸ਼ ਨਾਲ ਹੋਇਆ ਸੀ । ਮੰਜੂ ਨੇ ਦੋਸ਼ ਲਗਾਇਆ ਕਿ ਉਸ ਦੇ ਸਹੁਰਾ ਪਰਿਵਾਰ ਵਾਲੇ ਪਹਿਲਾਂ ਵੀ ਦਾਜ ਦੀ ਮੰਗ ਨੂੰ ਲੈ ਕੇ ਉਸ ਨੂੰ ਤੰਗ-ਪਰੇਸ਼ਾਨ ਕਰਦੇ ਰਹੇ ਹਨ । ਬੀਤੀ ਰਾਤ ਵੀ ਉਸ ਨਾਲ ਕੁੱਟਮਾਰ ਕੀਤੀ ਗਈ ਅਤੇ ਉਸ ਦੇ ਗਹਿਣੇ ਖੋਹ ਲਏ ਗਏ । ਥਾਣਾ ਨਿਸਿੰਗ ਦੇ ਜਾਂਚ ਅਧਿਕਾਰੀ ਅਜੈ ਨੇ ਦੱਸਿਆ ਕਿ ਜਸਵਿੰਦਰ ‘ਤੇ ਤੇਜ਼ਧਾਰ ਹਥਿਆਰ (Edged weapon) ਨਾਲ ਹਮਲਾ ਕੀਤਾ ਗਿਆ ਸੀ ।
