ਵਿਸ਼ਾਖਾਪਟਨਮ, 31 ਮਾਰਚ 2026 : ਭਾਰਤ ਦੇਸ਼ ਦੇ ਸੂਬੇ ਆਂਧਰਾ ਪ੍ਰਦੇਸ਼ (Andhra Pradesh) ਦੇ ਵਿਸ਼ਾਖਾਪਟਨਮ ਵਿਖੇ ਇਕ ਵਿਆਹੇ ਵਿਅਕਤੀ ਵਲੋਂ ਆਪਣੀ ਹੀ ਪ੍ਰੇਮਿਕਾ ਦਾ ਕਤਲ (Murder) ਕਰ ਦਿੱਤੇ ਜਾਣ ਦਾ ਸਮਾਚਾਰ ਹੈ ।
ਸਿਰ ਸਾੜਿਆ, ਇਕ ਹਿੱਸਾ ` ਬੈੱਡ ਦੇ ਹੇਠਾਂ ਅਤੇ ਦੂਜਾ ਫਰਿੱਜ `ਚ ਲੁਕਾਇਆ
ਆਂਧਰਾ ਪ੍ਰਦੇਸ਼ ਦੇ ਵਿਸ਼ਾਖਾਪਟਨਮ (Visakhapatnam) ਵਿਚ ਇਕ ਵਿਆਹੇ ਹੋਏ ਸਮੁੰਦਰੀ ਫੌਜ ਦੇ ਜਵਾਨ ਨੇ ਐਤਵਾਰ (29 ਮਾਰਚ) ਨੂੰ ਆਪਣੀ ਪ੍ਰੇਮਿਕਾ ਦਾ ਕਤਲ ਕਰ ਦਿੱਤਾ। ਮੁਲਜ਼ਮ ਨੇ ਚਾਕੂ ਨਾਲ ਲਾਸ਼ ਦੇ 3 ਟੁਕੜੇ ਕੀਤੇ । ਉਸ ਨੇ ਸਿਰ ਨੂੰ ਇਕ ਸੁੰਨਸਾਨ ਇਲਾਕੇ `ਚ ਲਿਜਾ ਕੇ ਸਾੜ ਦਿੱਤਾ, ਦੂਜਾ ਹਿੱਸਾ ਫਰਿੱਜ ਵਿਚ ਲੁਕਾ ਦਿੱਤਾ ਅਤੇ ਤੀਜਾ ਹਿੱਸਾ ਬੋਰੇ ਵਿਚ ਭਰ ਕੇ ਬੈਂਡ ਦੇ ਹੇਠਾਂ ਰੱਖ ਦਿੱਤਾ । ਵਾਰਦਾਤ ਦੇ ਸਮੇਂ ਮੁਲਜ਼ਮ ਦੀ ਪਤਨੀ ਆਪਣੇ ਪੇਕੇ ਗਈ ਹੋਈ ਸੀ ।
ਕੀ ਦੱਸਿਆ ਪੁਲਸ ਅਧਿਕਾਰੀ ਨੇ
ਪੁਲਸ ਨੇ ਦੱਸਿਆ ਕਿ ਮੁਲਜ਼ਮ ਚਿੰਤਾਦਾ ਰਵਿੰਦਰ (Accused Chintaada Ravindra) (35) ਆਈ. ਐੱਨ. ਐੱਸ. ਡੇਗਾ ਵਿਚ ਤਾਇਨਾਤ ਹੈ । ਰਵਿੰਦਰ ਨੇ ਐਤਵਾਰ ਦੁਪਹਿਰ ਨੂੰ ਆਪਣੀ 29 ਸਾਲ ਦੀ ਪ੍ਰੇਮਿਕਾ ਮੋਨਿਕਾ ਨੂੰ ਘਰ ਬੁਲਾਇਆ, ਜਿਥੇ ਦੋਵਾਂ ਵਿਚਾਲੇ ਵਿਵਾਦ ਹੋਇਆ, ਜਿਸ ਤੋਂ ਬਾਅਦ ਰਵਿੰਦਰ ਨੇ ਮੋਨਿਕਾ ਦਾ ਕਤਲ ਕਰ ਦਿੱਤਾ । ਮੁਲਜ਼ਮ ਨੇ ਥਾਣੇ ਪਹੁੰਚ ਕੇ ਆਪਣਾ ਜੁਰਮ ਕਬੂਲ ਕਰ ਲਿਆ ਹੈ । ਉਸ ਕੋਲੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ ।
