ਕੋਲੰਬੋ, 7 ਫਰਵਰੀ 2026 : ਪਾਕਿਸਤਾਨ ਅਤੇ ਨੀਦਰਲੈਂਡ (Pakistan-Netherlands) ਵਿਚਾਲੇ ਜੋ ਅੱਜ ਟੀ-20 ਵਿਸ਼ਵ ਕੱਪ (T20 World Cup) ਦਾ ਕ੍ਰਿਕਟ ਮੈਚ ਹੋਇਆ ਨੂੰ ਪਾਕਿਸਤਾਨ ਨੇ ਨੀਦਰਲੈਂਡ ਤੋਂ ਹਾਰਦੇ-ਹਾਰਦੇ ਜਿੱਤ ਲਿਆ ਹੈ ।
ਟਾਸ ਜਿੱਤਣ ਤੇ ਪਾਕਿਸਤਾਨ ਨੇ ਕੀਤਾ ਗੇਂਦਬਾਜੀ ਕਰਨ ਦਾ ਫ਼ੈਸਲਾ
ਪਾਕਿਸਤਾਨ ਜਿਸ ਨੇ ਟਾਸ ਜਿੱਤੀ ਸੀ ਨੇ ਫੈਸਲਾ ਕੀਤਾ ਸੀ ਕਿ ਉਹ ਪਹਿਲਾਂ ਗੇਂਦਬਾਜ਼ੀ (Bowling) ਹੀ ਕਰੇਗਾ । ਜਿਸਦੇ ਚਲਦਿਆਂ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਨੀਦਰਲੈਂਡ ਦੀ ਟੀਮ ਨੇ 19.5 ਓਵਰਾਂ ਵਿੱਚ 147 ਦੌੜਾਂ ਬਣਾਈਆਂ । ਨੀਦਰਲੈਂਡ ਦੇ ਕਪਤਾਨ ਸਕਾਟ ਐਡਵਰਡਜ਼ ਨੇ ਸਭ ਤੋਂ ਵੱਧ 37 ਦੌੜਾਂ ਬਣਾਈਆਂ । ਪਾਕਿਸਤਾਨ ਵੱਲੋਂ ਸਲਮਾਨ ਮਿਰਜ਼ਾ ਨੇ ਸਭ ਤੋਂ ਵੱਧ 3 ਵਿਕਟਾਂ ਲਈਆਂ । ਨੀਦਰਲੈਂਡ ਦੇ 10 ਵਿੱਚੋਂ 9 ਬੱਲੇਬਾਜ਼ ਕੈਚ ਆਊਟ ਹੋਏ, ਜਦਕਿ ਸਿਰਫ ਇੱਕ ਵਿਕਟ ਅਬਰਾਰ ਅਹਿਮਦ ਨੇ ਕਾਲਿਨ ਐਕਰਮੈਨ ਨੂੰ ਬੋਲਡ ਕਰਕੇ ਹਾਸਲ ਕੀਤੀ ।
19ਵੇਂ ਓਵਰ ਵਿਚ 3 ਛੱਕੇ ਲਗਾ ਕੇ ਪਾਕਿਸਤਾਨ ਨੂੰ ਤਿੰਨ ਵਿਕਟਾਂ ਦੀ ਫਹੀਮ ਨੇ ਦੁਆਈ ਜਿੱਤ
ਟੀਮ ਨੂੰ ਜਿੱਤ ਲਈ ਆਖਰੀ 2 ਓਵਰਾਂ ਵਿੱਚ 29 ਦੌੜਾਂ ਬਣਾਉਣੀਆਂ ਸਨ । ਫਹੀਮ ਅਸ਼ਰਫ ਨੇ 19ਵੇਂ ਓਵਰ ਵਿੱਚ 3 ਛੱਕੇ ਲੱਗਾ ਕੇ ਪਾਕਿਸਤਾਨ ਨੂੰ 3 ਵਿਕਟਾਂ (Wickets) ਦੀ ਜਿੱਤ ਦਿਵਾਈ । ਜਦਕਿ 18ਵੇਂ ਓਵਰ ਤੱਕ ਨੀਦਰਲੈਂਡ ਦਾ ਪਲੜਾ ਭਾਰੀ ਸੀ । 19ਵੇਂ ਓਵਰ ਦੀ ਪਹਿਲੀ ਗੇਂਦ ‘ਤੇ ਫਹੀਮ ਨੇ ਛੱਕਾ ਲਾਇਆ, ਪਰ ਦੂਜੀ ਗੇਂਦ ‘ਤੇ ਮੈਕਸ ਓ`ਡਾਊਡ ਨੇ ਉਸ ਦਾ ਕੈਚ ਡਰਾਪ ਕਰ ਦਿੱਤਾ ।
ਜੀਵਨਦਾਨ ਮਿਲਣ ਤੋਂ ਬਾਅਦ ਫਹੀਮ ਨੇ ਦੋ ਛੱਕੇ ਹੋਰ ਲੱਗਾ ਕੇ ਮੈਚ ਦਾ ਰੁਖ ਪਾਕਿਸਤਾਨ ਵੱਲ ਮੋੜ ਦਿੱਤਾ । ਉਨ੍ਹਾਂ ਨੇ 11 ਗੇਂਦਾਂ ‘ਤੇ ਨਾਬਾਦ 29 ਦੌੜਾਂ ਬਣਾਈਆਂ ਅਤੇ ਉਨ੍ਹਾਂ ਨੂੰ ਮੈਨ ਆਫ਼ ਦ ਮੈਚ (Man of the Match) ਚੁਣਿਆ ਗਿਆ । ਇਸ ਤੋਂ ਪਹਿਲਾਂ ਪਾਕਿਸਤਾਨ ਦੇ ਓਪਨਰ ਸਾਹਿਬਜ਼ਾਦਾ ਫਰਹਾਨ (Opener Sahibzada Farhan) ਨੇ 47 ਦੌੜਾਂ ਬਣਾਈਆਂ । ਸਈਮ ਅਯੂਬ ਨੇ 24 ਦੌੜਾਂ ਬਣਾਈਆਂ । ਜਦਕਿ ਨੀਦਰਲੈਂਡ ਵੱਲੋਂ ਪੌਲ ਵੈਨ ਮੀਕਰੇਨ ਅਤੇ ਆਰੀਅਨ ਦੱਤ ਨੂੰ 2-2 ਵਿਕਟਾਂ ਮਿਲੀਆਂ ।
Read More : ਨਿਤੀਸ਼ ਰੈਡੀ ਦੀ ਹੋਈ ਭਾਰਤੀ ਟੀਮ ਵਿਚ ਮੈਚ ਲਈ ਵਾਪਸੀ
