ਭਾਰਤੀ ਮੁੱਕੇਬਾਜ਼ੀ ਫੈਡਰੇਸ਼ਨ ਨੇ 30 ਜੂਨ ਤੋਂ 7 ਜੁਲਾਈ ਤੱਕ ਕਜ਼ਾਕਿਸਤਾਨ ਵਿੱਚ ਹੋਣ ਵਾਲੇ ਮੁੱਕੇਬਾਜ਼ੀ ਵਿਸ਼ਵ ਕੱਪ ਲਈ ਟੀਮ ਇੰਡੀਆ ਦਾ ਐਲਾਨ ਕਰ ਦਿੱਤਾ ਹੈ। ਭਾਰਤੀ ਟੀਮ ਪੁਰਸ਼ਾਂ ਅਤੇ ਔਰਤਾਂ ਵਿੱਚ 10 ਭਾਰ ਵਰਗਾਂ ਵਿੱਚ ਹਿੱਸਾ ਲਵੇਗੀ। ਕਜ਼ਾਕਿਸਤਾਨ ਜਾਣ ਵਾਲੀ ਟੀਮ ਵਿੱਚ ਹਰਿਆਣਾ ਦੇ 16 ਮੁੱਕੇਬਾਜ਼ ਸ਼ਾਮਲ ਹਨ।
ਏਅਰ ਇੰਡੀਆ ਨੇ 4 ਕਰਮਚਾਰੀਆਂ ਤੋਂ ਮੰਗਿਆ ਅਸਤੀਫ਼ਾ, ਪੜ੍ਹੋ ਵਜ੍ਹਾ
ਭਾਰਤੀ ਮਹਿਲਾ ਟੀਮ ਵਿੱਚ 10 ਮੁੱਕੇਬਾਜ਼ਾਂ ਵਿੱਚੋਂ 9 ਹਰਿਆਣਾ ਦੀਆਂ ਹਨ। ਇਨ੍ਹਾਂ ਵਿੱਚ ਭਿਵਾਨੀ ਤੋਂ ਮੁੱਕੇਬਾਜ਼ ਜੈਸਮੀਨ ਲੰਬੋਰੀਆ, ਨੂਪੁਰ ਸ਼ਿਓਰਾਨ, ਪੂਜਾ ਰਾਣੀ ਬੋਹਰਾ ਅਤੇ ਸਾਕਸ਼ੀ ਢਾਂਡਾ, ਰੋਹਤਕ ਤੋਂ ਮੀਨਾਕਸ਼ੀ ਹੁੱਡਾ, ਮੁਸਕਾਨ ਬੇਨੀਵਾਲ ਅਤੇ ਅਨਾਮਿਕਾ ਹੁੱਡਾ ਸ਼ਾਮਲ ਹਨ। ਨੀਰਜ ਫੋਗਾਟ ਅਤੇ ਸੰਜੂ ਚਰਖੀ ਦਾਦਰੀ ਦੇ ਰਹਿਣ ਵਾਲੇ ਹਨ। ਸਨਮਾਚਾ ਚਾਨੂ ਮਨੀਪੁਰ ਤੋਂ ਹੈ।
ਦੱਸ ਦਈਏ ਕਿ ਝੱਜਰ ਤੋਂ ਹਿਤੇਸ਼ ਗੁਲੀਆ, ਭਿਵਾਨੀ ਤੋਂ ਮੁੱਕੇਬਾਜ਼ ਸਚਿਨ ਸਿਵਾਚ ਜੂਨੀਅਰ ਹੌਲਦਾਰ, ਮਿਤਾਥਲ ਤੋਂ ਜੁਗਨੂੰ ਅਹਲਾਵਤ ਹੌਲਦਾਰ, ਚਰਖੀ ਦਾਦਰੀ ਤੋਂ ਲਕਸ਼ੈ ਚਾਹਰ ਹੌਲਦਾਰ ਅਤੇ ਹਿਸਾਰ ਤੋਂ ਨਰਿੰਦਰ ਬੇਰਵਾਲ ਹੌਲਦਾਰ, ਵਿਸ਼ਾਲ ਵਾਲੀਆ ਅਤੇ ਮਨੀਸ਼ ਰਾਠੌਰ ਹਰਿਆਣਾ ਤੋਂ ਹਨ। ਇਸ ਤੋਂ ਇਲਾਵਾ ਅਭਿਨਾਸ਼ ਜਾਮਵਾਲ, ਜਾਦੂਮਣੀ, ਨਿਖਿਲ ਦੂਬੇ ਨੂੰ ਟੀਮ ‘ਚ ਸ਼ਾਮਲ ਕੀਤਾ ਗਿਆ ਹੈ।
ਜ਼ਿਕਰਯੋਗ ਹੈ ਕਿ ਬ੍ਰਾਜ਼ੀਲ ਵਿੱਚ ਹੋਈ ਵਿਸ਼ਵ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ ਦੇ ਪਹਿਲੇ ਪੜਾਅ ਵਿੱਚ ਭਾਰਤ ਨੇ 6 ਤਗਮੇ ਜਿੱਤੇ। ਹਰਿਆਣਾ ਦੇ ਹਿਤੇਸ਼ ਗੁਲੀਆ (70) ਨੇ ਸੋਨ, ਅਭਿਨਾਸ਼ ਜਾਮਵਾਲ (65) ਨੇ ਚਾਂਦੀ ਅਤੇ ਜਾਦੂਮਣੀ ਸਿੰਘ (50), ਮਨੀਸ਼ ਰਾਠੌਰ (55), ਸਚਿਨ (60) ਅਤੇ ਵਿਸ਼ਾਲ (90) ਨੇ ਕਾਂਸੀ ਦੇ ਤਗਮੇ ਜਿੱਤੇ।
