Jio ਨੇ ਪ੍ਰੀਪੇਡ ਯੂਜ਼ਰਸ ਨੂੰ ਦਿੱਤਾ ਵੱਡਾ ਝਟਕਾ; ਇਨ੍ਹਾਂ 2 ਸਸਤੇ Plans ਦੀ ਵੈਧਤਾ ਘਟਾਈ
ਰਿਲਾਇੰਸ ਜੀਓ ਨੇ ਦੋ ਸਸਤੇ ਰੀਚਾਰਜ ਪਲਾਨ ਦੀ ਵੈਧਤਾ ਨੂੰ ਬਦਲ ਕੇ ਪ੍ਰੀਪੇਡ ਉਪਭੋਗਤਾਵਾਂ ਨੂੰ ਇੱਕ ਵਾਰ ਫਿਰ ਵੱਡਾ ਝਟਕਾ ਦਿੱਤਾ ਹੈ। ਇਹਨਾਂ ਜੀਓ ਪਲਾਨ ਦੀ ਕੀਮਤ 69 ਰੁਪਏ ਅਤੇ 139 ਰੁਪਏ ਹੈ, ਕੀ ਵੈਧਤਾ ਵਿੱਚ ਤਬਦੀਲੀ ਤੋਂ ਬਾਅਦ ਗਾਹਕਾਂ ਨੂੰ ਲਾਭ ਹੋਵੇਗਾ ਜਾਂ ਘਾਟਾ ਪਵੇਗਾ?
69 ਰੁਪਏ ਵਾਲੇ ਪਲਾਨ ‘ਚ ਪਹਿਲਾਂ ਅਤੇ ਹੁਣ ਅੰਤਰ?
69 ਰੁਪਏ ਦੇ ਰਿਲਾਇੰਸ ਜੀਓ ਪਲਾਨ ਦੇ ਨਾਲ ਕੰਪਨੀ 6 ਜੀਬੀ ਹਾਈ ਸਪੀਡ ਡਾਟਾ ਪ੍ਰਦਾਨ ਕਰਦੀ ਹੈ। ਪਹਿਲਾਂ ਇਹ ਪਲਾਨ ਮੌਜੂਦਾ ਪਲਾਨ ਵਾਂਗ ਹੀ ਵੈਧਤਾ ਦਿੰਦਾ ਸੀ, ਪਰ ਹੁਣ ਇਸ ਪਲਾਨ ਨਾਲ ਤੁਹਾਨੂੰ ਸਿਰਫ਼ ਸੱਤ ਦਿਨਾਂ ਦੀ ਵੈਧਤਾ ਮਿਲੇਗੀ। ਹੁਣ ਭਾਵੇਂ ਤੁਹਾਡੇ ਮੁੱਖ ਪਲਾਨ ਦੀ ਵੈਧਤਾ 30 ਦਿਨਾਂ ਦੀ ਹੋਵੇ ਜਾਂ 50 ਦਿਨਾਂ ਦੀ, ਪਰ ਤੁਹਾਨੂੰ 69 ਰੁਪਏ ਵਾਲੇ ਪਲਾਨ ਦੇ ਨਾਲ ਸਿਰਫ਼ 7 ਦਿਨਾਂ ਦੀ ਵੈਧਤਾ ਦਿੱਤੀ ਜਾਵੇਗੀ।
139 ਰੁਪਏ ਦੇ ਪਲਾਨ ‘ਚ ਪਹਿਲਾਂ ਅਤੇ ਹੁਣ ਅੰਤਰ?
139 ਰੁਪਏ ਦੇ ਇਸ ਰਿਲਾਇੰਸ ਜੀਓ ਪਲਾਨ ਦੇ ਨਾਲ ਗਾਹਕਾਂ ਨੂੰ 12 ਜੀਬੀ ਹਾਈ ਸਪੀਡ ਡੇਟਾ ਦਾ ਲਾਭ ਮਿਲਦਾ ਹੈ। ਪਹਿਲਾਂ ਇਹ ਪਲਾਨ ਵੀ ਤੁਹਾਡੇ ਬੇਸ ਪਲਾਨ ਦੀ ਵੈਲੀਡਿਟੀ ਦੇ ਜ਼ਿਆਦਾ ਦਿਨਾਂ ਤੱਕ ਐਕਟਿਵ ਰਹਿੰਦਾ ਸੀ, ਪਰ ਹੁਣ ਇਸ ਪਲਾਨ ਦੇ ਨਾਲ 69 ਰੁਪਏ ਵਾਲੇ ਪਲਾਨ ਦੀ ਤਰ੍ਹਾਂ ਸਿਰਫ 7 ਦਿਨਾਂ ਦੀ ਵੈਧਤਾ ਦਿੱਤੀ ਜਾਵੇਗੀ।
