ਜਾਣੋ ਕਿਉਂ ਟ੍ਰੋਲ ਹੋ ਰਹੇ ਹਨ Yo Yo Honey Singh
ਭਾਰਤੀ ਰੈਪਰ ਅਤੇ ਗਾਇਕ ਯੋ ਯੋ ਹਨੀ ਸਿੰਘ ਆਪਣੇ ਗੀਤਾਂ ਨੂੰ ਲੈ ਕੇ ਕਾਫ਼ੀ ਸੁਰਖੀਆਂ ‘ਚ ਰਹਿੰਦੇ ਹਨ। ਉੱਥੇ ਹੀ ਉਹ ਆਪਣੀ ਨਿੱਜੀ ਜ਼ਿੰਦਗੀ ਅਤੇ ਅਸਾਧਾਰਨ ਅੰਦਾਜ਼ ਨੂੰ ਲੈ ਕੇ ਵੀ ਕਾਫੀ ਸੁਰਖੀਆਂ ਬਟੋਰਦੇ ਹਨ। ਹਾਲ ਹੀ ਵਿੱਚ ਉਹ ਸੋਨਾਕਸ਼ੀ ਸਿਨਹਾ ਅਤੇ ਜ਼ਹੀਰ ਇਕਬਾਲ ਦੇ ਵਿਆਹ ਦੇ ਜਸ਼ਨ ਵਿੱਚ ਸ਼ਾਮਲ ਹੋਏ, ਜਿਸ ਦੀਆਂ ਕਈ ਵੀਡੀਓਜ਼ ਵੀ ਵਾਇਰਲ ਹੋਈਆਂ ਸਨ। ਸੋਨਾਕਸ਼ੀ ਦੇ ਵਿਆਹ ਦੇ 17 ਦਿਨਾਂ ਬਾਅਦ ਖਬਰ ਆਈ ਹੈ ਕਿ ਹਨੀ ਸਿੰਘ ਨੂੰ ਫਿਰ ਤੋਂ ਪਿਆਰ ਹੋ ਗਿਆ ਹੈ। ਜਿੱਥੇ ਇੱਕ ਪਾਸੇ ਪਿਆਰ ਦੀਆਂ ਖਬਰਾਂ ਸੁਰਖੀਆਂ ਬਣ ਰਹੀਆਂ ਸਨ ਉੱਥੇ ਹੀ ਦੂਜੇ ਪਾਸੇ ਲੋਕਾਂ ਨੇ ਉਨ੍ਹਾਂ ਨੂੰ ਟ੍ਰੋਲ ਵੀ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਇਸ ਦਾ ਕਾਰਨ ਉਨ੍ਹਾਂ ਦਾ ਕੰਦੂਰਾ ਜਾਂ ਚੋਗਾ ਪਹਿਨਣਾ ਹੈ ।
ਵੀਡੀਓ ਬਹੁਤ ਹੀ ਤੇਜ਼ੀ ਨਾਲ ਹੋ ਰਹੀ ਵਾਇਰਲ
ਕੀ ਯੋ ਯੋ ਹਨੀ ਸਿੰਘ ਹੁਣ ਮੁਸਲਮਾਨ ਬਣ ਗਏ ਹਨ ? ਇਹ ਗੱਲ ਸੋਸ਼ਲ ਮੀਡੀਆ ਯੂਜ਼ਰਸ ਕਹਿ ਰਹੇ ਹਨ, ਜਿਨ੍ਹਾਂ ਨੇ ਰੈਪਰ ਨੂੰ ਕੰਦੂਰਾ ਪਹਿਨ ਕੇ ਦੇਖਿਆ। ਹਨੀ ਸਿੰਘ ਦਾ ਇੱਕ ਵੀਡੀਓ ਬਹੁਤ ਹੀ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਪ੍ਰਸ਼ੰਸਕ ਉਨ੍ਹਾਂ ਦੇ ਸਟਾਈਲ ਨੂੰ ਲੈ ਕੇ ਉਨ੍ਹਾਂ ਨੂੰ ਟ੍ਰੋਲ ਕਰ ਰਹੇ ਹਨ।
ਯੂਜ਼ਰ ਨੇ ਕੀਤਾ ਟ੍ਰੋਲ
ਦਰਅਸਲ, ਵਾਇਰਲ ਭਯਾਨੀ ਨੇ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ ‘ਚ ਉਨ੍ਹਾਂ ਨੂੰ ਏਅਰਪੋਰਟ ‘ਤੇ ਦੇਖਿਆ ਗਿਆ। ਵੀਡੀਓ ‘ਚ ਉਹ ਕੰਦੂਰਾ ਪਹਿਨੇ ਨਜ਼ਰ ਆ ਰਹੇ ਹਨ , ਜਿਸ ਨੂੰ ਮੁਸਲਿਮ ਭਾਈਚਾਰੇ ਦੇ ਲੋਕ ਉਮਰਾਹ ਦੌਰਾਨ ਪਹਿਨਦੇ ਹਨ। ਵੀਡੀਓ ਵਿੱਚ, ਜਦੋਂ ਇੱਕ ਪ੍ਰਸ਼ੰਸਕ ਉਨ੍ਹਾਂ ਦੇ ਪੈਰਾਂ ਨੂੰ ਛੂਹਦਾ ਹੈ, ਤਾਂ ਗਾਇਕ ਕਹਿੰਦੇ ਹਨ ਕਿ ਹੇ… ਮੈਂ ਅਜੇ ਬੁੱਢਾ ਨਹੀਂ ਹੋਇਆ ਹਾਂ। ਵੀਡੀਓ ‘ਚ ਉਨ੍ਹਾਂ ਦੇ ਅੰਦਾਜ਼ ਕਾਰਨ ਪ੍ਰਸ਼ੰਸਕ ਉਨ੍ਹਾਂ ਨੂੰ ਸ਼ੱਕ ਦੀ ਨਜ਼ਰ ਨਾਲ ਦੇਖ ਰਹੇ ਹਨ।
ਇਹ ਵੀ ਪੜ੍ਹੋ : ਕੈਨੇਡਾ ‘ਚ ਵੱਡੀ ਦੁਰਘਟਨਾ , ਇੱਕ ਝਟਕੇ ‘ਚ ਪੂਰਾ ਪਰਿਵਾਰ ਹੋਇਆ ਖ਼ਤਮ
ਇਕ ਯੂਜ਼ਰ ਨੇ ਲਿਖਿਆ- ‘ਮੁਸਲਮਾਨ ਬਣ ਗਿਆ, ਹੁਣ ਉਮਰਾਹ ‘ਤੇ ਜਾ ਰਿਹਾ ਹਾਂ’। ਇਕ ਹੋਰ ਨੇ ਲਿਖਿਆ- ‘ਹਨੀ ਪਾਪੀ ਹੌਲੀ-ਹੌਲੀ ਦੁਬਈ ਦੇ ਸ਼ੇਖ ਬਣ ਰਹੇ ਹਨ।’ ਇਕ ਹੋਰ ਯੂਜ਼ਰ ਨੇ ਲਿਖਿਆ- ‘ਕੀ ਹਨੀ ਸਿੰਘ ਨੇ ਇਸਲਾਮ ਕਬੂਲ ਕਰਨ ਦਾ ਮਨ ਬਣਾਇਆ ਹੈ?’ ਹੁਣ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।
ਅਭਿਨੇਤਰੀ ਹੀਰਾ ਸੋਹਲ ਨੂੰ ਕਰ ਰਹੇ ਡੇਟ
ਦੱਸ ਦੇਈਏ ਕਿ ਹਨੀ ਸਿੰਘ ਇਨ੍ਹੀਂ ਦਿਨੀਂ ਅਭਿਨੇਤਰੀ ਹੀਰਾ ਸੋਹਲ ਨੂੰ ਡੇਟ ਕਰ ਰਹੇ ਹਨ, ਜੋ ਮੁੰਬਈ ‘ਚ ਹੋਲੀ ਦੌਰਾਨ ਆਪਣੇ ਕੰਸਰਟ ‘ਚ ਨਜ਼ਰ ਆਈ ਸੀ। ਪੰਜਾਬੀ ਅਦਾਕਾਰਾ ਹੀਰਾ ‘ਥੈਂਕ ਗੌਡ’ ਵਿੱਚ ਨਜ਼ਰ ਆ ਚੁੱਕੀ ਹੈ। ਕਈ ਤਸਵੀਰਾਂ ‘ਚ ਲੋਕਾਂ ਨੇ ਉਨ੍ਹਾਂ ਨੂੰ ਮਲਾਇਕਾ ਦੀ ਕਾਪੀ ਕਿਹਾ ਹੈ। ਧਿਆਨਯੋਗ ਹੈ ਕਿ ਹਨੀ ਨੇ ਸਾਲ 2022 ਵਿੱਚ ਸ਼ਾਲਿਨੀ ਤਲਵਾਰ ਤੋਂ ਤਲਾਕ ਲੈ ਲਿਆ ਹੈ। ਇੱਕ ਮੀਡੀਆ ਰਿਪੋਰਟ ਮੁਤਾਬਕ ਇਕ ਸੂਤਰ ਨੇ ਉਨ੍ਹਾਂ ਦੇ ਨਵੇਂ ਰਿਸ਼ਤੇ ਦੀ ਪੁਸ਼ਟੀ ਕੀਤੀ ਹੈ। ਇਕ ਕਰੀਬੀ ਸੂਤਰ ਨੇ ਕਿਹਾ, ‘ਉਹ ਕਰੀਬ ਇਕ ਸਾਲ ਤੋਂ ਡੇਟ ਕਰ ਰਹੇ ਹਨ। ਦੋਵੇਂ ਪਿਛਲੇ ਮਹੀਨੇ ਰੋਮਾਂਟਿਕ ਟ੍ਰਿਪ ਲਈ ਵੀ ਗਏ ਸਨ।
