ਬਰਨਾਨਾ-ਬਠਿੰਡਾ ਨੈਸ਼ਨਲ ਹਾਈਵੇ ਤੇ ਕਿਸਾਨ ਤੇ ਪੁਲਸ ਹੋਏ ਆਹਮੋ-ਸਾਹਮਣੇ

By

-

February 6, 2026

ਬਰਨਾਲਾ, 6 ਫਰਵਰੀ 2026 : ਪੰਜਾਬ ਦੇ ਬਰਨਾਲਾ-ਬਠਿੰਡਾ ਨੈਸ਼ਨਲ ਹਾਈਵੇ (Barnala-Bathinda National Highway) ਸਥਿਤ ਤਪਾ ਮੰਡੀ ਨਾਕੇ ਤੇ ਕਿਸਾਨ ਤੇ ਪੁਲਸ ਆਹਮੋ ਸਾਹਮਣੇ ਹੋ ਗਏ ਤੇ ਸਥਿਤੀ ਤਣਾਅਪੂਰਨ ਹੋ ਗਈ ।

ਕਿਸ ਕਾਰਨ ਕਿਸਾਨਾਂ ਤੇ ਕੀਤਾ ਗਿਆ ਲਾਠੀਚਾਰਜ

ਭਾਰਤੀ ਕਿਸਾਨ ਯੂਨੀਅਨ (ਉਗਰਾਹਾਂ) (Indian Farmers Union (Ugrahan)) ਦੇ ਕਿਸਾਨਾਂ ਵਲੋਂ ਜੋ ਅੱਜ ਬਠਿੰਡਾ ਦੇ ਡੀ. ਸੀ. ਦਫ਼ਤਰ ਦਾ ਘੇਰਾਓ ਕੀਤਾ ਜਾਣਾ ਸੀ ਤਾਂ ਕਿਸਾਨਾਂ ਨੂੰ ਰੋਕਣ ਲਈ ਜੋ ਪੁਲਸ ਵਲੋਂ ਬੈਰੀਕੇਟਿੰਗ ਕੀਤੀ ਹੋਈ ਸੀ ਨੂੰ ਤੋੜ ਕੇ ਕਿਸਾਨਾਂ ਵਲੋਂ ਜਦੋਂ ਅੱਗੇ ਜਾਣ ਦੀ ਕੋਸਿ਼ਸ਼ ਕੀਤੀ ਗਈ ਤਾਂ ਪੰਜਾਬ ਪੁਲਸ ਨੂੰ ਕਿਸਾਨਾਂ ਨੂੰ ਅੱਗੇ ਵਧਣ ਤੋਂ ਰੋਕਣ ਲਈ ਬਲ ਪ੍ਰਯੋਗ ਦੇ ਨਾਲ-ਨਾਲ ਲਾਠੀਚਾਰਜ (Baton charge) ਵੀ ਕਰਨਾ ਪਿਆ ।

ਇਸ ਦੌਰਾਨ ਮਹਿਲਾ ਪ੍ਰਦਰਸ਼ਨਕਾਰੀਆਂ (Women protesters) ਨੂੰ ਵੀ ਪੁਲਸ ਦੇ ਲਾਠੀਚਾਰਜ ਦਾ ਸਾਹਮਣਾ ਕਰਨ ਪਿਆ । ਜਾਣਕਾਰੀ ਮੁਤਾਬਕ ਇਹ ਪ੍ਰਦਰਸ਼ਨ ਬਠਿੰਡਾ ਅਤੇ ਰਾਮਪੁਰਾ ਪੁਲਸ ਥਾਣਿਆਂ ’ਚ ਦੋ ਕਿਸਾਨਾਂ ’ਤੇ ਦਰਜ ਕੀਤੇ ਗਏ ਕਥਿਤ ਝੂਠੇ ਕੇਸਾਂ ਖਿਲਾਫ ਕੀਤਾ ਜਾ ਰਿਹਾ ਹੈ । ਜਥੇਬੰਦੀ ਦੇ ਸੂਬਾ ਪ੍ਰਧਾਨ ਜੋਗਿੰਦਰ ਸਿੰਘ ਉਗਰਾਹਾਂ ਨੇ ਐਲਾਨ ਕੀਤਾ ਸੀ ਕਿ 6 ਫਰਵਰੀ ਨੂੰ ਬਰਨਾਲਾ ਵਿਖੇ ਡੀ. ਸੀ. ਦਫ਼ਤਰ ਦਾ ਘਿਰਾਓ ਕੀਤਾ ਜਾਵੇਗਾ ।

ਕੀ ਆਖਿਆ ਬੀ. ਕੇ. ਯੂ. (ਉਗਰਾਹਾਂ) ਦੇ ਜਿ਼ਲਾ ਬਰਨਾਲਾ ਪ੍ਰਧਾਨ ਨੇ

ਇਸ ਮਾਮਲੇ ਸਬੰਧੀ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਜਥੇਬੰਦੀ ਦੇ ਜਿ਼ਲ੍ਹਾ ਬਰਨਾਲਾ ਪ੍ਰਧਾਨ ਚਮਕੌਰ ਸਿੰਘ ਨੈਣੇਵਾਲ ਨੇ ਜਾਣਕਾਰੀ ਦਿੰਦੇ ਦੱਸਿਆ ਕਿ ਜਿਲ੍ਹਾ ਬਠਿੰਡਾ ਦੇ ਪਿੰਡ ਜਿਉਂਦ ਵਿੱਚ ਸਰਦਾਰਾਂ ਦੀ 700 ਏਕੜ ਦੇ ਕਰੀਬ ਜ਼ਮੀਨ ਦੇ ਮਾਮਲੇ ਵਿੱਚ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਜਥੇਬੰਦੀ ਵੱਲੋਂ ਕਿਸਾਨਾਂ ਨੂੰ ਇਨਸਾਫ ਲਈ ਲਗਾਤਾਰ ਸੰਘਰਸ਼ ਉਲੀਕਿਆ ਜਾ ਰਿਹਾ ਸੀ, ਜਿਸ ਤਹਿਤ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਜਥੇਬੰਦੀ ਦੇ ਆਗੂਆਂ ਵਲੋਂ ਲਗਾਤਾਰ ਕਿਸਾਨਾਂ ਨਾਲ ਧੱਕਾ ਕੀਤਾ ਜਾ ਰਿਹਾ ਸੀ ।

ਦਰਜ ਮੁਕੱਦਮੇ ਰੱਦ ਨਾ ਹੋਣ ਤੱਕ ਰਹੇਗਾ ਸੰਘਰਸ਼ ਜਾਰੀ : ਆਗੂ

ਜਥੇਬੰਦੀਆਂ ਦੇ ਆਗੂਆਂ ਨੇ ਕਿਹਾ ਕਿ ਜਿੰਨਾ ਸਮਾਂ ਕਿਸਾਨਾਂ ਉੱਪਰ ਕੀਤੇ ਗਏ ਮੁਕਦਮੇ ਨੂੰ ਰੱਦ ਨਹੀਂ ਕੀਤਾ ਜਾਂਦਾ, ਤਾਂ ਓਨਾ ਸਮਾਂ ਪ੍ਰਦਰਸ਼ਨ ਜਾਰੀ ਰਹੇਗਾ । ਇਸ ਪ੍ਰਦਰਸ਼ਨ ਵਿੱਚ ਜਿੱਥੇ ਪੁਲਸ ਨਾਲ ਕਿਸਾਨਾਂ ਦੀ ਧੱਕਾਮੁੱਕੀ ਹੋਈ, ਉੱਥੇ ਬਰਨਾਲਾ ਪੁਲਿਸ ਵੱਲੋਂ ਵੀ 53 ਦੇ ਕਰੀਬ ਕਿਸਾਨਾਂ ਨੂੰ ਗ੍ਰਿਫਤਾਰ (Arrested) ਕੀਤਾ ਗਿਆ ।

ਜੁੰਮੇ ਦੀ ਨਮਾਜ਼ ਦੌਰਾਨ ਇਸਲਾਮਾਬਾਦ ਵਿਖੇ ਹੋਇਆ ਬੰਬ ਧਮਾਕਾ

By

Rajesh Aggarwal

-

February 6, 2026

0

ਇਸਲਾਮਾਬਾਦ, 6 ਫਰਵਰੀ 2026 : ਭਾਰਤ ਦੇਸ਼ ਦੇ ਗੁਆਂਢੀ ਦੇਸ਼ ਪਾਕਿਸਤਾਨ (Pakistan) ਦੀ ਰਾਜਧਾਨੀ ਇਸਲਾਮਾਬਾਦ ਵਿਖੇ ਜੁੰਮੇ ਦੀ ਨਮਾਜ਼ ਦੌਰਾਨ ਬੰਬ ਧਮਾਕਾ (Bomb explosion) ਹੋਣ ਦਾ ਸਮਾਚਾਰ ਮਿਲਿਆ ਹੈ ।

ਧਮਾਕੇ ਦੌਰਾਨ ਕਿੰਨੇ ਜ਼ਖ਼ਮੀ ਤੇ ਕਿੰਨੇ ਉਤਰੇ ਮੌਤ ਦੇ ਘਾਟ

ਮਿਲੀ ਜਾਣਕਾਰੀ ਅਨੁਸਾਰ ਜੋ ਅੱਜ ਪਾਕਿਸਤਾਨ ਦੀ ਰਾਜਧਾਨੀ ਇਸਲਾਮਾਬਾਦ (Islamabad) ਵਿਖੇ ਜੁੰਮੇ ਦੀ ਨਮਾਜ਼ ਦੌਰਾਨ ਬੰਬ ਧਮਾਕਾ ਹੋਇਆ ਹੈ ਵਿਚ ਜਾਣਕਾਰੀ ਅਨੁਸਾਰ 15 ਵਿਅਕਤੀਆਂ ਦੇ ਮੌਤ ਦੇ ਘਾਟ ਉਤਰ ਜਾਣ ਅਤੇ 80 ਤੋਂ ਵਧ ਦੇ ਜ਼ਖ਼ਮੀ ਹੋਣ ਦਾ ਸਮਾਚਾਰ ਹੈ । ਧਮਾਕੇ ਵਿਚ ਜ਼ਖ਼ਮੀ ਹੋਏ ਵਿਅਕਤੀਆਂ ਨੂੰ ਇਲਾਜ ਲਈ ਧਮਾਕੇ ਵਾਲੀ ਥਾਂ ਦੇ ਨੇੜੇ ਬਣੇ ਵੱਖ-ਵੱਖ ਹਸਪਤਾਲਾਂ ਵਿਚ ਲਿਜਾਇਆ ਗਿਆ ਹੈ । ਦੱਸਣਯੋਗ ਹੈ ਕਿ ਪਾਕਿਸਤਾਨੀ ਸਰਕਾਰ (Pakistani Government) ਵਲੋਂ ਹਾਲੇ ਤੱਕ ਸਿਰਫ 12 ਲੋਕਾਂ ਦੀ ਮੌਤ ਦੀ ਹੀ ਪੁਸ਼ਟੀ ਕੀਤੀ ਗਈ ਹੈ ।

ਫੌਜ ਤੇ ਪੁਲਸ ਟੀਮਾਂ ਨੇ ਘੇਰ ਲਿਆ ਹੈ ਖੇਤਰ ਨੂੰ

ਪ੍ਰਾਪਤ ਜਾਣਕਾਰੀਆਂ ਮੁਤਾਬਕ ਜ਼ਖ਼ਮੀਆਂ (injured) ਨੂੰ ਜਿਥੇ ਪਾਕਿਸਤਾਨ ਇੰਸਟੀਚਿਊਟ ਆਫ਼ ਮੈਡੀਕਲ ਸਾਇੰਸਜ਼ ਅਤੇ ਸੀ. ਡੀ. ਏ. ਹਸਪਤਾਲ ਵਿੱਚ ਜਿਥੇ ਦਾਖਲ ਕਰਵਾਇਆ ਗਿਆ ਹੈ, ਉਥੇ ਦੂਸਰੇ ਪਾਸੇ ਧਮਾਕੇ ਕਾਰਨ ਸਰੀਰ ਦੇ ਹਿੱਸੇ ਖਿੰਡੇ ਹੋਏ ਦਿਖਾਈ ਦੇ ਰਹੇ ਹਨ । ਜਿਸ ਨਾਲ ਚੁਫੇਰੇਓਂ ਦਹਿਸ਼ਤ ਭਰਿਆ ਮਾਹੌਲ ਪੈਦਾ ਹੋਇਆ ਗਿਆ ਹੈ । ਉਪਰੋਕਤ ਬੰਬ ਧਮਾਕੇ ਨੂੰ ਹਾਲ ਦੀ ਘੜੀ ਮੁੱਢਲੀ ਜਾਂਚ ਮੁਤਾਬਕ ਇਕ ਆਤਮਘਾਤੀ ਹਮਲਾ (Suicide attack) ਦੱਸਿਆ ਜਾ ਰਿਹਾ ਹੈ ਅਤੇ ਇਸ ਥਾਂ ਨੂੰ ਪੁਲਸ ਅਤੇ ਫੌਜ ਦੀਆਂ ਟੀਮਾਂ ਮੌਕੇ `ਤੇ ਪਹੁੰਚ ਗਈਆਂ ਹਨ ਅਤੇ ਫੌਜ ਨੇ ਪੂਰੇ ਖੇਤਰ ਨੂੰ ਘੇਰ ਲਿਆ ਹੈ ।

ਖੇਡਾਂ ਵਿਚ ਜਿੱਤ ਪ੍ਰਾਪਤ ਕਰਨ ਵਾਲਿਆਂ ਦਾ ਮੁੱਖ ਮੰਤਰੀ ਸੈਣੀ ਕਰਨਗੇ ਸਨਮਾਨ

By

Rajesh Aggarwal

-

February 6, 2026

0

ਹਰਿਆਣਾ, 6 ਫਰਵਰੀ 2026 : ਉਤਰਾਖੰਡ ਵਿਚ ਹੋਈਆਂ 38ਵੀਆਂ ਰਾਸ਼ਟਰੀ ਖੇਡਾਂ (38th National Games) ਵਿਚ ਜਿੱਤ ਪ੍ਰਾਪਤ ਕਰਨ ਵਾਲੇ ਖਿਡਾਰੀਆਂ ਨੂੰ ਸਨਮਾਨਤ ਮੁੱਖ ਮੰਤਰੀ ਹਰਿਆਣਾ (Chief Minister Haryana) ਨਾਇਬ ਸੈਣੀ ਕਰਨਗੇ । ਇਹ ਜਾਣਕਾਰੀ ਹਰਿਆਣਾ ਦੇ ਖੇਡ ਮੰਤਰੀ ਗੌਰਵ ਗੌਤਮ ਨੇ ਦਿੱਤੀ ।

ਹਰਿਆਣਾ ਦੀ ਖੇਡ ਨੀਤੀ ਦੇਸ਼ ਵਿਚ ਸਭ ਤੋਂ ਵਧੀਆ : ਗੌਰਵ ਗੌਤਮ

ਖੇਡ ਮੰਤਰੀ ਹਰਿਆਣਾ (Sports Minister Haryana) ਗੌਰਵ ਗੌਤਮ ਨੇ ਕਿਹਾ ਕਿ ਹਰਿਆਣਾ ਦੀ ਖੇਡ ਨੀਤੀ ਦੇਸ਼ ਵਿਚ ਸਭ ਤੋਂ ਵਧੀਆ ਹੈ ਅਤੇ ਹਰਿਆਣਾ ਖੇਡਾਂ ‘ਚ ਸਭ ਤੋਂ ਵੱਧ ਪ੍ਰਗਤੀਸ਼ੀਲ ਹੈ । ਹਰਿਆਣਾ ਸਰਕਾਰ ਦੀ ਖੇਡ ਨੀਤੀ ਦੇ ਤਹਿਤ, ਰਾਸ਼ਟਰੀ ਪੱਧਰ ਦੇ ਮੁਕਾਬਲਿਆਂ ਤੋਂ ਲੈ ਕੇ ਓਲੰਪਿਕ ਤਗਮਿਆਂ ਤੱਕ ਦੀਆਂ ਪ੍ਰਾਪਤੀਆਂ ਲਈ ਐਥਲੀਟਾਂ ਨੂੰ 51,000 ਰੁਪਏ ਤੋਂ 6 ਕਰੋੜ ਰੁਪਏ ਤੱਕ ਦੇ ਨਕਦ ਪ੍ਰੋਤਸਾਹਨ ਪ੍ਰਦਾਨ ਕੀਤੇ ਜਾਂਦੇ ਹਨ, ਜਿਸ ਨਾਲ ਐਥਲੀਟਾਂ ਨੂੰ ਵਿੱਤੀ ਤੌਰ ‘ਤੇ ਸਸ਼ਕਤ ਬਣਾਇਆ ਜਾਂਦਾ ਹੈ ।

ਕਿੰਨੇ ਖਿਡਾਰੀਆਂ ਦੇ ਕੋਚਾਂ ਦਾ ਹੋਵੇਗਾ ਸਨਮਾਨ

ਹਰਿਆਣਵੀ ਖੇਡ ਮੰਤਰੀ ਗੌਰਵ ਗੌਤਮ (Gaurav Gautam) ਨੇ ਦੱਸਿਆ ਕਿ 9 ਫਰਵਰੀ ਨੂੰ ਜੋ ਹਰਿਆਣਾ ਸਰਕਾਰ (Haryana Government) ਵਲੋਂ 38ਵੀਆਂ ਰਾਸ਼ਟਰੀ ਖੇਡਾਂ ਵਿਚ ਜਿੱਤ ਪ੍ਰਾਪਤ ਕਰਨ ਵਾਲੇ ਖਿਡਾਰੀਆਂ ਦਾ ਵਿਸ਼ੇਸ਼ ਸਨਮਾਨ (Special honor) ਕੀਤਾ ਜਾਣਾ ਦੇ ਚਲਦਿਆਂ ਪੁਰਸਕਾਰ ਸਮਾਗਮ ਵਿਚ ਰਾਸ਼ਟਰੀ ਖੇਡਾਂ ਦੇ 48 ਸੋਨ, 47 ਚਾਂਦੀ ਅਤੇ 58 ਕਾਂਸੀ ਦੇ ਤਗਮਾ ਜੇਤੂਆਂ ਦੇ ਨਾਲ-ਨਾਲ ਖੇਡਾਂ ‘ਚ ਹਿੱਸਾ ਲੈਣ ਵਾਲੇ ਕੁੱਲ 689 ਐਥਲੀਟਾਂ ਅਤੇ ਕੋਚਾਂ ਨੂੰ ਸਨਮਾਨਿਤ ਕੀਤਾ ਜਾਵੇਗਾ । ਭਾਰਤੀ ਹਾਕੀ ‘ਚ ਸ਼ਾਨਦਾਰ ਯੋਗਦਾਨ ਲਈ ਹਾਲ ਹੀ ‘ਚ ਪਦਮ ਸ਼੍ਰੀ ਪੁਰਸਕਾਰ ਨਾਲ ਸਨਮਾਨਿਤ ਸਵਿਤਾ ਪੂਨੀਆ ਨੂੰ ਵੀ ਵਿਸ਼ੇਸ਼ ਤੌਰ ‘ਤੇ ਸਨਮਾਨਿਤ ਕੀਤਾ ਜਾਵੇਗਾ ।

ਕਿੰਨੇ ਐਥਲੀਟਾਂ ਨੂੰ ਨਗਦ ਇਨਾਮਾਂ ਤੇ ਪ੍ਰੋਤਸਾਹਨ ਦੇ ਰੂਪ ਵਿਚ ਕਿੰਨੇ ਕਰੋੜ ਦਿੱਤੇ ਗਏ

ਖੇਡ ਮੰਤਰੀ ਨੇ ਦੱਸਿਆ ਕਿ ਸਾਲ 2014 ਤੋਂ ਲੈ ਕੇ ਹੁਣ ਤੱਕ 16,970 ਐਥਲੀਟਾਂ ਨੂੰ ਨਕਦ ਇਨਾਮਾਂ ਅਤੇ ਪ੍ਰੋਤਸਾਹਨ ਦੇ ਰੂਪ ‘ਚ ਲਗਭੱਗ 709 ਕਰੋੜ ਦਿੱਤੇ ਗਏ ਹਨ । ਸਾਲ-2025-2026 ਦੌਰਾਨ 662 ਐਥਲੀਟਾਂ ਨੂੰ ਉਨ੍ਹਾਂ ਦੇ ਭਲਾਈ ਲਈ 109 ਕਰੋੜ ਤੋਂ ਵੱਧ ਦਿੱਤੇ ਜਾਣਗੇ । ਉਨ੍ਹਾਂ ਕਿਹਾ ਕਿ ਰਾਜ ਸਰਕਾਰ ਐਥਲੀਟਾਂ ਦੀ ਸੱਚੀ ਸ਼ੁਭਚਿੰਤਕ ਹੈ । ਰਾਜ ‘ਚ 1500 ਖੇਡ ਨਰਸਰੀਆਂ ਖੋਲ੍ਹੀਆਂ ਗਈਆਂ ਹਨ, ਜਿੱਥੇ 37,000 ਤੋਂ ਵੱਧ ਐਥਲੀਟ ਸਿਖਲਾਈ ਦਿੰਦੇ ਹਨ । ਇਸ ਤੋਂ ਇਲਾਵਾ ਖੇਡ ਵਿਭਾਗ ਨੇ 500 ਹੋਰ ਖੇਡ ਨਰਸਰੀਆਂ ਖੋਲ੍ਹਣ ਲਈ ਅਰਜ਼ੀਆਂ ਮੰਗੀਆਂ ਹਨ। ਇਨ੍ਹਾਂ ਨਰਸਰੀਆਂ ‘ਚ ਐਥਲੀਟਾਂ ਦੀ ਪ੍ਰਤਿਭਾ ਨੂੰ ਨਿਖਾਰਿਆ ਜਾ ਰਿਹਾ ਹੈ ।

ਹਰਿਆਣਾ ਦਾ ਅਗਲਾ ਖੇਡ ਮਿਸ਼ਨ 2036 ਓਲੰਪਿਕ ਤੇ ਟੀਚਾ 36 ਤਮਗੇ ਜਿੱਤਣ ਦਾ ਹੈ

ਉਨ੍ਹਾਂ ਕਿਹਾ ਕਿ ਹਰਿਆਣਾ ਖੇਡ ਵਿਭਾਗ (Haryana Sports Department) ਦਾ ਮਿਸ਼ਨ 2036 ਓਲੰਪਿਕ ਹੈ । ਹਰਿਆਣਾ ਦਾ ਟੀਚਾ 36 ਤਗਮੇ ਜਿੱਤਣ ਦਾ ਹੈ । ਇਸ ਦਿਸ਼ਾ ਵਿਚ ਕੰਮ ਚੱਲ ਰਿਹਾ ਹੈ । ਆਉਣ ਵਾਲੇ ਬਜਟ ਲਈ ਫੰਡ ਇਸ ਮਿਸ਼ਨ ਨੂੰ ਧਿਆਨ ਵਿੱਚ ਰੱਖ ਕੇ ਅਲਾਟ ਕੀਤੇ ਜਾਣਗੇ । ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਨਿਗਰਾਨੀ ਹੇਠ ਇੱਕ ਇਤਿਹਾਸਕ ਕੇਂਦਰੀ ਬਜਟ ਪੇਸ਼ ਕੀਤਾ ਗਿਆ ਹੈ, ਜਿਸ ਵਿੱਚ ਖੇਡਾਂ ਲਈ ਅਲਾਟਮੈਂਟ ਵਿੱਚ 33 ਪ੍ਰਤੀਸ਼ਤ ਵਾਧਾ ਕੀਤਾ ਗਿਆ ਹੈ । ਉਨ੍ਹਾਂ ਕਿਹਾ ਕਿ ਰਾਜ ਦੇ ਖੇਡ ਸਟੇਡੀਅਮਾਂ ਦੇ ਨਵੀਨੀਕਰਨ ਲਈ 114 ਕਰੋੜ (ਲਗਭਗ $1.14 ਬਿਲੀਅਨ) ਦੀ ਵਰਤੋਂ ਕੀਤੀ ਜਾ ਰਹੀ ਹੈ, ਜਿਸ ਵਿੱਚੋਂ 70 ਪ੍ਰਤੀਸ਼ਤ ਕੰਮ ਪੂਰਾ ਹੋ ਚੁੱਕਾ ਹੈ ।

ਔਰਤ ਨੂੰ ਨਿਰਵਸਤਰ ਕਰਨ ਦੇ ਦੋਸ਼ `ਚ 12 ਲੋਕਾਂ ਨੂੰ 5 ਸਾਲ ਦੀ ਜੇਲ

By

Rajesh Aggarwal

-

February 6, 2026

0

ਬੇਲਗਾਵੀ (ਕਰਨਾਟਕ), 6 ਫਰਵਰੀ 2026 : ਭਾਰਤ ਦੇਸ਼ ਦੇ ਸੂਬੇ ਕਰਨਾਟਕ (Karnataka) ਦੇ ਬੇਲਗਾਵੀ ਦੀ ਇਕ ਅਦਾਲਤ ਵਲੋਂ ਇਕ ਬਹੁਤ ਹੀ ਘਿਣਾਉਣੀ ਹਰਕਤ ਕਰਨ ਦੇ ਮਾਮਲੇ ਵਿਚ ਇਕ ਅਹਿਮ ਫ਼ੈਸਲਾ ਕੀਤਾ ਗਿਆ ਹੈ ।

ਕਿਸ ਮਾਮਲੇ ਵਿਚ ਕੀ ਫ਼ੈਸਲਾ ਲਿਆ ਗਿਆ ਹੈ ਅਦਾਲਤ ਵਲੋਂ

ਮਿਲੀ ਜਾਣਕਾਰੀ ਅਨੁਸਾਰ ਕਰਨਾਟਕ ਦੇ ਬੇਲਗਾਵੀ ਦੀ ਇਕ ਅਦਾਲਤ (Court) ਨੇ ਜੋ ਇਕ ਬਹੁਤ ਹੀ ਘਿਣਾਉਣੀ ਹਰਕਤ ਵਾਲੇ ਮਾਮਲੇ ਵਿਚ ਅਹਿਮ ਫ਼ੈਸਲਾ ਕੀਤਾ ਹੈ ਉਹ ਹੈ 12 ਲੋਕਾਂ ਨੂੰ ਪੰਜ ਸਾਲ ਦੀ ਸਜ਼ਾ ਦੇਣਾ । ਬੇਲਗਾਵੀ ਦੀ ਇਕ ਅਦਾਲਤ ਨੇ 42 ਸਾਲਾ ਆਦਿਵਾਸੀ ਔਰਤ (Aboriginal woman) ਨੂੰ ਨਿਰਵਸਤਰ ਕਰਨ ਅਤੇ ਉਸ ‘ਤੇ ਹਮਲਾ ਕਰਨ ਦੇ ਮਾਮਲੇ ‘ਚ 6 ਔਰਤਾਂ ਸਮੇਤ ਸਾਰੇ 12 ਮੁਲਜ਼ਮਾਂ ਨੂੰ ਦੋਸ਼ੀ ਠਹਿਰਾਉਂਦੇ ਹੋਏ ਉਨ੍ਹਾਂ ਨੂੰ 5 ਸਾਲ ਦੀ ਜੇਲ ਦੀ ਸਜ਼ਾ (Prison sentence) ਸੁਣਾਈ ਹੈ ।

ਕਦੋਂ ਦਾ ਹੈ ਇਹ ਘਟਨਾਕ੍ਰ੍ਮ

ਘਟਨਾ ਦਸੰਬਰ 2023 ਵਿਚ ਇੱਥੋਂ ਦੇ ਹੋਸਾਵੰਤਮੁਤੀ ਪਿੰਡ ਦੀ ਹੈ, ਜਦੋਂ ਔਰਤ ਦਾ ਬੇਟਾ ਪਿੰਡ ਦੇ ਇਕ ਵਿਅਕਤੀ ਦੀ ਬੇਟੀ ਨਾਲ ਫ਼ਰਾਰ ਹੋ ਗਿਆ ਸੀ । ਲੜਕੀ ਦੀ ਮੰਗਣੀ ਤੈਅ ਹੋ ਚੁੱਕੀ ਸੀ । ਦੋਸ਼ ਹੈ ਕਿ ਔਰਤ ਨੂੰ ਇਕ ਖੰਭੇ ਨਾਲ ਬੰਨ੍ਹਿਆ ਗਿਆ, ਉਸ ਨਾਲ ਮਾਰਕੁੱਟ ਕੀਤੀ ਗਈ ਅਤੇ ਉਸ ਨੂੰ ਨਿਰਵਸਤਰ (Naked) ਕੀਤਾ ਗਿਆ । ਪੀੜਤਾ ਦੀ ਸਿ਼ਕਾਇਤ ਦੇ ਆਧਾਰ ‘ਤੇ ਪੁਲਸ ਨੇ ਆਈ. ਪੀ. ਸੀ. ਦੀਆਂ ਵੱਖ-ਵੱਖ ਧਾਰਾਵਾਂ ਅਤੇ ਜਾਇਦਾਦ ਦੀ ਤਬਾਹੀ ਤੇ ਨੁਕਸਾਨ ਦੀ ਰੋਕਥਾਮ ਕਾਨੂੰਨ-1981 ਤਹਿਤ ਮਾਮਲਾ ਦਰਜ ਕੀਤਾ ਸੀ ।

ਨਵਜੋਤ ਕੌਰ ਸਿੱਧੂ ਨੂੰ ਕਾਂਗਰਸ ਪਾਰਟੀ ਵਿਚੋਂ ਕੱਢ ਦਿੱਤਾ ਗਿਆ : ਭੁਪੇਸ਼ ਬਘੇਲ

By

Rajesh Aggarwal

-

February 6, 2026

0

ਚੰਡੀਗੜ੍ਹ, 6 ਫਰਵਰੀ 2026 : ਕਾਂਗਰਸ ਪਾਰਟੀ (Congress Party) ਦੇ ਸੀਨੀਅਰ ਆਗੂ ਭੁਪੇਸ਼ ਬਘੇਲ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਹੈ ਕਿ ਡਾਕਟਰ ਨਵਜੋਤ ਕੌਰ ਸਿੱਧੂ (Dr. Navjot Kaur Sidhu) ਨੂੰ ਕਾਂਗਰਸ ਪਾਰਟੀ ਵਿਚੋਂ ਬਾਹਰ ਕੱਢ (Kicked out of the party) ਦਿੱਤਾ ਗਿਆ ਹੈ । ਦੱਸਣਯੋਗ ਹੈ ਕਿ ਨਵਜੋਤ ਕੌਰ ਸਿੱਧੂ ਵਲੋਂ ਤਾਂ ਪਹਿਲਾਂ ਹੀ ਪਾਰਟੀ ਛੱਡਣ ਦੇ ਆਪਣੇ ਫ਼ੈਸਲੇ ਦਾ ਐਲਾਨ ਕਰ ਦਿੱਤਾ ਗਿਆ ਸੀ ।

ਭੁਪੇਸ਼ ਬਘੇਲ ਨੇ ਹੋਰ ਕੀ ਜਾਣਕਾਰ ਦਿੱਤੀ

ਅੰਮ੍ਰਿਤਸਰ ਵਿਖੇ ਸੀਨੀਅਰ ਕਾਂਗਰਸੀ ਨੇਤਾ ਰਾਜ ਕੁਮਾਰ ਵੇਰਕਾ ਦੇ ਘਰ ਪਹੁੰਚੇ ਭੁਪੇਸ਼ ਬਘੇਲ (Bhupesh Baghel) ਨੇ ਜਿਥੇ ਪੱਤਰਕਾਰਾਂ ਨੂੰ ਡਾਕਟਰ ਨਵਜੋਤ ਕੌਰ ਸਿੱਧੂ ਨੂੰ ਪਾਰਟੀ ਵਿਚੋਂ ਕੱਢੇ ਜਾਣ ਬਾਰੇ ਦੱਸਿਆ, ਉਥੇ ਨਾਲ ਹੀ ਇਹ ਵੀ ਦੱਸਿਆ ਕਿ ਉਨ੍ਹਾਂ ਨੂੰ ਪਾਰਟੀ ਵਿਚੋਂ ਤਾਂ ਪਹਿਲਾਂ ਹੀ ਮੁਅੱਤਲ ਕਰ ਦਿੱਤਾ ਗਿਆ ਸੀ । ਇਸ ਮੌਕੇ ਭੁਪੇਸ਼ ਬਘੇਲ ਨੇ ਪੰਜਾਬ ਦੇ ਅਹਿਮ ਤੇ ਭੱਖਦੇ ਮੁੱਦਿਆਂ ਤੇ ਪੰਜਾਬ ਤੇ ਕੇਂਦਰ ਸਰਕਾਰਾਂ ਨੂੰ ਘੇਰਿਆ ।

ਕਰਨਾਲ ਵਿਖੇ ਲਾੜੇ ਨੇ ਕੀਤਾ ਦਾਜ ਵਿਚ ਮਿਲੇ ਪੈਸੇ ਤੇ ਫਰਨੀਚਰ ਵਾਪਸ

By

Rajesh Aggarwal

-

February 6, 2026

0

ਹਰਿਆਣਾ, 6 ਫਰਵਰੀ 2026 : ਹਰਿਆਣਾ (Haryana) ਦੇ ਸ਼ਹਿਰ ਕਰਨਾਲ ਦੇ ਘਰੌਂਡਾ ਖੇਤਰ ਵਿਖੇ ਇਕ ਵਿਆਹ ਸਮਾਗਮ (Wedding ceremony) ਵਿਚ ਲਾੜੇ ਨੂੰ ਦਾਜ ਵਿਚ ਮਿਲੇ 6 ਲੱਖ ਰੁਪਏ ਤੇ ਫਰਨੀਚਰ ਦਾ ਸਮਾਨ ਵਾਪਸ ਕਰ ਦਿੱਤਾ ।

ਕੌਣ ਹੈ ਇਹ ਲਾੜਾ ਜਿਸਨੇ ਕੀਤਾ ਦਾਜ ਦਾ ਸਮਾਨ ਤੇ ਪੈਸੇ ਵਾਪਸ

ਕਰਨਾਲ (Karnal) ਦੇ ਘਰੌਂਡਾ ਵਿਖੇ ਜੋ ਇਕ ਅੰਕਿਤ ਨਾਮ ਦੇ ਲਾੜੇ ਵਲੋਂ ਵਿਆਹ ਸਮਾਗਮ ਦੌਰਾਨ ਲੜਕੀ ਦੇ ਪਰਿਵਾਰ ਵਲੋਂ ਟਿੱਕੇ ਦੌਰਾਨ ਲੜਕੇ ਨੂੰ ਸ਼ਗੁਨ ਦੇ ਤੌਰ ਤੇ ਜਦੋਂ ਦਾਜ ਵਿਚ 6 ਲੱਖ ਰੁਪਏ ਦਿੱਤੇ ਗਏ ਹਨ ਤਾਂ ਉਸਨੇ ਜਿਥੇ 6 ਲੱਖ ਰੁਪਏ ਵਾਪਸ (6 lakh rupees back) ਕਰ ਦਿੱਤੇ, ਉੇਥੇ ਹੀ ਦਾਜ (Dowry) ਵਿਚ ਮਿਲਿਆ ਫਰਨੀਚਰ ਵੀ ਵਾਪਸ (Furniture back) ਕਰ ਦਿੱਤਾ ਹੈ । ਲਾੜੇ ਨੇ ਜਿਨ੍ਹਾਂ ਪੈਸਿਆਂ ਨਾਲ ਉਸਦਾ ਟਿੱਕਾ ਕੀਤਾ ਗਿਆ ਸੀ ਵਿਚੋਂ ਸਿਰਫ਼ 500 ਰੁਪਏ ਚੁੱਕੇ ਤੇ ਉਸਨੂੰ ਹੀ ਆਪਣਾ ਦਾਜ ਸਮਝਦਿਆਂ ਸ਼ਗੁਨ ਦੇ ਤੌਰ ਤੇ ਰੱਖ ਲਿਆ । ਇਸ ਤੋਂ ਬਾਅਦ ਵਿਆਹ ਦੀਆਂ ਸਾਰੀਆਂ ਰਸਮਾਂ ਪੂਰੀਆਂ ਹੋਈਆਂ ।

ਹਰਚਰਨ ਸਿੰਘ ਭੁੱਲਰ ਮਾਮਲੇ ਦੀ ਸੁਣਵਾਈ ਪਈ 21 ਫਰਵਰੀ ਤੇ

By

Rajesh Aggarwal

-

February 6, 2026

0

ਚੰਡੀਗੜ੍ਹ, 6 ਫਰਵਰੀ 2026 : ਪੰਜਾਬ ਦੇ ਰੋਪੜ ਰੇਂਜ ਦੇ ਮੁਅੱਤਲ ਡੀ. ਆਈ. ਜੀ. ਹਰਚਰਨ ਸਿੰਘ ਭੁੱਲਰ (Harcharan Singh Bhullar) ਦੀ ਅੱਜ ਚੰਡੀਗੜ੍ਹ ਵਿਖੇ ਸੀ. ਬੀ. ਆਈ. ਦੀ ਵਿਸ਼ੇਸ਼ ਅਦਾਲਤ ਵਿਚ ਸੁਣਵਾਈ ਹੋਈ ।

ਕੀ ਹੋਇਆ ਸੁਣਵਾਈ ਦੌਰਾਨ

ਮਿਲੀ ਜਾਣਕਾਰੀ ਮੁਤਾਬਕ ਹਰਚਰਨ ਸਿੰਘ ਭੁੱਲਰ ਜੋ ਕਿ ਭ੍ਰਿਸ਼ਟਾਚਾਰ (Corruption) ਦੇ ਮਾਮਲੇ ਵਿਚ ਅੱਜ ਸੀ. ਬੀ. ਆਈ. ਅਦਾਲਤ (C. B. I. Court) ਵਿਚ ਚੰਡੀਗੜ੍ਹ ਵਿਖੇ ਪੇਸ਼ ਹੋਏ ਦੀ ਸੁਣਵਾਈ ਦੌਰਾਨ ਅਦਾਲਤ ਨੇ ਸੀ. ਬੀ. ਆਈ. ਨੂੰ ਭੁੱਲਰ ਵਲੋਂ ਦਾਇਰ ਕੀਤੀ ਗਈ ਅਰਜ਼ੀ ਤੇ ਜਵਾਬ ਦਾਇਰ ਕਰਨ ਲਈ ਨਿਰਦੇਸ਼ ਦਿੱਤੇ ਹਨ । ਜਾਣਕਾਰੀ ਮੁਤਾਬਕ ਸੀ. ਬੀ. ਆਈ. (C. B. I.) ਵਲੋਂ ਜਵਾਬ ਆਉਣ ਵਾਲੇ ਸਮੇਂ ਵਿਚ ਦਾਇਰ ਕਰਨ ਦੇ ਚਲਦਿਆਂ ਮਾਨਯੋਗ ਅਦਾਲਤ ਨੇ ਮਾਮਲੇ ਦੀ ਅਗਲੀ ਕਾਰਵਾਈ 21 ਫਰਵਰੀ ਤੱਕ ਮੁਲਤਵੀ ਕਰ ਦਿੱਤੀ ਹੈ ।

ਕੀ ਜਵਾਬ ਦਾਇਰ ਕਰਨਾ ਹੈ ਸੀ. ਬੀ. ਆਈ. ਨੇ

ਸੀ. ਬੀ. ਆਈ. ਅਦਾਲਤ ਵਿਚ ਹਰਚਰਨ ਸਿੰਘ ਭੁੱਲਰ ਨੇ ਇਕ ਅਰਜ਼ੀ ਦਾਇਰ ਕੀਤੀ ਸੀ ਕਿ ਉਨ੍ਹਾਂ ਦੇ ਪਿਤਾ ਅਤੇ ਧੀ ਦੇ ਬੈਂਕ ਖਾਤਿਆ ਨੂੰ ਮੁੜ ਚਾਲੂ ਕਰ ਦਿੱਤਾ ਜਾਵੇ । ਦੱਸਣਯੋਗ ਹੈ ਕਿ ਜਾਂਚ ਦੌਰਾਨ ਸੀ. ਬੀ. ਆਈ. ਨੇ ਇਹ ਬੈਂਕ ਖਾਤੇ ਵੀ ਫ੍ਰੀਜ ਕਰ ਦਿੱਤੇ ਸਨ। ਹੁਣ 21 ਫਰਵਰੀ ਨੂੰ ਸੀ. ਬੀ. ਆਈ. ਅਦਾਲਤ ਵਿੱਚ ਆਪਣੀ ਫਾਈਲ ਪੇਸ਼ ਕਰੇਗੀ ਅਤੇ ਇਸੇ ਦਿਨ ਖਾਤਿਆਂ ਨੂੰ ਅਨਫ੍ਰੀਜ਼ ਕਰਨ ਦੇ ਮੁੱਦੇ `ਤੇ ਦੋਵਾਂ ਪੱਖਾਂ ਵਿਚਾਲੇ ਬਹਿਸ ਹੋਵੇਗੀ ।

ਮੰਗਾਂ ਅਣਗੌਲਿਆਂ ਕਰਨ ਦੇ ਚਲਦਿਆਂ ਮਿਡ-ਡੇ-ਮੀਲ ਵਰਕਰ ਜਾਣਗੇ ਹੜ੍ਹਤਾਲ ਤੇ

By

Rajesh Aggarwal

-

February 6, 2026

0

ਚੰਡੀਗੜ੍ਹ, 6 ਫਰਵਰੀ 2026 : ਪੰਜਾਬ ਦੇ ਸਕੂਲਾਂ ਵਿਚ ਬੱਚਿਆਂ ਨੂੰ ਖਾਣਾ ਬਣਾ ਕੇ ਦੇਣ ਵਾਲੀਆਂ ਮਿਡ-ਡੇ-ਮੀਲ ਵਰਕਰਜ਼ (Mid-day meal workers) ਆਪਣੀਆਂ ਮੰਗਾਂ ਪੂਰੀਆਂ ਨਾ ਹੋਣ ਦੇ ਚਲਦਿਆਂ ਹੜ੍ਹਤਾਲ (Strike) ਤੇ ਜਾਣਗੀਆਂ । ਦੱਸਣਯੋਗ ਹੈ ਕਿ ਇਸ ਹੜ੍ਹਤਾਲ ਵਿਚ ਕੁੱਕ ਤੇ ਹੈਲਪਰ ਸ਼ਾਮਲ ਹਨ ।

ਕਦੋਂ ਜਾਣਗੀਆਂ ਹੜ੍ਹਤਾਲ ਤੇ

ਪੰਜਾਬ ਸਰਕਾਰ ਵਲੋਂ ਮਿਡ-ਡੇ-ਮੀਲ ਵਰਕਰਜ਼ ਦੀਆਂ ਮੰਗਾਂ ਪੂਰੀਆਂ ਨਾ ਕਰਕੇ ਅਣਗੌਲਿਆਂ ਕਰਨ ਦੇ ਚਲਦਿਆਂ ਜੋ ਮਿਡ-ਡੇ-ਮੀਲ ਵਰਕਰਜ਼ ਨੇ 12 ਫਰਵਰੀ ਨੂੰ ਇਕ ਰੋਜ਼ਾ ਹੜ੍ਹਤਾਲ ਕਰਨ ਦਾ ਐਲਾਨ ਕੀਤਾ ਹੈ ਦੇ ਚਲਦਿਆਂ ਹੁਣ ਸਿੱਖਿਆ ਵਿਭਾਗ (Education Department) ਦੀ ਚਿੰਤਾ ਵਿਚ ਇਕ ਤਰ੍ਹਾਂ ਨਾਲ ਵਾਧਾ ਹੋ ਗਿਆ ਹੈ ਕਿ ਜੇਕਰ ਮਿਡ-ਡੇ-ਮੀਲ ਤਹਿਤ ਖਾਣਾ ਬਣਾਉਣ ਵਾਲੀਆਂ ਵਰਕਰਜ਼ ਹੜ੍ਹਤਾਲ ਹੋਣਗੀਆਂ ਤਾਂ ਫਿਰ ਬੱਚਿਆਂ ਨੂੰ ਦਿੱਤਾ ਜਾਣਾ ਵਾਲਾ ਖਾਣਾ ਆਖਰ ਕੌਣ ਬਣਾਏਗਾ ।

ਸਿੱਖਿਆ ਵਿਭਾਗ ਨੇ ਕੀ ਕੀਤਾ ਹੈ ਇੰਤਜਾਮ

ਸਕੂਲਾਂ ਅੰਦਰ ਮਿਡ-ਡੇ-ਮੀਲ ਤਹਿਤ ਕੰਮ ਕਰਨ ਵਾਲੀਆਂ ਵਰਕਰਜ਼ ਦੇ ਇਕ ਦਿਨ ਦੀ ਹੜ੍ਹਦਾਲ ਦੇ ਐਲਾਨ ਦੇ ਚਲਦਿਆਂ ਜਦੋਂ ਪੰਜਾਬ ਸਟੇਟ ਮਿਡ-ਡੇ-ਮੀਲ ਸੁਸਾਇਟੀ ਵੀ ਇਸ ਸਮੱਸਿਆ ਦਾ ਹੱਲ ਨਹੀਂ ਕਰ ਸਕੀ ਤਾਂ ਸਿੱਖਿਆ ਵਿਭਾਗ ਨੇ ਹੁਣ ਸਕੂਲਾਂ ਪ੍ਰਿੰਸੀਪਲਾਂ (School principals) ਨੂੰ ਇਸ ਦਿਨ ਬੱਚਿਆਂ ਨੂੰ ਖਾਣਾ ਮੁਹੱੱਈਆ ਕਰਵਾਉਣ ਦੀ ਜਿੰਮੇਵਾਰੀ ਸੌਂਪੀ ਹੈ । ਇਥੇ ਹੀ ਬਸ ਨਹੀਂ ਸਕੂਲਾਂ ਨੂੰ ਇਹ ਵੀ ਹਦਾਇਤ ਕੀਤੀ ਗਈ ਹੈ ਕਿ ਜੇਕਰ ਕੋਈ ਕੁੱਕ ਜਾਂ ਹੈਲਪਰ ਹੜਤਾਲ ਦੌਰਾਨ ਸਕੂਲ ਨਹੀਂ ਜਾਂਦਾ ਤਾਂ ਉਹ ਆਪਣੇ ਆਪ ਬਦਲ ਵਜੋਂ ਇਸਦਾ ਪ੍ਰਬੰਧ ਕਰਨ ।

ਕੀ ਹੁਕਮ ਜਾਰੀ ਕੀਤਾ ਹੈ ਸਿੱਖਿਆ ਵਿਭਾਗ ਨੇ

ਜਾਣਕਾਰੀ ਮੁਤਾਬਕ ਸਿੱਖਿਆ ਵਿਭਾਗ ਨੇ ਜਿਥੇ ਇਹ ਹੁਕਮ ਜਾਰੀ ਕੀਤਾ ਹੈ ਕਿ ਮਿਡ-ਡੇ-ਮੀਲ ਪ੍ਰਭਾਵਿਤ ਨਾ ਹੋਵੇ ਤਾਂ ਸਕੂਲ ਪ੍ਰਿੰਸੀਪਲ ਆਪਣੇ ਪੱਧਰ ਤੇ ਬੱਚਿਆਂ ਦੇ ਖਾਣੇ ਦਾ ਇੰਤਜਾਮ ਕਰਨ ਤਾਂ ਨਾਲ ਹੀ ਉਨ੍ਹਾਂ ਇਹ ਵੀ ਆਖਿਆ ਹੈ ਕਿ ਇਸ ਤਰ੍ਹਾਂ ਦੀ ਸਥਿਤੀ ਵਿਚ ਹੋਣ ਵਾਲਾ ਖਰਚਾ ਖਾਣਾ ਪਕਾਉਣ ਦੀ ਲਾਗਤ ਫੰਡ ਵਿਚੋਂ ਪੂਰਾ ਕੀਤਾ ਜਾਵੇਗਾ ।

ਕੀ ਆਖਿਆ ਮਿਡ-ਡੇ-ਮੀਲ ਵਰਕਰਜ਼ ਯੂਨੀਅਨ ਆਗੂਆਂ ਨੇ

12 ਫਰਵਰੀ ਨੂੰ ਹੜ੍ਹਤਾਲ ਤੇ ਜਾਣ ਦਾ ਐਲਾਨ ਕਰ ਚੁੱਕੀਆਂ ਮਿਡ-ਡੇ-ਮੀਲ ਵਰਕਰਜ਼ ਯੂਨੀਅਨ ਦੀਆਂ ਆਗੂਆਂ ਨੇ ਕਿਹਾ ਕਿ ਸਰਕਾਰ ਉਨ੍ਹਾਂ ਦੀਆਂ ਮਾਮੂਲੀ ਜਿਹੀਆਂ ਤਨਖਾਹਾਂ ਅਤੇ ਸਹੂਲਤਾਂ ਦੀਆਂ ਮੰਗਾਂ ਨੂੰ ਲਗਾਤਾਰ ਅਣਗੌਲਿਆਂ ਕਰ ਰਹੀ ਹੈ । ਆਗੂਆਂ ਨੇ ਕਿਹਾ ਕਿ ਵਰਕਰਾਂ ਵਲੋਂ ਕੀਤੀ ਜਾਣ ਵਾਲੀ ਹੜ੍ਹਤਾਲ ਵਾਲੇ ਦਿਨ ਬਦਲ ਵਜੋਂ ਕੀਤੇ ਜਾਣ ਵਾਲੇ ਪ੍ਰਬੰਧ ਉਨ੍ਹਾਂ ਦਾ ਸ਼ੋੋਸ਼ਣ ਹਨ ।

ਚੀਨੀ ਡੋਰ ਨਾਲ ਹੋਣ ਵਾਲੀਆਂ ਮੌਤਾਂ ਮੰਨੀਆਂ ਜਾਣਗੀਆਂ ਹੱਤਿਆਵਾਂ : ਯੋਗੀ

By

Rajesh Aggarwal

-

February 6, 2026

0

ਲਖਨਊ, 6 ਫਰਵਰੀ 2026 : ਉੱਤਰ ਪ੍ਰਦੇਸ਼ (Uttar Pradesh) ਦੇ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਨੇ `ਚੀਨੀ ਡੋਰ` (Chinese door) ਨਾਲ ਹੋਣ ਵਾਲੀਆਂ ਮੌਤਾਂ ਨੂੰ ਹੱਤਿਆ ਦੀ ਸ਼੍ਰੇਣੀ ‘ਚ ਰੱਖਦਿਆਂ ਮੁਲਜ਼ਮਾਂ ਖਿਲਾਫ ਸਖਤ ਕਾਰਵਾਈ (Strict action) ਦੇ ਹੁਕਮ ਦਿੱਤੇ ਹਨ ।

ਆਦਿਤਿਆਨਾਥ ਯੋਗੀ ਨੇ ਲਿਆ ਚੀਨੀ ਡੋਰ ਨਾਲ ਵਾਪਰਦੇ ਹਾਦਸਿਆਂ ਦਾ ਗੰਭੀਰ ਨੋਟਿਸ

ਮੁੱਖ ਮੰਤਰੀ (Chief Minister) ਦਫ਼ਤਰ ਵੱਲੋਂ ਸੋਸ਼ਲ ਮੀਡੀਆ ਮੰਚ `ਐਕਸ`’ਤੇ ਜਾਰੀ ਪੋਸਟ ‘ਚ ਇਹ ਜਾਣਕਾਰੀ ਦਿੱਤੀ ਗਈ । ਪੋਸਟ ਅਨੁਸਾਰ ਮੁੱਖ ਮੰਤਰੀ ਨੇ `ਚੀਨੀ ਡੋਰ`ਨਾਲ ਹੋ ਰਹੇ ਲਗਾਤਾਰ ਹਾਦਸਿਆਂ ‘ਤੇ ਗੰਭੀਰ ਨੋਟਿਸ ਲੈਂਦਿਆਂ ਸੂਬੇ `ਚ ਇਸ ਦੇ ਖਿਲਾਫ ਸਖ਼ਤ ਕਾਰਵਾਈ ਕਰਨ ਅਤੇ ਸੂਬਾ ਪੱਧਰੀ ਮੁਹਿੰਮ ਚਲਾਉਣ ਦੇ ਹੁਕਮ ਦਿੱਤੇ ਹਨ ਤੇ ਨਾਲ ਹੀ ਉਨ੍ਹਾਂ ਨੇ ਇਸ ਪੂਰੇ ਮਾਮਲੇ ਦੀ ਉੱਚ ਪੱਧਰੀ ਸਮੀਖਿਆ ਕਰਨ ਲਈ ਵੀ ਕਿਹਾ ਹੈ ।

ਲੋਕਾਂ ਦੇ ਜੀਵਨ ਦੀ ਸੁਰੱਖਿਆ ਸੂਬਾ ਸਰਕਾਰ ਦੀ ਸਰਵਉਚ ਤਰਜੀਹ ਹੈ

ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ (Yogi Adityanath) ਨੇ ਕਿਹਾ ਕਿ ਲੋਕਾਂ ਦੇ ਜੀਵਨ ਦੀ ਸੁਰੱਖਿਆ ਸੂਬਾ ਸਰਕਾਰ ਦੀ ਸਰਵਉੱਚ ਤਰਜੀਹ ਹੈ ਅਤੇ ਇਸ ਵਿਸ਼ੇ ‘ਤੇ ਕਿਸੇ ਵੀ ਤਰ੍ਹਾਂ ਦੀ ਲਾਪ੍ਰਵਾਹੀ ਬਰਦਾਸ਼ਤ ਨਹੀਂ ਕੀਤੀ ਜਾਵੇਗੀ । ਜਿ਼ਕਰਯੋਗ ਹੈ ਕਿ ਰਾਜਧਾਨੀ ਲਖਨਊ `ਚ ਇਨੀਂ ਦਿਨੀਂ `ਚੀਨੀ ਡੋਰ`ਨਾਲ ਮੋਟਰਸਾਈਕਲ ਸਵਾਰਾਂ ਦੇ ਜ਼ਖਮੀ ਹੋਣ ਦੀਆਂ ਘਟਨਾਵਾਂ ‘ਚ ਤੇਜ਼ੀ ਨਾਲ ਵਾਧਾ ਹੋਇਆ ਹੈ ।

ਹਵਾਈ ਫੌਜ ਨੂੰ ਛੇਤੀ ਮਿਲਣਗੇ 5 ਤੇਜਸ ਲੜਾਕੂ ਜਹਾਜ਼

By

Rajesh Aggarwal

-

February 6, 2026

0

ਨਵੀਂ ਦਿੱਲੀ, 6 ਫਰਵਰੀ 2026 : ਸਰਕਾਰੀ ਐਰੋਸਪੇਸ ਕੰਪਨੀ ਹਿੰਦੁਸਤਾਨ ਐਰੋਨਾਟਿਕਸ ਲਿਮਟਿਡ (Government aerospace company Hindustan Aeronautics Limited) (ਐੱਚ. ਏ. ਐੱਲ.) ਨੇ ਕਿਹਾ ਹੈ ਕਿ ਉਹ 5 ਤੇਜਸ ਹਲਕੇ ਲੜਾਕੂ ਜਹਾਜ਼ (Tejas light combat aircraft) ਭਾਰਤੀ ਹਵਾਈ ਫੌਜ ਨੂੰ ਛੇਤੀ ਸੌਂਪਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ ।

ਕਦੋਂ ਕੀਤਾ ਗਿਆ ਸੀ ਸਮਝੌਤਾ

ਰੱਖਿਆ ਮੰਤਰਾਲਾ (Ministry of Defense) ਨੇ ਫਰਵਰੀ 2021 ‘ਚ ਹਵਾਈ ਫੌਜ (Air Force) ਲਈ 83 ਤੇਜਸ ਐੱਮ. ਕੇ.-1-ਏ ਲੜਾਕੂ ਜਹਾਜ਼ ਖਰੀਦਣ ਲਈ ਐੱਚ. ਏ. ਐੱਲ. ਨਾਲ 48,000 ਕਰੋੜ ਰੁਪਏ ਦਾ ਕਰਾਰ ਕੀਤਾ ਸੀ । ਹਾਲਾਂਕਿ ਜੀ. ਈ. ਐਰੋਸਪੇਸ ਵੱਲੋਂ ਇੰਜਣ ਦੀ ਸਪਲਾਈ ਕਈ ਵਾਰ ਸਮਾਂ-ਹੱਦ ਵਧਾਉਣ ਦੇ ਬਾਵਜੂਦ ਨਾ ਹੋਣ ਦੀ ਵਜ੍ਹਾ ਨਾਲ ਇਨ੍ਹਾਂ ਲੜਾਕੂ ਜਹਾਜ਼ਾਂ ਦੀ ਸਪਲਾਈ `ਚ ਦੇਰੀ ਹੋ ਰਹੀ ਹੈ ।

ਪੰਜ ਜਹਾਜ਼ ਸਪਲਾਈ ਪੂਰੀ ਤਰ੍ਹਾਂ ਹਨ ਤਿਆਰ

ਐੱਚ. ਏ. ਐੱਲ. (H. A. L.) ਦੀ ਇਕ ਬੁਲਾਰਨ ਨੇ ਦੱਸਿਆ ਕਿ ਐੱਚ. ਏ. ਐੱਲ. ਪੁਸ਼ਟੀ ਕਰਦੀ ਹੈ ਕਿ 5 ਜਹਾਜ਼ ਸਪਲਾਈ ਲਈ ਪੂਰੀ ਤਰ੍ਹਾਂ ਤਿਆਰ ਹਨ, ਜਿਨ੍ਹਾਂ ਵਿਚ ਇਕਰਾਰਨਾਮੇ ਦੀਆਂ ਵਿਸ਼ੇਸ਼ਤਾਵਾਂ ਅਨੁਸਾਰ ਪ੍ਰਮੁੱਖ ਸਮਰੱਥਾਵਾਂ ਸ਼ਾਮਲ ਹਨ । ਉਨ੍ਹਾਂ ਦੱਸਿਆ ਕਿ 9 ਵਾਧੂ ਜਹਾਜ਼ ਪਹਿਲਾਂ ਹੀ ਬਣ ਕੇ ਤਿਆਰ ਹੋ ਚੁੱਕੇ ਹਨ ਅਤੇ ਉਨ੍ਹਾਂ ਦਾ ਪ੍ਰੀਖਣ ਵੀ ਹੋ ਚੁੱਕਾ ਹੈ । ਜੀ. ਈ. ਤੋਂ ਇੰਜਣ ਪ੍ਰਾਪਤ ਹੁੰਦਿਆਂ ਹੀ ਇਹ ਜਹਾਜ਼ (Airoplane) ਸਪਲਾਈ ਲਈ ਤਿਆਰ ਹੋ ਜਾਣਗੇ ।

ਕਿਸ ਕਾਰਨ ਕਿਸਾਨਾਂ ਤੇ ਕੀਤਾ ਗਿਆ ਲਾਠੀਚਾਰਜ

ਕੀ ਆਖਿਆ ਬੀ. ਕੇ. ਯੂ. (ਉਗਰਾਹਾਂ) ਦੇ ਜਿ਼ਲਾ ਬਰਨਾਲਾ ਪ੍ਰਧਾਨ ਨੇ

ਦਰਜ ਮੁਕੱਦਮੇ ਰੱਦ ਨਾ ਹੋਣ ਤੱਕ ਰਹੇਗਾ ਸੰਘਰਸ਼ ਜਾਰੀ : ਆਗੂ

ਧਮਾਕੇ ਦੌਰਾਨ ਕਿੰਨੇ ਜ਼ਖ਼ਮੀ ਤੇ ਕਿੰਨੇ ਉਤਰੇ ਮੌਤ ਦੇ ਘਾਟ

ਫੌਜ ਤੇ ਪੁਲਸ ਟੀਮਾਂ ਨੇ ਘੇਰ ਲਿਆ ਹੈ ਖੇਤਰ ਨੂੰ

ਹਰਿਆਣਾ ਦੀ ਖੇਡ ਨੀਤੀ ਦੇਸ਼ ਵਿਚ ਸਭ ਤੋਂ ਵਧੀਆ : ਗੌਰਵ ਗੌਤਮ

ਕਿੰਨੇ ਖਿਡਾਰੀਆਂ ਦੇ ਕੋਚਾਂ ਦਾ ਹੋਵੇਗਾ ਸਨਮਾਨ

ਕਿੰਨੇ ਐਥਲੀਟਾਂ ਨੂੰ ਨਗਦ ਇਨਾਮਾਂ ਤੇ ਪ੍ਰੋਤਸਾਹਨ ਦੇ ਰੂਪ ਵਿਚ ਕਿੰਨੇ ਕਰੋੜ ਦਿੱਤੇ ਗਏ

ਹਰਿਆਣਾ ਦਾ ਅਗਲਾ ਖੇਡ ਮਿਸ਼ਨ 2036 ਓਲੰਪਿਕ ਤੇ ਟੀਚਾ 36 ਤਮਗੇ ਜਿੱਤਣ ਦਾ ਹੈ

ਕਿਸ ਮਾਮਲੇ ਵਿਚ ਕੀ ਫ਼ੈਸਲਾ ਲਿਆ ਗਿਆ ਹੈ ਅਦਾਲਤ ਵਲੋਂ

ਕਦੋਂ ਦਾ ਹੈ ਇਹ ਘਟਨਾਕ੍ਰ੍ਮ

ਭੁਪੇਸ਼ ਬਘੇਲ ਨੇ ਹੋਰ ਕੀ ਜਾਣਕਾਰ ਦਿੱਤੀ

ਕੌਣ ਹੈ ਇਹ ਲਾੜਾ ਜਿਸਨੇ ਕੀਤਾ ਦਾਜ ਦਾ ਸਮਾਨ ਤੇ ਪੈਸੇ ਵਾਪਸ

ਕੀ ਹੋਇਆ ਸੁਣਵਾਈ ਦੌਰਾਨ

ਕੀ ਜਵਾਬ ਦਾਇਰ ਕਰਨਾ ਹੈ ਸੀ. ਬੀ. ਆਈ. ਨੇ

ਕਦੋਂ ਜਾਣਗੀਆਂ ਹੜ੍ਹਤਾਲ ਤੇ

ਸਿੱਖਿਆ ਵਿਭਾਗ ਨੇ ਕੀ ਕੀਤਾ ਹੈ ਇੰਤਜਾਮ

ਕੀ ਹੁਕਮ ਜਾਰੀ ਕੀਤਾ ਹੈ ਸਿੱਖਿਆ ਵਿਭਾਗ ਨੇ

ਕੀ ਆਖਿਆ ਮਿਡ-ਡੇ-ਮੀਲ ਵਰਕਰਜ਼ ਯੂਨੀਅਨ ਆਗੂਆਂ ਨੇ

ਆਦਿਤਿਆਨਾਥ ਯੋਗੀ ਨੇ ਲਿਆ ਚੀਨੀ ਡੋਰ ਨਾਲ ਵਾਪਰਦੇ ਹਾਦਸਿਆਂ ਦਾ ਗੰਭੀਰ ਨੋਟਿਸ

ਲੋਕਾਂ ਦੇ ਜੀਵਨ ਦੀ ਸੁਰੱਖਿਆ ਸੂਬਾ ਸਰਕਾਰ ਦੀ ਸਰਵਉਚ ਤਰਜੀਹ ਹੈ

ਕਦੋਂ ਕੀਤਾ ਗਿਆ ਸੀ ਸਮਝੌਤਾ

ਪੰਜ ਜਹਾਜ਼ ਸਪਲਾਈ ਪੂਰੀ ਤਰ੍ਹਾਂ ਹਨ ਤਿਆਰ

EDITOR PICKS

POPULAR POSTS

POPULAR CATEGORY