‘ਮਹਾਭਾਰਤ’ ਵਿੱਚ ਭੀਮ ਦਾ ਕਿਰਦਾਰ ਨਿਭਾਉਣ ਵਾਲੇ ਅਦਾਕਾਰ ਪ੍ਰਵੀਨ ਕੁਮਾਰ ਸੋਬਤੀ ਦਾ ਦਿਹਾਂਤ ਹੋ ਗਿਆ ਹੈ। ਲੰਬੇ ਸਮੇਂ ਤੋਂ ਬੀਮਾਰੀ ਨਾਲ ਜੂਝ ਰਹੇ ਪ੍ਰਵੀਨ ਕੁਮਾਰ ਸੋਬਤੀ ਨੇ 74 ਸਾਲ ਦੀ ਉਮਰ ‘ਚ ਆਖਰੀ ਸਾਹ ਲਿਆ ਹੈ। ਪ੍ਰਵੀਨ ਕੁਮਾਰ ਸੋਬਤੀ ਨੇ ਨਾ ਸਿਰਫ ਅਦਾਕਾਰੀ ਸਗੋਂ ਖੇਡਾਂ ਦੀ ਦੁਨੀਆ ‘ਚ ਵੀ ਕਾਫੀ ਨਾਂ ਕਮਾਇਆ ਸੀ।
ਥਾਣਿਆਂ ‘ਚ ਨੀਂ ਹੁੰਦੀ ਸੁਣਵਾਈ, ਚਿੱਟਾ ਵਿੱਕਦੈ ਧੜਾ ਧੜ !ਕਾਂਗਰਸ ਤੇ BJP ਵਾਲਿਆਂ ਦਾ ਪੈ ਗਿਆ ਭੇੜ
ਪੰਜਾਬ ਨਾਲ ਸਬੰਧ ਰੱਖਣ ਵਾਲੇ ਪ੍ਰਵੀਨ ਕੁਮਾਰ ਨੇ ਕਈ ਬਾਲੀਵੁੱਡ ਫਿਲਮਾਂ ਵਿੱਚ ਅਹਿਮ ਭੂਮਿਕਾਵਾਂ ਨਿਭਾਈਆਂ ਹਨ। ਫਿਲਮਾਂ ‘ਚ ਉਹ ਅਕਸਰ ਵਿਲੇਨ ਦੀ ਭੂਮਿਕਾ ‘ਚ ਨਜ਼ਰ ਆਉਂਦੇ ਸਨ। ਖੇਡਾਂ ਤੋਂ ਲੈ ਕੇ ਅਦਾਕਾਰੀ ਤੱਕ ਪ੍ਰਵੀਨ ਕੁਮਾਰ ਨੇ ਹਮੇਸ਼ਾ ਆਪਣਾ 100 ਫੀਸਦੀ ਦੇਣ ਦੀ ਕੋਸ਼ਿਸ਼ ਕੀਤੀ ਅਤੇ ਹਰ ਵਾਰ ਸਫਲਤਾ ਮਿਲੀ।
ਪ੍ਰਵੀਨ ਕੁਮਾਰ ਸੋਬਤੀ ਆਪਣੇ ਕੱਦ-ਕਾਠ ਕਾਰਨ ਲੋਕਾਂ ਵਿੱਚ ਮਸ਼ਹੂਰ ਸਨ ਅਤੇ ਮਹਾਭਾਰਤ ‘ਚ ਉਨ੍ਹਾਂ ਨੇ ਭੀਮ ਦੀ ਬਹੁਤ ਵਧਾਈ ਭੂਮਿਕਾ ਨਿਭਾਈ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਪ੍ਰਵੀਨ ਕੁਮਾਰ ਸੋਬਤੀ ਆਪਣੀ ਮੌਤ ਤੋਂ ਪਹਿਲਾਂ ਆਰਥਿਕ ਤੰਗੀ ਦਾ ਸਾਹਮਣਾ ਕਰ ਰਹੇ ਸਨ ਅਤੇ ਉਹ ਲੰਬੇ ਸਮੇਂ ਤੋਂ ਬਿਮਾਰ ਵੀ ਸਨ।
ਪ੍ਰਵੀਨ ਕੁਮਾਰ ਸੋਬਤੀ ਐਕਟਿੰਗ ਵਿੱਚ ਆਉਣ ਤੋਂ ਪਹਿਲਾਂ ਇੱਕ ਐਥਲੀਟ ਸਨ। ਉਹਨਾਂ ਨੇ ਏਸ਼ਿਆਈ ਅਤੇ ਰਾਸ਼ਟਰਮੰਡਲ ਖੇਡਾਂ ਵਿੱਚ ਤਗਮੇ ਜਿੱਤ ਕੇ ਦੇਸ਼ ਦਾ ਨਾਂ ਰੌਸ਼ਨ ਕੀਤਾ ਸੀ। ਉਹ ਏਸ਼ੀਆਈ ਖੇਡਾਂ ਵਿਚ ਦੋ ਗੋਲਡ ਮੈਡਲ, 1 ਸਿਲਵਰ ਤੇ 1 ਬਰੋਜ਼ ਮੈਡਲ ਹੈਮਰ ਅਤੇ ਡਿਸਕਸ ਥਰੋਅ ਵਿਚ ਜਿੱਤ ਚੁੱਕੇ ਸਨ। ਉਹਨਾਂ 1968 ਦੀਆਂ ਮੈਕਸੀਕੋ ਤੇ 1972 ਦੀਆਂ ਮਿਊਜ਼ਿਕ ਓਲੰਪਿਕਸ ਵਿਚ ਭਾਰਤ ਦੀ ਪ੍ਰਤੀਨਿਧਤਾ ਕੀਤੀ ਸੀ। ਉਹ ਅਰਜੁਨ ਐਵਾਰਡੀ ਸਨ ਤੇ ਬੀ ਐੱਸ ਐੱਫ਼ ਵਿਚ ਡਿਪਟੀ ਕਮਾਡੈਂਟ ਵੀ ਰਹੇ ਸਨ। ਖੇਡਾਂ ਦੀ ਦੁਨੀਆ ‘ਚ ਨਾਮ ਕਮਾਉਣ ਤੋਂ ਬਾਅਦ ਉਨ੍ਹਾਂ ਨੇ ਬਾਰਡਰ ਸਕਿਓਰਿਟੀ ਫੋਰਸ ‘ਚ ਨੌਕਰੀ ਵੀ ਕੀਤੀ।
ਕੌਣ ਬਣੇਗਾ ਮੁੱਖ ਮੰਤਰੀ ? ਕੀ ਭਗਵੰਤ ਮਾਨ ਤੇ ਚੰਨੀ ਦਾ ਪਵੇਗਾ ਪੇਚਾ ? Comment ਤੇ CALL ਕਰਕੇ ਦਿਓ ਆਪਣੀ ਰਾਇ
ਫਿਰ ਜਦੋਂ ਪ੍ਰਵੀਨ ਕੁਮਾਰ ਸੋਬਤੀ ਨੇ ਅਦਾਕਾਰੀ ਦੀ ਦੁਨੀਆ ਵਿੱਚ ਕਦਮ ਰੱਖਿਆ ਤਾਂ ਫਿਰ ਉਨ੍ਹਾਂ ਨੇ ਕਦੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ। ਦੱਸਿਆ ਜਾਂਦਾ ਹੈ ਕਿ ਪ੍ਰਵੀਨ ਕੁਮਾਰ ਸੋਬਤੀ ਨੇ ਪਿੱਠ ਦਰਦ ਦੀ ਸ਼ਿਕਾਇਤ ਕਾਰਨ ਖੇਡਾਂ ਦੀ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ ਸੀ। ਪ੍ਰਵੀਨ ਕੁਮਾਰ ਸੋਬਤੀ ਨੇ ਛੋਟੇ ਅਤੇ ਵੱਡੇ ਪਰਦੇ ਦੇ ਦਰਸ਼ਕਾਂ ਵਿੱਚ ਥੋੜ੍ਹੇ ਸਮੇਂ ਵਿੱਚ ਹੀ ਪ੍ਰਸਿੱਧੀ ਹਾਸਲ ਕਰ ਲਈ ਸੀ।
