ਚੰਡੀਗੜ੍ਹ, 11 ਮਾਰਚ 2026 : ਬਹਿਰੀਨ (Bahrain) ਸਥਿਤ ਇਕ ਫਾਰਮਾਸਿਊਟੀਕਲ ਕੰਪਨੀ ਵਲੋਂ ਚੰਡੀਗੜ੍ਹ ਸਥਿਤ ਇਕ ਫਾਰਮਾਸਿਊਟੀਕਲ ਕੰਪਨੀ (Pharmaceutical company) ਤੋਂ ਪਰਸ਼ੀਅਨ ਬਲੂ ਕੈਪਸੂਲ ਬਾਰੇ ਜਾਣਕਾਰੀ ਮੰਗੀ ਗਈ ਹੈ ।
ਕੀ ਦੱਸਿਆ ਕੰਪਨੀ ਦੇ ਡਾਇਰੈਕਟਰ ਨੇ
ਮਿਲੀ ਜਾਣਕਾਰੀ ਮੁਤਾਬਕ ਬਹਿਰੀਨ ਸਥਿਤ ਜੋ ਇਕ ਫਾਰਮਾਸਿਊਟੀਕਲ ਸੰਪਰਕ ਏਜੰਟੇ ਚੰਡੀਗੜ੍ਹ ਸਥਿਤ ਇਕ ਫਾਰਮਾਸਿਊਟੀਕਲ ਕੰਪਨੀ ਨਾਲ ਸੰਪਰਕ ਕਰਕੇ ਪਰਸ਼ੀਅਨ ਬਲੂ ਕੈਪਸੂਲ (Persian Blue Capsules) ਬਾਰੇ ਜਾਣਕਾਰੀ ਮੰਗੀ ਹੈ ਸਬੰਧੀ ਜਾਣਕਾਰੀ ਦਿੰਦਿਆਂ ਕੰਪਨੀ ਦੇ ਡਾਇਰੈਕਟਰ ਡਾ. ਵੈਸ਼ਾਲੀ ਅਗਰਵਾਲ ਦੇ ਮੁਤਾਬਕ ਚਰਚਾਵਾਂ ਚੱਲ ਰਹੀਆਂ ਹਨ । ਏਜੰਟ ਇਸ ਸਮੇਂ ਦੇਸ਼ ਦੇ ਸਿਹਤ ਮੰਤਰਾਲੇ ਨਾਲ ਇਸ ਮਾਮਲੇ ‘ਤੇ ਚਰਚਾ ਕਰ ਰਿਹਾ ਹੈ ।
ਉਨ੍ਹਾਂ ਕਿਹਾ ਕਿ ਜੇਕਰ ਸਮਝੌਤਾ ਅੰਤਿਮ ਰੂਪ ਦੇ ਦਿੱਤਾ ਜਾਂਦਾ ਹੈ ਤਾਂ ਇਹ ਦਵਾਈਆਂ ਬਹਿਰੀਨ, ਕੁਵੈਤ, ਕਤਰ ਅਤੇ ਜਾਰਡਨ ਵਰਗੇ ਖਾੜੀ ਦੇਸ਼ਾਂ ਨੂੰ ਸਪਲਾਈ ਕੀਤੀਆਂ ਜਾ ਸਕਦੀਆਂ ਹਨ।ਦੱਸਣਯੋਗ ਹੈ ਕਿ ਕੈਪਸੂਲ ਦੀ ਅਜਿਹੀ ਜਾਣਕਾਰੀ ਮੰਗ ਤੋਂ ਸਾਫ ਪਤਾ ਚੱਲਦਾ ਹੈ ਕਿ ਅਮਰੀਕਾ-ਈਰਾਨ ਤਣਾਅ ਦੇ ਵਿਚਾਲੇ ਖਾੜੀ ਦੇਸ਼ਾਂ ਨੇ ਸੰਭਾਵੀ ਪ੍ਰਮਾਣੂ ਐਮਰਜੈਂਸੀ ਨਾਲ ਨਜਿੱਠਣ ਲਈ ਤਿਆਰੀਆਂ ਤੇਜ਼ ਕਰ ਦਿੱਤੀਆਂ ਹਨ ।
ਬਹਿਰੀਨ ਤੋਂ ਏਜੰਟ ਨੇ ਕੰਪਨੀ ਤੋਂ ਕੀ ਪੁੱਛਿਆ
ਮਿਲੀ ਜਾਣਕਾਰੀ ਮੁਤਾਬਕ ਬਹਿਰੀਨ ਸਥਿਤ ਜਿਸ ਫਾਰਮਾਸਿਊਟੀਕਲ ਕੰਪਨੀ ਦੇ ਸੰਪਰਕ ਏਜੰਟ ਨੇ ਚੰਡੀਗੜ੍ਹ ਸਥਿਤ ਜੋ ਇਕ ਫਾਰਮਾਸਿਊਟੀਕਲ ਕੰਪਨੀ ਨਾਲ ਗੱਲਬਾਤ ਕੀਤੀ ਤਾਂ ਏਜੰਟ ਨੇ ਕੰਪਨੀ ਤੋਂ ਪੁੱਛਿਆ ਕਿ ਕੀ ਇਹ 1 ਕਰੋੜ ਕੈਪਸੂਲ (1 crore capsules) ਬਣਾਉਣ ਦੇ ਸਮਰੱਥ ਹੈ । ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਵੱਖ-ਵੱਖ ਉਮਰ ਸਮੂਹਾਂ ਲਈ ਲੋੜੀਂਦੀਆਂ ਖੁਰਾਕਾਂ ਦੀ ਗਿਣਤੀ ਅਤੇ ਉਤਪਾਦਨ ਸਮਰੱਥਾ ਵਰਗੇ ਸਵਾਲ ਵੀ ਪੁੱਛੇ ।
ਕੀ ਹੈ ਇਹ ਪਰਸ਼ੀਅਨ ਬਲੂ ਕੈਪਸੂਲ
ਫਾਰਮਾਸਿਊਟੀਕਲ ਕੰਪਨੀ ਵਲੋਂ ਜਿਨ੍ਹਾਂ ਪਰਸ਼ੀਅਨ ਬਲੂ ਕੈਪਸੂਲਾਂ ਬਾਰੇ ਗੱਲਬਾਤ ਕੀਤੀ ਗਈ ਹੈ ਇਹ ਇੱਕ ਮਹੱਤਵਪੂਰਨ ਦਵਾਈ (Important medicine) ਹੈ ਜੋ ਪ੍ਰਮਾਣੂ ਹਮਲੇ ਜਾਂ ਰੇਡੀਓਲੌਜੀਕਲ ਆਫ਼ਤ ਦੌਰਾਨ ਵਰਤੀ ਜਾਂਦੀ ਹੈ । ਇਹ ਸਰੀਰ ‘ਚ ਦਾਖਲ ਹੋਏ ਸੀਜ਼ੀਅਮ-137 ਅਤੇ ਥੈਲੀਅਮ ਵਰਗੇ ਰੇਡੀਓਐਕਟਿਵ ਤੱਤਾਂ ਦੇ ਪ੍ਰਭਾਵਾਂ ਨੂੰ ਘਟਾਉਂਦੀ ਹੈ । ਇਹ ਕੈਪਸੂਲ ਅੰਤੜੀਆਂ ‘ਚ ਇਹਨਾਂ ਰੇਡੀਓਐਕਟਿਵ ਤੱਤਾਂ ਨਾਲ ਜੁੜਦਾ ਹੈ ਅਤੇ ਉਹਨਾਂ ਨੂੰ ਮਲ ਰਾਹੀਂ ਬਾਹਰ ਕੱਢਣ ਵਿਚ ਮਦਦ ਕਰਦਾ ਹੈ ।
ਡਬਲਿਊ. ਐਚ. ਓ. ਨੇ ਇਸਨੂੰ ਕਿਹੜੀਆਂ ਦਵਾਈਆਂ ਦੀ ਸੂਚੀ ਵਿਚ ਕੀਤਾ ਹੈ ਸ਼ਾਮਲ
ਵਿਸ਼ਵ ਸਿਹਤ ਸੰਗਠਨ ਨੇ ਇਸਨੂੰ ਰੇਡੀਓਲੌਜੀਕਲ ਅਤੇ ਨਿਊਕਲੀਅਰ ਐਮਰਜੈਂਸੀ ਵਿਚ ਵਰਤੀਆਂ ਜਾਣ ਵਾਲੀਆਂ ਜ਼ਰੂਰੀ ਦਵਾਈਆਂ ਦੀ ਸੂਚੀ ਵਿਚ ਸ਼ਾਮਲ ਕੀਤਾ ਹੈ । ਇਹ ਦਵਾਈ ਪਹਿਲਾਂ ਹੀ ਅਮਰੀਕਾ ਅਤੇ ਯੂਰਪ ਵਿਚ ਤਿਆਰ ਕੀਤੀ ਜਾ ਚੁੱਕੀ ਹੈ, ਜਦੋਂ ਕਿ ਭਾਰਤ ਵਿੱਚ ਇਸਦਾ ਵਪਾਰਕ ਉਤਪਾਦਨ ਲਗਭਗ ਦੋ ਸਾਲ ਪਹਿਲਾਂ ਸ਼ੁਰੂ ਹੋਇਆ ਸੀ । ਭਾਰਤੀ ਕੰਪਨੀਆਂ ਨੂੰ ਇਸਦਾ ਨਿਰਮਾਣ ਅਤੇ ਮਾਰਕੀਟਿੰਗ ਕਰਨ ਲਈ ਲਾਇਸੈਂਸ ਦਿੱਤੇ ਹਨ । ਇਸ ਵਿੱਚ ਅਹਿਮਦਾਬਾਦ ਕੰਪਨੀ ਨੂੰ ਕੱਚਾ ਮਾਲ ਪ੍ਰਦਾਨ ਕਰਨ ਦੀ ਜਿ਼ੰਮੇਵਾਰੀ ਦਿੱਤੀ ਗਈ ਹੈ ਅਤੇ ਚੰਡੀਗੜ੍ਹ ਕੰਪਨੀ ਨੂੰ ਉਤਪਾਦਨ ਦੀ ਜਿੰਮੇਵਾਰੀ ਦਿੱਤੀ ਗਈ ਹੈ ।
Read More : ਮਰੀਜ਼ਾਂ ਨੂੰ Dolo ਦਵਾਈ ਲਿਖਵਾਉਣ ਲਈ ਖਰਚੇ ਕਰੋੜਾਂ ਰੁਪਏ ! ਜਾਂਚ ਦੇ ਘੇਰੇ ਵਿਚ ਕੰਪਨੀ
