Stree 2 ਦੇ choreographer ਜਾਨੀ ਮਾਸਟਰ ਤੋਂ ਨੈਸ਼ਨਲ ਅਵਾਰਡ ਲਿਆ ਗਿਆ ਵਾਪਸ, ਜਿਨਸੀ ਸ਼ੋਸ਼ਣ ਦੇ ਲੱਗੇ ਹਨ ਦੋਸ਼
ਨਾਬਾਲਗ ਸਹਾਇਕ ਨਾਲ ਬਲਾਤਕਾਰ ਕਰਨ ਦੇ ਦੋਸ਼ੀ ਜਾਨੀ ਮਾਸਟਰ ਤੋਂ ਬੈਸਟ ਕੋਰੀਓਗ੍ਰਾਫਰ ਦਾ ਨੈਸ਼ਨਲ ਐਵਾਰਡ ਵਾਪਸ ਲੈ ਲਿਆ ਗਿਆ ਹੈ। ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਨੇ ਐਤਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਲੜਕੀ, ਜੋ ਉਸ ਦੀ ਸਹਾਇਕ ਸੀ, ਨੇ 15 ਸਤੰਬਰ ਨੂੰ ਤੇਲੰਗਾਨਾ ਦੇ ਸਾਈਬਰਾਬਾਦ ਰਾਏਦੂਰਗਾਮ ਥਾਣੇ ਵਿੱਚ ਜਾਨੀ ਦੇ ਖਿਲਾਫ FIR ਦਰਜ ਕਰਵਾਈ ਸੀ।
ਸਤਰੀ 2 ਦੇ ਗੀਤ ‘ਆਏ ਨਹੀਂ’ ਦੀ ਕੀਤੀ ਕੋਰੀਓਗ੍ਰਾਫੀ
ਜਾਨੀ ਮਾਸਟਰ ਨੂੰ ਸਾਲ 2022 ‘ਚ ਰਿਲੀਜ਼ ਹੋਈ ਧਨੁਸ਼ ਦੀ ਫਿਲਮ ‘ਤਿਰੁਚਿਥਰਮਬਲਮ’ ਦੇ ਗੀਤ ‘ਮੇਘਮ ਕਰੂਕਥਾ’ ਦੇ ਡਾਂਸ ਦੀ ਕੋਰੀਓਗ੍ਰਾਫੀ ਲਈ ਰਾਸ਼ਟਰੀ ਪੁਰਸਕਾਰ ਦਿੱਤਾ ਗਿਆ ਸੀ। ਉਨ੍ਹਾਂ ਨੇ ਸਤੀਸ਼ ਕ੍ਰਿਸ਼ਨਨ ਨਾਲ ਇਸ ਗੀਤ ਦੀ ਕੋਰੀਓਗ੍ਰਾਫੀ ਕੀਤੀ ਹੈ। ਉਸਨੇ ਸਤਰੀ 2 ਦੇ ਗੀਤ ‘ਆਏ ਨਹੀਂ’ ਅਤੇ ਪੁਸ਼ਪਾ ਦੇ ਗੀਤ ‘ਸ਼੍ਰੀਵੱਲੀ’ ਦੀ ਕੋਰੀਓਗ੍ਰਾਫੀ ਵੀ ਕੀਤੀ ਹੈ।
ਆਪਣੇ ਘਰ ‘ਚ ਵੀ ਕਈ ਵਾਰ ਕੀਤੀ ਬਦਸਲੂਕੀ
ਜਾਨੀ ਮਾਸਟਰ ਦੇ ਖਿਲਾਫ ਕੇਸ ਦਰਜ ਕਰਵਾਉਣ ਵਾਲੀ ਲੜਕੀ ਦਾ ਦੋਸ਼ ਹੈ ਕਿ ਉਸਨੇ ਚੇਨਈ, ਮੁੰਬਈ ਅਤੇ ਹੈਦਰਾਬਾਦ ਵਿੱਚ ਵੱਖ-ਵੱਖ ਪ੍ਰੋਜੈਕਟਾਂ ਦੀ ਸ਼ੂਟਿੰਗ ਦੌਰਾਨ ਉਸਦਾ ਜਿਨਸੀ ਸ਼ੋਸ਼ਣ ਕੀਤਾ। ਉਸ ਨੇ ਹੈਦਰਾਬਾਦ ਸਥਿਤ ਆਪਣੇ ਘਰ ‘ਚ ਵੀ ਕਈ ਵਾਰ ਉਸ ਨਾਲ ਬਦਸਲੂਕੀ ਕੀਤੀ। ਲੜਕੀ ਨੇ ਆਪਣੀ ਸ਼ਿਕਾਇਤ ‘ਚ ਦੱਸਿਆ ਕਿ ਉਸ ਦੀ ਮੁਲਾਕਾਤ ਜਾਨੀ ਮਾਸਟਰ ਨਾਲ ਸਾਲ 2017 ‘ਚ ਇਕ ਸਮਾਗਮ ‘ਚ ਹੋਈ ਸੀ। ਦੋ ਸਾਲ ਬਾਅਦ, ਜਾਨੀ ਨੇ ਉਸਨੂੰ ਆਪਣੀ ਸਹਾਇਕ ਕੋਰੀਓਗ੍ਰਾਫਰ ਦੀ ਨੌਕਰੀ ਦੀ ਪੇਸ਼ਕਸ਼ ਕੀਤੀ, ਜੋ ਉਸਨੇ ਸਵੀਕਾਰ ਕਰ ਲਈ।
ਜਾਨੀ ਅਤੇ ਉਸਦੀ ਪਤਨੀ ਨੇ ਕੀਤੀ ਕੁੱਟਮਾਰ
ਇਸ ਤੋਂ ਬਾਅਦ ਮੁੰਬਈ ‘ਚ ਇਕ ਸ਼ੋਅ ਦੌਰਾਨ ਜਾਨੀ ਨੇ ਹੋਟਲ ‘ਚ ਉਸ ਦਾ ਜਿਨਸੀ ਸ਼ੋਸ਼ਣ ਕੀਤਾ। ਲੜਕੀ ਦਾ ਦੋਸ਼ ਹੈ ਕਿ ਇਸ ਤੋਂ ਬਾਅਦ ਜਾਨੀ ਉਸ ਨੂੰ ਡਰਾ ਧਮਕਾ ਕੇ ਉਸਦਾ ਸ਼ੋਸ਼ਣ ਕਰਦਾ ਰਿਹਾ। ਉਹ ਉਸ ‘ਤੇ ਵਿਆਹ ਲਈ ਲਗਾਤਾਰ ਦਬਾਅ ਬਣਾ ਰਹੇ ਸਨ। ਇੰਨਾ ਹੀ ਨਹੀਂ, ਉਹ ਇੱਕ ਵਾਰ ਉਸਨੂੰ ਆਪਣੇ ਘਰ ਲੈ ਗਏ ਜਿੱਥੇ ਜਾਨੀ ਅਤੇ ਉਸਦੀ ਪਤਨੀ (ਆਇਸ਼ਾ) ਨੇ ਉਸਦੀ ਕੁੱਟਮਾਰ ਕੀਤੀ।
ਇਹ ਮੁੱਦਾ ਸਭ ਤੋਂ ਪਹਿਲਾਂ ਤੇਲੰਗਾਨਾ ਵੂਮੈਨ ਸੇਫਟੀ ਵਿੰਗ (WSW) ਦੀ ਡੀਜੀ ਸ਼ਿਖਾ ਗੋਇਲ ਨੇ ਉਠਾਇਆ ਸੀ। ਉਸਨੇ ਹੀ ਪੀੜਤਾ ਨੂੰ ਪੁਲਿਸ ਸ਼ਿਕਾਇਤ ਦਰਜ ਕਰਵਾਉਣ ਦਾ ਸੁਝਾਅ ਦਿੱਤਾ ਸੀ। ਇਸ ਤੋਂ ਪਹਿਲਾਂ ਵੀ 2015 ‘ਚ ਜਾਨੀ ਝਗੜੇ ਕਾਰਨ 6 ਮਹੀਨੇ ਲਈ ਜੇਲ ਜਾ ਚੁੱਕਾ ਸੀ।
6 ਤੋਂ 10 ਅਕਤੂਬਰ ਤੱਕ ਜ਼ਮਾਨਤ ਦਿੱਤੀ
ਪੁਲਿਸ ਨੇ 15 ਸਤੰਬਰ ਨੂੰ ਪੋਕਸੋ ‘ਤੇ ਮਾਮਲਾ ਦਰਜ ਕੀਤਾ ਸੀ ਅਤੇ ਜਾਨੀ ਨੂੰ 19 ਸਤੰਬਰ ਨੂੰ ਗੋਆ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਉਸ ਨੂੰ 20 ਸਤੰਬਰ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ ਸੀ। ਉਦੋਂ ਤੋਂ ਉਹ ਹੈਦਰਾਬਾਦ ਦੀ ਚੰਚਲਗੁੜਾ ਕੇਂਦਰੀ ਜੇਲ੍ਹ ਵਿੱਚ ਬੰਦ ਹੈ। ਜਾਨੀ ਨੇ 8 ਅਕਤੂਬਰ ਨੂੰ ਹੋਣ ਵਾਲੇ ਨੈਸ਼ਨਲ ਐਵਾਰਡ ਸਮਾਰੋਹ ਲਈ ਜ਼ਮਾਨਤ ਦੀ ਮੰਗ ਕੀਤੀ ਸੀ। ਅਦਾਲਤ ਨੇ ਕੋਰੀਓਗ੍ਰਾਫਰ ਨੂੰ 6 ਤੋਂ 10 ਅਕਤੂਬਰ ਤੱਕ ਜ਼ਮਾਨਤ ਦੇ ਦਿੱਤੀ ਹੈ। ਇਸ ਦੌਰਾਨ, ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਦੇ ਰਾਸ਼ਟਰੀ ਫਿਲਮ ਪੁਰਸਕਾਰ ਸੈੱਲ ਨੇ ਜਾਨੀ ਦੇ ਪੁਰਸਕਾਰ ਸਮਾਰੋਹ ਦੇ ਸੱਦੇ ਨੂੰ ਮੁਅੱਤਲ ਕਰਨ ਦਾ ਐਲਾਨ ਕੀਤਾ।
ਇਹ ਵੀ ਪੜ੍ਹੋ : ਪੰਜਾਬ ਵਿਚ ਵੀ ਬਦਲੇਗਾ ਮੌਸਮ, ਠੰਢ ਨੂੰ ਲੈ ਕੇ IMD ਨੇ ਦਿੱਤੀ ਅਪਡੇਟ
ਜੁਰਮ ਕੀਤਾ ਕਬੂਲ
ਇਸ ਸਾਲ ਸਤੰਬਰ ‘ਚ ਜਾਨੀ ਦੇ ਖਿਲਾਫ ਉਸ ਦੀ ਹੀ 21 ਸਾਲਾ ਸਹਾਇਕ ਕੋਰੀਓਗ੍ਰਾਫਰ ਨੇ ਜਿਨਸੀ ਸ਼ੋਸ਼ਣ ਦਾ ਮਾਮਲਾ ਦਰਜ ਕਰਵਾਇਆ ਸੀ। ਸਹਾਇਕ ਨੇ ਦੋਸ਼ ਲਾਇਆ ਕਿ ਜਾਨੀ ਪਿਛਲੇ ਕਈ ਸਾਲਾਂ ਤੋਂ ਉਸ ਦਾ ਸ਼ੋਸ਼ਣ ਕਰ ਰਿਹਾ ਸੀ। ਇਸ ਤੋਂ ਬਾਅਦ 19 ਸਤੰਬਰ ਨੂੰ ਸਾਈਬਰਾਬਾਦ ਪੁਲਸ ਨੇ ਜਾਨੀ ਨੂੰ ਗੋਆ ਤੋਂ ਗ੍ਰਿਫਤਾਰ ਕੀਤਾ ਸੀ। ਪੁੱਛਗਿੱਛ ਦੌਰਾਨ ਜਾਨੀ ਨੇ ਆਪਣਾ ਜੁਰਮ ਕਬੂਲ ਕਰ ਲਿਆ ਸੀ।
