ਸੌਰਵ ਘੋਸਾਲ ਦੀ ਅਗਵਾਈ ਵਾਲੀ ਭਾਰਤੀ ਪੁਰਸ਼ ਟੀਮ ਨੇ ਏਸ਼ਿਆਈ ਸਕੁਐਸ਼ ਟੀਮ ਚੈਂਪੀਅਨਸ਼ਿਪ ਦੇ ਫਾਈਨਲ ਵਿੱਚ ਕੁਵੈਤ ਨੂੰ 2-0 ਨਾਲ ਹਰਾ ਕੇ ਆਪਣਾ ਪਹਿਲਾ ਸੋਨ ਤਗ਼ਮਾ ਜਿੱਤਿਆ। ਸਟਾਰ ਖਿਡਾਰੀ ਘੋਸ਼ਾਲ ਨੇ ਭਾਰਤ ਦੀ ਜਿੱਤ ਤੈਅ ਕੀਤੀ। ਇਸ ਤੋਂ ਪਹਿਲਾਂ ਰਮਿਤ ਟੰਡਨ ਨੇ ਅਲੀ ਅਰਾਮਜੀ ਨੂੰ 11-5, 11-7, 11-4 ਨਾਲ ਹਰਾ ਕੇ ਭਾਰਤ ਨੂੰ ਬੜ੍ਹਤ ਦਿਵਾਈ।
ਘੋਸ਼ਾਲ ਨੇ ਅੰਮਰ ਅਲਤਾਮਿਮੀ ਨੂੰ 11-9, 11-2 ਅਤੇ 11-3 ਨਾਲ ਹਰਾਇਆ। ਅਭੈ ਸਿੰਘ ਅਤੇ ਫਲਾਹ ਮੁਹੰਮਦ ਵਿਚਾਲੇ ਤੀਜਾ ਮੈਚ ਖੇਡਣ ਦੀ ਲੋੜ ਨਹੀਂ ਸੀ। ਭਾਰਤੀ ਟੀਮ ਨੇ ਪਿਛਲੇ ਦੋ ਸੈਸ਼ਨਾਂ ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤਿਆ ਸੀ। ਚੋਟੀ ਦਾ ਦਰਜਾ ਪ੍ਰਾਪਤ ਭਾਰਤੀ ਟੀਮ ਨੇ ਪੂਲ ਏ ‘ਚ ਕਤਰ, ਪਾਕਿਸਤਾਨ, ਕੁਵੈਤ, ਦੱਖਣੀ ਕੋਰੀਆ ਅਤੇ ਚੀਨੀ ਤਾਈਪੇ ਨੂੰ ਹਰਾ ਕੇ ਸੈਮੀਫਾਈਨਲ ‘ਚ ਮਲੇਸ਼ੀਆ ਨੂੰ 2-1 ਨਾਲ ਹਰਾ ਦਿੱਤਾ ਸੀ।
