ਵੀਡੀਓ ਸਟਰੀਮਿੰਗ ਪਲੇਟਫਾਰਮ ਨੈੱਟਫਲਿਕਸ ਨੇ ਇਕੱਠੀਆਂ 5 ਨਵੀਆਂ ਮੋਬਾਇਲ ਗੇਮਾਂ ਲਾਂਚ ਕੀਤੀਆਂ ਹਨ ਇਨ੍ਹਾਂ ਗੇਮਾਂ ਨੂੰ ਪਹਿਲਾਂ ਐਂਡਰਾਇਡ ਯੂਜ਼ਰਸ ਲਈ ਉਪਲੱਬਧ ਕਰਵਾ ਦਿੱਤਾ ਗਿਆ ਸੀ ਅਤੇ ਹੁਣ ਇਨ੍ਹਾਂ ਗੇਮਾਂ ਦਾ ਆਈ.ਓ.ਐੱਸ. ਯੂਜ਼ਰਸ ਵੀ ਮਜ਼ਾ ਲੈ ਸਕਦੇ ਹਨ। ਆਸਾਨ ਸ਼ਬਦਾਂ ’ਚ ਕਹੀਏ ਤਾਂ ਐਂਡਰਾਇਡ ਅਤੇ ਆਈ.ਓ.ਐੱਸ. ਦੋਵੇਂ ਯੂਜ਼ਰਸ ਹੁਣ ਨੈੱਟਫਲਿਕਸ ’ਤੇ ਵੀਡੀਓ ਵੇਖਣ ਦੇ ਨਾਲ-ਨਾਲ ਗੇਮ ਖੇਡਣ ਦਾ ਵੀ ਮਜ਼ਾ ਲੈ ਸਕਦੇ ਹਨ।
ਹੁਣ ਪੂਰੀ ਦੁਨੀਆਂ ’ਚ ਨੈੱਟਫਲਿਕਸ ਯੂਜ਼ਰਸ ਇਨ੍ਹਾਂ ਨਵੀਆਂ ਮੋਬਾਇਲ ਗੇਮਾਂ ਨੂੰ ਖੇਡ ਸਕਦੇ ਹਨ। ਇਨ੍ਹਾਂਦੇ ਨਾਂ ਹਨ…
– Stranger Things: 1984 (BonusXP)
– Stranger Things 3: The Game (BonusXP)
– Shooting Hoops (Frosty Pop)
– Card Blast (Amuzo & Rogue Games)
– Teeter Up (Frosty Pop)
ਜਾਣਕਾਰੀ ਲਈ ਦੱਸ ਦੇਈਏ ਕਿ ਨੈੱਟਫਲਿਕਸ ਐਪ ’ਚ ਹੁਣ ਤੁਹਾਨੂੰ ਨਵੀਂ ਟੈਬ ਵਿਖਾਈ ਦੇਵੇਗੀ ਜੋ ਕਿ ਗੇਮਾਂ ਦੀ ਹੋਵੇਗੀ। ਉਸ ਟੈਬ ’ਤੇ ਕਲਿੱਕ ਕਰਨ ਤੋਂ ਬਾਅਦ ਤੁਹਾਨੂੰ ਗੇਮਾਂ ਦਿੱਖ ਜਾਣਗੀਆਂ। ਨੈੱਟਫਲਿਕਸ ਨੇ ਕਿਹਾ ਹੈ ਕਿ ਗੇਮਿੰਗ ਦੌਰਾਨ ਕਿਸੇ ਵੀ ਯੂਜ਼ਰ ਨੂੰ ਕੋਈ ਵੀ ਵਿਗਿਆਪਨ ਨਹੀਂ ਵਿਖਾਏ ਜਾਣਗੇ। ਫਿਲਹਾਲ ਨੈੱਟਫਲਿਕਸ ਦੀਆਂ ਇਨ੍ਹਾਂ ਗੇਮਾਂ ਨੂੰ ਐਡਲਟ ਹੀ ਖੇਡ ਸਕਦੇ ਹਨ।
