ਨਵੀਂ ਦਿੱਲੀ, 13 ਫਰਵਰੀ 2026 : ਭਾਰਤ ਦੇਸ਼ ਦੀ ਸਰਵਉਚ ਤੇ ਮਾਨਯੋਗ ਸੁਪਰੀਮ ਕੋਰਟ (Supreme Court) ਨੇ ਫਿ਼ਲਮ ਘੂਸਖੋਰ ਪੰਡਤ ਦਾ ਨਾਮ ਬਦਲਣ ਵਾਲੇ ਮਾਮਲੇ ਵਿਚ ਆਪਣੀ ਦੋ ਟੁੱਕ ਸੁਣਾ ਦਿੱਤੀ ਹੈ ।
ਕੀ ਆਖਿਆ ਹੈ ਸੁਪਰੀਮ ਕਰਟ ਨੇ
ਮਿਲੀ ਜਾਣਕਾਰੀ ਅਨੁਸਾਰ ਸੁਪਰੀਮ ਕੋਰਟ ਨੇ `ਘੁਸਖੋਰ ਪੰਡਿਤ’ (Ghooskhor Pandit) ਫਿਲਮ ਦੇ ਨਾਂ ‘ਤੇ ਨਾਰਾਜ਼ਗੀ ਪ੍ਰਗਟਾਉਂਦੇ ਹੋਏ ਨਿਰਮਾਤਾ ਨੀਰਜ ਪਾਂਡੇ ਨੂੰ ਕਿਹਾ ਹੈ ਕਿ ਤੁਸੀਂ ਇਸ ਤਰ੍ਹਾਂ ਦੇ ਨਾਮ ਦੀ ਵਰਤੋਂ ਕਰ ਕੇ ਸਮਾਜ ਦੇ ਕਿਸੇ ਵਰਗ ਦਾ ਅਪਮਾਨ ਨਹੀਂ ਕਰ ਸਕਦੇ । ਸੁਪਰੀਮ ਕੋਰਟ ਨੇ ਕਿਹਾ ਹੈ ਕਿ ਜਦੋਂ ਤੱਕ ਤੁਸੀਂ ਸਾਨੂੰ ਬਦਲਿਆ ਹੋਇਆ ਨਾਮ ਨਹੀਂ ਦੱਸਦੇ, ਅਸੀਂ ਤੁਹਾਨੂੰ ਫਿਲਮ ਰਿਲੀਜ਼ (Movie release) ਕਰਨ ਦੀ ਇਜਾਜ਼ਤ ਨਹੀਂ ਦੇਵਾਂਗੇ ।
ਪ੍ਰਗਟਾਵੇ ਦੀ ਆਜਾਦੀ ਵੱਖਰੀ ਗੱਲ ਪਰ ਕਿਸੇ ਨੂੰ ਵੀ ਅਪਮਾਨਤ ਕਰਨ ਦਾ ਅਧਿਕਾਰ ਨਹੀਂ : ਬੈਂਚ
ਅਦਾਲਤ ਨੇ ਓ. ਟੀ. ਟੀ. ਪਲੇਟਫਾਰਮ `ਨੈੱਟਫਲਿਕਸ`’ਤੇ ਮਨੋਜ ਬਾਜਪਾਈ ਦੀ ਐਕਟਿੰਗ ਵਾਲੀ ਫਿਲਮ ਦੀ ਰਿਲੀਜ਼ `ਤੇ ਰੋਕ ਲਾਏ ਜਾਣ ਸਬੰਧੀ ਪਟੀਸ਼ਨ (Petition) ਦੀ ਸੁਣਵਾਈ ਦੌਰਾਨ ਇਹ ਟਿੱਪਣੀ ਕੀਤੀ । ਜਸਟਿਸ ਬੀ. ਵੀ. ਨਾਗਰਤਨਾ ਤੇ ਜਸਟਿਸ ਉੱਜਵਲ ਭੂਈਆਂ ਦੀ ਬੈਂਚ ਨੇ ਫਿਲਮ ਖਿਲਾਫ਼ ਦਾਖਲ ਪਟੀਸ਼ਨ ‘ਤੇ ਸੂਚਨਾ ਤੇ ਪ੍ਰਸਾਰਣ ਮੰਤਰਾਲਾ, ਕੇਂਦਰੀ ਫਿਲਮ ਸਰਟੀਫਿਕੇਸ਼ਨ ਬੋਰਡ ਅਤੇ ਨੀਰਜ ਪਾਂਡੇ (Neeraj Pandey) ਨੂੰ ਨੋਟਿਸ ਜਾਰੀ ਕੀਤੇ । ਬੈਂਚ ਨੇ ਕਿਹਾ ਕਿ ਪ੍ਰਗਟਾਵੇ ਦੀ ਆਜ਼ਾਦੀ ਇਕ ਵੱਖਰੀ ਗੱਲ ਹੈ ਪਰ ਇਹ ਕਿਸੇ ਨੂੰ ਵੀ ਅਪਮਾਨਿਤ ਕਰਨ ਦਾ ਅਧਿਕਾਰ ਨਹੀਂ ਦਿੰਦੀ । ਅਦਾਲਤ ਨੇ ਪਾਂਡੇ ਨੂੰ ਇਹ ਹਲਫਨਾਮਾ ਦਾਇਰ ਕਰਨ ਦਾ ਹੁਕਮ ਦਿੱਤਾ ਕਿ ਫਿਲਮ `ਘੂਸਖੋਰ ਪੰਡਿਤ`ਸਮਾਜ ਦੇ ਕਿਸੇ ਵੀ ਵਰਗ ਨੂੰ ਅਪਮਾਨਿਤ ਨਹੀਂ ਕਰਦੀ ।
Read More : `ਘੁਸਖੋਰ ਪੰਡਿਤ’ ਨਾਮ ਬਦਲਣ ਸਬੰਧੀ ਨੈਟਫਲਿਕਸ ਨੇ ਦਿੱਤੀ ਹਾਈਕੋਰਟ ਨੂੰ ਜਾਣਕਾਰੀ
