ਧਰਮਸ਼ਾਲਾ : ਹਿਮਾਚਲ ਦੇ ਧਰਮਸ਼ਾਲਾ ‘ਚ ਮਾਨਸੂਨ ਦੀ ਬਾਰਿਸ਼ ਨੇ ਬਹੁਤ ਕਹਿਰ ਮਚਾਇਆ ਹੈ। ਯਾਤਰੀ ਖੇਤਰ ਭਾਗਸੂ ਨਾਗ ‘ਚ ਸੋਮਵਾਰ ਸਵੇਰੇ ਬੱਦਲ ਫਟਣ ਨਾਲ ਅਚਾਨਕ ਹੜ੍ਹ ਆ ਗਿਆ। ਦੇਖਦੇ ਹੀ ਦੇਖਦੇ ਇੱਕ ਛੋਟੇ ਜਿਹੇ ਨਾਲੇ ਨੇ ਨਦੀ ਦਾ ਰੂਪ ਧਾਰਨ ਕਰ ਲਿਆ ਅਤੇ ਇਸ ਦੌਰਾਨ ਕਈ ਲਗਜ਼ਰੀ ਵਾਹਨ ਪਾਣੀ ‘ਚ ਵਹਿ ਗਏ। ਦੱਸ ਦਈਏ ਕਿ ਇਸ ਨਾਲੇ ਦੇ ਨਾਲ ਕਈ ਹੋਟਲ ਵੀ ਲੱਗਦੇ ਹਨ।
ਬੱਦਲ ਫੱਟਣ ਨਾਲ ਇਨ੍ਹਾਂ ਹੋਟਲਾਂ ਨੂੰ ਵੀ ਨੁਕਸਾਨ ਪਹੁੰਚਿਆ ਹੈ। ਉਥੇ ਹੀ ਸਥਾਨਕ ਲੋਕ ਬੱਦਲ ਫਟਣ ਤੋਂ ਬਾਅਦ ਮਚੀ ਤਬਾਹੀ ਨਾਲ ਲੋਕ ਸਹਿਮੇ ਹੋਏ ਹਨ। ਇਸ ਘਟਨਾ ਦਾ ਵੀਡੀਓ ਵੀ ਸੋਸ਼ਲ ਮੀਡੀਆ ‘ਤੇ ਬਹੁਤ ਵਾਇਰਲ ਹੋ ਰਿਹਾ ਹੈ।
