UPSC Civil Services Exam 2021 ਦੇ 30 ਮਈ 2022 ਨੂੰ ਆਏ ਨਤੀਜਿਆਂ ਵਿੱਚੋਂ ਹਿੰਦੁਸਤਾਨ ਭਰ ਵਿਚੋਂ ਗਾਮਨੀ ਸਿੰਗਲਾ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਸੰਗਰੂਰ ਦੇ ਐਸ ਐੱਸ ਪੀ ਮਨਦੀਪ ਸਿੰਘ ਸਿੱਧੂ ਨੇ ਸੁਨਾਮ ਦੀ ਧੀ ਗਾਮਨੀ ਸਿੰਗਲਾ ਨੂੰ ਆਈ ਏ ਐੱਸ ਪ੍ਰੀਖਿਆ ਵਿਚ ਤੀਜੇ ਸਥਾਨ ’ਤੇ ਰਹਿਣ ਦੀ ਵਧਾਈ ਦਿੱਤੀ ਹੈ। ਇਕ ਸੋਸ਼ਲ ਮੀਡੀਆ ਪੋਸਟ ਵਿਚ ਸਿੱਧੂ ਨੇ ਕਿਹਾ ਕਿ ਸੁਨਾਮ ਦੇ ਸਵਰਗੀ ਮਾਸਟਰ ਤਰਸੇਮ ਸਿੰਗਲਾ ਦੀ ਪੋਤੀ ਗਾਮਨੀ ਸਿੰਗਲਾ ਪੁੱਤਰੀ ਡਾ. ਅਲੋਕ ਸਿੰਗਲਾ ਨੇ ਆਈ ਏ ਐੱਸ ਪ੍ਰੀਖਿਆ ਵਿਚ ਤੀਜਾ ਸਥਾਨ ਪ੍ਰਾਪਤ ਕਰ ਕੇ ਪੰਜਾਬ ਦਾ ਨਾਂ ਚਮਕਾਇਆ ਹੈ ਤੇ ਸੁਨਾਮ ਦਾ ਨਾਂ ਰੋਸ਼ਨ ਕੀਤਾ ਹੈ, ਪੰਜਾਬ ਦੀ ਇਸ ਮਾਣ ਮੱਤੀਂ ਧੀ ਗਾਮਨੀ ਸਿੰਗਲਾ ਨੁੰ ਬਹੁਤ ਬਹੁਤ ਮੁਬਾਰਕਬਾਦ, ਦਿਲੋਂ ਸਲਾਮ।
