ਨਵੀਂ ਦਿੱਲੀ: ਭਾਰਤੀ ਕ੍ਰਿਕੇਟ ਬੋਰਡ ਨੇ ਆਈਪੀਐਲ 2021 ਦੇ ਬਚੇ ਹੋਏ ਮੁਕਾਬਲਿਆਂ ਨੂੰ ਯੂਏਈ ਵਿੱਚ ਕਰਵਾਉਣ ਦਾ ਫੈਸਲਾ ਕੀਤਾ ਹੈ। ਇਸ ਗੱਲ ਦੀ ਜਾਣਕਾਰੀ ਬੀਸੀਸੀਆਈ ਦੇ ਉਪ-ਪ੍ਰਧਾਨ ਰਾਜੀਵ ਸ਼ੁਕਲਾ ਨੇ ਦਿੱਤੀ ਹੈ। ਬੀਸੀਸੀਆਈ ਦੀ ਸਪੈਸ਼ਲ ਜਨਰਲ ਮੀਟਿੰਗ ਵਿੱਚ ਇਸ ਸਬੰਧ ਵਿੱਚ ਫੈਸਲਾ ਲਿਆ ਗਿਆ। ਬੀਸੀਸੀਆਈ ਆਈਪੀਐਲ ਦੇ ਬਾਕੀ ਦੇ ਮੈਚਾਂ ਨੂੰ ਸਤੰਬਰ – ਅਕਤੂਬਰ ਵਿੱਚ ਕਰਵਾਉਣ ਦੀ ਤਿਆਰੀ ਵਿੱਚ ਹਨ।

ਆਈਪੀਐਲ 2021 ਦੇ ਬਾਕੀ ਬਚੇ ਮੈਚਾਂ ਦਾ ਆਗਾਜ਼ 19 ਜਾਂ 20 ਸਤੰਬਰ ਤੋਂ ਹੋ ਸਕਦਾ ਹੈ, ਉੱਥੇ ਹੀ ਫਾਈਨਲ ਮੈਚ ਯੂਏਈ ਵਿੱਚ 10 ਅਕਤੂਬਰ ਨੂੰ ਖੇਡਿਆ ਜਾਵੇਗਾ। ਆਈਪੀਐਲ 2021 ਦੇ ਬਾਕੀ ਮੈਚਾਂ ਦਾ ਆਗਾਜ਼ 19 ਜਾਂ 20 ਸਤੰਬਰ ਤੋਂ ਹੋ ਸਕਦਾ ਹੈ, ਉੱਥੇ ਹੀ ਫਾਈਨਲ ਮੈਚ ਯੂਏਈ ਵਿੱਚ 10 ਅਕਤੂਬਰ ਨੂੰ ਖੇਡਿਆ ਜਾਵੇਗਾ। ਬੀਸੀਸੀਆਈ ਟੀ20 ਵਿਸ਼ਵ ਕੱਪ ਦੇ ਬਾਰੇ ਵਿੱਚ ਅੰਤਮ ਫੈਸਲਾ ਲੈਣ ਲਈ ਆਈਸੀਸੀ ਤੋਂ ਜੁਲਾਈ ਤੱਕ ਦਾ ਸਮਾਂ ਮੰਗੇਗਾ। ਇਸ ਸਾਲ ਟੀ20 ਵਰਲਡ ਕੱਪ ਅਕਤੂਬਰ – ਨਵੰਬਰ ਵਿੱਚ ਭਾਰਤ ਵਿੱਚ ਪ੍ਰਸਤਾਵਿਤ ਹੈ। ਜੇਕਰ ਭਾਰਤ ਵਿੱਚ ਹਾਲਾਤ ਨਹੀਂ ਠੀਕ ਹੋਏ ਤਾਂ ਵਰਲਡ ਕੱਪ ਵੀ ਯੂਏਈ ਵਿੱਚ ਕਰਵਾਇਆ ਜਾ ਸਕਦਾ ਹੈ ।

ਕੋਰੋਨਾ ਮਹਾਂਮਾਰੀ ਦੇ ਚਲਦੇ ਆਈਪੀਐਲ 2020 ਵੀ ਯੂਏਈ ਵਿੱਚ ਹੀ ਖੇਡਿਆ ਗਿਆ ਸੀ। ਜ਼ਿਕਰਯੋਗ ਗੱਲ ਹੈ ਕਿ ਬਾਇਓ ਬਬਲ ਵਿੱਚ ਕਈ ਖਿਡਾਰੀਆਂ ਦੇ ਕੋਰੋਨਾ ਪਾਜਿਟਿਵ ਪਾਏ ਜਾਣ ਤੋਂ ਬਾਅਦ 4 ਮਈ ਨੂੰ ਬੋਰਡ ਨੇ ਇੰਡੀਅਨ ਪ੍ਰੀਮੀਅਰ ਲੀਗ ਦੇ 14ਵੇਂ ਸੀਜ਼ਨ ਨੂੰ ਅਣਮਿਥੇ ਸਮੇਂ ਲਈ ਰੱਦ ਕਰ ਦਿੱਤਾ ਸੀ।