ਅਮਲੋਹ : ਸ਼ੋੋਸ਼ਲ ਮੀਡੀਆ ਦੇ ਉੱਪਰ ਇਕ ਨਵੀਂ ਵਿਆਹੀ ਜੋੜੀ ਦੀਆਂ ਕੁਝ ਵੀਡੀਓਜ਼ ਅਤੇ ਤਸਵੀਰਾਂ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ। ਵੀਡੀਓਜ਼ ਅਤੇ ਤਸਵੀਰਾਂ ‘ਚ ਵਿਆਹ ਦੀਆਂ ਰਸਮਾਂ ਹੁੰਦੀਆਂ ਦਿਖਾਈ ਦੇ ਰਿਹਾ ਹਨ। ਸਭ ਕੁਝ ਆਮ ਵਿਆਹਾਂ ਵਰਗਾ ਹੋ ਰਿਹਾ ਪਰ ਖ਼ਾਸ ਇਹ ਹੈ ਕਿ ਨਵਾਂ ਵਿਆਹੇ ਜੋੜੇ ਨੂੰ ਦੇਖ ਕੇ ਤੁਸੀਂ ਵੀ ਇੱਕ ਵਾਰ ਸੋਚਣ ਨੂੰ ਮਜਬੂਰ ਹੋ ਜਾਓਗੇ। ਅਸਲ ‘ਚ ਵਿਆਹ ਕਰਵਾਉਣ ਵਾਲੇ ਲਾੜੇ ਦੀ ਉਮਰ 60-65 ਸਾਲ ਦੀ ਲੱਗ ਰਹੀ ਹੈ ਜਦ ਕਿ ਲਾੜੀ ਦੀ ਉਮਰ ਉਸ ਨਾਲੋਂ ਬਹੁਤ ਘੱਟ ਲੱਗਦੀ ਹੈ। ਇਨ੍ਹਾਂ ਵੀਡੀਓਜ਼ ਵਿੱਚ ਬਕਾਇਦਾ ਵਿਆਹ ਦੀਆਂ ਰਸਮਾਂ ਅਦਾ ਕੀਤੀਆਂ ਜਾ ਰਹੀਆਂ ਨੇ ਸੋਸ਼ਲ ਮੀਡੀਆ ਦੇ ਉੱਪਰ ਇਸ ਵਿਆਹ ਨੂੰ ਲੈ ਕੇ ਲੋਕਾਂ ਵੱਲੋਂ ਅਨੇਕਾਂ ਤਰ੍ਹਾਂ ਦੀਆਂ ਰਾਏ ਪੇਸ਼ ਕੀਤੀਆਂ ਜਾ ਰਹੀਆਂ ਹਨ। ਕੋਈ ਇਸ ਨੂੰ ਮਜ਼ਾਕ ‘ਚ ਸੱਚਾ ਪਿਆਰ ਦੱਸ ਰਿਹਾ ਹੈ ਅਤੇ ਕੋਈ ਕੁੜੀ ਦੀ ਮਜਬੂਰੀ ਕਹਿ ਰਿਹੈ।
ਪਰ ਅਸਲ ਮਾਮਲਾ ਇਹ ਕਿ ਉਸ ਆਦਮੀ ਦੀ ਉਮਰ 55-57 ਸਾਲ ਦੇ ਵਿੱਚ ਹੈ ਅਤੇ ਕੁੜੀ ਦੀ ਉਮਰ 37-40 ਸਾਲ ਦੇ ਵਿੱਚ ਹੈ। ਕੁੜੀ ਨੂੰ ਇੱਕ ਅੱਖ ਤੋਂ ਦਿੱਖਦਾ ਨਹੀਂ ਅਤੇ ਉਹ ਲੰਗੜੀ ਵੀ ਹੈ। ਦੱਸਿਆ ਗਿਆ ਹੈ ਕਿ ਉਹ ਪਹਿਲਾਂ ਵਿਆਹੀ ਹੋਈ ਸੀ ਅਤੇ ਘਰ ਤੋਂ ਵੀ ਬਹੁਤ ਗਰੀਬ ਹੈ।
